ভারতকী প্রধানমন্ত্রী
মরুপশিং,
অনৌবা মতমগী ইনফ্রাস্ত্রকচর অসি খুন্নাইগী অচুম্বা পুরকপগা মরী লৈনৈ অমসুং ঙসিগী প্রোজেকশিং অসিদা য়াওরিবা লম্বীশিং অমসুং রেলৱে লাইনশিংনা লায়রবশিং, দলিতশিং, শোৎথরবশিং অমসুং ত্রাইবেলশিংগী চৎথোক–চৎশিন ফগৎহল্লগনি অমসুং অনাবশিং অমসুং নুপীশিং হোস্পিতাল ফাওবা লাইনা য়ৌবা ঙমগ্লনি। চহি ৯গী মমাংদা ছতিসগরগী খুঙ্গং চাদা ২০ হেন্না মখল অমতগী মোবাইল নেতৱার্ক ফংলমদে, ঙসিদি মদু চাদা ৬তা হন্থরে অমসুং মসিগী কান্নবা লমদম অসিগী লৌমীশিং অমসুং শীন্মীশিংনা ফংলে। হৌজিক রাজ্য অসিগী খুঙ্গং অয়াম্বা মোবাইল নেতৱার্ক ফংলে। 4G নেতৱার্ক ফংনবা সরকারনা মোবাইল তৱার ৭০০ হেন্না য়ুংখৎলে। তৱার ৩০০ রোম হান্ননা থবক হৌখ্রে। মতম অমদা ইচিক চিক্না লৈরম্বা ত্রাইবেল খুঙ্গংশিং ঙসিদি রিংতোনশিংনা নীল্লে। মোবাইল ফংবা অসিনা হিরম কয়াদা মীয়ামদা মতেং পাংলে। মসি খুন্নাইগী অচুম্বনি। মসি সবকা সাথ, সবকা বিকাসনি।
মরুপশিং
মরুপশিং,
মহৌশাগী লন ফংবা মফমদা উদোগশিং হেন্না লিংখৎনবা অমসুং অনৌবা খুদোংচাবশিং শেমগৎনবা সরকারনা থবক পায়খৎলে। হৌখিবা চহি ৯দা মাইকৈ অসিদা পায়খৎখিবা থবকশিংনা ছতিসগরদা ইন্দস্ত্রিগী থবকশিং চাউখৎহল্লে। মাইন্স অমসুং মিনরেল এক্ততা অহোংবা পুরকপদগী রোয়ালিতিগী মওংদা ছতিসগরনা অহেনবা ফন্দশিং ফংবা হৌরে। ২০১৪গী মমাঙদা, ছতিসগরনা লুপা করোর ১৩০০ রোয়ালতি ওইনা ফংখি অদুগা ২০১৫–১৬দগী ২০২০–২১ ফাওবগী মনুংদা লুপা করোর ২৮০০ ফংখি। দিস্ত্রিক মিনিরেল ফন্দ হেনগৎলকপদগী মিনরেল মরাং কাইনা ফংবা জিলাশিংদা চাউখৎ–থৌরাংগী থবকশিং য়াংনা পায়খৎলে। অঙাংশিংগী স্কুলশিং, লাইব্রেরিশিং, লম্বীশিং, ঈশিং পীনবা থবকশিংদা হৌজিক দিস্ত্রিক মিনরেল ফন্দ শীজিন্নরে। ছতিসগরদা হাংদোকপা জন ধন বেঙ্ক একাউন্ত করোর ১.৬০ হেনবদা লুপা করোর ৬০০ হেন্না থমজিল্লে।শেনফমশিং অসি লায়রবা ইমুংশিং, লৌমীশিং অমসুং শিন্মীশিংগীনি। লায়রবশিংনা সরকারদগী মতেং লৌবদা জন ধন একাউন্তশিংনা মতেং পাংলি। মুদ্রা য়োজনাগী মখাদা ছতিসগরগী নহারোলশিংদা লুপা করোর ৪০,০০০ হেনবগী লোনশিং পীদুনা ছতিসরগী নহারোলশিং থবক ফংনবা অমসুং মশানা মশাবু থবক পীজনবা খুদোংচাবা কয়া পীরি। কোরোনা মনুংদা লৈবাক অসিদা অপীকপা উদোগশিং মতে পাংনবা সরকারনা লুপা করোর লাখ কয়াগী অখন্নবা স্কিম অমা হৌদোকখি অমসুং ছতিসগরগী ইন্তরপ্রাইজ লাখ ২ রোম মতেং পাংনবা লুপা করোর ৫০০০ পীখি।
মরুপশিং,
ছতিসগরদগী লাকপা বেনিফিসরি লিশিং ৬০ হেনবদা পি.এম শ্বানিধি য়োজনাগী মখাদা গরেন্তি য়াওদনা লোনশিং পীখ্রে। এম.এন.আর.ই.জি.এগী মখাদা খুঙ্গংশিংদা থবক পীনবা ছতিসগরদা সরকারনা লুপা করোর ২৫০০ পীখ্রে।
রাজ্য অসিগী হোস্পিতাল ১৫০০ হেনবদা লায়রবশিং চহি অমদা লুপা লাখ ৫ ফাওবা লেম্না লায়য়েংনবা অয়ুস্মান কার্দ লাখ ৭৫ বেনিফিসরিশিংদা য়েন্থোকখ্রে। লায়রবশিং, ত্রাইবেলশিং, দলিত ইমুংশিং মতেং পাংনবা অয়ুস্মান ভারত য়োজননা য়াম্না চাউনা মতেং পাংলে। ছতিসগরগী ইমুং খুদিংমক চপ মান্নবা খুদোংচাবা পীগনি। ঐনা অমুক হন্না মীয়াম পুম্নমক থাগৎচরি। মীয়াম পুম্নমক য়াইফ–পাউজেল পীজরি।
অদোম থাগৎচরি।
***
From Raipur, launching projects which will give a fillip to infrastructure development in Chhattisgarh and further progress of the state. https://t.co/EM587VmdrD
— Narendra Modi (@narendramodi) July 7, 2023
छत्तीसगढ़ की विकास यात्रा में आज का दिन बहुत बड़ा है। pic.twitter.com/k9dPPKcREk
— PMO India (@PMOIndia) July 7, 2023
आज भारत उन क्षेत्रों में आधिक इंफ्रास्ट्रक्चर विकसित कर रहा है, जो विकास की दौड़ में पीछे रह गए। pic.twitter.com/0n8vp83MlH
— PMO India (@PMOIndia) July 7, 2023
आधुनिक इंफ्रास्ट्रक्चर का संबंध सामाजिक न्याय से भी है। pic.twitter.com/gHueRunyEe
— PMO India (@PMOIndia) July 7, 2023
आज छत्तीसगढ़ दो-दो इकॉनॉमिक कॉरिडोर से जुड़ रहा है। pic.twitter.com/ffgu4a0m20
— PMO India (@PMOIndia) July 7, 2023
