ভারতকী প্রধানমন্ত্রী

য়ু.এ.ই.না য়ুম্বু ওইবা COP28 না অইং অশাগী থবক থৌরমশিংদা অনৌবা ইনোৎ অমা হাপ্লগনি হায়না ভারতনা চেৎনা থাজৈ হায়না ভারতকী প্রধান মন্ত্রী নরেন্দ্র মোদীনা শগোলশেল নুমিত্তা অলেতিহাদনা লৌবা অখন্নবা ইন্তর্ভ্যু অমদা ফোংদোকখ্রে।

লৈবাক অসিগী মরুওইবা মফমশিংদা য়ু.এ.ই.গা লৈনরিবা মরী অসি তুংগী মঙলান কয়ানা পুরদুনা নোংম-নোংমগী মপাঙ্গল লৈবা হেনগৎলক্লি হায়না প্রধান মন্ত্রীনা হায়খি, মখা তারদুনা মহাক্না ফোংদোকখি মদুদি শক্তি লৈরবা মতম কয়াগী মমাংদগী মরী লৈনরক্লবা ভারত অমসুং য়ু.এ.ই.না এনর্জী সেক্যুরিতী ফগৎহন্দুনা মান্নবা গ্রীদ অমা শেম্বদা খুৎশম্নবা য়াই, মসিনা এনর্জী সেক্তরদা অমগা অমগগী শক্তি লান্নগনি অমসুং ইন্তরনেসনেল সোলার এলাইএন্সকী গ্লোবেল সোলার ফেসিলিতীদা মতেং পীগনি।

“ভারত অমসুং য়ু.এ.ই.না হেন্না শংবা অমসুং হেন্না লংবা তুংলমচৎ অমা শেম্বদা মপাং ওইননবা লেপ্লি অমসুং ঐখোয়না অইং অশাগী থবকশিং পায়খৎপদা মালেমগী দিস্কোর্সতা ইথিল পীননবা পুন্না হোৎনমিন্নগনি হায়না লেপ্লি,” হায়না প্রধান মন্ত্রীনা মহাক্না প্রধান মন্ত্রী ওইরকপদগী মহাক্কী য়ু.এ.ই.গী তরুকশুবা লৈবাক অসিগী খোঙচৎতা ফোংদোকখি।

তুং কোইনা চৎপা য়াবা অমসুং রিইন্যুএবল ওইবা এনর্জী শাগৎনবা মঙলান মান্নবা লৈবাকশিং ওইনা ভারত অমসুং য়ু.এ.ই.না মালেমগী রিন্যুএবল এনর্জীগী থৌরাংদা লুচিংবা ওইনা চোংথোক্লক্লি হায়না প্রধান মন্ত্রী মোদীনা য়ু.এ.ই.গী রিন্যুএবল এনর্জী সেক্তরগী মনুংদা ক্লাইমেত এক্সনগীদমক হনবা লৈতনা হোৎনরিবা অসিবু শীংথারদুনা ফোংদোকখি।

ক্লাইমেত ফাইনান্সিংগী তঙাইফদবা ফংহনবা

ক্লাইমেত ফাইনান্সিংগা মরী লৈননা, প্রধান মন্ত্রীনা হায়খি মদুদি মহাক্না মতম চুপ্পদা অইং অশা হোংলকপবু অপুনবা মালেমগী পাউখুম অমা চঙবা অপুনবদা শীংনবনি হায়না লৌই।

“চাউখৎলক্লিবা লৈবাকশিংনা সমশ্যা লৈহন্নবা হোৎনবদা মতেং পাংদে হায়বসি খঙবা য়াম্না তঙাইফদে। অদুমওইনমক, চাউখৎলক্লিবা লৈবাকশিংনা মসিবু কন্নবা পাম্বৈ পুথোকপদদি শরুক য়ানবা লেপ্লি,” হায়না প্রধান মন্ত্রীনা হায়খি।

“অদুবু মখোয়না মসিদা চঙলিবা শেলথুম অমসুং তেক্নোলোজী য়াওদনদি মতেং পাংবা ঙমজদে… ঐহাক্না মসিগী মতাং অসিদা অইং অশাগীদমক চঙবা শেলথুম অমসুং তেক্নোলোজী ফংহন্নবা হোৎনবদা মালেমগী ওইবা মতেং ফংহন্নবা খোলাউ লাউদুনা লাক্লি,” হায়না মহাক্না চাউখৎলক্লিবা লৈবাকশিংদা থবক ওইনা পায়খৎপা য়াবা অমসুং শোইরোইদবা মওংদা ক্লাইমেত ফাইনান্সিংগী ফ্লো লৈহনবগী তঙাইফদবা ফোংদোক্লদুনা হায়খি।

“ঐহাক্না থাজৈ মদুদি অইং অশাগা মরী লৈনবা থবক থৌরমশিং অসি কাংলোন ঙাক্না, ক্লাইমেত জস্তিস, মান্নবা থৌদাং অমসুং মান্নবা কেপাসিতীদা য়ুম্ফম ওইগদবনি। হায়রিবা কাংলোনশিং অসি ইনবগা লোইননা ঐখোয়না কনা অমত্তবু নাথৈবীদ্রবা তুং কোইনা চৎপা য়াবা তুংলমচৎ অমগী লম্বীদা চঙশিনবা য়াগনি,” হায়না প্রধান মন্ত্রীনা মখা তাখি। লৈবাক কয়া অসিনা অইং অশাগী থবক থৌরমশিং পায়খৎপদা, “ঐখোয়না গ্লোবেল সাউথকী চাউখৎপগী মরুওইবা থবকশিংদদি অকাইবা পীরোইদবনি” হায়না মহাক্না ফোংদোকখি। “হন্দক্তা নই দিল্লীদা পাঙথোকখিবা G20 সম্মিতকী মনুংদা, হায়রিবা হীরম অসিগী মতাংদা কুপ্না খন্নখি, মসিদা অরৈবা সোর্স খুদিংমক্তগী মালেম পুম্বগী ওইনা বিলিয়ন্দগীনা ত্রিলিয়ন ফাওবদা ইনভেস্তমেন্ত অমসুং ক্লাইমেত ফাইনান্সকী থবক খোঙজেল য়াঙহনবা তঙাইফদবা নৈনখি,” হায়না প্রধান মন্ত্রীনা ফোঙদোকখি। চাউখৎলবা লৈবাকশিংনা চাউখৎলক্লিবা লৈবাকশিংদা তেক্নোলোজিকেল অমসুং ফাইনান্সিএল সপ্পোর্ত পীবগী থবকশিং পায়খৎপগী থবক অসি COP 28কী খন্ননবগী হীরমদা মমাং থাবা মথৌ তাই হায়রদুনা মহাক্না মখা তাখি মদুদি, অইং অশাগী থবক থৌরমশিংদা থৱাই হকচাং য়াওনা হোৎনরিবসি ক্লাইমেত ফাইনান্সকী খুমাং চাউশিনবগা মান্নহনগদবনি। “COP 28তা, ঐখোয়না ক্লাইমেত ফাইনান্সতা ন্যু কল্লেক্তিব ক্বান্তিফাইদ গোল (এন.সি.ক্যু.জি.)গী খুমাং চাউশিনবগী মায়কৈদা চঙশিনগনি হায়না থাজৈ,” হায়না মহাক্না ফোংদোকখি।

এক্তিব কোলাবোরেসন

মোদীগী মতুং ইন্না লৈবাক অনিগী মরক্তা তেংবাং পীনবনা এনর্জী স্পেক্ত্রম পুম্বা তুং কোইনা চৎনবগী মায়কৈদা অচেৎপা মীৎয়েং থমদুনা পাকথোক চাউথোক্কনি।

“ঐখোয়গী মমাংদগী লৈরক্লবা মরী অসি তোঙান তোঙানবা য়ুম্বীশিংদা লিংখিবনি অমসুং ঐখোয়গী মরীগী পাক চাউবা মীৎয়েং অসি ঐখোয়গী কম্প্রিহেন্সিব স্ত্রেতেজিক পার্তনর্শিপনা তাকপনি… য়ু.এ.ই.না COP 28কী য়ুম্বু ওইগদৌরিবা অসি ঐখোয়না অখন্না হরাওজৈ, অমসুং ঐহাক্না য়ু.এ.ই. লৈঙাক অমসুং মীয়াম্বু অসিগুম্বা অখন্নবা মীকুপ অসিদা হরাও তয়াম্বা ফোংদোকচরি” হায়না প্রধান মন্ত্রী মোদীনা হায়খি। ঐহাক্না চহি অসিগী জুলাইদা য়ু.এ.ই.দা লাকপগী খুদোংচাবা অমা ফংজখি, মসিগী মনুংদা ঐহাক্কী ইচিল ইনাও প্রেজিদেন্ত হিস হায়নেস শৈখ মোহমদ বিন জয়েদ অমসুং ঐহাক্না অইং অশা হোংলকপগী হীরম কয়া মতীক চানা খন্ন-নৈনখি,” হায়না মহাক্না ফোংদোকখি।

ঐখোয়গী লৈবাক অনিনা থৱাই হকচাং য়াওনা অইং অশা হোংলকপগী মালেমগী ওইবা শীংনবসিগী মতাংদা তেংবাং পীনরি। ঐহাক্না জুলাইদা লাকপা মতমদা, ঐখোয়না অইং অশা হোংলকপগী মতাংদা অপুনবা ৱারোল অমা থোকখি, মসিদা হীরম অসিদা ঐখোয়গী ওইবা ৱারেপ ফোংদোকখি,” হায়না মহাক্না ফোংদোকখি।

হিস হায়নেসনা সেপ্তেম্বর থাদা G20 সম্মিতকীদমক লাকপীরম্মি, মসিদা মহাক্না ফোংদোকখি মদুদি অইং অশা হোংলকপা হায়বসি খন্নগদবা অমসুং পান্দম ফংনবা হোৎনগদবা মরুওইবা মীৎয়েং থম্ফম ওইরি।

মোদীনা থাজবা ফোংদোকখি মদুদি COP 28 না য়ু.এন.এফ.সি.সি.সি. অমসুং পেরিস এগ্রীমেন্তকী পান্দমশিং ফংনবগী মায়কৈদা কান্নবা ফংগদবা ক্লাইমেত এক্সন অমসুং মালেমগী তেংবাং কয়া হেন্না ফগৎহনবা ঙমগনি। “ভারত অমসুং য়ু.এ.ই.না হেন্না শংবা অমসুং হেন্না লংবা তুংলমচৎ অমা শেম্বদা মপাং ওইননবা লেপ্লি অমসুং ঐখোয়না অইং অশাগী থবকশিং পায়খৎপদা মালেমগী দিস্কোর্সতা ইথিল পীননবা পুন্না হোৎনমিন্নগনি হায়না লেপ্লি” হায়না প্রধান মন্ত্রীনা ফোংদোকখি।

তুংগী ওইবা মঙলান

“ভারতনা য়ু.এ.ই.গা অইং অশাগী হীরমদা মপাং ওইরিবা অসিবু পুরিবা “তুংগী ওইবা মঙলান”গী মতাংদা ফোংদোক্লদুনা প্রধান মন্ত্রীনা হায়খিঃ “ঐখোয়না 2014দগী হৌদুনা রিন্যুএবলশিংগী মতাংদা চাউনা মতেং পীনদুনা লাক্লি অমসুং ঐহাক্না চহি অসিগী জুলাই থাদা য়ু.এ.ই.দা লাকপা মতমদা, ঐখোয়না গ্রীন হায়দ্রোন, সোলার এনর্জী অমসুং গ্রীদ কন্নেক্তিবিতীগী মতেংবু মাংজিল থানা পুখৎনবা ৱারেপ লৌখি।” অদোম্না মসিমসু নীংশিংবীরমগনি মদুদি মমাং চহিদা প্রেজিদেন্ত হিস হায়নেস শৈখ মোহমেদ বিন জয়েদ অমসুং ঐহাক্না ঐখোয়গী স্ত্রেতেজিক পার্তনরশিপ অসিবু লাক্কদবা চহি কুনলোম অসিদা ক্লাইমেত এক্সন অমসুং রিন্যুএবলদা মীৎয়েং থমদুনা মাংজিল থানা পুখৎপা য়াবা ফ্রেমৱার্ক অমা পুখৎখি,” হায়না মোদীনা ফোংদোকখি। “ভারতকী রিন্যুএবল এনর্জী প্রোজেক্তশিংবু মরুওইনা সোলার অমসুং ৱিন্দ সেক্তরশিংদা য়ু.এ.ই.না ইনভেস্তমেন্ত তৌরিবা অসিবু থাগৎপা ফোংদোকচরি” হায়না প্রধান মন্ত্রীনা ফোংদোকখি। লৈবাক অনিনা তেক্নোলোজী চাউখৎনবা, লৈবাক অনিমক্না কান্নবা য়াবা পোলিসী ফ্রেমৱার্ক অমসুং রিগুলেসনশিং শেম্বা, রিন্যুএবল ইনফ্রাস্ত্রকচরদা ইনভেস্তমেন্ত তৌবা, অমসুং গ্রীন হায়দ্রোজেন অমসুং গ্রীন এমোনিয়াগী হীরমদা কেপাসিতী শাগৎপগী লমদা পুন্না চৎনমিন্ননবা খুদোংচাবা নীংথিনা ফংলি হায়না প্রধান মন্ত্রী মোদীনা ফোঙদোকখি। সোলার এনর্জী হায়বসি তেংবাংমিন্নবা য়াবা হীরম অমনি, মসিদা ভারত অমসুং য়ু.এ.ই.না অপুনবা ওইনা লৈবাক অনিনা ইনভেস্তমেন্ত এনভাইরোন্মেন্ত হেনগৎহন্নবা হোৎনবা য়ারি, এদোপসন হেনগৎহনবা য়ারি অমসুং সোলার তেক্নলোজী থাদবা য়াই হায়না প্রধান মন্ত্রীনা হায়খি।

“ঐহাক্কী মীৎয়েংদদি, লাক্কদবা চহিশিং অসিদা, অসিগুম্বা মপাং অসিনা হৌজিক ঐখোয়না থেংনরিবা শীংনবশিং অসিগী মালেমগী ওইবা পাম্বৈ অমা শেমগৎপদা অচৌবা থৌদাং লৌগনি” হায়না প্রধান মন্ত্রীনা ফোংদোকখি।

ক্লিন এনর্জীদা মাংজিল থাবা

য়ু.এ.ই.গী রিন্যুএবল এনর্জী সেক্তরগী মনুংদা ক্লাইমেত এক্সনগীদমক হনবা লৈতনা হোৎনরিবা অসিবু প্রধান মন্ত্রী মোদীনা শীংথারদুনা মহাক্না হায়খি মদুদি মখোয়গী থৌদাংবু ইন্তর্নেসনেল রিন্যুএবল এনর্জী এজেন্সী (আই.আর.ই.এন.এ.)গীয়ুম্বু লৈবাক অমা ওইদুনা খুদম চাংদম উৎখ্রে।

“য়ু.এ.ই.গী রিন্যুএবল এনর্জী পোর্তফোলিও অসি হৌখিবা চহি কুনলোম অসিদা হেনগৎলক্লিবসি ঐহাক্না উজৈ। য়ু.এ.ই.না সোলার পার্ক, প্রাইবেত সেক্তর শেমগৎনবা ‘গ্রীন বিল্দিং রিগুলেসন্স’, এনর্জী ইফিসিএন্সী হেনগৎবা প্রোগ্রাম, স্মার্ত সিতী শেমগৎপা, অমদি অতৈ কয়াগী মওংদা তুং কোইনা চৎপা য়াবা চাউখৎপা পুরক্নবা তোঙান তোঙানবা চাউখৎ খোংথাংগী থবক অমা কয়া পায়খৎখ্রে হায়না তারে,” হায়না প্রধান মন্ত্রী মোদীনা ফোংদোকখি। “ভারত্তা লৈরিবা ঐখোয়না মসিগা মান্নবা ইনোৎ উৎখ্রে, অমসুং মমাংদা অমুক্তা উখিদ্রিবা মশক থোকপা শাফু কয়া লৈবা ঐখোয়গী রিন্যুএবল এনর্জী পুথোকপা নৎত্রগা য়ুম্থোং খুদিংদা এনর্জী চাদবা মৈঙাল থানবা, নৎত্রগা অর্বান ইনফ্রাস্ত্রকচরদা এনর্জী কনবা ঙম্নবা থবক্কুম্বা খোঙথাং কয়া অমা পায়খৎখ্রে,” হায়না প্রধান মন্ত্রীনা হায়খি। ভারতকী রিন্যুএবল এনর্জী কেপাসিতী অসি হৌজিক্কী ওইনা 186 জি.দব্ল্যু.দা লৈরি অমসুং মসিনা 2030 ফাওবদা 500 জি.দব্ল্যু.গী রিন্যুএবল ইন্সতোল্দ কেপাসিতী ফংনবা পান্দম থম্লি। লৈবাক অসিনা 2030 ফাওবদা 50%গী কেপাসিতীদা নোন ফোসিল ইলেক্ত্রিসিতী শুংনবা পান্দম অমা থম্লি হায়না প্রধান মন্ত্রীনা ফোংদোকখি।

“তুং কোইনা চৎপা চাউখৎপা অমসুং রিন্যুএবল এনর্জী সোলুসনশিং ফংনবা ঐখোয়গী লৈবাকশিংগী মরক্তা পীনরিবা মতেং অসি য়াম্না ইথিল পীনিংঙাই ওইরি, অদুগা মসি হেন্না লু নানবা অমসুং তুংকোইনা চৎপা য়াবা তুংলমচৎ অমাগী মায়কৈদা ঐখোয়গী মান্নবা মওংদা কত্থোক্লিবা অসি য়াম্না ইন্দিকেতিব ওই,” হায়না প্রধান মন্ত্রীনা ফোংদোকখি।

প্রো-প্লানেত ওইবা পুন্সি মহিং শেম্বা

ভারতকী মিসন লাইফস্তাইল ফোর এনভাইরোন্মেন্ত (মিসন লাইফ) অসি মালেমদা অকোইবদা কায়দবা পুন্সি মহিং অমা লৌখৎনবগী ইথিল পীনবা থৌরাং অমনি।

“ঐখোয়না তুং কোইনা চৎপা য়াবা মালেমগী সিসন অমা হৌদোকখি – ‘লাইফ, লাইফস্তাইল ফোর এনভাইরোন্মেন্ত’ – মসিনা তুং কোইনা চৎপা য়াবা মওংদা অহোংবা পুরকপা পুন্সি মহিং অমসুং সর্কুলার একনোমী প্রিন্সিপলশিং পুক্নিং থৌগৎলি,” হায়না প্রধান মন্ত্রী মোদীনা ফোংদোকখি।

“মিসন লাইফকীদমক ঐহাক্না লাউরিবা অসি প্রো-প্লানেত লাইফস্তাইলশিংগী ওইবা মীয়ামগী ঈহৌদা য়ুম্ফম ওই অমসুং ঐখোয়না খল্লিবা অসিনা মালেমগী অইং অশাগী থবক থৌরমদা মতেং পাংই,” হায়না মহাক্না মখা তাখি। হীরম অসিদা, ভারতনা ভোলুন্তরী, প্রো প্লানেত ওইবা মকানিজম অমা শাগৎকতুনা অইং অশা হোংলকপা অসিবু থেংননবা হোৎনরি, মসিবু “গ্রীন ক্রেদিত ইনিসিএতিব” হায়না কৌরি।

থৌরাং অসিনা “গ্রীন ক্রেদিত”শিং অরেম্বা অমসুং লৈহাও চেন্দ্রবা লমশিং অমসুং তুরেলগী কেৎচমেন এরিয়াদা উ ৱা থাবগীদমক পীনবা থৌরাং তৌ। অসিগুম্বা অশং অমান ওইহন্নবা থবক অমা পাক শন্না পায়খৎপনা তুরেল খোংনুং হিংহৎহনবা ঙমগনি, লৈহাও হেনগৎহনগনি, অমসুং মহৌশাগী একোসিস্তেম অমা হিংগৎহনবা ঙমগনি।

ওক্তোবরদা, এনভাইরোন্মেন্ত, ফোরস্ত, অমসুং ক্লাইমেত চেঞ্জ ওব ইন্দিয়া মন্ত্রালয়না থৌরাং অসিবু “মার্কেত্তা য়ুম্ফম ওইবা তোঙান তোঙানবা স্তেকহোল্দরশিংবু ভোলুন্তরী এনভাইরোন্মেন্তেল এক্সনশিংবু কান্নবা পীনবা মেকানিজম অমনি” হায়খি।

“মালেম অসিনা ইচম চম্বা অমসুং পাঙথোকপা য়াবা অমসুং পাক চাউনা শরুক য়াহন্নবা পুক্নিং থৌগৎপা অসিগুম্বা ইন্সত্রুমেন্তশিং অসি তঙাইফদবা ওইরি,” হায়না প্রধান মন্ত্রী মোদীনা হায়খি।

“ঐখোয়না অসিগুম্বা পোজিতিব থিংকিং অসি G20 প্রেজিদেন্সীদা হৌদোকখি। ঐখোয়না লৌশিং, হৈ শিংবা অমসুং প্লান্নিংগী খ্বাইদগী ফবা থবক, চলাইবা অমসুং এনভাইরোন্মেন্ত ফ্রেন্দলী ওইবা থবকশিং গ্রীন ক্রেদিতকুম্বা থৌরাং অমসুং মেকানিজমশিংগা লোইননা মালেম পুম্বগা খুৎশম্নবা, মতেং পীনবা, অমসুং মপাং ওইনদুনা চৎপা পাম্লি,” হায়না প্রধান মন্ত্রীনা হায়খি।

ভারতনা গ্রীন ক্রেদিতপু য়ু.এ.ই.গা লোইননা COP 28 কী অৱাংবা থাক্কী থৌরম অমদা হৌনবী মতুং ইন্না হৌদোকনবা শেম শারে।

” য়ু.এ.ই.না ‘গ্রীন ক্রেদিতকী থৌরাং’বু মালেমগা খুৎশম্ননবগীদমক অৱাংবা থাক্কী থৌরম অমা ঐখোয়গা লোইননা য়ুম্বু ওইমিন্নগদবা অসিদা ঐহাক্না হরাওবা পোকচৈ।

ঐখোয়না এনভাইরোন্মেন্ত ফ্রেন্দলী ওইবা থবকশিংদা কান্নবা পীনবা থৌরাং অসিবু হৌদোকপগী থৌরম ঙাইদুনা লৈজরি। ঐখোয়না লৈবাক খুদিংমকপু ভোলুন্তরী ওইবা তেংবাং পীননবগী শরুক অমা ওইবীদুনা হৈশিংবশিং লান্থোক্ননবা অমসুং অমদগী অমনা খ্বাইদগী ফরবা থবকশিং তমশিনমিন্ননবা কৌজরি,” হায়না প্রধান মন্ত্রীনা হায়খি।

গ্রীন হায়দ্রোজেন, ইনভেস্তমেন্ত

ভারতনা গ্রীন এনর্জীগী প্রোজেক্তশিংদা অদুক্কী মতীক খুমাং চাউশিনলদুনা লৈবাক অসিগী তুং কোইনা চৎপা য়াবা মায়কৈদা খোঙ থাংজিল্লে। জনুৱারী 2023দা, ভারতনা গ্রীন হায়দ্রোজেন অমসুং মসিদগী ফংবা পোৎলমশিং পুথোকপা, শীজিন্নবা, অমসুং মপান্দা থাদোক্নবগী মালেমগী ওইবা হব অমা ওইনবগী পান্দমদা নেসনেল গ্রীন হায়দ্রোজেন মিসন লাউথোকখি। প্রধান মন্ত্রীগী মতুং ইন্না, লৈবাক অসিদা 5 এম.এম.তি.পি.এ.গী গ্রীন হায়দ্রোজেন 2030 ফাওবদা পুথোক্নবা পান্দম থম্লি। হন্দক্তা, ভারতনা তেক্নোলোজীশিং গ্রীন হায়দ্রোজেন পুথোকপদা অখন্নবা পান্দম থমদুনা পাকথোক চাউথোকহন্নবা অপুনবা হায়দ্রোজেন তাস্ক ফোর্স অমা শেম্নবা য়ানখ্রে।

নেসনেল গ্রীন হায়দ্রোজেন মিসন অসিনা 80 জি.দব্ল্যু.গী ইলেক্ত্রোলাইজর কেপাসিতী অমসুং 125 জি.দব্ল্যু.গী রিন্যুএবল এনর্জী চঙলি, মসিদা বিলিয়ন $ 100 কী অপুনবা ইনভেস্তমেন্ত অমা চঙগনি হায়না পারি, হায়না প্রধান মন্ত্রী না হায়রদুনা “মমাংদগী হৌনা ভারতকী রিন্যুএবল এনর্জী সেক্তরদা মতীক চানা ইনভেস্তমেন্ত তৌবীরক্লবা য়ু.এ.ই.গী মরুপশিংনা ভারতকী গ্রীন হায়দ্রোজেন সেক্তর অসিদা ইনভেস্ত তৌবীনবা পুক্নিং চিংশিনখি।”

ভারতকী প্রধান মন্ত্রী অসিনা গ্রীন হায়দ্রোজেন অমসুং গ্রীন এমোনিয়াগী প্রোজেক্ত অসিবু ভারত্তগী য়ু.এ.ই., মেদিতরেনিয়ন অমসুং মসিগী ৱাংমদা গ্রীন হায়দ্রোজেন কোরিদোর হাংদোক্তুনা কৈথেল শম্ননবা হোৎনরিবসিগী মথক্তা লৈবাক অনিগী তুংগী মপাং ওইননবা মরুওইবা হীরম অমনি হায়না ফোংদোকখি।

ভারতকী মরুওইবা G20গী থৌরাং

ভারতকী G20 প্রেজিদেন্সীগী মনুংদা, লৈবাক অসিনা অইং অশা হোংলকপা অমসুং ক্লাইমেত এক্সনদা হেন্না অখন্নবা পুক্নিং চিংশিনখি, হায়রিবসি G20 ন্যু দিল্লী লিদর্স দিক্লারেসনদা মমি তাখি।

হায়রিবশিং অসিদা গ্রীন দিবেলপমেন্ত পেক্ত, এস.দি.জি.শিংগী খুমাং চাউশিনবা হেনগৎনবা G20 2030 এক্সন প্লান, হায় লেভেল প্রিন্সিপল ওব লাইফস্তাইল ফোর সস্তেনেবল দিবেলপমেন্ত, হায় লেভেল ভোলুন্তরী প্রিন্সিপল ওন হায়দ্রোজেন অমসুং দিজাস্তর রিলিফ ৱার্কিং গ্রুপ ইন্সতিত্যুসনেলাইজ তৌবা য়াওরি হায়না প্রধান মন্ত্রীনা ফোংদোকখি।

হৌজিক লৈরিবা পান্দম অমসুং পোলিসীশিং অসিগা লোইননা মালেম শীনবা থুংনা রিন্যুএবল এনর্জীগী কেপাসিতী শরুক অহুম হেনগৎহন্নবা অমসুং মসিগা মান্নবা ইনোৎ অতৈ জিরো অমসুং লো-ইমিসন তেক্নোলোজীশিংদা নেসনেল সর্কমস্তেন্সকা চাননা 2030 ফাওবদা উৎনবা পান্দম অমা লৈরি। “ঐখোয়না COP 28 বু হায়রিবা পান্দমশিং অসিবু মাংজিল থানা পুখৎকনি হায়না থাজবা পোকচৈ। ঐখোয়না COP 28গী মনুংদা ঐখোয়না মপাং অমা ওইনা 2019দা হৌদোকখিবা গ্রীন ক্রেদিত ইনিসিএতিব, নৎত্রগা লিদআইতি ইনিসিএতিবকুম্বা অতৈ থৌরাং কয়াসু প্রোমোত তৌগনি হায়না থাজৈ,” হায়না প্রধান মন্ত্রী মোদীনা ফোংদোকখি।

‘পঞ্চামৃত’

হৌখিবা চহি মাপনলোম অসিদা ভারতনা লৈবাক অসি অইং অশা হোংলকপা অসি থেংননবা মশাগী ওইবা থৌদাং মাংজিল থানা চঙশিল্লিবা অসিবু খুদম কয়া অমা উৎতুনা তাকখ্রে। ” COP 26 তা, ঐহাক্না ভারতকী অচৌবা ৱারেপ মঙা য়াওরিবা ‘পাঞ্চমৃত’ – মালেমগী ক্লাইমেত এক্সনদা ঐখোয়গী থৌদাং লাউথোকখি,” হায়না প্রধান মন্ত্রীনা ফোংদোকখি।

অচৌবা ৱারেপ মঙা অসিদা মখাগীশিং অসি য়াওরিঃ নোন ফোসিল এনর্জী কেপাসিতী 2030 ফাওবদা 500 জি.দব্ল্যু য়ৌহনবা; অচংবা এনর্জীগী 50% বুনা রিন্যুএবল এনর্জীগী সোর্সতগী 2030 ফাওবদা ফংহনবা; অপুনবা প্রোজেক্তেদ কার্বন ইমিসনগী চাং বিলিয়ন তন 1 ফাওবদা হৌজিক্তগী হৌদুনা 2030 ফাওবদা হন্থহনবা; শেন্মিৎলোনগী কার্বন ইন্তেন্সিতী 2030 ফাওবদা 45% হন্থহন্দুনা 2005 লেভেল ফাওবদা লৈহনবা; অমসুং নেত জিরো ইমিসনগী পান্দম 2070 ফাওবদা ফংবা।

ৱাশকশিং অসিবু থবক্তা ওন্থোক্লদুনা ভারতনা নেসনেল্লি দিতর্মিন্দ কন্ত্রিব্যুসন COP 27গী মাংজৌননা থাজিনখ্রে অমসুং লোন তর্ম লো ইমিসন দিবেলপমেন্ত স্ত্রেতেজী (এল.তি.-লেদস) সু থাজিনখ্রে, মসিনা নেত জিরো পাথৱেশিংবু COP 27গী মনুংদা মাংজিল থানা পুখৎখ্রে হায়না প্রধান মন্ত্রীনা ফোংদোকখি।

“ঐখোয়গী এন.দি.সি.শিংবু ফংনবগী লম্বীদা চঙশিল্লিবা অমত্তা ঙাইরবা G20 লৈবাক হায়বদু ঐখোয়না ওইরি,” হায়না মহাক্না ফোংদোকখি।

“লাইবক থীবদি, মালেমগী থাক্তা, অইং অশাগী মায়থোং অসি শাফবদি ওইদ্রি, অমসুং মালেমগী কম্ম্যুনিতী অমা ওইনা ঐখোয়না 2030গী পান্দম অদু ফংলোইদবা হীরম কয়া অমসু লৈরি।”

মহাক্না COP 28 কী মনুংদা মঙলান থমখিবা ইহান হানবা গ্লোবেল স্তোক্তেক্কী মতাংদসু পুখৎখি, মসিবু মালেমগী থৌরাংশিং ময়াইদা রিভ্যু তৌনবা মরুওইবা খুদোংচাবা অমনি হায়নসু ফোংদোকখি।

“ঐহাক্না থাজৈ মদুদি মসিগী থৌরম অসিনা মালেমগী কম্ম্যুনিতী অসিবু কোর্স করেক্সন লৌখৎনবা অমসুং ঐখোয়গী 2030গী পান্দম ফংনবা লম্বীদা শরুক অনি হেন্না চঙশিন্নবা শক্তি পীগনি,” হায়না প্রধান মন্ত্রী মোদীনা হায়খি।