ভারতকী প্রধানমন্ত্রী
ভারত সরকার অমসুং ইতালি সরকারগী মরক্তা মাইগ্রেসন অমসুং মোবিলিতি এগ্রিমেন্ত শেমদোক্নবা অমসুং খুৎয়েক পীন্নবা এক্সতর্নেল এফেয়ার্স মিনিস্ত্রিনা পুখৎলকপা ৱাফম প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে।
এগ্রিমেন্ত অসিনা মীগা-মীগা চৎথোক-চৎশিন তৌনবা, মহৈরোয়শিং, শিন্মীশিং অমসুং ললোনবশিং অমসুং শীনফম কয়াগী মীওইশিং চৎথোক-চৎশিন তৌবা হেনগৎহনগনি অমসুং লৈবাক অনিগী মরক্তা চাং নাইনা খুন হোংবগা মরী লৈনবা ৱাফমশিংদা মতেং পাংনবা হেনগৎহনগনি।
ফ্লোজ দিগ্রিগী মখাদা হৌজিক চৎনরিবা শিন্মীশিং চৎথোক-চৎশিনগী লম্বীগী মখাদা হৌজিক লৈরিবা ইতালিগী ভিসাগী নিয়মগী মখাদা লাইরিক তম্বা লোইরবা মতুংগী খুদোংচাবশিং, ইন্তর্নসিপ, ত্রেনিংগী খুদোংচাবশিং ভারতনা ফংগনি।
মরুওইবা প্রোবিজন খর মখাদা পীরি:
ফ্লোজ দিগ্রিগী মখাদা, ২০২৩-২০২৫ দগী সিজনেল অমসুং নন-সিজনেল ৱার্কর অনিমক্কী ওইনা ইতালিনা অহেনবা রিজার্ব কোতাশিং পীরে। মসিগী মথক্তা, অনা-লায়য়েং অমসুং মেদিকেলগী থবকশিংদা ভারতকী মতিক চারবা মীওইশিং থবক হাপ্নবা য়ুথ মোবিলিতি অমসুং ফেসিলিতেসনগী খুৎথাংদা ভারত অমসুং ইতালিগী মরক্তা চৎথোক-চৎশিন হেনগৎহন্নবা পুন্না থবক তৌমিন্নবা হায়না এগ্রিমেন্ত অসিনা য়ারে। মসি জোইন্ত ৱার্কিং গ্রুপ(জে দব্লিউ জি)গী মখাদা খন্নগনি।
আইন্না য়াদনা য়ুম হোংবা থেংননবা লৈবাক অনিগী মরক্তা মতেং পাংনবা হায়নসু এগ্রিমেন্ত অদুনা য়ানখি। মসি চৎনবা হৌনবা লৈবাক মনুংগী দরকার ওইবা থবকশিং লোইরবা মতুংদা লৈবাক অমগা অমগা পাউ ফাউনদুনা লৈবাকশিংনা নোতিফিকেসন অনি থোকপগী অরোইবা অদু ফংবা নুমিৎতগী অনিশুবা থাগী অহানবা নুমিত্তা এগ্রিমেন্ত অসি চৎনবা হৌগনি অমসুং মসি চহি ৫ চৎনগনি। করিগুম্বা লৈবাক অমনা হেক্তা ককথৎত্রবদি, এগ্রিমেন্ত অসি মশা মরোমদোম রিনিউ তৌজগনি।
খুদোংচাবগী মতুংইন্না হকথেংননা নত্ত্রগা ভর্চুএল ওইনা চাংনাইনা উনদুনা জোইন্ত ৱার্কিং গ্রুপ অমগী খুৎথাংদা এগ্রিমেন্ত অসি য়েংশিন্নবা থৌরাং অমা এগ্রিমেন্ত অসিনা পীরে। জোইন্ত ৱার্কিং গ্রুপনা মরী লৈনবা ই-পাউ পীগনি, এগ্রিমেন্ত অসি থবক ওইনা পাংথোকপগী মতাংদা য়েংশিনগনি অমসুং থবক পাংথোকপা শৌগৎনবা পুখৎলকপা ৱাফমশিং খন্ন-নৈনগনি।
নুঙগীৱারোল
য়ানচে অসি ভারতকী মাইকৈদগী এক্সতর্নেল এফেয়ার্স মিনিস্তর দোক্তর এস.জয়সঙ্কর অমসুং ইতালিগী মাইকৈদগী ফোরেন এফেয়ার্স অমসুং ইন্তরনেসনেল কোওপরেসনগী মিনিস্তর শ্রী এন্তোনিও তাজানিনা নবেম্বর ২,২০২৩ দা খুৎয়েক পীনখি।
****
