ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি তমিল নাদুগী চেন্নাইদা লৈবা বিবেকানন্দ হাউস্তা শ্রী রামকৃষ্ণ মথকী চহি ১২৫ শুরকপগী কুমওন থৌরমদা শরুক য়াখ্রে। থৌরম মফম য়ৌবদা প্রধান মন্ত্রীনা স্বামী বিবেকানন্দগী কাদা হৈকৎ-লৈকৎ তমখি অমসুং পুজা অমদি ধ্যান তৌখি। প্রধান মন্ত্রীনা থৌরম অসিদা হোলি ত্রিও হায়বা লাইরিক অমসু ফোঙখি।

চেন্নাইদা ইং কুমজা ১৮৯৭তা স্বামী রমকৃষ্ণনন্দনা হৌখিবা রমকৃষ্ণ মথ অমসুং রামকৃষ্ণ মিসন অসি হ্যুমেনিতরিয়ন অমসুং সোসিএল সর্ভিস এক্সতিবিতীশিংগী তোঙান-তোঙানবা মওংশিংদা থবক তৌরিবা স্পিরিচুএল ওর্গনাইজেসনশিংনি।

থৌরম অসিদা ৱা ঙাংলদুনা প্রধান মন্ত্রীনা চেন্নাইদা রামকৃষ্ণ মথকী সর্ভিসনা চহি ১২৫ শুরকপগী কুমওন থৌরমদা শরুক য়াবা ফংজবদা নুংঙাইবা ফোঙদোকখি অমসুং হায়খি মদুদি মহাক্কী পুন্সিদা রামকৃষ্ণ মথপু য়াম্না ইকাই খুম্নজৈ। তমিল মচাশিং অমসুং তমিল লোল, তমিলগী নাৎ অমসুং চেন্নাইগী মতৌ অসিবু নুংশিবা পোকই হায়রদুনা প্রধান মন্ত্রীনা ৱেস্ততা চৎখিবা মহাক্কী খোঙচৎতগী হল্লক্লবা মতুংদা মহাক্না চেন্নাইদা লৈবা স্বামী বিবেকানন্দগী য়ুমদা চৎখিবগী মতাংদা পনখি। মহাক্না হায়খি য়ুম অদুদা ধ্যান তৌবা ফংজবা অদু মহাক্কী ওইনা য়াম্না অখন্নবা এক্সপরিয়েন্স অমা ওইখি অমসুং হৌজিক মহাক ইথিল অমদি ইনোৎনা থনখি। প্রধান মন্ত্রীনা তেক্নোলোজীগী খুত্থাংদা অরিবা মতমগী ৱাখল্লোনশিং নহা ওইরিবা মীরোলদা য়ৌহনবগী মতাংদা নুংঙাইবা ফোঙদোকখি।

তিরুবল্লুবরগী ভর্স অমদগী লৌথোক্লদুনা প্রধান মন্ত্রীনা হায়খি মালেম অসিদা অমসুং ঈশ্বরগী মালেম অনিমক্তা থৌজাল হৈবদগী হেনবা অমত্তা লৈতে। তমিল নাদুগী রামকৃষ্ণ মথকী সর্ভিস পীরিবা লমশিংগী মতাংদা প্রধান মন্ত্রীনা এজুকেসন, লাইব্রেরীশিং, লেপ্রোসী এৱের্নেস অমসুং রিহেবিলিতেসন, হেল্থ কিয়র, নর্সিং অমসুং রুরেল দিবেলপমেন্তগী খুদমশিং পীখি। মহাক্না রামকৃষ্ণ মথকী সর্ভিসকী মমাংদা তমিল নাদুনা স্বামী বিবেকানন্দদা পীখিবা ইথিল মাংদা থোরকখি। মহাক্না স্বামী বিবেকানন্দনা মমিং লৈরবা কন্যাকুমারিদা লৈবা নুং অদুদা মহাক্কী পুন্সিগী মথৌ মশক খঙবা ঙমখি অমসুং মসিনা মহাক্কী পুন্সিদা অওনবা পুরকখি অমসুং মসিগী শাফু চিকাগোদা উবা ফংখি। মহাক্না মখা তারদুনা হায়খি স্বামী বিবেকানন্দনা অহানবা ওইনা তমিল নাদুগী শেংলবা লমদমদা খোঙ থাংজিনখি। প্রধান মন্ত্রীনা হায়খি রামনাদকী নীংথৌনস মহাকপু য়াম্না ইকাই খুম্নবগা লোয়নন তরাম্না ওকখি অমসুং নোবেল প্রাইজ ফংখ্রবা ফ্রেঞ্চ অইবা রোমেন রোল্লেন্দনা থৌরম অসিবু বিক্তরী আর্চ তরা তরেৎ য়ুংখিবা অমসুং পব্লিক লাইফ চয়োল অমা লেপখিবগী কুহ্মৈনি হায়খি।

স্বামী বিবেকানন্দ অসি বেঙ্গলদগী হৌরকখি অদুবু ভারতকী নীংতম্বা ফংদ্রিঙৈ মমাংদা তমিল নাদুদা অথৌবা অমগুম্না তরাম্না ওকখি হায়রদুনা প্রধান মন্ত্রীনা হায়খি লৈবাক্কী মীয়াম্না ভারত অসি ‘এক ভারত শ্রেস্থ ভারত’ মশক তাক্লিবা চহি লিশিং কয়া শুরবা লৈবাক অমা ওইবগী ময়েক শেংবা ৱাখল্লোন অমা লৈজৈ। প্রধান মন্ত্রীনা মখা তারদুনা হায়খি রামকৃষ্ণ মথনা চপ মান্নবা ৱাখল্লোনগা লোয়ননা থবক তৌখি অমসুং ভারত শিনবা থুংবদা লৈরিবা মাগী ইন্সতিত্যুসন কবানা ওইজবা থাদোক্তুনা মীয়ামগী শেবা তৌরিবা অসিগী মতাংদা ফোঙদোকখি। প্রধান মন্ত্রীনা কাশি-তমিল সঙ্গম মাইপাকখিববগী মতাংদা পল্লদুনা হায় সৌরস্ত্রা-তমিল সঙ্গম অসিসু পাঙথোক্কদৌরি। মহাক্না ভারতকী অপুনবগী শক্তম হেনগৎহন্নবা অসিগুম্বা খোঙথাং পুম্নমক চাউনা মাইপাক্না য়াইফ-মঙ্গোল পীখি।

প্রধান মন্ত্রীনা হায়খি, “ঐখোয়গী লৈঙাক অসি স্বামী বিবেকানন্দগী ফিলোসোফীশিংনা ইথিল পীখি”। খেন্নবা থমদ্রবা অমসুং থোং মান্নরবা মতমদা খুন্নাইদা চাউখৎপা পুরকই হায়বা স্বামী বিবেকানন্দগী মঙলান অদুগা চাংদম্নরদুনা প্রধান মন্ত্রীনা সরকারগী ফ্লেগশিপ প্রোগ্রাম পুম্নমক্তা চপ মান্নবা ৱাখল্লোন অসি শীজিন্নরি হায়না ফোঙদোকখি। মহাক্না হায়খি মমাংদা তঙাই ফদবা খুদোংচাবশিং অসি খুদোংচাবা অমগুম্না লৌনরমখি অমসুং মীওই খুজোক খরা নত্ত্রগা অপীকপা কাংলুপশিং খক্তনা মদু এক্সেস তৌবা ফংখি। অদুবু হৌজিক্তি চাউখৎ-থৌরাংগী থোং অসি মীপুম খুদিংমক্কীদমক হাংলে হায়না প্রধান মন্ত্রীনা ফোঙদোকখি। মহাক্না হায়খি ঐখোয়গী খ্বাইদগী মাইপাক্লবা স্কিমশিংগী মনুংদা অমা ওইরিবা মুদ্রা য়োজনা অসি ঙসি চহি ৮ শুবগী কুমওন পাঙথোক্লি অমসুং তমিল নাদুগী অপীকপা ওন্তপ্রিনোরশিংগী খোঙথাংশিংনা রাজ্য অসিবি স্কিম অসিগী লীদর ওইহল্লি হায়না ফোঙদোকখি। “মশিং য়াম্লবা নুপীশিং অমসুং খুন্নাইগী শোত্থরবা শরুকশিংগী মীওইশিং য়াওনা অপীকপা ওন্তপ্রিনোরশিংদা কোল্লাতরেল-ফ্রী লোন করোর ৩৮গী ময়াদা পীখি” হায়না প্রধান মন্ত্রীনা ফোঙদোকখি। মহাক্না বিজিনেসকীদমক বেঙ্ক লোন লৌবা অসি খুদোংচাবা ফংবা খক্তগী ওইরমখিবা অদু নীংশিংলদুনা হৌজিক্তি মসিগী এক্সেসিবিলিতী অসি চাউথোক্লে হায়খি। মতৌ অসুম্না য়ুম, মৈ, এল.পি.জি. কন্নেক্সনশিং, তোইলেৎ অমসুং অতোপ্পশিং য়াওনা তঙাই ফদবশিং অসিনা ইমুং খুদিংমক্তা য়ৌরি হায়না প্রধান মন্ত্রীনা মখা তাখি।

প্রধান মন্ত্রীনা হায়খি, “স্বামী বিবেকানন্দনা ভারতকীদমক অচৌবা বিজন অমা লৈ। ঙসি মহাক্কী বিজন অদু থুংহন্নবা ভারতনা হোৎনরিবা অসি মহাক্না চাউথোকচবা পোকপগা লোয়ননা শোইদনা য়েংলমগনি” অমসুং মহাক্না ঐখোয় ইশাদা অমদি ঐখোয়গী লৈবাক অসিদা থাজবা থম্বগী মপুং ওইবা পাউজেল অদুসু থমখি। মহাক্না হায়খি ভারত মচা খুদিংমক্না মসি ঐখোয়গী মতমনি হায়না ফাওরি অমসুং এক্সপর্ত কয়ানা মসি ভারতকী চহিচা ওইরগনি হায়না ফোঙদোক্নরি। মহাক্না মখা তারদুনা হায়খি, “ঐখোয়না কনফিদেন্স লৈবা অমসুং মুচুএল রেস্পেক্ত লৈবা ফীভম অমদগী মালেমগা থবক তৌরি”।

স্বামীজীনা নুপীবু মতেং পাংবা ঐখোয়গী ইতিক নত্তে, মতিক চাবা  ফম্পাক অমা লৈরবা মতমদা নুপীনা খুন্নাইবু লমজিংগনি অমসুং মখোয় মশানা সমস্যাশিং কোকহনজগনি হায়না তাকপী-তম্বীরমখিবা অদু নীংশিংলদুনা প্রধান মন্ত্রীনা হায়খি ঙসিগী ভারতনা নুপীনা লমজিংবা চাউখৎ-থৌরাংদা থাজবা থম্মি। মহাক্না হায়, “স্তার্তঅপশিং নত্ত্রগা স্পোর্তস, আর্মদ ফোর্সেস নত্ত্রগা হায়র এজুকেসন ওইরবসু নুপীশিংনা পল লান্থোক্তুনা রেকোর্দ কয়া ফংবা ঙম্লি”। মহাক্না মখা তারদুনা হায় স্বামীজীনা স্পোর্তস অমসুং ফিৎনেস অসি করেক্তর দিবেলপমেন্তগীদমক য়াম্না মরু ওই হায়না লৌখি অমসুং ঙসি, খুন্নাই অসিনা স্পোর্তস অসিবু এক্সত্রা এক্তিবিতীগী মহুৎ প্রোফেস্নেল চোইস ওইনা লৌনরকখি। মহাক্না হায়খি য়োগ অমসুং ফিৎ ইন্দিয়া অসি মাস মুফমেন্তশিং ওইরকখি। মহাক্না ভারত্তা গ্লোবেল বেস্ত প্রেক্তিসশিং পুরক্না এজুকেসন সেক্তরদা অওনবা পুরকখিবা নেস্নেল এজুকেস পোলিসীগী মতাংদসু ফোঙদোকখি অমসুং এম্পাৱরমেন্ত অসি এজুকেসনগী অমসুং তেক্নিকেল অমদি সাইন্তিফিক এজুকেসনগী খুত্থাংদা ফংবা ঙমগনিস্বামীজীনা থাজখি। মহাক্না মখা তারদুনা হায়, “ঙসি স্কিল দিবেলপমেন্ত অসি মমাংদা অমুক্তা উখিদ্রিবা মওংদা সপ্পোর্ত ফংখি। ঐখোয়দা মালেমগী খ্বাইদগী চাউবা তেক অমসুং সাইন্তিফিক ইকোসিস্তেম লৈ”।

ৱাখল্লোন মঙা পুনশিন্দুনা অমসুং মখোয়বু মপুং ফানা ঙাক্না চৎপনা য়াম্না শক্তি লৈগনি হায়বা স্বামী বিবেকানন্দগী ৱাহৈশিং নীংশিংলদুনা প্রধান মন্ত্রীনা হায়খি ঐখোয়না নীংতম্বগী চহি ৭৫ পালন তৌবগা লোয়ননা লৈবাক অসিনা অমৃত কাল ওইনা মথংগী চহি ২৫ অসিদা পান্দমশিং ফংনবা হোৎনরি। প্রধান মন্ত্রীনা হায়খি, “অমৃত কাল অসি ৱাখল্লোন মঙা – পঞ্চ প্রন পুনশিন্দুনা অচৌবা থবকশিং মাইপাক্নবা হোৎনবদা শীজিন্নবা য়াইগনি। মসি চাউখৎপা ভারত অমগী পান্দমশিংনি, লোইলমগী ৱাখল্লোন পুম্নমক মাংহনবা, ঐখোয়গী হেরিতেজপু পালন তৌবা, অপুনবগী শক্তম মপাঙ্গল কনখৎহনবা অমসুং ঐখোয়গী থৌদাংশিংদা মীৎয়েং চংবনি”। ৱারোল পীবা লোইশিনবদা প্রধান মন্ত্রীনা মীপুম খুদিংমক্তা পুন্না অমসুং অমত্তা ওইনা প্রিন্সিপল মঙা অসি ঙাক্না চৎনবা ফিরেপ লৌনবা হায়খি। শ্রী মোদীনা লোইশিনবদা হায়, “করিগুম্বা মীওই করোর ১৪০না অসিগুম্বা ফিরেপ অমা লৌবা তারবদি ঐখোয়না চাউখৎপা, আত্মনির্ভর ওইবা অমসুং ইনক্লুসিব ওইবা ভারত অমা ২০৪৭ ফাওবদা শেম্বা ঙমগনি”।

থৌরম অসিদা তমিল নাদুগী রাজ্যপাল, শ্রী আর এন রবী, রমকৃষ্ণ মথকী ভাইস প্রদিদেন্ত, শ্রীমত স্বামী গৌতমানন্দজী অমসুং ফিশরিজ, এনিমেল হসবেন্দরী অমসুং দাইরিয়িং অমসুং ইনফোর্মেসন অমসুং ব্রোদকাস্তিংগী কেন্দ্রগী রাজ্য মন্ত্রী, শ্রী এল মুরুগন্না শরুক য়াখি।

Honoured to take part in the 125th Anniversary celebrations of Sri Ramakrishna Math, Chennai. https://t.co/vMH2beKEKL

— Narendra Modi (@narendramodi) April 8, 2023

Ramakrishna Math has played an important role in my life, says PM @narendramodi pic.twitter.com/dlhAa0nN3A

— PMO India (@PMOIndia) April 8, 2023

I love the Tamil language, Tamil culture and the vibe of Chennai: PM @narendramodi pic.twitter.com/FVftghAtxr

— PMO India (@PMOIndia) April 8, 2023

In Kanyakumari, meditating at the famous rock, Swami Ji discovered the purpose of his life. pic.twitter.com/1p1Ecwgud0

— PMO India (@PMOIndia) April 8, 2023

People across the country had a clear concept of India as a nation for thousands of years. pic.twitter.com/IaCt0XIKtP

— PMO India (@PMOIndia) April 8, 2023

This will be India’s century. pic.twitter.com/ducr9ZJIz0

— PMO India (@PMOIndia) April 8, 2023

Today’s India believes in women-led development. pic.twitter.com/4lBvqnJr61

— PMO India (@PMOIndia) April 8, 2023

The nation has set its sights on making the next 25 years as Amrit Kaal.

This Amrit Kaal can be used to achieve great things by assimilating five ideas – the Panch Praan. pic.twitter.com/n7tw8riwZb

— PMO India (@PMOIndia) April 8, 2023

*****