ভারতকী প্রধানমন্ত্রী

সেপ্তেম্বর ১০,২০২৩দা নিউ দিল্লিদা জি-২০ মীফম নাকলদা প্রধান মন্ত্রী শ্রী নরেন্দ্র মোদীনা য়ুরোপিয়ান কাউন্সিগী রাস্ত্রপতি চার্লেস মাইকেল অমসুং য়ুরোপিয়ান কম্মিসনগী রাস্ত্রপতি উরসুলা ভোন দের লেয়েন উনখ্রে। 
ভারতনা মাইপাক্না জি-২০গী প্রসিদেন্ত ওইবদা লুচিংবা অনিনা প্রধান মন্ত্রী থাগৎপা ফোঙদোকখি।

মথংগী ভারত-ই.য়ু মীফম, হৌজিক চৎথরিবা ফ্রি ত্রেদ এগ্রিমেন্তগী ৱারি শানবা, অইং-অশাগী খল হোংলকপা, দিজিতেল তেক্নোলোজি অমসুং ত্রেদ এন্দ তেক্নোলোজি কাউন্সিল(তি তি সি)গী য়াওনা ইন্দিয়া-ই.য়ু স্ত্রাতেজিক পার্তনরশিপকী ৱাফম কয়া খন্নখি।
লুচিংবশিংনা সেপ্তেম্বর ৯,২০২৩দা হৌদোকখিবা ইন্দিয়া-মিদল ইস্ত-য়ুরোপ ইকোনোমিক কোরিদোরগী মতাংদা খন্নখি। কোরিদোর অসি অথুবা মতমদা থবক হৌগদবনি হায়না মখোয়না ফোঙদোকখি। কোরিদোর অসিগী মখাদা সোলার প্রোজেকশিং পায়খৎপা য়াবগী ওইথোকপশিংগী মতাংদা প্রধান মন্ত্রীনা হৌদোকখি।

*****