ভারতকী প্রধানমন্ত্রী

‘ভাসুধাইব কুতুম্বকম’ – ৱাহৈ অনি অসিনা ৱাহন্থোক লুম্না চেনবা ফিলোসোফী অমা পুদুনা চৎলি। মসিনা তাক্লিবদি, ‘মালেম অসি ইমুং অমত্তনি’। মসি ঐখোয়বু মালেমগী ওইবা ইমুং অমখক্তা ওইনা ঙমখৈ খায়দনা, লোল অমসুং ৱাখল্লোনশিং চাইখাইদনা চাউখৎমিন্নবগী মীৎয়েং অমা য়েংনবা পুক্নিং থৌগৎলি। ভারতকী জি২০ প্রেজিদেন্সীগী মনুংদা, মসিনা মীওইবা খুন্নাইগী ওইবা চাউখৎলোন অমা পুরক্নবা হোৎনরি। মালেম অসিনা অমত্তা ওইনা ঐখোয়না ঐখোয়গী গ্রহ অসিবু য়োকখৎনবা হোৎনমিন্নরি। ইমুং অমত্তা ওইনা, ঐখোয়না চাউখৎপা পুরক্নবা অমত্তা ওইনা চংশিনমিন্নরি। অমসুং ঐখোয়না মান্নবা তুংলমচৎ অমগীদমক, অমগা অমগা শম্নবা লৎনহৈদ্রবা অশেংবা অমত্তা ওইবা তুংগী লম্বী অমদা চঙশিল্লি।

লাইচৎকী মতুংদা লাকপা মালেম অমা হায়সি মমাংদা লৈরম্বা মালেম অদুদগী অদুক্কী মতীক খেন্নরে। মসিদা অতৈ কয়াগী মরক্তা মরুওইবা অহোংবা অহুমখক লৈরি।

অহানবদা, জি.দি.পি.দা য়ুম্ফম ওইবা মালেমগী মীৎয়েংদগী মীওইবা খুন্নাইদা মীৎয়েং থম্বা মালেম অমগী মীৎয়েংগী তঙাইফদবা লৈরি।

অনিশুবদা, মালেম অসিনা গ্লোবেল সপ্লাই চেনদা খাঙবা কনবা অমসুং থাজবগী মরুওইবা খঙনরক্লি।

অহুমশুবদা, মালেমগী ইন্সতিত্যুসনশিংগী রিফোর্মগী খুত্থাংদা মলতিলেতরেলিজম মপাঙ্গল কলহন্নবগী অমত্তা ওইবা খোলাউ অমা চঙলি।

ঐখোয়গী জি২০ প্রেজিদেন্সী সিনা হায়রিবা অহোংবশিং অসিবু মপাঙ্গল কলহন্নবা অচৌবা থৌদাং অমা লৌরি।

দিসেম্বর ২০২২দা, ঐখোয়না ইন্দোনেসিয়াদগী প্রেজিদেন্সী লৌবা মতমদা, ঐহাক্না ইজখি মদুদি জি২০না ৱাখল হোংহন্নবগী অচৌবা খুৎলাই অমা ওইগদবনি। মসি চাউখৎলক্লিবা লৈবাকশিং, গ্লোবেল সাউথ অমসুং অফ্রিকাগী মঙলানশিং ময়াম মরক্তা পুশিল্লকপদা তঙাইফদে।

লৈবাক ১২৫দগী শরুক য়াখিবা গ্লোবেল সাউথ সম্মিৎকী খোঞ্জেলনা ঐখোয়গী প্রেজিদেন্সীগী থৌরাংগী মখাদা খ্বাইদগী মরুওইবা মশক অমা ওইখি। মদু গ্লোবেল সাউথতগী লৌবা য়াবা ৱাখল্লোনশিং লৌনবা মরুওইবা থৌরাং অমা ওইখি। মখা তানা, ঐখোয়গী প্রেজিদেন্সী অসিনা অফ্রিকাগী লৈবাকশিংদগী খ্বাইদগী য়াম্না শরুক য়াখিবদা নত্তনা অফ্রিকা য়ুনিয়নবু জি২০গী পার্মনেন্ত মেম্বর অমা ওইহন্নবা হোৎনখি।

অমগা অমগা শম্নবা মালেম অমা হায়বসিনা হীরম কয়াদা লৈরিবা ঐখোয়গী শীংনবশিং অসি মরী লৈনহল্লি। মসি ২০৩০ এজেন্দাগী মরক মা ওইরি অমসুং এস.দি.জি.গী চাউখৎপগী খোঙজেল অসি লাকপা হৌরে হায়না লৈবাক কয়ানা খঙনরিা এস.দি.জি. চাউখৎহন্নবগী জি২০ ২০৩০ এক্সন প্লাননা জি২০গী তুংগী মায়কৈবু এস.দি.জি.দা পুশিল্লক্কনি।

ভারত্তা, মহৌশাগা লোইননা হরাওনা হিংমিন্নবা হায়বসি অরিবা মতমদগী হৌনা চৎনদুনা লাক্লি অমসুং ঐখোয়না অনৌবা য়ুগকী মতমদা অকোইবগী ফিভম ফগৎনবগী থৌরাংদা চাউনা শরুক য়ারি।

গ্লোবেল সাউথকী লৈবাক কয়ানা চাউখৎপগী তাংকক কয়াদা লৈরি অমসুং অকোইবগী ফিভম ফগৎনবগী থৌরাংসু মতাং চানা লৌখৎকদবনি। অকোইবগী ফিভম ফগৎনবগী থৌরাংশিংগীদমক্তা থম্লিবা পান্দমশিং অদু অকোইবগী ফিভম ফগৎনবগী থম্লিবা শেল থুম অমসুং তেক্নোলোজি ত্রান্সফর তৌবগী থবকশিংগা চানগদবনি।

ঐখোয়না থাজৈ মদুদি তৌরোইদবদা তশেংনা পামদবগী মতৌ উৎপদগী নাথৈদুনা অকোইবগী ফিভমদা হোংলক্লিবা অসি মায়োক্নবদা করি তৌরগা হেন্না অফবা ওইগদবা  মওংদা ৱাখল থাদবগী তঙাই ফদবা অমা লৈরে।

সস্তেনেবল অমসুং রেজিলিএন্ত ব্লু ইকোনোমি অমগীদমক লৈরিবা চেন্নৈ ঐচ.এল.পি.না ঐখোয়গী মহাশাগরশিংবু লুনা নান্না থম্বদা পান্দম থম্লি।

ঐখোয়গী প্রেসিদেন্সি অসিদগী লু নানবা অমসুং অকোইবদা কায়দবা হাইদ্রোজেনগী গ্লোবেল ইকোসিস্তেম অমা গ্রীন হাইদ্রোজেন ইনোবেসন সেন্তর অমগা লোয়ননা পুথোক্লগনি।

২০১৫দা, ঐখোয়না  ইন্তর্নেস্নেল সোলার এলাইএন্স হৌদোকখি। গ্লোবেল বাইওফ্যুলস এলাইএন্সকী খুত্থাংদগী হৌজিক ঐখোয়না সারকুলর ইকোনোমি অমগী কান্নবশিংগা লোয়নবা এনর্জি ত্রাঞ্জিসনশিং য়াহন্নবা মালেম অসিবু শৌগৎকনি।

অকোইবগী ফিভম ফগৎনবা থবকশিং দিমোক্রেতাইজ তৌবনা খোংজঙ অসিগী খোঙজেল য়াঙশিলহনবগী খ্বাইদগী ফবা লম্বী ওইগনি। মীওই অমনা মখোয়গী হকশেল মতম কয়া শাংনা চৎকদগে হায়বদা নোংমগী ওইবা ৱারেপ লৌবগুম্না, মখোয়না পুন্সিগী মহিংগী ৱারেপ লৌবদা মালেম অসিগী হকশেলদা পীবা শাফুদা য়ুম্ফম ওইরক্কনি। য়োগানা হকশেল ফনবগী মালেম পুম্বগী খোঙজং অমা ওইরকপগুম, ঐখোয়না মালেম পুম্ববু লাইফস্তাইল ফোর সস্তেনেবল এনভাইরোন্মেন্ত (লাইফ)তা চঙশিন্নবা তকশিনগদবনি।

অকোইবগী ফিভমদা পীরিবা শাফুনা মরম ওইদুনা, চীঞ্জাক অমসুং ন্যুত্রিসনেল সেক্যুরিতী পীবনা খ্বাইদগী মরুওইবা থবক অমা ওইরি। মিলেৎ নৎত্রগা শ্রী অন্নানা মসিদা মতেং পাংবা ঙমবগা লোইননা, ক্লাইমেৎ স্মার্ত এগ্রিকলচরবুসু মপাঙ্গল হেনগৎহনগনি। মিলেৎকী অন্তর্জাতিগী চহি অসিদা, ঐখোয়না মিলেৎপু মালেমগী থাক্তা পুখৎখ্রে। ফুদ সেক্যুরিতী অমসুং ন্যুত্রিসনগী দেক্কান হাই লেভেল প্রিন্সিপলনা মসিগী মায়কৈ অসিদা চাউনা মতেং পাংগনি।

তেক্নোলোজীনা অহোংবা পুরকপা ঙম্মি অদুবু মসিসু পুম্নমকপু কোনশিলহনবা ঙমহনবা মথৌ তাই। হৌখিবা মতমদা, তেক্নোলোজী চাউখৎপগী কান্নবশিং অসি খুন্নাইগী কাংলুপ খুদিংমক্তা চপ মান্নবা মওংদা কান্নবা ফংহনবা ঙম্লমদে। ভারত্তা, হৌখিবা চহি খরা অসিদা, তেক্নোলোজী অসি মান্নদবা থোং কয়া লাপথোকহনবগী মহুত্তা নকশিলহনবদা শীজিন্নবা য়াই হায়বসি উৎখ্রে।

খুদম ওইনা হায়রবদা, মালেম পুম্বদা লৈরিবা বেঙ্ককা শম্নদ্রিবা নৎত্রগা দিজিতেল আইদেন্তিতী লৈত্রিবা মীওই বিলিয়ন কয়াবু দিজিতেল পব্লিক ইনফ্রাস্ত্রকচর (দি.পি.আই.)গী খুত্থাংদা শেলথুমগী হীরমদা পুশিনবীবা য়াই। ঐখোয়না দি.পি.আই. শীজিন্নদুনা শেমগৎলিবা পাম্বৈ অসি মালেম পুম্বদা খঙনরে। হৌজিক্তি জি২০গী খুত্থাংদা, ঐখোয়না চাউখৎলক্লিবা লৈবাকশিংবু মপুং ওইবা চাউখৎপা পুরকপদা চুশিন্নহনবা, শেমগৎপা অমসুং দি.পি.আই. হাংদোকপদা মতেং পাংলগনি।

ভারত অসি খ্বাইদগী খোঙজেল য়াঙনা চঙশিল্লিবা অচৌবা একনোমী অমনি হায়বসি শোইবদগী ওইখিবা নত্তে। ঐখোয়গী চম্লবা, চাউথোকহনবা য়াবা অমসুং তুং কোইনা চৎনবা য়াবা পাম্বৈশিংনা শোত্থরবশিংবু অমসুং অপীকপা কাংবুবু ঐখোয়গী চাউখৎপগী ৱারীদা লমজিংহন্নবগী শক্তি পীবা ঙম্লে। সুন্দ্রংদগী শান্ন-খোৎনব্দা, শেন্মিৎলোন্দগী ওন্ত্রপ্রিন্যুরশিপ্তা, ভারতকী নুপীশিংনা তোঙান তোঙানবা হীরম কয়াদা লমজিংলি। মখোয়না হীরম অসিবু নুপীশিংগী চাউখৎ থৌরাংদগী নুপীনা লুচিংবা চাউখৎ থৌরাং অমদা ওন্থোকপা ঙম্লে। ঐখোয়গী জি২০ প্রেজিদেন্সী অসিনা জেন্দর দিজিতেল দিভাইদপু লেবর ফোর্সকী অহাংবা মেনশিনদুনা অমসুং লুচিংবা অমসুং ৱারেপ লৌবা মতমদা নুপীশিং চাউনা শরুক য়াহন্দুনা খুজিলহন্নবা হোৎনরি।

ভারতকী ওইনদি, জি২০ রেজিদেন্সী অসি অৱাংবা থাক্কী দিপ্লোমেতিক ওইবা খোঙথাং অমখক ওইনা লৌদে। গনতন্ত্রগী হৌরকফম অমা ওইনা অমসুং মান্নদবা কয়াগী খুদম অমা ওইনা ঐখোয়না মসিগুম্বা থবক অসিবু মালেমগী থাক্তা চাউনা থোং হাংদুনা থম্লে।

ঙসিদি, অসিগুম্বা থাক্তা থবকশিং মায় পাক্না পায়খৎপনা ভারতকা মরী লৈনবা মগুন অমা ওইরক্লে। জি২০ প্রেজিদেন্সী অসিসু তোখাইবা নত্তে। মসিসু মীয়াম্না লমজিংবা খোঙজং অমা ওইরে। ঐখোয়গী মতম লোইরকপদদি লৈবাক অসিগী কাচিন কোয়া পুম্বদা লৈবাক ১২৫দগী লাকপা দেলিগেৎ ১০০,০০০ রোমগী য়ুম্বু ওইদুনা ভারতকী শহর ৬০দা মীফম ২০০ হেন্না পাঙথোক্লগনি। মমাংদা লৈখিবা প্রেজিদেন্সী অমত্তনা অসিগুম্বা পাক চাউবা লমগী শরুক অসি য়ৌনা পাকথোক চাউথোকপা ঙমখিদ্রি।

ভারতকী দিমোগ্রাফী, গনতন্ত্র, দাইভর্সিতী অমসুং চাউখৎপগী ৱারী অসি কনাগুম্বা অমদগী তাবা হায়বসিনা তোঙানবা অমনি। মসি ইশামক্না হকথেংননা থেংনবা হায়বসিগা খেন্নবা লৈ। ঐহাক্না থাজৈ মদুদি জি২০গী দেলিগেৎশিংনা মসি শোইদনা থেংনদুনা লৌবা ফংগনি।

ঐখোয়গী জি২০ প্রেজিদেন্সী অসিনা খাইদোক্নরিবশিং পুনশিন্নবা, অহোবশিং মেনশিন্নবা, অমসুং অপুনবনা লিংবা, মান্নবা পন্থুংনা তোখাই তাববু পুনশিনবা মালেম অমা ওইহন্নবা মরু হুন্নবা হোৎনরি। জি২০ প্রেজিদেন্ত ওইনা ঐখোয়না মালেমগী ফম্বাক অসিবু হেন্না চাউথোক্নবা, খোঞ্জেল পুম্বা তাহন্নবা অমসুং লৈবাক খুদিংমক্না শরুক য়ানবা ৱাশক্লি। ঐহাক্না থাজৈ মদুদি ঐখোয়গী ৱাশক অসি থবক্তা ওন্থোক্কনি অমসুং ফলগা মান্নগনি।

*****