ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা ভিদিও মেসেজগী খুৎথাংদা উত্তরাখান্দ রোজগার মেলাদা ৱা ঙাংখ্রে।

থৌরম অদুদা প্রধান মন্ত্রীনা হায়খি ঙসি অসি এপোইন্তমেন্ত লেত্তরশিং ফংলবশিংগী অনৌবা খোঙচৎ অমা হৌবা নুমিৎনি অমসুং মসি পুন্সিদা অহোংবা পুরকপা খুদোংচাবা অমা ওইবা খক নত্তনা অফবা অহোংবা পুরক্নবগী পাম্বৈ অমনি। থবক ফংলবা মীওই অয়াম্বা লাইরিক-লাইশু তাকপী-তম্বীবগী লমদা থবক তৌগনি।“অনৌবা ইজুকেসন পোলিসিনা ভারতকী নহারোল অনৌবা চহিচাগীদমক থৌরাং তৌরে। মসিগী ৱারেপ অসি মাংলোমদা পুখৎনবা থৌদাং উত্তরাখান্দগী নহারোলশিংদা শীন্নরে।   

প্রধান মন্ত্রীনা হায়খি, মাংলোমদা চংশিন্নবা চুনবা পাম্বৈ ফংহনবগা লোয়ন্না মখোয়না পামজবশিংগী মতুংইন্না নহারোল খুদিংমক অনৌবা খুদোংচাবশিং ফংহনবা হায়বসি কেন্দ্র অমসুং উত্তরাখান্দ সরকারগী লেংদ্রবা থবক অমনি। সরকারগী থবকশিং হাপ্নবা থবক লৌবগী কেম্পেন পাংথোক্লিবা অসি মাইকৈ অসিদা থাংজিনবা খোঙথাংনি। হৌখিবা থা খর অসিদা লৈবাক অসিদা নহারোল লাখ কয়া কেন্দ্র সরকারদগী মখোয়গী এপোইন্তমেন্ত লেত্তরশিং ফংলে অমসুং মসিগী শরুক অমা ওইনা উত্তরাখান্দ য়াওবদা হরাওবা ফোঙদোক্লি। অসিগুম্বা থবক লৌবগী কেম্পেনশিং বি.জে.পিনা পানবা লৈবাক অসিগী রাজ্যশিং অমসুং য়ু.তিশিংদা পাক-শন্না পাংথোক্লি। উত্তরাখান্দশু মসিগী শরুক অমা ওইবদা ঐ হরাওই।

প্রধান মন্ত্রীনা হায়খি চীংগী লমদমশিংদা অনৌবা থবক পীনবা অমসুং মশানা মশাবু থবক পীজনবা অনৌবা খুদোংচাবা কয়া শেম্লে। উত্তরাখান্দা অনৌবা লম্বীশিং অমসুং রেল লাইনশিং শেম্বদগী চৎথোক-চৎশিন নুংঙাইবা হেনগৎহনবদা নত্তনা থবক কয়া ফংহল্লে। মফম খুদিংদা থবক ফংবা হেনগৎলে অমসুং শীন্মীশিং, ইঞ্জিনিয়ারশিং, রো মেতেরিএল ইন্দস্ত্রিশিং অমসুং দুকানশিং থবক ফংলে। ত্রান্সপোর্ত সেক্তরদা দরকার ওইবা হেনগৎলকপা অসিনা মরম ওইদুনা অনৌবা খুদোংচাবা কয়া পীরে। মতম অমদা উত্তরাখান্দগী নহারোলশিং অচৌবা সহরশিংদা থবক থিবা চৎলম্বা অদু ঙসিদি নহারোল লিশিং কয়া কম্মন সর্বিস সেন্তরশিংদা থবক তৌদুনা খুঙ্গংশিংদা ইন্তরনেত অমসুং দিজিতেলগী থবকশিং ফংহল্লে।  

প্রধান মন্ত্রীনা হায়খি মনুং-হুঞ্জিনবা মফমশিং লম্বী, রেল অমসুং ইন্তরনেত য়ৌবদগী উত্তরাখান্দা তুরিজম সেক্তর পাকথোক-চাউথোরক্লে অমসুং তুরিস্ত মেপতা অনৌবা লমকোয়ফমশিং থোরক্লে। মসিনা মরম ওইদুনা, ঙসিদা উত্তরাখান্দগী নহারোলশিং থবক ফংনবা অচৌবা সহরশিংদা চৎপগী মহুত্তা মখোয়গী ময়ুম ময়াদা থবক ফংলে।তুরিজম সেক্তরদা থবক ফংবা হেনগৎহনবদা অমসুং মশানা মশাবু থবক পীজবদা মুদ্রা য়োজননা মরুওইবা থৌদাং অমা লৌরে। দুকানশিং, ধাবাশিং, গেস্ত হাওসশিং অমসুং হোমস্তেশিংদা গরেন্তি অমতা য়াওদনা লুপা লাখ ১০ ফাওবগী লোনশিং পীরে। হৌজিক ফাওবদা লৈবাক শীনবা থুংনা মুদ্রা লোন করোর ৩৮ পীখ্রে। নহারোল করোর ৮ রোম অহানবা ওইনা ওন্ত্রেপ্রেনিউয়রশিং ওইরে। কাংলুপ অসিদা এস.সি/এস.তি/ও.বি.সি কাংলুপকী নুপীশিং অমসুং নহারোলশিংনা মশিং খ্বাইদগী য়াম্লি। 

লোইশিল্লকপদা প্রধান মন্ত্রীনা হায়খি মসি ভারতকী নহারোলশিংগী অঙকপা খুদোংচাবশিং ‘অমৃত কাল’নি অমসুং মখোয়গী থবকশিংনা ভারতকী চাউখৎপা য়াংশিনহন্নবা নহারোলশিংনা হোৎনগদবনি।

Addressing the Uttarakhand Rozgar Mela. Best wishes to the newly inducted appointees. https://t.co/jcSQhCVAsY

— Narendra Modi (@narendramodi) February 20, 2023

*****