ভারতকী প্রধানমন্ত্রী

২০৩০ ফাওবগী মনুংদা মিসন নেত জিরো কার্বোন ইমিসন ফংনবা ভারত রেলৱেজগী মতেং পাংনবা ইন্তরনেসনেল দিবলপমেন্ত/ইন্দিয়া(য়ুএসএদ/ইন্দিয়া)গীদমক ভারত অমসুং য়ুনাইতেদ স্তেৎসকী মরক্তা মেমোরেন্দম ওফ অন্দরস্তেন্দিং (এম ও য়ু) অমা জুন ১৪, ২০২৩দা খুৎয়েক পীনখিবা অদু ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

রেলৱে সেক্তরদা খ্বাইদগী নৌবা অহোংবশিং অমসুং লৌশিং শরুক য়ামিন্ননবা অমসুং পীথোক-পীশিন তৌন্নবা ভারত রেলৱেগী মফম অমা এম.ও.য়ু অসিনা পীরে। অনৌবা থবকশিং পায়খৎপা, অৱাংবা থাক্কী ইনর্জি সোলুসনশিং অমসুং সিস্তেমশিং, রিজনেল ইনর্জি অমসুং মার্কেত ইন্তিগ্রেসন, প্রাইভেত সেক্তর শরুক য়াবা অমসুং শীজিন্নবা, রিনিউএবল ইনর্জি, ইনর্জি লিক্না শীজিন্নবগুম্বা হিরমশিংদা অখন্নবা তেক্নোলোজিগী ত্রেনিং অমসুং সেমিনার/ৱাকসোপ পাংথোক্নবগী খুদোংচাবশিং অমসুং অতোপ্পা লৌশিং শরুক য়ামিন্নবগী খুদোংচাবশিং এম.ও.য়ু অসিনা পীগনি।

রেলৱেজ প্লেতফোর্মশিংদা রুপতোপ সোলার থম্নবা য়ুএসএদ/ইন্দিয়ানা থবক পায়খৎলে।

ভারত রেলৱেজ অমসুং য়ুনাইতেদ স্তেৎস এজেন্সি ফোর ইন্তরনেসনেল দিবলপমেন্ত/ইন্দিয়ানা এম.ও.য়ু খুৎয়েক পীনখিবা অসিনা মখাগী য়ানবশিং অসিদা মশা মরোমদোম ওক্নবা ইনর্জি পুথোকপা ঙমহনগনি:

1. মখাগী মরুওইবা হিরমশিংদা নাকল অনিমক্না পুন্না থবক তৌমিন্নগনি:

1. ভারত রেলৱেজগী মৈখু চেন্দবা ইনর্জি য়াওনা অশাংবা মতমগী ইনর্জিগী থৌরাং
2. ভারত রেলৱেজগী শঙলেনশিংগীদমক ইনর্জি লিক্নবা শীজিন্ননবা থৌশিল অমসুং এক্সন প্লান অমা শেমগৎপা।
3. ভারত রেলৱেজগী নেত-জিরো ইমিসন ফংনবা মৈখু থাংদবা ইনর্জি লৈনবা থৌরাং
4. চৎন-কাংলোনশিং অমসুং থবক ওইনা পাংথোকপদা লৈরিবা খুদোংচাদবশিং কোকহন্নবা তেক্নিকেলগী মতেং পাংবা।
5. সিস্তেমগা চুনবা, পাক-চাউনা রিনিউএবল ইনর্জি লৈনবা বিদ দিজাইন অমসুং বিদ পাংথোক্নবা মতেং পাংবা।
6. ই-মোবিলিতি য়োকখৎনবা ভারত রেলৱেজ মতেং পাংবা।
7. মশক খঙদোক্লবা হিরমশিংদা থৌরমশিং, কনফরেন্সশিং অমসুং কেপাসিতি-বিল্দিং প্রোগ্রামশিং পুন্না পাংথোকমিন্নবা।

2. লৈবাক অমনা হেক্তা এম.ও.য়ু অসিগী মপুম ওইনা নত্ত্রগা শরুক অমা হন্না ইবা, শেমদোকপা নত্ত্রগা এমেন্দমেন্ত তৌনবা হায়জবা য়াই। শেমদোকপা নত্ত্রগা এমেন্দমেন্ত তৌখিবা লৈবাক অনিনা য়ানরবা অদু শেমদোক্লবা এম.ও.য়ুগী শরুক অমা ওইগনি। অসিগুম্বা অমুক হন্না ইবা, শেমদোকপা অদু নাকল অনিনা য়ানরবা তারিখ অমদগী চৎনবা হৌগনি।
3. খুৎয়েক পীনখিবা নুমিত্তগী এম.ও.য়ু অসি চৎনগনি অমসুং মসি চহি ৫ ফাওবা চৎনগনি নত্ত্রগা সাউথ এসিয়া রিজনেল ইনর্জি পার্তনরশিপ(সারেপ) লোইদ্রি ফাওবা চৎনগনি।

কান্নবা:

২০৩০ ফাওবগী মনুংদা মিসন নেত জিরো কার্বোন ইমিসন ফংনবা ভারত রেলৱেজগী মতেং পাংনবা এম.ও.য়ু অসি খুৎয়েক পীনবনি। ভারত রেলৱেজনা মপান লৈবাকশিংদগী পুশিল্লকপা দিজল অমসুং কোয়লাগী মখা পোনবা হন্থহনবদা এম.ও.য়ু অসিনা মতেং পাংগনি। রিনিউএবল ইনর্জি প্লান্তশিং থম্বনা লৈবাক অসিদা রিনিউএবল ইনর্জি তেক্নোলোজিগী অৱাৎপা মেনখৎকনি। মসিনা লমদম অসিগী মহৌশাগী অকোয়বগী ফিবম ফগৎহনবদা মতেং পাংগনি অমসুং লমদম অসিগী পোৎথোকশিং চাউখৎহনবদা ইনোৎ পীগনি।

চঙগদবা শেনফম :

এম.ও.য়ু অসিগী মখাদা তেক্নিকেলগী মতেং অদু সারেপকী মখাদা য়ুএসএদনা পীগনি। এম.ও.য়ু অসিদা মখল অমতগী ফন্দ পীনবগী ৱাফম য়াওদে। মসিদা ভারত রেলৱেজনা শেন পুথোকপগী ৱাফম অমতা য়াওদে।

****