ভারতকী প্রধানমন্ত্রী

ঙসিগী মরু ওইবা থৌরম অসিদা শরুক য়াবীরিবা কর্নাতকাগী রাজ্যপাল, কর্নাতকাগী মুখ্য মন্ত্রী, ঙাকশেল মন্ত্রী রাজনাথ সিংহজী, ঐগী অতোপ্পা মন্ত্রী-মন্দলগী মেম্বরশিং, মপানগী ঙাকশেল মন্ত্রীশিং, ইন্দস্ত্রীগী ইকাই খুম্নরবা মীহুৎশিং, অতোপ্পা দিগনিতরীশিং, নুপী অমদি নুপাশিং!

ঐহাক্না এরো ইন্দিয়াগী নুংঙাইরবা মীকুপশিং অসিবু মীৎয়েং তাবীরিবা মরুপ পুম্নমক্তা নুংঙাইবা ফোঙদোকচরি। বেঙ্গলুরুগী অতিয়ানা অনৌবা ভারতকী তৌবা ঙম্বশিং উবা ফংলি বেঙ্গলুরুগী অতিয়ানা অনৌবা ভারতকী তশেংবা অনৌবা পনখৈ অদু উৎলি। ঙসি ভারতনা অনৌবা পনখৈশিং য়ৌবা ঙম্লি অমসুং মখোয়দগী হেনগৎপসু ঙম্লি।

মরুপশিং,

এরো ইন্দিয়া ২০২৩ অসি ভারতকী হেনগৎলক্লিবা তৌবা ঙম্বশিংগী তোমথিন ঙাল্লিবা খুদম অমনি অমসুং থৌরম অসিদা লৈবাক ১০০ হেনবনা শরুক য়াবা অসিনা ভারত্তা মালেম পুম্বনা থাজবা থম্লিবা অসি উৎলি। ভারত অমসুং মপানদগী একজিবিতর ৭০০ হেনবনা শরুক য়ারি। মসিনা হান্নগী রেকোর্দ পুম্নমক থুগাইরি। ভারতকী এম.এস.এম.ই.শিং, ইন্দিজিনস স্তার্তঅপশিং অমসুং মালেমগী মশক নাইবা কম্পনীশিংনা এরো ইন্দিয়াদা শরুক য়ারি। অমরোমদা এরো ইন্দিয়া ২০২৩গী থিম “দি রনৱে তু এ বিলিয়ন ওপুরচুনিতীজ” অসি লৈমাইদগী অতিয়া ফাওবদা মফম খুদিংমক্তা ময়েক শেংনা উবা ফংলি। ঐহাক্না আত্মনির্ভর ভারতকী শক্তি অসি নোংমা নোংমগী অসুম হেনগৎলকপা ওইরসনু হায়না থৌনিজরি।

মরুপশিং,

এরো ইন্দিয়াগা লোয়ননা মফম অসিদা ঙাকশেল মন্ত্রীগী কনক্লেব অমসুং সি.ই.ও. রাউন্দতেবলসু পাঙথোক্লি। মালেমগী তোঙান-তোঙানবা লৈবাকশিংদগী সি.ই.ও.শিংনা থৱায় য়াওনা শরুক য়াবনা এরো ইন্দিয়াগী গ্লোবেল পোতেন্সিএল হেনগৎহনবদা মতেং পাংলগনি। মসিনা মরুপ ওইরিবা লৈবাকশিংগা লোয়ননা ভারতকী ক্রেদিবল পার্তনরশিপ মাংদা পুখৎনবা মিদিয়ম অমা ওইরগনি। থৌশিল অসিগীদমক ঐহাক্না ঙাকশেল মন্ত্রালয় অমসুং ইন্দস্ত্রীগী মরুপশিংবু থাগৎপা ফোঙদোকচরি।

মরুপশিং,

এরো ইন্দিয়া  অসি অতোপ্পা মরম অমগীদমক য়াম্না মরু ওই। মসি তেক্নোলোজীগী লমদা এক্সপর্তিস ওইবা রাজ্য কর্নাতকাদা পাঙথোক্লি। মসিনা এরোস্পেস অমসুং দিফেন্স সেক্তরশিংদা অনৌবা খুদোংচাবশিং পীরগনি। মসিনা কর্নাতকাগী নহারোলগীদমক অনৌবা ওইথোকপা য়াবশিং ফংহল্লগনি।

ঐহাক্না কর্নাতকাগী নহারোলনা লৈবাকপু শক্তি কনখৎহন্নবগীদমক ঙাকশেলগী লমদা মখোয়গী তেক্নোলোজীগী হৈশিংবা অদু শীজিন্ননবা অপীল তৌজরি। দিফেন্সতা অনৌবা ইন্নোভেসনশিং লাক্লিবা মওং অসিদা মসিগী খুদোংচাবশিং লৌরবদি হেন্না কান্নগনি।

মরুপশিং,

লৈবাক্না অনৌবা ৱাখল্লোন, অনৌবা এপ্রোচকা লোয়ননা মাংদা চংশিল্লবা মতমদা মাগী সিস্তেমশিংসু অনৌবা ৱাখল্লোনগী মতুং ইন্না হোংবা হৌরকই। এরো ইন্দিয়া ২০২৩না অনৌবা ভারতকী হোংলক্লিবা এপ্রোচ অদু তাক্লি। এরো ইন্দিয়া অসি ‘শুপ্নগী শো অমা’ অমসুং ‘সেল তু ইন্দিয়া’গী ৱিন্দো অমা ওইনা লৌরম্বা মতম অমা লৈরমখি। অদুবু মসিগী ৱাখল্লোন অসি হৌজিক্তি অহোংবা লাক্লে। ঙসি এরো ইন্দিয়া অসি শুপ্নগী শো অমা খক্তা ওইদ্রে; মসিনা ভারতকী শক্তি ওইরি। মসিনা দিফেন্স ইন্দস্ত্রীগী স্কোপ উৎপা খক্তা নত্তনা ভারতকী মশাদা মশানা থাজবা থম্লিবা অদুসু উৎলি। মসিগী মরমদি ঙসি ভারত অসি মালেমগী দিফেন্স কম্পনীশিংগীদমক মার্কেৎ খক্তা ওইদ্রে। ঙসি ভারত অসি পোতেন্সিএল দিফেন্স পার্তনর অমসু ওইরে। মসিগী পার্তনরশিপ অসি দিফেন্স সেক্তরদা হেন্না খুমাং চাউশিল্লবা লৈবাকশিংগা লোয়নননি। ভারত অসি দিফেন্সকী মথৌ তাবগীদমক রিলাইএবল পার্তনর অমা থীরিবা লৈবাকশিংগীদমক মরু ওইবা পার্তনর ওইরক্লি। ঐখোয়গী তেক্নোলোজী অসি লৈবাকশিং অসিগীদমক কোস্ত ইফেক্তিব লোয়ননা ক্রেদিবল ওই। নখোয়গী মাংদা নখোয়না ভারত্তা ‘বেস্ত ইন্নোভেসন’ অমসুং ‘ওনেস্ত ইন্তেন্ত’ উবা ফংগনি।

মরুপশিং,

ঐখোয়গী লৈবাক্তা হায়নবা অমা লৈ: “প্রত্যাক্ষম কিম প্রামানম”। হায়বদি মশানা ময়েক শেংনা উবা ফংবা পোৎশিং উৎলুবগী মথৌ তাদে। ঙসি ঐখোয়গী মাইপাকপশিং অসি ভারতকী মতিক-ময়াই অমসুং তৌবা ঙম্বা অদুগী খুদমনি। ঙসি তেজাস ফাইতর প্লেনশিংনা অতিয়াদা পাইরিবা অসি ‘মেক ইন ইন্দিয়া’গী শক্তিগী খুদমনি। ঙসি ইন্দিয়ন ওসিন্দা লৈরিবা এয়রক্রাফ কেরিয়র আই.এন.এস. বিক্রান্ত অসি ‘মেক ইন ইন্দিয়া’ পাকথোক চাউথোরকপগী খুদম অমনি। গুজরাতকী বদোদারাদা লৈরিবা সি-২৯৫ এয়রক্রাফ মেন্যুফেকচরিং ফেসিলিতী নত্ত্রগা তুমকুরুগী ঐচ.এ.এল.গী হেলিকোপ্তর য়ুনিৎ ওইরবসু মসিনা ‘আত্মনির্ভর ভারত’কী হেনগৎলক্লিবা মতিক-ময়াই অসিদা শাহৌ পীরি অমসুং মসিদা ভারত লোয়ননা মালেমগীদমক অনৌবা ওপ্সনশিং অমসুং হেন্না ফবা খুদোংচাবশিং লৈরি।

মরুপশিং,

২১শুবা চহিচাগী অনৌবা ভারতনা খুদোংচাবা অমত্তা মাংহল্লোই অমদি খোঙথাং লৌখৎপদা অৱাৎপা লৈরোই। ঐখোয়না শেম-শাখি। রিফোর্মশিংগী মতেংগা লোয়ননা সেক্তর খুদিংমক্তা রিভোল্যুসনশিং পুরকখি। দিকেদ কয়া খ্বাইদগী চাউবা দিফেন্স এক্সপোর্তর ওইরম্বা লৈবাক অসিনা হৌজিক মালেমগী লৈবাক ৭৫দা দিফেন্স ইক্বিপমেন্ত এক্সপোর্ত তৌবা হৌরে। লৈবাক্কী দিফেন্স এক্সপোর্তশিং অসি হৌখিবা চহি মঙাদা শরুক তরুক হেনগৎলকখি। ২০২১-২২দা ঐখোয়না দোলর বিলিয়ন ১.৫ হেনবা দিফেন্স ইক্বিপমেন্ত এক্সপোর্ত তৌখি।

মরুপশিং,

নখোয়নসু খঙই মদুদি দিফেন্স অসি তেক্নোলোজী, মার্কেৎ অমসুং বিজিনেস য়াম্না লুবা লম অমনি। মসি ওইদুনসু হৌখিবা চহি ৮-৯দা দিফেন্স সেক্তরদা অওনবা পুরকখি। অদুম ওইনমক ঐখোয়না মসি অহৌবা অমা ওইনা লৌরি। ঐখোয়না এক্সপোর্ত তৌবগী মশিং অসিবু ২০২৪-২৫ ফাওবদা বিলিয়ন ১.৫দগী বিলিয়ন ৫ য়ৌহন্নবা পান্দম থম্মি। মতম অসিগী মনুংদা লৌখৎখিবা খোঙথাংশিং অসিনা ভারতকী লোঞ্চ পেদ ওইরগনি। ভারতনা খ্বাইদগী চাউবা দিফেন্স মেন্যুফেকচরিং লৈবাকশিংগী মনুংদা চন্নবা খোঙজেল য়াংনা চংশিল্লগনি। হীরম অসিদা ঐখোয়গী প্রাইবেৎ সেক্তর অমদি ইনভেস্তরশিংনা অচৌবা থৌদাং লৌগনি। ঙসি ঐহাক্না ভারতকী দিফেন্স সেক্তরদা প্রাইবেৎ সেক্তরনা য়ারিবা মখৈ ইনভেস্ত তৌনবা হায়জরি। নখোয়না ইনভেস্তমেন্তশিং তৌরিবা মখৈ মসিনা ভারত খক্তা নত্তনা মালেমগী লৈবাক কয়াগীদমক অনৌবা এভেন্যুশিং পীরগনি। নখোয়গী মাংদা অনৌবা ওইথোকপা য়াবশিং অমসুং খুদোংচাবশিং লৈরি। ভারতকী প্রাইবেৎ সেক্তরনা খুদোংচাবা অসি মাংহল্লোই।

মরুপশিং,

অমৃত কালদা ভারত অসি ফাইতর জেৎ পাইলোৎকুম্না মাংদা চংশিল্লি। লৈবাক অসিনা অকিবা লৈতে অদুবু অনৌবা পনখৈশিং তম্না কাখৎপা পাম্মি। ঙসিগী ভারতনা থুনা ৱাখল খল্লি, মীৎয়েং শান্না ৱাখল খল্লি অমসুং থুনা ৱারেপশিং লৌবা ঙম্মি। অমসুং খ্বাইদগ মরু ওইনা ভারতনা খোঙজেল ফনা য়াংনা ৱাংনা কাখৎলুরবসু মতম চুপ্পদা হৌরকফম কাওদে।

এরো ইন্দিয়াগী অচৌবা খোঞ্জেলনা ভারতকী রিফোর্ম, পর্ফোর্ম অমসং ত্রান্সফোর্মগী পাউজেলনা খোন্থাংনা নীলহল্লি। ঙসিগী দেসিসিব সরকার মখল, স্তেবল পোলিসীশিংগী মখল, পোলিতিক্সতা ময়েক শেংবা মীৎয়েং থম্লিবা মখল অসি মমাংদা অমুক্তা ওইখিদ্রি। ভারতকী মসিগী সপ্পোর্তিব এনভাইর্নমেন্ত অসিগী কান্নবা মপুং ফানা লৌগনি। মালেম পুম্বনা ভারত্তা ‘ইজ ওফ দুইং বিজিনেস’কীদমক রিফোর্মশিং পুরক্লিবা অসি য়েংনরিবা অসি নখোয়না উরি। ঐখোয়না গ্লোবেল ইনভেস্তমেন্তশিং লোয়ননা ভারতকী ইন্নোভেসনগা চুন্নবা এনভাইর্নমেন্ত অমা শেম্নবা খোঙথাং কয়ামরুম লৌখৎখি। দিফেন্স অমসুং অতোপ্পা সেক্তরশিংদা ফোরেন দাইরেক্ত ইনভেস্তমেন্তশিংদা কাংলোনশিং লাইথোকহনখি। ওতোমেতিক রুৎকী খুত্থাংদা সেক্তর কয়াদা হৌজিক এফ.দি.আই. অসি অয়াবা পীরি।  ইন্দস্ত্রীশিংদা লাইসেন্সশিং পীবগী থৌওংশিং লায়থোকহনখি অমরোমদা মখোয়গী ভেলিদিতী শাংদোকখি। নুমিৎ ১০-১২গী মমাংদা পুথোকখিবা চহি অসিগী বজেৎতা মেন্যুফেকচরিং য়ুনিৎশিংগী তেক্স বেনিফিৎশিং অসিসু হেনগৎহনখি। দিফেন্স সেক্তরগা মরী লৈনবা কম্পনীশিংনা থৌশিল অসিগী কান্নবা ফংলগনি।

মরুপশিং,

নেচরেল প্রিন্সিপলগী মতুং ইন্না দিমান্দ, এক্সপর্তিস লোয়ননা এক্সপরিয়েন্স লৈরবদি ইন্দস্ত্রীগী গ্রোথ লৈরকপা হায়বা অসি মহৌশানি। ঐহাক্না থাজবা পীজরি মদুদি সেক্তর অসি শক্তি পীনবা খোঙথাংশিং অসি মাংদা চংশিন্দুনা হেন্না শক্তি পীরগনি। ঐখোয়না পুন্না মাইকৈ অসিদা মাংদা চংশিনগনি। ঐহাক্না থাজৈ মদুদি ঐখোয়না তুংদা এরো ইন্দিয়াগী হেন্না চাউবা থৌরমশিং শোইদনা উবা ফংগনি। মসিগা লোয়ননা ঐহাক্না পুম্নমকপু অমুক্কা হন্না থাগৎচরি অমসুং য়াইফ মঙ্গোল পীজরি! ভারত মাতা কী – জয়!

খঙহঞ্জবা: মসি পি.এম.গী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখি।

***