ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা বিক্ষিৎ ভারত সঙ্কল্প য়াত্রাগী বেনিফিসরীশিংগা ৱারী শাখ্রে। মহাক্না প্রধান মন্ত্রী মহিলা কিসান দ্রোন কেন্দ্রসু হাংদোকখি। থৌরম অসিদা প্রধান মন্ত্রীনা দেবগরগী AIIMSতা 10,000শুবা জন ঔশাধি কেন্দ্র খুৎশিন্নখি। মখা তানা শ্রী মোদীনা লৈবাক অসি জন ঔশাধি কেন্দ্রশিংগী মশিং 10,000দগী 25,000দা হেনগৎহন্নবা প্রোগ্রামসু হৌদোকখি। প্রধান মন্ত্রীনা চহি অসিগী অঙনবদা মহাক্কী নীংতম নুমিৎকী ৱারোল পীবদা নুপী SHGশিংদা দ্রোনশিং পীনবা অমসুং জন ঔশাধি কেন্দ্রশিংগী মশিং 10,000দগী 25,000দা হেনগৎহন্নবা, থৌশিল অনিমক লাউথোকখি। থৌরম অসিনা ৱাশকশিং অদু থুংহল্লি।

জম্মু জিলাদগী রংপুর খুঙ্গংগী সরপঞ্চ অমসুং অরনিয়াদগী লৌমী অমা ওইরিবা শ্রীমতি বালবীর কৌরনা প্রধান মন্ত্রীদা মহাক্না মমিং ওইনা পল্লবদা কিসান ক্রেদিৎ কার্দ স্কিম, ফার্ম মেছিনরী বেঙ্ক স্কিম অমসুং কিসান সম্মান নিধি য়োজনা হায়রিবা তোঙান-তোঙানবা সরকারগী স্কিমশিংগী কান্নবা লৌরি ফোঙদোকখি। মহাক্না মখা তারদুনা হায় মদুদি মহাক্কী খুঙ্গং অসি ঙমখৈগী নক্ননা লৈ। শ্রী মোদীনা কিসান ক্রেদিৎ কার্দ শীজিন্নদুনা লৈখিবা ত্রেক্তর অমগী মপু ওইবা ফংবদা মঙোন্দা নুংঙাইবা ফোঙদোকখি।

প্রধান মন্ত্রীনা মহাক্কী খুৎশাগী মতোন্দা মহাক্কী লমদমগী দেতা লৈবগীদমক মহাকপু থাগৎখি মদুদা মহাক্না পাউখুম অসুম্না পীখি, ‘আপ সে হি শীখা হে গ্রাসরুৎ পর কাম কর্না। কাম কর্তি হু ওর ভিলতি নহি হু” (অদোমদগী গ্রাসরুত্তা থবক তৌবা অসি তমজখিবনি অমসুং থবক্কী অকুপ্পা ৱারোলশিং কাওবা লৈতে)।

মহাক্না সরকারগী স্কিমশিংগী সেচুরেসন ফংনবা এৱের্নেস পীবা মথৌ তাই হায়খি অমসুং শ্রীমতি কোরদা য়ুমলোন্নরিবা খুল তরাদা ৱাহৈ অসি শন্দোক্নবা হায়খি। প্রধান মন্ত্রীনা ক্যুগী অরোইবদা লেপ্পীবা মীওইদা কান্নবা পুম্নমক ফংহনবা হায়বা অসিদা থাজবা থম্মি হায়না ফোঙদোকখি। বিক্ষিৎ ভারত সঙ্কল্প য়াত্রাগী মরমদা পল্লদুনা প্রধান মন্ত্রীনা হায়খি মদুদি মসিনা হৌজিক লৈরিবা বেনিফিসরীশিংগী এক্সপরিয়েন্সশিংদগী তমশিন্নবা অমসুং কান্নবশিং অসি হৌজিক ফাওবা ফংদ্রিবশিং কোনশিন্নবা পান্দম থম্মি।

*****