ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা আন্ধ্র প্রদেশ রি-ওর্গনাইজেসন এক্ত, 2014 (2014গী নম্বর 6)কী থর্তিন সেদ্যুলদা পীরিবা অসিগী মতুং ইন্না তেলঙ্গানাগী রাজ্যদা লৈবা মুলুগু জিলাদা সম্মক্কা সরাক্কা সেন্ত্রেল য়ুনিভর্সিতী লিংখৎনবা সেন্ত্রেল য়ুনিভর্সিতী এক্ত, 2009দা অমেন্দ তৌনবা সেন্ত্রেল য়ুনিভর্সিতীজ (অমেন্দমেন্ত), বিল, 2023 কৌবা বিল অমা পার্লিয়ামেন্তদা পুথোকপদা অয়াবা পীখ্রে।

মসিদা লুপা করোর 889.07গী ফন্দশিংগী প্রোবিজন লৈহনগনি। অনৌবা য়ুনিভর্সিতী অসিনা রাজ্য অসিদা হায়র এজুকেসন এক্সেস তৌবা অমসুং ক্বালিতী লৈহনবা খক্তা নত্তনা রাজ্য অসিগী ত্রাইবেল মীওইশিংদা কান্নবা পীনবা ত্রাইবেল আর্ত, কলচর অমসুং ত্রেদিস্নেল নোলেজ সিস্তেমগী কান্নবা ফংহন্নবা ইনস্ত্রক্সনেল অমসুং রিসর্চ ফেসিলিতীশিং লৈহন্দুনা হায়র এজুকেসনগী এভেন্যুশিংসু প্রমোৎ তৌগনি অমসুং লৌশিং হেনগৎহনগনি। অনৌবা য়ুনিভর্সিতী অসিনা অহেনবা কেপাসিতীসু লৈহন্দুনা রিজনেল ইমবেলেন্স কোকহল্লগনি।

*****