ভারতকী প্রধানমন্ত্রী

থৌরম অসিদা শরুক য়াবীরিবা গুজরাতকী রাজ্যপাল শ্রী আচার্য় দেবব্রত, সার্বদেশিক আর্য় প্রতিনিধি সভাগী প্রসিদেন্ত শ্রী সুরেশ চন্দ্র আর্য়, দিল্লী আর্য় প্রতিনিধি সভাগী প্রসিদেন্ত, শ্রী ধর্মপাল আর্য়জী, শ্রী বিনয় আর্য়জী, মন্ত্রী মন্দলগী ঐহাক্কী মরুপশিং, কিশন রেদ্দীজী, মীনাক্ষী লেখীজী, অর্জুন রাম মেঘৱালজী, দেলিগেৎ পুম্নমক অমসুং ইচিল-ইনাওশিং!

মহর্ষি দয়ানন্দ সরস্বাতিগী ২০০শুবা মপোক কুমওন অসি পুৱারী ওই অমসুং তুংলমচৎকীদমক পুৱারী শেম্নবা খুদোংচাবা অমনি। মসি মীওইবা জাতিগী তুংলমচৎকীদমক, মালেম পুম্বগীদমক ইথিল অমা পীনবা মীকুপ অমনি। স্বামি দয়ানন্দজী অমসুং মহাক্কী ৱাখল্লোন্না হায় – “কৃনবন্তো বিশ্বমার্য়ম”। হায়বদি ঐখোয়না মালেমবু অফবা মফম অমা ওইহনগদবনি, মালেম পুম্বদা ঐখোয়না খ্বাইদগী ফবা ৱাখল্লোনশিং পুথোক্কদবনি। মরম অসিনা ঙসি ২১শুবা চহিচা অসিদা মালেম পুম্বা অসি লান, হিংসা অমসুং তংদু লৈতাদবগী ইরোল নুংদা লুপতুনা লৈরিবা তানফম অসিদা মহর্ষি দয়ানন্দনা উৎপীরম্বা লম্বেল অসিনা মীওই করোর কয়াদা আশা পোকহল্লি। অসিগুম্বা মরু ওইবা তানফম অসিদা মহর্ষি দয়ানন্দজী ২০০শুবা মপোক কুমওনগী অসি আর্য় সমাজনা চহি অনি পাঙথোক্কনি অমসুং ভারত সরকারনা কুহ্মৈ অসি পালন তৌনবা ৱারেপসু লৌখি। মীওইবা জাতিগী য়াইফনবা মসিগী লেপ্পা লৈতবা তপস্য, য়গ্য হৌজিক চত্থরি ঐহাক্না মসিদা অহুতি অর্পন পাঙথোকপা ফংজখি। স্বামিজীনা পোকখিবা চপ মান্নবা লমদমদা পোকচা ফংজবা অসি ঐহাক্কী লাইবক ফবনি। লমদম অসিদগী ফংখিবা ভেল্যুশিং, লমদম অসিদগী ফংখিবা ইথিলনা ঐবু মহর্ষি দয়ানন্দগী ৱাখল্লোন্দা লেপ্পা লৈতনা চীংশিল্লি। ঐহাক্না স্বামি দয়ানন্দজীগী খুয়া খাদা ইকাই খুম্নবা উৎচরি অমসুং থমোয় শেংনা থৌনিজরি।

মরুপশিং,

দয়ানন্দ সরস্বাতিনা পোকপা মতমদা ভারত অসি চহিচা কয়া মীখা পোল্লুবগী অমাংবা নংখি অমসুং মপাঙ্গল শোন্থহনখি অমসুং মাগী মতিক-ময়াই অমসুং মশানা মশাদা থাজবা অদু মাংলকখি। ভারতকী ৱাখল্লোন, নাৎ অমসুং হৌরকফম অসি মাংহন্নবা কয়ারক হোৎনরকখি। খুন্নাই অমদা মীখা পোনবগী ইনফেরিওরিতী কমপ্লেক্স পোকপা মতমদা কা হেন্না উৎচনীংবা মীওইশিংনা স্পিরিচুএলিতী অমসুং লাইনীংগী মফমদা লাকপা হায়বা অসি মহৌশানি। ঐখোয়না মীওইবগী পুন্সিদা উবা ফংখ্রে, মশাদা থাজবা লৈবা মীওইনা ওস্তেনতেসনদা য়ুম্ফম ওইরগা হীংনবা হোৎনৈ। অসিগুম্বা ফীভমদা মহর্ষি দয়ানন্দজীনা মাংদা থোরক্তুনা খুন্নাইরোলদা বেদগী মরমদা ফাওরিবা অদু নৌহৌনা হীংগৎহনখি। মহাক্না খুন্নাইদা মাইকৈ তাকখি, মহাক্না য়েৎনদুনা মদু চুম্মি তাকখি অমসুং হঞ্জিন-হঞ্জিন হায়খি মদুদু ভারতকী ধর্ম অমসুং চৎনবীদা অশোইবা লৈ হায়বগী ৱাখল্লোন অসি অরানবনি হায়খি। শোইরিবদি ঐখোয়না মসিগী অচুম্বা মওং-মতৌ অদু কাউথোকপীখিবা অমসুং অরানবনা নমথখিবা অসিনি। ঐখোয়গী বেদ অসি মীরমগী মীনা ৱাহন্থোক পীরবা মতমদা মখোয়না অরানবা মওংদা শেমদোক্নবা হোৎনখি, অরানবা ৱাহন্থোক্তা য়ুম্ফম ওইরগা স্কোলর কয়ানা ঐখোয়বু তুহৎনবা হোৎনখিবা অমসুং ঐখোয়গী পুৱারী অমদি চৎনবী অসিবু মশক থীহন্নবা হোৎনখি। খোঙথাংশিং লৌখৎখি, অসিগুম্বা মতমদা মহর্ষি দয়ানন্দগী খোঙথাংশিংনা ঈশ্বরগী শক্তম লৌদুনা কন্নবা লাকখি। মহর্ষিজীনা খেন্নবা থম্বা অমসুং শোক্না শম্নবা য়াদবা অসিগুম্বা খুন্নাইগী ফত্তবশিংগী মায়োক্তা অকনবা কেম্পেন অমা হৌখি। ঙসিসু খুন্নাইগী ফত্তবা খরগী মতাংদা ঐহাক হায়জগে, করিগুম্বা ঐহাক্না কর্তব্যগী লম্বেলদা চৎকনি হায়রবদি মীওই খরনা কর্তব্যগী মরমদা নৈনৈ হকশিংগী মরমদা নৈনদে হায়না ঐবু চৈরি। করিগুম্বা মসি ২১শুবা চহিচাদা ঐঙোন্দা থোকপা ফীভম ওইরবদি চহি ১৫০ নত্ত্রগা ২০০গী মমাংদা ওইরবদি মহর্ষিনা খুন্নাইগী লম্বী তাকপদা অৱাবা কয়ামরুম মায়োক্নরমগনি। ধর্মগা লান্না মরী লৈনরিবা ফত্তবশিং অদু স্বামিজীনা ধর্মগী মঙাল অদুমক্না লৌথোকখি। মহাত্মা গান্ধীনা স্বামিজীনা শোক্না শম্নবা য়াদবগী মায়োক্তা থেংনখিবা অসি মহাক্না খ্বাইদগী চাউনা শরুক তমখিবনি হায়না লৌখি। মহর্ষি দয়ানন্দজী অসি নুপীগী মতাংদা খুন্নাইদা লৈরিবা অকুবা মীৎয়েং অসিগী মায়োক্তা মরম চাবা অমসুং কান্নবা খোলাউ অমা ওইখি। মহর্ষি দয়ানন্দজীনা নুপীবু হন্থনা য়েংবগী মায়োক্তা কন্না লেপখি অমসুং  ৱাফম অসি চহি ১৫০ হেন্না শুরবা ৱাফমনি। মতম অদুদা নুপীবু মহৈ মশিং তমহন্নবা কেম্পেনশিং হৌদোক্লমখি। ঙসিগী মতম অমসুং চহি অসিদা ফাওবা নুপীশিংদা মখোয়গী এজুকেসন অমসুং ইকাই খুম্নবগী হক পীবিদবা খুন্নাই লৈরি অদুবু মহর্ষি দয়ানন্দনা নোংচুপ থংবা লৈবাকশিংদা ফাওবা নুপীশিংবু থোং মান্ননা উবা হায়বা অসি ওইথোকপা ৱাবা ৱাফম ওইজরবসু মহাক্না খোলাউ কয়া লাউখি।

ইচিল-ইনাওশিং!

স্বামি মহর্ষি সরস্বাতিনা মতম অদুদা থোরকপা, মতম অদুদা শীংনবশিংগী মায়োক্তা লেপখিবা অদু থোইদোক-হেন্দোকপা ওইখি, মহাক অসি অচম্বা ওইখিদে। মরম অসিনা লৈবাক্কী খোঙচৎতা মখোয়না লৈরমখিবা, আর্য় সমাজকী চহি ১৫০, মহর্ষিজীগী চহি ২০০ শুবা অসিদা মফম অসিদা লৈরিবা মীওইশিং খক্তা নত্তনা ঙসি থৌরম অসিনা মালেম শিনবা থুংববু শম্নহনখি। পুন্সিগী মসিদগী হেন্না ৱাংবা পনখৈ লৈরিব্রা? পুন্সিগী ওইরিবা মওং অসিদা শীখ্রবা মতুং চহি তরা ফাওবা নীংশিংদুনা লৈবা হায়বা অসি ওইথোক্তে। চহি ২০০গী মতুংদা মীয়াম্না মহাক্কী থৌনা লিংজেল অমসুং মহাকপু ইকাই খুম্নবা অসিনা লৈবাক অসিগী খোঙচৎতা মহাক্না লৌরিবা মরু ওইবা মফম অসি তাক্লি। মহর্ষিনা পীরম্বা মন্ত্রশিং, খুন্নাইগীদমক মহাক্না শাগৎখিবা মঙলানশিং অসিদা মপুং ফানা থাজবা থমদুনা লৈবাক অসিনা মাংদা চংশিল্লি। স্বামিজীনা অপীল তৌখিব মতম অদুদা ‘বেদদা হল্লসি’। ঙসি লৈবাক অসিনা মাগী হেরিতেজতা ইকাই খুম্নবগা লোয়ননা চাউথোকচবা পোকই। ঙসি লৈবাক অসিনা চাউনা থাজবগা লোয়ননা লৈবাক অসিদা মোদর্নিতী পুরক্লি, ঐখোয়গী চৎনবী চাউখৎহল্লি। হেরিতেজ লোয়ননা চাউখৎ-থৌরাং অসিনা অনৌবা পনখৈগী মাইকৈদা চংশিল্লি।

মরুপশিং,

মহৌশানা মালেমগী ধর্মগী মতদাং লাকপদা মাগী স্কোপ অসি থৌনি-থৌরমদা লোইরে হায়না লৌই। অদুবু ভারতকী ওইনদি ধর্মগী ৱাহন্থোক অসি মপুং ফানা খেন্নৈ। বেদনা ধর্ম অসিবু পুন্সিগী অপুনবা লম্বী অমনি হায়খি। ঐখোয়দদি ধর্মগী অহানবা ৱাহন্থোক অসি কর্তব্য হায়বনি। মপাগী ধর্ম, মমাগী ধর্ম, মচানুপাগী ধর্ম, লৈবাক্কী ধর্ম, মতমগী ধর্ম, মসিদি ৱাখলনা শাগৎপা ঙাক্তনি। মরম অসিনা ঐখোয়গী লম্বোইবা ঋশিশিংনা থৌনি-থৌরম খক্তা তৌখিদে। মহাক্না জাতি অমদি খুন্নাইগী লম খুদিংমক্কী থৌদাং লৌখি। ইনক্লুসিব অমসুং ইন্তিগ্রেতেদ এপ্রোচ অমা পাইখৎখি। পানিনিগুম্বা ঋশিনা লোল অমদি গ্রাম্মরগী লমদা লৌশিং পীরমখি। পতাঞ্জলিগুম্বা মহর্ষিনা য়োগগী লম খুমাং চাউশিনহনখি। করিগুম্বা ৱাঙু লোলগী মতাংদা য়েংলুরবদি অদোম্না কপিলগুম্বা অথোইবা মীশকনা ইন্তেলেকচুএলিজমদা অনৌবা শাহৌ পীখিবা থেংনগনি। মহাত্মা বিদুরাদগী ভর্তহরি অমসুং আচার্য় চানক্যনা পোলিসী অমসুং পোলিতিক্ষতা, লম্বোইবা কয়ানা ভারতকী ৱাখল্লোন মশক তাকখি। করিগুম্বা ঐখোয়না মেথমেতিক্সকী মরমদা ঙাংনরবদি আরত অসু আর্য়ভত্তা, ব্রহ্মগুপ্তা অমসুং ভাস্করগুম্বা অথৌবা মেথমেতিসিয়নশিংনা লমজিংখি। সাইন্সকী লমদা কনাদ অমসুং বহারমিহিরদগী চরক অসুং সুশ্রুতগুম্বা মশিং লাকঙমদ্রবা মমিং লৈ। ঐখোয়না স্বামি দয়ানন্দজীদা য়েংলুরবদি মহাক্না অরিবা চৎনবী হীংগৎহনবদা অচৌবা থৌদাং লৌখিবা অমসুং মঙোন্দা লৈখিবা থাজবা অদু অঙকপনি হায়বা খঙবা ঙমগনি।

ইচিল-ইনাওশিং,

স্বামি দয়ানন্দ সরস্বাতিজীনা মহাক্কী পুন্সিদা লম্বেল অমা শেম্বা খক্তা নত্তনা মহাক্না তোঙান-তোঙানবা ইন্সতিত্যুসনশিং, ইন্সতিত্যুস্নেল সিস্তেমশিংসু শেমলমখি অমসুং ঐহাক্না হায়জগে মদুদি মহাক্কী পুন্সিদা মহাক্না অওনবা পুরক্কদবা ৱাখল্লোনশিংগা লোয়ননা হিংখি। অদুবু মহাক্না ৱাখল্লোন খুদিংমক সিস্তেমেতাইজ তৌখি, ইন্সতিত্যুস্নেলাইজ তৌখি অমসুং ইন্সতিত্যুসনশিং লিংখৎনবা লম্বী য়াৎখি। মসিগী ওর্গনাইজেসনশিং অসিনা দিকেদ কয়া তোঙান-তোঙানবা লমশিংদা অচৌবা অফবা থবক কয়া তৌরি। মহর্ষি মশামক্না পরোপাকারিনি সভা লিংখৎলমখি। ঙসিসু ইন্সতিত্যুসন অসিনা পব্লিক্লেসনশিং অমসুং গুরুকুলশিংগী খুত্থাংদা ভেদিক্কী চৎনবী অসি মাংদা পুরি। কুরুক্ষেত্র গুরুকুল, স্বামি শ্রদ্ধানন্দ ত্রস্ত অমসুং মহর্ষি দয়ানন্দ সরস্বাতি ত্রস্ত ওইরবসু ওর্গনাইজেসনশিং অসিনা মশিং লাকঙমদ্রবা নহারোলগী পুন্সিশিং মখোঙ শোমখি। মতৌ অদুম্না স্বামি দয়ানন্দজীনা ইথিল পীবা ওর্গনাইজেসন কয়ামরুমনা লায়রবা অঙাংশিংগী শেবা তৌনবা, মখোয়গী তুংলমচৎকী থবক তৌরি মসি ঐখোয়গী নাৎ অমসুং চৎনবীনি। ঐহাক্না তি.ভি.দা তর্কীগী য়ুহার হাখিবগী ফুতেজ য়েংব মতমদা ঐখোয়না অৱাবা ফাওই। গুজরাত্তা থোকখিবা ২০০১গী য়ুহার হাবদা সোসিএল সর্ভিস তৌবা ঙম্বা রেস্ক্যু ওপরেসনশিং চত্থবদা জীবন প্রভাত ত্রাস্তনা চাউনা শরুক তমখি। ওর্গনাইজেসন অসি মহর্ষিজীগী ৱাখল্লোনশিংনা ইথিল পীখি ।

মরুপশিং,

ঙসি আজাদী কা অমৃত কাল অসিদা লৈবাক অসিদা স্বামি দয়ানন্দজীনা মরু ওইনা লৌরম্বা রিফোর্মশিং উবা ফংলি। ঙসি ঐখোয়না নন-দিস্ক্রিমিনেতরী পোলিসীশিং অমসুং স্বামিজীগীদমক মরু ওইবা খোঙথাংশিংগা লোয়ননা খুমাং চাউশিনবা উবা ফংলি। ঙসি লৈবাক্কীদমক অহানবা য়গ্যা অসি লায়রবা, শোত্থরবা অমসুং তুহৎপীরম্বগী শেবা তৌবনি। শোত্থরবশিংদা খুদোংচাবা পীবা, লায়রবশিংগীদমক য়ুম শাবিবা, মহাকপু ইকাই খুম্নবীবা, মীপুম খুদিংমক্কীদমক অনা লায়েং ফংহনবা, হেন্না ফাবা ফেসিলিতী, পুম্নমক্কী মচি ওইবা চীঞ্জাক ফংহনবগা লোয়ননা ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী মন্ত্র অসি ফিরেপ ওইহন্দুনা হৌখিবা চহি ৯ অসিদা লৈবাক অসিনা নুপীদা শক্তি পীনবা মাইকৈদা খোঙজেল য়াংনা চংশিল্লি। ঙসি লৈবাক্কী ইচানুপীশিংনা অথীংবা অমত্তা য়াওদনা দিফেন্স অমসুং সেক্যুরিতীদগী স্তার্তঅপশিংদা থৌদাংশিং লৌদুনা জাতি শেমগৎপদা শরুক তম্লি। হৌজিক ইচানুপীশিং অসি সিয়াচেন্দা পোসতিং থারি অমসুং রাফেল ফাইতর প্লেন পাইরি। ঐখোয়গী সরকারনা মিলিতরী স্কুলশিংদা নুপীমচা এদমিসন তৌবদা থম্লম্বা অথিংবসু লৌথোকখি। মোদর্ন এজুকেসনগা লোয়ননা স্বামি দয়ানন্দজীনা গুরুকুলশিংগী খুত্থাংদা ভারতকী এনভাইর্নমেন্তদা এজুকেসন সিস্তেম শেমখি। ন্যূ এজুকেসন পোলিসীনা স্বামিজীনা তাকপীরম্বগী মতুং ইন্না ইন্দিয়ন্নেসতা মীৎয়েং থম্বগা লোয়ননা মোদর্ন এজুকেসন প্রমোৎ তৌরি।

মরুপশিং,

স্বামিজীনা পুন্সি হিংনবগী অতোপ্পা মন্ত্রা অমা ঐখোয়দা পীবিখি। স্বামিজীনা য়াম্না চম্বা ৱাহৈশিংদা হায়রমখি মদুদি ৱাখল মপুং ফাবা মীশক অসি কনানো? কনাবু কৌগনি? মহাক্না হায়রমখি – “মহাক্না লৌরিবা অদুদগী হেন্না পীথোকপা মীশক অদু ৱাখল তাবা মীশক অমনি”। মসিগী পুন্সিগী মন্ত্র অসিনা ঙসি শীংনবা কয়াগী সোল্যুসনশিং পীরি। হৌজিক মসি এনভাইর্নমেন্তগী লমদা য়েংবা য়াই। চহিচা অদুদা গ্লোবেল ৱার্মিং, ক্লাইমেৎ চেঞ্জ অসিগুম্বা ৱাহৈশিং অসি লৈরমদে, কনাগুম্বা অমত্তনা মসি ৱাখলনা লাম্বা ফংখিদে, মসিগী মতাংদা মহর্ষিনা করম্না খল্লিবনো? মসিগী পাউখুমদি – ঐখোয়গী বেদ, ঐখোয়গী লাইশোন ঈশৈ অসিনি! খ্বাইদগী অরিবনি হায়না লৌরিবা বেদদা য়াওরিবা অসি মহৌশা অমসুংঅকোইবগী ফীভমগা মরী লৈনৈ। স্বামিজীনা বেদগী মসিগী লৌশিং অসি মমুৎ তানা খঙখি অমসুং মহাক্কী মতমদা য়ুনিভর্সেল মেসেসশিং অসি শন্দোকখি। মহর্ষিজী অসি বেদগী মহৈরোয় অমনি অমসুং গ্যান মার্গকী লম্বোইবা অমনি। মরম অসিনা মহাক্কী লৌশিং অসি মতম অদুগী ৱাংমদা হেন্দোক পাথোক্না লৈখি।

ইচিল-ইনাওশিং,

ঙসি মালেমনা সস্তেনেবল দিবেলপমেন্তগী মতাংদা ঙাংনরিবা মতম অসিদা স্বামিজীনা ভারতকী পুন্সিগী অরিবা ৱাখল্লোন অসি মালেম মাংদা পুথোক্লি অমসুং সোল্যুসনগী লম্বী পীরি। এনভাইর্নমেন্তগী লমদা ভারতনা ঙসি মালেমগী লমজিংমৈরা ওইরি। মহৌশাগা লোয়ননা শান্তিদা হীংমিন্নবগী মঙলান্দা য়ুম্ফম ওইরগা ঐখোয়না ‘গ্লোবেল মিসন লাইফ; লিংখৎখি মসিগী ৱাহন্থোক্তি লাইফস্তাইল ফোর এনভাইর্নমেন্ত হায়বনি। মসি মরু ওইবা তানফম অসিদা ঐখোয়গীদমক চাউথোকচবা পোক্নবগী ৱাফম অমনি, মালেমগী লৈবাকশিংনা ভারত্তা জি-২০ প্রসিদেন্সীগী থৌদাং শিন্নখি। ঐখোয়না জি২০গীদমক এনভাইর্নমেন্ত অসি স্পেসিএল এজেন্দা ওইনা পুখৎলি। লৈবাক্কী মরু ওইবা কেম্পেসন অসিদা আর্য় সমাজনা অচৌবা থৌদাং লৌরি। ঐখোয়গী অরিবা ৱাখল্লোনশিংগা লোয়ননা ঐখোয়না মোদর্ন প্রস্পেক্তিব অমসুং থৌদাংসিংগা লোয়ননা মীয়ামবু শম্নহন্নবা থৌদাং লৌবা অসি অরাইবা ওইগনি। ঐখোয়না খুঙ্গং খুদিংমক্তা মহৌশাগী লৌউ-পথাপকা মরী লৈনবা কমপ্রিহেন্সিব কেম্পেন হৌদোকখি।  ঐহাক্না আর্য় সমাজকী য়গ্যদা ফিরেপ অসিগী মতাংদা কত্থোকপা অমা তাই হায়জনীংই। ভারতনা মিল্লেৎশিংদা গ্লোবেল অপীল অমা পীবগা লোয়ননা মালেমদা মসিগী মশক তাক্লি অমসুং মসিগী অনৌবা মমিং থোনখ্রে। মদুদি শ্রী অন্ন। চহি অসি য়ুনাইতেদ নেসন্সনা ইন্তর্নেস্নেল ইয়র ওফ মিল্লেৎ হায়না পালন তৌরি অমসুং ঐখোয়না খঙই মদুদি য়গ্য নাৎকী মীওইশিংনা কত্থোকপা অসিদা খ্বাইদগী চাউবা মীৎয়েং থম্লি। শ্রী অন্নবু ইরৈবাকশিংগী পুন্সি অমদি চীঞ্জাক্কী শরুক অমা ওইহনবা অসি ঐখোয়গী থৌদাংনি।

ইচিল-ইনাওশিং,

মহর্ষিগী মগুনদগী তমশিনবা য়াবা কয়া লৈ। মহাক্না নীংতম লান্মী কয়াদা লৈবাক নীংবগী ইথিল পীখি। অসুম্না হায়নৈ ইংলিশ ওফিসর অমনা মহর্ষি উনবা লাকখি অমসুং মহাক্না ভারত্তা ব্রিতিশ লৈঙাক অদুমক লৈনবা থৌনিখি মদুদা মহর্ষিনা অকিবা লৈতনা “নীংখা তম্বা অসি ঐগী থৱায়নি অমসুং ভারতকী খোঞ্জেলনি” হায়না ফোঙদোকখিবগী ৱারী লৈ। মশিং লাকঙমদ্রবা নীংতম লান্মীশিং অমসুং ইন্সতিত্যুসন শেমগৎলিবশিং অমসুং লৈবাক নীংবশিংনা স্বামিজীদগী ইথিল লৌখি অমসুং মখোয়গী মরক্তা লোকমন্যা তিলক, নেতাজী সুভাশ চন্দ্র বোস, ভীর সর্ভারকর, লালা লাজপৎ রাই, লালা হরদয়াল, চন্দ্রশেখর অজাদ, রাম প্রসাদ বিস্মিল অমসুং অতোপ্পা নীংতম লান্মীশিং য়াওরি। মহর্ষিদগী ইথিল ফংখিবা মহাত্মা হন্সরাজ, স্বামি শ্রদ্ধানন্দজী, ভাই পর্মানন্দজী অমসুং অতোপ্পা লুচিংবা কয়াসু লৈরি। আর্য় সমাজ অসি স্বামিজীনা তাকপী-তম্বীরম্বশিংগী লেগেসী য়াওরি অমসুং লৈবাক অসিনা ‘আর্য় বীর’দগী কয়া অমা আশা তৌরি। মথং চহিদা আর্য় সমাজনা মাগী ১৫০শুবা চহি হৌরগনি। অমৃত কালদা ঐখোয় পুম্নমক্না মহর্ষি দয়ানন্দজীগী খোঙথাংশিংদগী ইথিল লৌবা ওইরসি। অমসুং হৌজিক আর্চায়জীনা স্বামি শ্রদ্ধানন্দজীগী লৈখিদবগী তাং অসি চহি ১০০ শুরক্লে হায়না ফোঙদোকখি। মহর্ষি দয়ানন্দজী মশামক লৌশিংগী মৈরানি, মহাক্না হিংলমলিঙৈদা চেল্লম্বা ৱাখল্লোনশিং অমসুং ঐখোয়দা পীরকপা অমৃত অসি থক্লবা মতুং ঐখোয়গী ইমা ভারতকী য়াইফনবা ঐখোয়না অমৃত অসি তুংদা লাক্কদবা চহিশিংদা ইরৈবাকচা করোর কয়াদা মখা তানা চেলহল্লসি। ঙসি ঐহাক্না আর্য় প্রতিনিধি সভাগী মশক নাইবা মীওই পুম্নমকপু থাগৎচরি। নীংথিনা প্লান্নিং তৌদুনা, পাঙথোক্তুনা অমসুং মেনেজ তৌদুনা অচৌবা থৌরম অসি পাঙথোকপগীদমক মীপুম খুদিংমকপু থাগৎলি।

হন্না-হন্না নুংঙাইবা ফোঙদোকচরি।

হন্না-হন্না থাগৎচরি।

*****