ପିଏମଇଣ୍ଡିଆ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦକ୍ଷିଣ ଆଫ୍ରିକାର ମାନ୍ୟବର ରାଷ୍ଟ୍ରପତି ଶ୍ରୀ ମାଟେମେଲା ସାଇରିଲ ରାମାଫୋସାଙ୍କ ସହ ଟେଲିଫୋନେ ଯୋଗେ କଥା ହୋଇଛନ୍ତି ।
ଉଭୟ ନେତା ଦ୍ୱିପାକ୍ଷିକ ସହଯୋଗ ଅଗ୍ରଗତିର ସକାରାତ୍ମକ ମୂଲ୍ୟାଙ୍କନ କରିଛନ୍ତି, ଯେଉଁଥିରେ ୨୦୨୩ ମସିହାରେ ପାଳନ କରାଯାଉଥିବା ଦ୍ୱିପାକ୍ଷିକ କୂଟନୈତିକ ସମ୍ପର୍କର ତିରିଶ ବର୍ଷ ପୂର୍ତ୍ତି ପ୍ରସଙ୍ଗ ବି ରହିଛି ।
ଅଗଷ୍ଟ ୨୨-୨୪, ୨୦୨୩ ରେ ଦକ୍ଷିଣ ଆଫ୍ରିକା ଦ୍ୱାରା ଆୟୋଜିତ ବ୍ରିକ୍ସ ସମ୍ମିଳନୀ ପାଇଁ ରାଷ୍ଟ୍ରପତି ରାମାଫୋସା ପ୍ରଧାନମନ୍ତ୍ରୀଙ୍କୁ ଆମନ୍ତ୍ରଣ କରିଥିଲେ ଏବଂ ଏହାର ପ୍ରସ୍ତୁତି ବିଷୟରେ ସୂଚନା ଦେଇଥିଲେ । ପ୍ରଧାନମନ୍ତ୍ରୀ ଏହି ନିମନ୍ତ୍ରଣକୁ ଗ୍ରହଣ କରିଛନ୍ତି ଏବଂ ସମ୍ମିଳନୀରେ ଭାଗ ନେବାକୁ ସେ ଜୋହାନ୍ସବର୍ଗ ଗସ୍ତକୁ ଅପେକ୍ଷା କରିଥିବା କହିଛନ୍ତି ।
ସେମାନେ ପାରସ୍ପରିକ ସ୍ୱାର୍ଥ ସମ୍ବଳିତ ଅନେକ ଆଞ୍ଚଳିକ ଏବଂ ବିଶ୍ୱସ୍ତରୀୟ ପ୍ରସଙ୍ଗ ଉପରେ ମଧ୍ୟ ମତ ବିନିମୟ କରିଛନ୍ତି ।
ଚାଲିଥିବା ଜି -୨୦ ର ଅଧ୍ୟକ୍ଷ ଭାବରେ ଭାରତର ପଦକ୍ଷେପକୁ ରାଷ୍ଟ୍ରପତି ରାମାଫୋସା ତାଙ୍କର ସମ୍ପୂର୍ଣ୍ଣ ସମର୍ଥନ ଜଣାଇଛନ୍ତି ଏବଂ ଜି -୨୦ ସମ୍ମିଳନୀରେ ଯୋଗଦେବା ପାଇଁ ସେ ଭାରତ ଗସ୍ତକୁ ଅପେକ୍ଷା କରିଥିବା କହିଛନ୍ତି ।
ଉଭୟ ନେତା ସମ୍ପର୍କରେ ରହିବାକୁ ରାଜି ହୋଇଛନ୍ତି ।
HS
Pleased to speak with President @CyrilRamaphosa. Reviewed progress in bilateral cooperation as we celebrate 30th anniversary of our diplomatic relations. Look forward to participating in the BRICS Summit in Johannesburg later this month. @PresidencyZA
— Narendra Modi (@narendramodi) August 3, 2023
