ভারতকী প্রধানমন্ত্রী

ঙসি নিউ দিল্লিগী য়সোভুমিদা প্রধান মন্ত্রী শ্রী নরেন্দ্র মোদীনা জি-২০ পর্লিয়ামেন্তরি স্পিকরস সম্মিৎ(পি-২০) হৌদোকখ্রে। ভারতনা জি-২০গী প্রসিদেন্ত ওইবগী মখাদা ভারতকী সংসদনা মীফম অসি য়ুম্বু ওইবনি অমসুং মসিগী থিম্না ‘মালেম অমা, ইমুং অমা অমসুং তুংলমচৎ অমগী সংসদশিং” হায়বনি।

থৌরম অদুদা তিনখিবা মীয়ামদা ৱা ঙাংবদা, জি-২০ পর্লিয়ামেন্তরি স্পিকরস সম্মিৎকী শক্নাইরবশিং ভারতকী মীওই করোর ১৪০গী মহুৎশীন্দুনা প্রধান মন্ত্রীনা তরাম্না ওকখি। প্রধান মন্ত্রীনা হায়খি মীফম অসি মালেম শীনবা থুংবগী সংসদকী থবকশিংগী ‘মহা কুম্ভ’ অমনি। ঙসি শরুক য়ারিবা দেলিগেদশিংনা তোঙান-তোঙানবা লৈবাকশিংগী সংসদকী থবকশিং খঙবা ঙমলগনি। মীফম অসিদা পাংথোকপদা প্রধান মন্ত্রীনা মহাক্কী অপেনবা ফোঙদোকখি।

ভারত্তা কুহ্মৈগী মতম য়ৌরকপা অসিগী মতাংদা প্রধান মন্ত্রীনা হায়খি ভারতনা প্রসিদেন্ত ওইবা অসিদা জি-২০গা মরী লৈনবা থৌরমশিং সহর কয়াদা পাংথোক্তুনা জি-২০গী থৌরমশিংনা চহি চুপ্পা কুহ্মৈগী ফিবমদা লৈহল্লে। হায়রিবা কুহ্মৈশিং অসি থাদা চন্দ্রয়ান তাখিবা, মাইপাক্না জি-২০ মীফম অমসুং পি-২০ মীফম পাংথোকপা অসিনা হেন্না মপুংফাহল্লে। লৈবাক অমগী খ্বাইদগী চাউবা মপাঙ্গলদি লৈবাক অদুগী মীয়াম অমসুং মখোয়গী খাংবা কনবগী থৌনা অদুনি অমসুং মদু হরাওবা ফোঙদোক্নবগী পাম্বৈ অমা মীফম অসিনা ওইরে।

প্রধান মন্ত্রীনা হায়খি গনতন্ত্রগী মমা ওইনা খঙনবা খক নত্তনা  মালেমদা খ্বাইদগী চাউবা গনতন্ত্র চৎপা লৈবাক অমদা পি-২০ মীফম পাংথোক্লি। মীফম অসিদা মালেম শীনবা থুংবগী তোঙান-তোঙানবা সংসদশিংগী মীহুৎশিং শরুক য়ারি। মরৈ য়েৎনবা অমসুং খন্ন-নৈনবগী মরুওইবশিং অদু খুদম ওইনা পুৱারিদা ফংলি। চহি লিশিং ৫ হেল্লবা অরিবা বেদাশিং অমসুং ভারতকী অরিবা লাইরিকশিংদা খুন্নাইগী য়াইফনবা অপুনবগী ৱারেপশিং লৌনবা এশেমব্লিশিং অমসুং কম্মিতিশিংগী ৱাফম পল্লম্বা থেংনৈ।

ভারতকী খ্বাইদগী অরিবা লাইরিক রিগবেদাগী মতাংদা প্রধান মন্ত্রীনা সংস্কৃত শ্লোগ অমা থিখি, মসিনা হায়খি ‘ঐখোয় পুন্না চৎমিন্নগদবনি, পুন্না ৱা ঙাংমিন্নগদবনি  অমসুং ঐখোয়গী ৱাখল চুংশিন্নগদবনি’। খুঙ্গংগী থাক্তা ৱাথোকশিং মরৈ য়েৎনদুনা ৱারোইশিন পুরকপদা গ্রিক এম্বেসেদর মেগাসথেনিস অঙকপা পোকখি অমসুং মসিগী মরমদা য়াম্না কুপ্না ইখি। খুঙ্গংগী আইনশিং নিয়মশিং অমসুং চৎন-কাংলোনশিং তমিল নাদুগী ১৯শুবা চহিচাগী অরিবা লাইরিকশিংদা ইরম্বা থেংনৈ। চহি ১২০০ শুরবা অরিবা লাইরিক্তা মেম্বর অমা দিসক্বালিফিকেসন তৌনবগী নিয়মশিংসু ইরমখি।

১২শুবা চহিচাদগী হৌরগা মাগ্না কার্তা লৈত্রিঙৈ চহি কয়াগী মমাঙদা লৈরম্বা অনুভাব মন্তাপ্পা চৎনবীগী মতাংদা প্রধান মন্ত্রীনা হায়খি খন্ন-নৈনবনা কাংলুপ, ফুরুপ অমসুং লাইনিং খুদিংমক্কী মীওইশিং মখোয়গী অনিংবশিং মনিংতম্না ফোঙদোকপা ঙমহল্লি। জগৎগুরু বাসেশ্বরনা হৌদোক্লম্বা অনুভাব মন্তাপ্পানা ঙসি ভারত চাউথোকচবা ফাওহল্লে। চহি ৫০০০ শুরবা অরিবা লাইরিকশিংদগী হৌরগা ঙসি ফাওবগী ভারতকী খোঙচৎ অসি ভারত খক্তগী নত্তনা মালেম শীনবা থুংবগী সংসদকী চৎনবীশিংগী লনগৈ অমনি।

প্রধান মন্ত্রীনা হায়খি মতমগী মতুংইন্না ভারতকী সংসদকী চৎনবীশিং মপাঙ্গল কনখৎলক্লি। নিংতম্বা ফংবদগী ভারত্তা সাধরন মীখল ১৭ অমসুং রাজ্য বিধান সভাগী মীখল ৩০০ হেন্না পাংথোকখ্রে। খ্বাইদগী চাউবা মীখলগী থবক অসিদা মীয়াম শরুক য়াবা লেপ্তনা হেনগৎলক্লি। ২০১৯গী সাধরন মীখল অসিদা ভোত্তর মিল্লিয়ন ৬০০ হেন্না শরুক য়াদুনা মীওইবগী পুৱারিদা খ্বাইদগী চাউবা মীখল ওইদুনা মহাক্কী দলদা শক্তি শীন্নরকখি। মতম অদুদা, অপুনবা য়ুরোপকী মীশিংদগী হেন্না ভোত্তর মিল্লিয়ন ৯০ রেজিস্তার তৌখি। য়াম্লবা ভোত্তরশিংগী চাদা ৭০ ভোৎ থাদবা থোরকখিবা অদুনা ভারতমচাশিংনা মখোয়গী সংসদকী থবকশিংদা থম্লিবা অচেৎপা থাজবা অদু উৎলে। ২০১৯গী মীখলদা রেকোর্দ ওইনা নুপীশিং শরুক য়াখি। হৌজিবা সাধরন মীখলদা রাজনিতি দল ৬০০ হেন্না শরুক য়াখি অমসুং মীখল পাংথোক্নবা সরকারগী ইমপ্লোয়ি মিল্লিয়ন ১০ থবক তৌখি অমসুং ভোৎ থাদনবা পোল্লিং স্তেসন মিল্লিয়ন ১ থমখি। মীখলগী থবকশিং মতমগা চুনবা মওংদা পাংথোক্লে। হৌখিবা চহি ২৫দা ই.ভি.এম শীজিন্নবা অসিনা মীখলগী থবকশিংদা অরোন-অথুপ লৈহন্দ্রে অমসুং মশিং থিবা হৌবা পুং খরগী মনুংদা মীখলগী ফলশিং ফংহল্লে। মথং চহিগী সাধরন মীখলদা মীওই বিল্লিয়ন অমা শরুক য়াগনি অমসুং মীখলশিং য়েংনবা দেলিগেদশিং লাকপীয়ু।

প্রধান মন্ত্রীনা হায়খি সংসদ অমসুং রাজ্য বিধান সভাশিংদা নুপীশিংগী সিত চাদা ৩৩ খাক্নবা হন্দক ৱারেপ লৌখ্রে। লোকেল গভর্নমেন্তশিংগী মীখলদগী কারকপা মীয়ামগী মীহুৎ মিল্লিয়ন ৩ হেনবগী মনুংদা চাদা ৫০ রোমদি নুপীশিংনি। ঙসিগী ভারতনা হিরম খুদিংমক্তা নুপীশিং শরুক য়াবা পুক্নিং থৌগৎলে। ঐখোয়গী সংসদনা হন্দক লৌখিবা ৱারেপ অদুনা মখা তানা ঐখোয়গী সংসদকী চৎনবী মপাঙ্গল কনখৎহল্লগনি।

প্রধান মন্ত্রীনা হায়খি ভারতকী সংসদকী চৎনবীশিংদা মীয়াম্না অচেৎপা থাজবা থম্লি অমসুং মসি খেন্নবা কয়া অসিনা ওইহনবনি। লাইনিং খুদিংমক্কী মীওইশিং লৈবাক অসিদা লৈরি। চীঞ্জাক মখল চা কয়া, পুন্সি মহিং কয়া, লোল কয়া লৈরি। মীয়ামদা পাউ পীনবা ভারত্তা লোল ২৮দা তি.ভি চেন্নেল ৯০০ হেন্না লৈরি, লোল ২০০ হেনবদা তোঙান-তোঙানবা পাউ-চে লিশিং ৩৩ রোম ফোঙলি, সোসিএল মেদিয়া শীজিন্নবা বিল্লিয়ন ৩ রোম লৈরি। ২১শুবা চহিচা অসিদা, মসি ভারতকী থৌনানি, খেন্নবশিংগী মরক্তা অপুনবগী শক্তম্নি, মসি ঐখোয়গী খ্বাইদগী চাউবা থৌনানি। মসিনা ঐখোয়দা শিংনবা খুদিংমক থেংননবা ইথিল পীরি অমসুং খুদোংচাদবা খুদিংমক পুন্না থেংননবা থৌনা হাপ্লি।

অমগা অমগা শম্নবা মালেমগী মওং অসিগী মতাংদা প্রধান মন্ত্রীনা হায়খি মুক্নবনা থল্লবা মালেম অমা কনা অমতনা পাম্নদে। তোখায় তারবা মালেম্না মীওইবা খুন্নাইনা থেংনরিবা অচৌবা অৱাবশিং কোকহন্নবা পাম্বৈশিং পুথোকপা ঙম্লোই। মতম অসি শান্তি অমসুং মরুপ-মপাং ওইবা, পুন্না চৎমিন্নবগী মতম অমনি। হৌজিক অসি মীওই খুদিংমক চাউখৎপা অমসুং নুংঙাইবগী মতম্নি। ঐখোয়না মালেমগী থাজনবা ৱাৎপগী অৱাবা লাকশিনগদবনি অমসুং মীওইবগী খনবা ৱাখল্লোন্দা মাঙলোমদা চঙশিনগদবনি। মালেম অমা, ইমুং অমা, তুংলমচৎ অমা হায়বা ৱাখল্লোন অসিদা ঐখোয়না মালেমদা য়েংগদবনি। মালেমগী ৱারেপ লৌবগী থবকশিংদা হেন্না শরুক য়াবগী মরুওইবা অদু খঙদুনা জি-২০দা অফ্রিকান য়ুনিয়ন য়াওহন্নবা পুখৎলকপা ৱাফম মেম্বরশিংনা য়ানখ্রে। প-২০ ফোরমদা পান অফ্রিকা শরুক য়াবদা প্রধান মন্ত্রীনা হরাওবা ফোঙদোকখি।

লোক সভাগী স্পিকরনা অনৌবা সংসদ দেলিগেদশিংদা য়েংহনবগী মতাংদা প্রধান মন্ত্রীনা হায়খি চহি কয়া ভারতনা ঙমখৈ ৱাংমদগী তেরোরিজম মায়োক্নদুনা মীচম মীয়াম লিশিং কয়া হাৎখ্রে। চহি ২০গী মমাঙদা মীফম পাংথোক্লিঙৈদা তেরোরিস্তশিংনা ভারতকী সংসদতা লান্দারকখি অমসুং তেরোরিস্তশিংনা এম.পিশিং ফাজিন্দুনা থম্না থৌরাং তৌখি অমসুং তেরোরিস্তশিং অদু হাৎখি। অসিগুম্বা তেরোরিস্তশিংগী থৌদোক কয়া থেংনরবা মতুংদা ঙসি ভারত ফিবম অসিদা য়ৌরকখিবনি। মালেমদা তেরোরিজমগী অচৌবা শিংনবা থেংনরিবা অসি মালেমশু খঙলে।

শ্রী মোদীনা মখা তানা হায়খি তেরোরিজমগী থৌওংশিং, মরমশিং, মখলশিং পুম্নমক মীওইবা খুন্নাইগী মায়োক্তনি। অসিগুম্বা ফিবম অসি থেংননবা শন্তাইনবা অমতা তৌরোইদবনি। তেরোরিজমগী দিফিনিসন ফংনবা মালেমগী ওইনা য়ানবা অমতা পুরকপা ঙমদ্রি। তেরোরিজম থেংননবা মালেমগী মীফম্না য়ুনাইতেদ নেসন্সতা য়ানবা অমা পুরক্নবা ঙসি ফাওবা ঙাইদুনা লৈরি। মালেমগী মওং অসিদা মীওইবা খুন্নাইগী য়েক্নবশিংনা খুদোংচাবা লৌদুনা লৈরে অমসুং তেরোরিজম থেংননবা পুন্না থবক তৌমিন্ননবা লম্বীশিং পুথোক্নবা মালেমগী সংসদশিং অমসুং মীহুৎশিংনা থবক পায়খৎকদবনি।

লোইশিল্লকপদা, প্রধান মন্ত্রীনা হায়খি মালেমগী অৱাবশিং কোকহন্নবা মীয়াম শরুক য়াবদগী হেন্না ফবা পাম্বৈ অমতা লৈতে। মেজোরিতিনা সরকারশিং শেম্বনি হায়বা ঐনা মতম পুম্নমক্তা থাজৈ,অদুবু লৈবাক হিংবা হায়বসি য়ানবা পুরক্লবা মতমদা ঙমগনি। মসিগী ৱাখল্লোন অসি ঐখোয়গী পর্লিয়ামেন্তরিয়ানশিং অমসুং পি-২০ ফোরম্না হেন্না মপাঙ্গল কনখৎহনগদবনি।

থৌরম অসিদা লোক সভাগী স্পিকর শ্রী ওম বিরলা অমসুং ইন্তর-পর্লিয়ামেন্তরি য়ুনিয়নগী প্রসিদেন্ত দুরাতে পাচেকো শরুক য়াখি।

নুঙগীৱারোল

ভারতকী জি-২০গী প্রসিদেন্সীগী থীমগা মরী লৈননা ৯শুবা পি-২০ সম্মিৎকী থীম অসি ‘মালেম অমা, ইমুং অমা অমসুং তুংলমচৎ অমগী সংসদশিং” হায়বনি। থৌরম অসিদা জি-২০ মেম্বরশিং অমসুং চেবাউ ফংখ্রবা লৈবাকশিংগী পার্লিয়ামেন্তকী স্পীকরশিংনা শরুক য়াখি। সেপ্তেম্বর ৯-১০, ২০২৩ দা নিউ দিল্লীদা পাংথোকখিবা জি-২ লীদরশিংগী সম্মিৎতা অফ্রিকান য়ুনিয়ন্না জি-২০গী পর্মনেন্ত মেম্বর অমা ওইখ্রবা মতুংদা পান-অফ্রিকা পার্লিয়ামেন্তনা অহানবা ওইনা পি-২০দা সম্মিৎতা শরুক য়াবনি।

পি-২০সম্মি অসিগী মনুংদা পাংথোক্কদবা থিমশিংগী সেসন্দা মখাগী সবজেক্ত মরি অসিদা মীৎয়েং চঙগনি – পব্লিক দিজিতেল প্লেতফোর্মশিংগী খুত্থাংদা মীয়ামগী পুন্সি মহিংদা অওনবা পুরকপা; নুপীনা লুচিংবা চাউখৎ থৌরাং; এস.দি.জিশিং হেনগৎহনবা; অমসুং সস্তেনেবল ইনর্জী ত্রাঞ্জিসন।

মহৌশাগা লোয়ননা ইং-তপ্না লৈনবা অশং-অমান অমসুং সস্তেনেবল ওইবা তুংলমচৎ অমগী মাইকৈদা চংশিন্নবা পাইখৎলিবা খোঙথাংশিংগী মতাংদা খন্ননবা লাইফ (লাইফস্তাইল ফোর ইনভাইরনমেন্ত)তা প্রী-সম্মিৎ পার্লিয়ামেন্তরী ফোরম অমা ওক্তোবর ১২,২০২৩দা পাংথোকখ্রে।

Addressing the G20 Parliamentary Speakers’ Summit. It is a unique confluence of various parliamentary practices from around the world. https://t.co/D9uFvqFiKh

— Narendra Modi (@narendramodi) October 13, 2023

P20 समिट, उस भारत-भूमि पर हो रही है, जो mother of democracy है, जो दुनिया की सबसे बड़ी democracy है: PM @narendramodi pic.twitter.com/ckiHMQjQgn

— PMO India (@PMOIndia) October 13, 2023

Magna Carta से भी पहले, 12वीं शताब्दी में हमारे यहाँ “अनुभव मंटपा” की परंपरा रही है: PM @narendramodi pic.twitter.com/Dk86b1nlpE

— PMO India (@PMOIndia) October 13, 2023

भारत, दुनिया का सबसे बड़ा election ही नहीं कराता, बल्कि इसमें लोगों का participation भी लगातार बढ़ रहा है। pic.twitter.com/532IE5ciNQ

— PMO India (@PMOIndia) October 13, 2023

समय के साथ भारत ने election process को आधुनिक technology से भी जोड़ा है। pic.twitter.com/oHE4MlfT9K

— PMO India (@PMOIndia) October 13, 2023

भारत, आज हर sector में women participation को बढ़ावा दे रहा है।

हमारी संसद द्वारा लिया गया हाल का फैसला, हमारी संसदीय परंपरा को और समृद्ध करेगा: PM @narendramodi pic.twitter.com/WVuEGNLrmq

— PMO India (@PMOIndia) October 13, 2023

यह शांति और भाईचारे का समय है, साथ मिलकर चलने का समय है, साथ आगे बढ़ने का समय है।

यह सबके विकास और कल्याण का समय है: PM @narendramodi pic.twitter.com/62gyOE9cik

— PMO India (@PMOIndia) October 13, 2023

Terrorism चाहे कहीं भी होता हो, किसी भी कारण से, किसी भी रूप में होता है, लेकिन वो मानवता के विरुद्ध होता है। pic.twitter.com/9EsqRmA6hS

— PMO India (@PMOIndia) October 13, 2023

*****