ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা বারানসিদা পাংথোকখিবা জি.২০ কলচর মিনিস্তরশিংগী মীফমগী দেলিগেতশিংবু ইকাইখুম্নবা উৎপা ওইনা পাংথোকখিবা, ইশৈ-নোংমাইগী ওইবা ঙক্ননিংঙাই ওইনমক নিংথিরবা, ‘সুর ৱাসুধা’বু থাগৎখ্রে।

ওর্কেস্ত্রা অদুদা জি.২০ মেম্বর অমসুং ইনভাইতী লৈবাকশিংদগী মুজিসিয়নশিং য়াওখি। মসিনা তোঙান-তোঙানবা মখল-মখা কয়াগী জন্ত্রশিং অমসুং শৈশকপশিংনা মশা-মশাগী লোনদা শক্তুনা ইশৈ-নোংমাইগী চৎনবীবু সেলেব্রেত তৌখি। ওর্কেস্ত্রা অদুগী পুক্নি শুমহৎনিংঙাই ওইরবা তান অমসুং সুর অদুনা “ৱাসুধৈবা কুতুম্বাকম”-মালেম অসি ইমুং অমত্তনি হায়বগী ৱাখল্লোন অদুবু মপুং ফানা শাগোন্নখি।

কলচর, তুরিজম অমসুং দোনরগী বুনিয়ন মিনিস্তর, শ্রী জি. কিশন রেদ্দীনা তৌরকপা X থ্রেদ অদুগী পাউখুম ওইনা, প্রধান মন্ত্রীনা X পোস্ত অমদা অসুম্না হায়খি;

“ৱাসুধৈবা কুতুম্বাকমগী পাউজেল অদুবু ফোংদোক্নবগী য়াম্না ফজরবা লম্বি অমনি অমসুং মদুসু কাশিগী মতম্না হোংবা নাইদ্রবা সহর অসিদগী!”

A great way to highlight the message of Vasudhaiva Kutumbakam and that too from the eternal city of Kashi! https://t.co/DpeyEKefnO

— Narendra Modi (@narendramodi) August 27, 2023

***