ভারতকী প্রধানমন্ত্রী

অয়োধ্যাজীগী মীয়াম পুম্বদা ঐহাক্না খুরুমজরি! ঙসি মালেম পুম্নমক্না জনুৱারী 22গী পুৱারী ওইরবা মীকুপ অদু খৌরাংনা ঙাইরি। অসিগুম্বা ফীভম অসিদা অয়োধ্যাগী মীয়ামদা হরাও নুংঙাইবা পোকপা হায়বা অসি মহৌশানি। ঐহাক ভারত ইমাগী লৈপাক খুদিংমকপু থৌনিজবা মীশক অমনি অমসুং ভারতকী মীয়ামগুম্না ঐহাকপু খৌরাংবা পোকই। অয়োধ্যাগী অপুনবা সহরনা লম্বীদা থোরক্লবগুম্না ফাওই। ঐহাক্না মীনুংশি অমসুং থৌজাল অসিগীদমক ময়ামদা তৌবীমল খঙবা উৎচরি। ঐহাক্কা লোয়ননা হায়বূয়ু – সিয়াবর রাম চন্দ্র কী…জয়, সিয়াবর রাম চন্দ্র কী…জয়, সিয়াবর রাম চন্দ্র

কী…জয়!

উত্তর প্রদেশকী গবর্নর আন্দী বেন পতেল, মফম অসিগী মীয়াম্না য়াবা মুখ্য মন্ত্রী য়োগী আদিত্যনাথজী,

মন্ত্রী মন্দলগী ঐগী মরুপ জ্যোতিরাদিত্যজী, অশ্বিনী বৈশ্নোজী, বি কে হিংহজী, উত্তর প্রদেশকী দিপুতি সি এম কেশব প্রসাদ মৌর্য়া জী, বুজেশ পাথকজী, য়ুপি সরকারগী মন্ত্রীশিং, MP অমসুং MLAশিং অমসুং মশিং য়াম্না তিনবীরিবা ঐগী ইমুং মনুংগী মীওইশিং!

লৈবাক অসিগী পুৱারীদা দিসেম্বর 30 অসি য়াম্না মরু ওইবা তাং ওইরি। নুমিৎ অসিদা 1943দা নেতাজী সুভাশ চন্দ্র বোসনা অন্দামানদা ফিরাল চীংখৎখি অমসুং ভারতকী নীংতম্বা লাউথোকখি। নীংতম ইহৌগা মরী লৈনবা অসিগুম্বা য়াইফরবা নুমিৎ অসিদা ঙসি ঐখোয়না আজাদী কা অমৃতকালগী ফিরেপ মাংদা পুখৎলি। ঙসি চাউখৎপা ভারত অমা শেমগৎপগী খোঙজেল য়াংখৎহন্নবা কেম্পেন অসিনা অয়োধ্যা সহরদগী অনৌবা শক্তি ফংলি। ঙসি লুপা করোর লিশিং 15 হেনবগী চাউখৎ-থৌরাংগী থৌশিলশিং উরেপ-উয়ুং তমখি অমসুং শঙ্গাখি। ইনফ্রাস্ত্রকচরগা মরী লৈনবা থবকশিং অসিনা অমুক হন্না অয়োধ্যাবু লৈবাক অসিগী মেপ্তা চাউথোকচবা পোকপগা লোয়ননা হাপচিল্লগনি। খোঙথাংশিং অসি কোরোনাগুম্বা মালেমগী শিংনবা মরক্তা অয়োধ্যা মীয়াম্না কন্না হোৎনখিবগী ফলশিংনি। প্রোজেক্তশিং অসিগীদমক ঐহাক্না অয়োধ্যাগী মীয়ামদা নুংঙাইবা ফোঙদোকখি।

ঐগী ইমুং-মনুংশিং,

মালেমদা লৈরিবা লৈবাক অমা হেক্তনা করিগুম্বা চাউখৎপগী অনৌবা পনখৈশিং য়ৌগে খল্লবদি মখোয়গী হেরিতেজ অদু ঙাকশেন্দুনা থম্বা তাই। ঐখোয়গী হেরিতেজনা ঐখোয়দা ইথিল পীখি, অচুম্বা লম্বী তাকখি। মরম অসিনা ঙসিগী ভারতনা অরিবা অমসুং অনৌবা অনিমক পুনশিন্নদুনা মাংদা চংশিল্লি। রাম লালানা অয়োধ্যাদা মফম অসিদা তেন্ত অমা খন্দুনা ফমখিবা মতম অমা লৈরমখি। ঙসি রাম লালা খক্তা নত্তনা লৈবাক্কী লায়রবা মীওই করোর মরি হেনবনা মশাগী মতম চুপ্পগী ওইবা য়ুম অমসু ফংজরে। ঙসি ভারতনা মাগী তীর্থ য়াত্রাগী মফমশিং শেমগৎ-শাগৎলি অমরোমদা ঐখোয়গী লৈবাক অসিনা দিজিতেল তেক্নোলোজীগী লমদা মশক নাইরি। ঙসি কাশি বিশ্বানাথ ধাম শাবগা লোয়ননা ভারতনা লৈবাক অসিদা পঞ্চায়ৎ বিল্দিং লিশিং 30 হেন্না শারি। ঙসি কেদর ধাম হীংগৎহনবা খক্তা নত্তনা লৈবাক অসিদা অনৌবা মেদিকেল কোলেক 315 হেন্না শাখি। ঙসি মহাকাল মহালোক শেমগৎপা খক্তা নত্তনা য়ুম খুদিংমক্তা ৱাতর সপ্লাই তৌনবা ৱাতর তেঙ্ক লাখ 2 হেন্না শাখি। অমরোমদা থা, নুমিৎ অমসুং সমুদ্রগী লুবা ওনবগা লোয়ননা ঐখোয়না রেকোর্দ ওইবা মশিংদা ভারত্তা অরিবা মতমগী মীতমশিং ভারত্তা অমুক হন্না পুরক্লি। ঙসি ভারতকী ৱাখল্লোন অসি য়াম্না ময়েক শেংলি। ঙসি চাউখৎপগী নুংঙাইবা ফোঙদোক্নরি অমসুং নুমিৎ খরনিগী মতুংদা নাৎকী ওইবা থৌরম অমসু পাঙথোক্লগনি। ঙসি চাউখৎপগী মতিক ময়াই মফম অসিদা উবা ফংই। মসি ভারতনি, মসিগী চাউখৎপা অমসুং হেরিতেজকী অপুনবা শক্তিনা ভারতপু  21শুবা চহিচা অসিদা মাংদা পুখৎলগনি।

ঐগী ইমুং-মনুংশিং,

মহঋি বাল্মীকিজী মশামক্না অরিবা মতমদা অয়োধ্যা অসি করম তৌরম্বগে শন্দোক্না হায়খি। মহাক্না ইরমখি – কোসলো নাম মুদিত: স্ফীতো জনপদো মহান। নিবিস্ত সরয়ুতীরে প্রভুত-ধন-ধান্যবান। হায়বদি বাল্মীকিজীনা হায় মদুদি অথোইবা অয়োধ্যা অসি লন্না থল্লি, চাউখৎপগী পন্দোম লোমলমখি অমসুং থৌজালনা থলমখি। অতোপ্পা ৱাহৈদা হায়রগনা অয়োধ্যাদা সাইন্স অমসুং রিনন্সিএসন লৈবা খক্তা নত্তনা মতিক ময়াইনা থনখি। ঐখোয়না মোদর্নিতীগা ঐখোয়গা কন্নেক্ত তৌদুনা অয়োধ্যাগী অরিবা মতমগী শক্তম অদু চপ মান্ননা অমুক পুরকপা তাই।

মরুপশিং,

লাক্কদৌরিবা মতমদা ঐখোয়গী অয়োধ্যানা অসিনা অৱধ রিজনগী অয়োধ্যা সহর খক্তগী চাউখৎপা পুরকপা ঙম্বতা নত্তা UP পুম্বা চাউখৎনবগী মাইকৈ তাক্লি। অয়োধ্যাদা শ্রী রামগী অচৌবা মন্দির অমা শারবা মতুংদা মফম অসিদা লাকপা মীয়ামগী মশিংদা চাউনা হেনগৎলক্কনি। মসি খঙনা ঐখোয়গী সরকারনা অয়োধ্যাদা লুপা করোর লিশিং কয়াগী চাউখৎ থৌরাংগী থবকশিং পাইখৎলি অমসুং অয়োধ্যাবু স্মার্ত ওইহল্লি। ঙসি অয়োধ্যাদা লম্বীশিং পাকথোক চাউথোক্লি। ঙসি অয়োধ্যাদা অনৌবা ফ্লাইওভরশিং অমসুং অনৌবা থোংশিং শারি। অয়োধ্যাগা অকোইবদা লৈরিবা জিলাশিংগা শম্নবা হেনগৎহন্নবগী চৎথোক চৎশিনগী পাম্বৈশিং ফগৎহল্লি।

মরুপশিং,

ঙসি ঐহাক্না অয়োধ্যা ধাম এয়রপোর্ত অমসুং অয়োধ্যা ধাম রেলৱে স্তেসন শঙ্গাবগী খুদোংচাবা ফংজখি। অয়োধ্যা এয়রপোর্ত অসি মহঋি বাল্মীকিগী মমিং লৌদুনা থোনখি। মহঋি বাল্মীকিন ঐখোয়দা ভগৱান শ্রী রমগী মরমদা রামায়নগী খুত্থাংদা খঙহনখি। ভগৱান শ্রী রামনা মহঋি বাল্মীকিদা হায়খি – “তুম ত্রিকালদর্শী মুনিনাথা, বিস্ব বদর জিমি তুমরে হাথা”। হায়বদি হে মুনিনাথ! অদোম্না ত্রিকালদর্শীনি। মালেম পুম্বা অসি অদোমগী খুপাক্তা লৈরিবা মরুগুম্বনি। ত্রিকালদর্শি মহঋি বাল্মীকিগী মমিং লৌদুনা অয়োধ্যা ধাম এয়রপোর্তকী মমিং থোনবা অসি এয়রপোর্ত অসিদা লাকপা মীপুম খুদিংমক্কীদমক থৌজাল ওইরগনি। মহঋি বাল্মীকিনা ইখিবা রামায়ন অসিনা ভগৱান শ্রী রামগা শম্নহল্লিবা লৌশিংগী লম্বী পীগনি। মহঋি বাল্মীকি ইন্তরনেস্নেল এয়রপোর্ত অসিনা অয়োধ্যা তামগা মোদর্ন ইন্দিয়াগা কন্নেক্ত তৌরগনি, অথোইবা অনৌবা রাম মন্দিরগা কন্নেক্ত তৌরগনি। অনৌবা এয়রপোর্ত অসি চহি অমদা পেসেঞ্জর লাখ 10 সর্ব তৌবা ঙম্বা কেপাসিতীদাশাখি। এয়রপোর্ত অসিগী অনিশুবা তাঙ্কক্কী থবক লোইশিল্লবা মতমদা পেসেঞ্জর লাখ 60না মহঋি বাল্মীকি ইন্তরনেস্নেল এয়রপোর্ত্তা লাকপা ঙম্লগনি। হৌজিক্কী ওইনা অয়োধ্যা ধাম রেলৱে স্তেসন অসিনা নুমিৎ খুদিংগী মীওই লিশিং 10-15 সর্ব তৌবা ঙম্বগী কেপাসিতী লৈ। মসি শাবা লোইশিল্লবা মতমদা নুমিৎ খুদিংগী মীওই লিশিং 60না অয়োধ্যা ধাম রেলৱে স্তেসনদা লাকপা ঙম্লগনি।

মরুপশিং,

এয়রপোর্ত অমসুং রেলৱে স্তেসনশিংগী মথক্তা লম্বী কয়া মফম অসিদা ঙসি শঙ্গাখ্রে। রামপথ, ভক্তিপথ, ধরমপথ অমসুং শ্রী রাম জন্মাভুমি পথকী খুত্থাংদা ত্রাফিক কোমথোকহল্লগনি। কার পার্কিং স্পেসশিং অসি ঙসি অয়োধ্যাদা শঙ্গাখি। অনৌবা মেদিকেল কোলেজনা মফম অসিদা হেল্থ ফেসিলিতীশিং হেনগৎহল্লগনি। সরয়ুজী অসি লুনান্না লৈহন্নবা দবল ইঞ্জিন সরকারনা মপুং ফানা কত্থোক্লি। সরয়ুজীদা ফত্তবা ঈশিং তাশিন্নবা থীংনবা থবকসু হৌখ্রে। সরয়ু তোর্বান্দা অনৌবা ঘাতশিং শেমগৎলি। অরিবা পুখ্রি খুদিংমক নৌনা শেমগৎলি। লাতা মঙ্গেশকর চৌক নত্ত্রগা রাম কথা স্থাল ওইরবসু মসিনা অয়োধ্যাগী মশক ফজবা হেনগৎহল্লগনি। অয়োধ্যাদা শাগৎলিবা অনৌবা তাউনশিপ অসিনা মফম অসিগী মীয়ামগী পুন্সি লাইথোকহল্লগনি। মসিগী চাউখৎ-থৌরাংগী থবকশিং অসিনা অয়োধ্যাদা অনৌবা থবক পীরগনি অমসুং অনৌবা থবক্কী খুদোংচাবশিং ফংহল্লগনি। মসিনা তেক্সি দ্রাইবরশিং, রিক্ষো পুলরশিং, হোতেলিয়রশিং, ধাবাশিং, প্রসাদ ভেন্দরশিং, লৈ য়োনবশিং, পুজাগী পোৎলম য়োনবশিং, ঐখোয়গী অপীকপা দুকানদারশিংগী ইনকম হেনগৎহনগনি।

ঐগী ইমুং-মনুংশিং,

ঙসি লৈবাক অসিদা মোদর্ন রেলৱেজ শানবা মাইকৈদা অচৌবা খোঙথাং অমা পাইখৎখি। ভন্দে ভারত অমসুং নমো ভারতকী মতুংদা ঙসি লৈবাক অসিদা অনৌবা মোদর্ন ত্রেন লৈরে। অনৌবা ত্রেন সিরিজশিং অসি অমৃত ভারত ত্রেন কৌখি। ভন্দে ভারত, নমো ভারত অমসুং অমৃত ভারত ত্রেনশিংগী ত্রিনিতীনা ইন্দিয়ন রেলৱেজ নৌনা শেমগৎলি। অয়োধ্যাদা অহানবা অমৃত ভারত ত্রেন চেনবা অসিদগী হেন্না নুংঙাইবা লৈরিব্রা। দিল্লী-দরভাঙ্গা অমৃত ভারত এক্সপ্রেস ত্রেন্না দিল্লী-UP-বিহারগী মীয়ামগী চৎথোক চৎশিনগী পাম্বৈ মোদর্নাইজ তৌরগনি। মসিনা বিহারগী মীয়াম্না রামলালা দর্শন তৌবা লাকপদা খুদোংচাহল্লগনি। মোদর্ন অমৃত ভারত এক্সপ্রেস ত্রেনশিং অসি লায়রবা ইমুংশিং, শিন্মীশিংদা মরু ওইনা কান্নবা পীরগনি। মোদর্ন অমৃত ভারত ত্রেনশিং অসি লায়রবশিংগী শেবা তৌনবা ৱাখল্লোন্দা চেলহনখিবনি। মীওই কয়ানা মখোয়গী থবক্না মরম ওইরগা শাংনা চৎথোক চৎশিন তৌনী। ইনকম য়াম্না লৈতবা মীওইশিংদসনু মোদর্ন ফেসিলিতীশিং ফংহল্লি অমসুং চৎথোক চৎশিন তৌবদা নুংঙাইহল্লি। লায়রবশিংগী হিংবগী ইজৎ লৈ, ত্রেনশিং অসি মসি খঙনা মসিবু পান্দম ওইনা থমদুনা দিজাইন তৌখি। ঙসিমক ৱেস্ত বেঙ্গল অমসুং কর্নাতকাদগী মরুপশিংনা মখোয়গী রাজ্যদা অহানবা অমৃত ভারত এক্সপ্রেস চেনবা উবা ফংখ্রে। ঐহাক্না রাজ্যশিং অসিবু অমৃত ভারত ত্রেনশিংগীদমক নুংঙাইবা ফোঙদোকচরি।

ঐগী ইমুং-মনুংশিং,

মভন্দে ভারত এক্সপ্রেসনা চাউখৎ থৌরাং অমসুং হেরিতেজপু শম্নহনবদা অচৌবা থৌদাং অমা লৌরি। লৈবাক্কী অহানবা ভন্দে ভারত এক্সপ্রেস ত্রেন্না কাশীগীদমক থাদোকখি। ঙসি ভন্দে ভারত এক্সপ্রেস ত্রেনশিংনা লৈবাক্কী রুৎ 34দা চেল্লী। ভন্দে ভারতনা কাশী, কাত্রা, উজ্জেন, পুস্কর, তিরুপতি, শির্দি, অমৃতসর, মদুরাই, বৈশ্নো দেবীগী অচৌবা লাইফমলেন খুদিংমক কন্নেক্ত তৌরি। সিরিজ অসিদা ঙসি অয়োধ্যানা ভন্দে ভারত ত্রেনগী খুদোংসু ফংলে।ল ঙসি অয়োধ্য ধাম জঙ্কসন – অন্দ বিহার ভন্দে ভারত চেনবা হৌখ্রে। মসিগী মথক্তা ঙসি ভন্দে ভারতনা কাত্রাদগী দিল্লী, অমৃতসরদগী দিল্লী, কোইম্বতুরদগী বেঙ্গলোর, মেঙ্গলুরুদগী মদগাও, জলনাদগী মুম্বাই সহরশিং অসিগী মরক্তা চেনবা হৌখ্রে। ভন্দে ভারত অসি খোঙজেল য়াংই, ভন্দে ভারত্তা মোদর্নিতী লৈ অমসুং ভন্দে ভারত অসি আত্মনির্ভর ভারতকী খুদমসু ওইরি। অতেনবা মতমগী মনুংদা পেসেঞ্জর করোর 1.5 হেনবনা ভন্দে ভারত তোংদুনা চৎখি। মরু ওইনা নহারোলশিংনা ত্রেন অসি য়াম্না পাম্মি।

মরুপশিং

ঐখোয়গী লৈবাক্তা তীর্থ য়াত্রাগী মশাগী ওইবা মরু ওইবা অমসুং মতিক ময়াই লৈরবা পুৱারী অমা অরিবা মতমদগী লৈদুনা লাকখি। বদ্রি বিশালদগী সেতুবন্ধন রামেশ্বরমগী য়াত্রা, গঙ্গোত্রিদগী গঙ্গাসাগরগী য়াত্রা, দ্বার্কাধিশতগী জগন্নাথপুরিগী য়াত্রা, জ্যোতিরলিং তরানিথোইগী য়াত্রা, চার ধামগী য়াত্রা, কাইলাশ মনসারোবর য়াত্রা, কনৱার য়াত্রা, শক্তিপীথকী য়াত্রা, পন্ধাপুরগী য়াত্রা, ঈশ্বরদা থাজবা মীওইবা কয়ানা ভারতকী মফম খুদিংমক্তা ঙসিসু য়াত্রা পাঙথোক্লি। মখোয়গা লোয়ননা কন্নেক্ত তৌরি। তামিল নাদুদা য়াত্রা কয়া মমিং চৎলি। শিবস্থাল পদা য়াত্তিরাই, মুরুগনুক্কু কবাদি য়াত্তিরাই, বৈশ্নাবা তিরুপা-পদু য়াত্তিরাই, অম্মান তিরুত্তল য়াত্তিরাই, কেরালাদা সাবারিমালা য়াত্রা, অন্ধ্র-তেলঙ্গানদা সম্মাক্কা অমসুং সরাক্কাগী মেদিরামগী য়াত্রা, নাগোবা য়াত্রা, মফমশিং অসিদা ভক্তা লাখ কয়া তিল্লি। মফম অসিদা লৈরিবা মীওই খরা খক্তনা কেরাকাদা ভগৱান রাম অমসুং মহাক্কী মনাও নুপা ভারত, লক্ষ্মন, অমসুং শাত্রুঘনগী খুভম লৈ হায়বা খঙলমগনি। মসিগী য়াত্রা অসি নলম্বালাম য়াত্রা হায়না খঙনৈ। মসিগ মথক্তা পরিক্রামা কয়াসু লৈবাক অসিদা চত্থরি। গোবর্ধন পরিক্রামা, পঞ্চকোসি পরিক্রামা, চৌরাসিকোসি পরিক্রামা, অসিগুম্বা য়াত্রাশিং অমসুং পরিক্রামাশিংনা ঈশ্বরগা লোয়ননা ভক্তা খুদিংমক্কা শম্নহল্লি। বুদ্ধিজমদা ভগৱান বুদ্ধগা মরী লৈনবা মফম কয়া লৈ গায়া, লুম্বিনি, কপিলবাস্তু, সরনাথ, কুশিনাগর। বুদ্ধিস্ত চৎপা মীওইশিংগী পরিক্রামা অসি রাজগীর বিহারদসু পাঙথোক্লি। জেন ধর্মদা পাবাগথকী য়াত্রা ওইরবসু সম্মেদ শিখর্জী, পালিতানা, কাইলাশ ওইরবসু, সিখকী পঞ্চ তাখৎ য়াত্রা অমসুং গুরু ধাম য়াত্রা ওইরবসু, অরুনাচল প্রদেশতা অৱাং নোংপোক্কী ওইনা পরশুরাম কুন্দগী অচৌবা য়াত্রা ওইরবসু, ভক্তাশিংনা মসিদা শরুক য়াই। মতৌ অসুম্না চহিচা কয়াদগী লৈবাক অসিদা য়াত্রাশিং অসিগীদমক নীংথিনা শিল-লাংদুনা লাকখি। অয়োধ্যাদা কনস্ত্রক্সনগী থবকশিং পাইখৎলিবা অসিনা অয়োধ্যা ধামগী খোঙচৎ অমসুং রাম ভক্তা খুদিংমক্না মফম অসিদা ঈশ্বরবু দর্শন তৌনবা হোৎনবা অসি লাইহল্লগনি।

মরুপশিং,

পুৱারী ওইরবা মীকুপ অসি ঐখোয় পুম্নমক্কী পুন্সিদা লাকপা অসি য়াম্না লাইবক ফবনি। লৈবাক্কীদমক ঐখোয়না অনৌবা ফিরেপ অমা লৌগদবনি, ঐখোয়গী অনৌবা শক্তিগা লোয়ননা ইশাবু থলহনগদবনি। মসিগীদমক জনুৱারী 22দা নখোয়গী য়ুমদা লৈরিবা ইরৈবাকচা করোর 140বু ঐহাক্না অয়োধ্যাগী শেংলবা লমদমদগী খুরুমজগনি। ঐহাক্না অয়োধ্যাগী ভগৱান রামগী সহরদগী থৌনিজগনি, ঐহাক্না ইরৈবাকচা করোর 140দা খুৎ লোন্নদুনা থৌনিজগনি। জনুৱারী 22দা ভগৱান রামনা অয়োধ্যাদা লেংশিনবদা নখোয়গী য়ুমদা শ্রী রাম জ্যোতিগী থাওমৈ থানবীয়ু অমসুং দিৱালি জনুৱারী 22গী নুমিদাং ৱাইরম অসিদা ভারত শিনবা থুংবা লংত্রিক লংহনগদবনি। মসিগা ইরোইননা ঐহাক্না ইরৈবাকচাশংদা য়াম্না অর্জেন্ত ওইবা রিক্বেস্ত অমগা তৌজগে। জনুৱারী 22দা মীপুম খুদিংমক্তা মশানা লাকতুনা অয়োধ্যাদা থৌরম অসিদা শরুক য়ানীংই। অদুবু মসিদা মীপুম খুদিংমক্না শরুক য়াবা হায়বা অসি ওইথোক্তে। মরম অসিনা ঐহাক্না খুৎলোন্নদুনা হায়জরি, রামগী ভক্তাশিংদা হায়জরি, মরু ওইবা উত্তর প্রদেশতা লৈরিবা রাম ভক্তাশিংদা হায়জরি। ঐহাক্কী রিক্বেস্ততি জনুৱারী 22দা ফোর্মেল প্রোগ্রান অসি পাঙথোক্লবা মতুংদা  23দা মখোয়গী খুদোংচাগদবা মওংদা লাকপীয়ু, 22দা লাক্তবা য়াদে হায়না খনবীনু। ভক্তা ঐখোয়না কৈদৌনুংদা ভগৱান রামদা অপনবা থোকহল্লোইদবনি।ল নুমিৎ খরা ঙাইরসি ঐখোয়না চহি 550সু ঙাইদুনা লাক্লবনি। অমসুং সেক্যুরিতীগী মীৎয়েংদা, শিল লাংলিবা অসিগী মীৎয়েংদগী ঐহাক্না কন্না হায়জরি। নখোয়না জনুৱারীদা লাকপা, ফেব্রুৱারীদা, মার্চতা লাকপা য়াই, চহি অমগী মতুংদা লাকপা য়াই, চহি অনিগী মতুংদা লাকপা য়াই। অমসুং জনুৱারী 22দা মসিদা লাক্তুনা মী চিনবা অদু থোকহল্লোইসি। মন্দির অসিদা  থাজবা থম্বীয়ু। মখোয়না চহি 3-4 অয়ুক নুমিদাং হোৎনদুনা লাকখি, ঐখোয়গী মাইকৈদগী অৱাবা অমত্তা থোকহনগুমসি, অমসুং ঐহাক্না হন্না-হন্না হায়জরি মদুদি মসিদা জনুৱারী 22দা লাক্কে খনবীনু। মীওই খরা খক্তমক বর্তন তৌখি অমসুং 23গী মতুংদা ইরৈবাকচাশিংনা মসিদা লাকপদা খুদোংচারগনি।

মরুপশিং,

ঙসি ঐহাক্না অয়োধ্যাগী ইচিল-ইনাওশিংদা রিক্বেস্ত অমা তৌজরি। নখোয়না লৈবাক অসিদগী অমসুং মালেমদগী মশিং লাকঙমদ্রবা মীথুংলেনশিংগীদমক শেম শাদুনা লৈবীয়ু। হৌজিক মালেম অমসুং লৈবাক শিনবা থুংবদগী মীওই কয়ানা নুমিৎ খুদিংগী অয়োধ্যাদা মখা তানা লাক্কনি। মখোয়গী খুদোংচাবগী মতুং ইন্না লাক্কনি, চহি অমদা খরা লাক্কনি, চহি অনিদা খরা লাক্কনি, চহি তরাদা খরা লাক্কনি, অদুবু মীওই লাখ কয়াদি লাক্কনি। আমসুং মসি অদুমক মখা চত্থদুনা লৈগনি। মরম অসিনা অয়োধ্যাগী মীয়াম্না ফিরেপ অমা লৌগদবনি। মসিগী ফিরেপ অসি অয়োধ্যাবু লুনানহনবগীনি। অয়োধ্যাবু ভারতকী খ্বাইদগী নানবা সহর অমা ওইহন্নবনি। অয়োধ্যা নানহনবা অসি নখোয়গী থৌদাংনি। মসিগীদমক নখোয়না পুন্না থবক পাইখৎপা তাই। ঙসি ঐহাক্না অমুক হন্না তীর্থ য়াত্রাগী মফমশিং অমসুং লৈবাক্কী মন্দিরশিংদা হায়জরি। অচৌবা রাম মন্দির অমা শানবগীদমক অচৌবা লুনানবগী কেম্পেন অমা লোঞ্চ তৌগনি। মসি মকর সংক্রান্তিগী নুমিৎ, জনুৱারী 14গী চয়োল অমগী মমাংদা তৌগদবনি। জনুৱারী 14দগী 22ফাওবা ভারতকী মন্দির খুদিংদা অমসুং ভারতকী মফম খুদিংমক্তা কেম্পেন অমা চত্থগদবনি।

মরুপশিং,

মীকুপ খরগী  মমাংদা ঐহাক্না অয়োধ্যাগী সহরদা চৎপগী খুদোংচাবা ফংজখি। ঙসি ঐহাক্না উজ্জ্বলা গ্যাস কন্নেক্সনগী বেনিফিসরী ইচল করোর 10সুবীগী য়ুমদা চা থকপগী খুদোংচাবা ফংখি। ঐখোয়না মে 1, 2016দা UPগী বাল্লিয়াদা উজ্জ্বলা য়োজনা হৌদোকখিবা মতমদা স্কিল অসি অসুম্না মাইপাক্কনি হায়বা থাজরুদে। স্কিম অসিনা ইমুং করোর কয়া, ইমা অমসুং ইচে-ইচল করোর কয়াবু মৈখু চেনবগী নীংতম্বা ফংহনখি।

মরুপশিং,

ঐখোয়গী লৈবাকদা গ্যাস কন্নেক্সন পীবগী থবক অসি চহি 60-70দগী হৌখি। হায়বদি দিকেদ 6-7দগী হৌখি। অদুবু 2014 ফাওবদা চহি 50-55দা গ্যাস কন্নেক্সন করোর 14 খক্তা পীরমখিদবা ফীভম অমদা লৈরমখি। হায়বদি দিকেদ মঙাদা করোর 14 হায়বনি। অমরোমদা ঐখোয়গী সরকারনা দিকেদ অমদা অনৌবা গ্যাস কন্নেক্সন করোর 18 পীখি। অমসুং করোর 18 অসিগী মনুংদা গ্যাস কন্নেক্সন করোর 10 লেম্না পীখি…হায়রিবা অসি উজ্জ্বলা স্কিমগী মখাদনি। লায়রবগী শেবা তৌগে খনবা ৱাখল্লোন পোক্লকপা মতমদা, পুকচেল শেংলবা মতমদা থবক অদু চপ মান্নবা মওংদা তৌরক্কনি অমসুং অফবা ফল ফংগনি। হৌজিক মতম অসিদা মীওই খরনা হংখি করিগীদমক মোদীগী গরেন্তী অসি শক্তি অসুক লৈরিবনো?

মোদীগী গরেন্তী অসি শক্তি য়াম্না লৈ মরমদি মোদীনা মহাক্না হায়খিবা অদু তৌনবা মাগী পুন্সি কত্থোকখি। ঙসি লৈবাক অসিনা মোদীগী গরেন্তীদা থাজবা থম্মি মরমদি মোদীনা মানা পীখিবা গরেন্তী থুংহন্নবা অয়ুক নুমিদাং হোৎনখি। অয়োধ্যাগী সহরনা মসি উবা ফংখ্রে। অমসুং ঙসি ঐহাক্না অয়োধ্যাগী মীয়ামদা অমুক হন্না থাজবা পীজরি মদুদি ঐখোয়না শেংলবা মফম অসি চাউখৎহন্নবা অঙম্বা থাক্তা হোৎনগনি। শ্রী রামনা ঐখোয় পুম্নমকপু থৌজাল পীনবীবা ওইরসনু, মসি হায়রগা মসিদা  লোইশিনজরগে। ঐহাক্না ভগৱান শ্রী রামগী খুয়া খাদা খুরুমজরি। অমসুং চাউখৎ-থৌরাং অসিগীদমক মীয়ামদা নুংঙাইবা ফোঙদোকচরি, ঐহাক্কা লোয়ননা হায়বীয়ু –

জয় সিয়ারাম!

জয় সিয়ারাম!

জয় সিয়ারাম!

ভারত মাতা কী জয়!

ভারত মাতা কী জয়!

ভারত মাতা কী জয়!

হন্না-হন্না থাগৎচরি!

***