ভারতকী প্রধানমন্ত্রী

য়ু.এস.কী নেস্নেল সেক্যুরিতী এদভাইজর, হিস এক্সেলেন্সী, শ্রী জেক সুলিভান্না ঙসি প্রধান মন্ত্রী, শ্রী নরেন্দ্র মোদীগা ৱারি শানখ্রে।

এন.এস.এ. সুলিভাননাপি.এম.দা বাইলেতরেল কোওপরেশনগী সেক্তর কয়া অমদা খুমাং চাউশিল্লক্লিবা অদুগী মতাংদা খঙহনখ্রে। মহাক্না খঙহনখি মদুদি রাস্ত্রপতি বাইদেন্না পি.এম.বু স্তেততা লাকপা মতমদা ওক্নবা খৌরাংনা ঙাইরি।

পি.এম.না ভারত অমসুং য়ু.এস.কী মরক্তা কমপ্রেহেন্সিব গ্লোবল স্ত্রেতেজিক পার্তনরশিপকী চাউখৎলক্লিবা অমসুং চেৎশিল্লক্লিবা মরি অসিদা অপেনবা ফোংদোকখি।

প্রধান মন্ত্রীনা হায়খি মদুদি মহাক্না প্রোদক্তিব ঔইবা খোংচৎ অমগীদমক্তা খৌরাংনা ঙাইরি অমসুং রাস্ত্রপতি বাইদেনগা বাইলেতরেল, রিজনেল অমসুং লৈবাক অনিমক্কী কান্নগদবা গ্লোবল ইশুশিংগী মতাংদা পুক্নিং চিংশিন্নিংঙাইবা ওইবা মওংদা ৱারি-ৱাতাই শানবা পাম্লি হায়খি।

*****