ਪੀਐੱਮਇੰਡੀਆ

ਇਰਫਾਨ ਅਲੀ, ਗੁਆਨਾ ਦੇ ਰਾਸ਼ਟਰਪਤੀ

( Nov 20, 2024 )

"ਤੁਹਾਡਾ (ਪ੍ਰਧਾਨ ਮੰਤਰੀ ਮੋਦੀ) ਇੱਥੇ (ਗੁਆਨਾ ਵਿੱਚ) ਆਉਣਾ ਸਾਡੇ ਲਈ ਸਭ ਤੋਂ ਬੜਾ ਸਨਮਾਨ ਹੈ। ਤੁਸੀਂ ਨੇਤਾਵਾਂ ਦੇ ਦਰਮਿਆਨ ਚੈਂਪੀਅਨ ਹੋ। ਤੁਸੀਂ ਸ਼ਾਨਦਾਰ ਅਗਵਾਈ ਕੀਤੀ ਹੈ। ਤੁਸੀਂ ਵਿਕਾਸਸ਼ੀਲ ਦੁਨੀਆ ਨੂੰ ਰੋਸ਼ਨੀ ਦਿਖਾਈ ਹੈ ਅਤੇ ਤੁਸੀਂ ਵਿਕਾਸ ਦੇ ਅਜਿਹੇ ਪੈਮਾਨੇ ਅਤੇ ਢਾਂਚੇ ਬਣਾਏ ਹਨ ਜਿਨ੍ਹਾਂ ਨੂੰ ਕਈ ਲੋਕ ਆਪਣੇ ਦੇਸ਼ ਵਿੱਚ ਅਪਣਾ ਰਹੇ ਹਨ।"

ਪ੍ਰੋਫੈਸਰ ਪੌਲ ਮਾਇਕਲ ਰੋਮਰ, ਅਮਰੀਕੀ ਅਰਥਸ਼ਾਸਤਰੀ

( Oct 20, 2024 )

"ਭਾਰਤ ਵਿੱਚ ਡਿਜੀਟਲ ਕ੍ਰਾਂਤੀ ਇਸ ਮਾਅਨੇ ਵਿੱਚ ਬੇਹੱਦ ਖਾਸ ਹੈ ਕਿ ਇਸ ਦਾ ਉਪਯੋਗ ਸਰਕਾਰ ਨੇ ਸਮਾਜ ਦੇ ਸਾਰੇ ਲੋਕਾਂ ਨੂੰ, ਲਾਭ ਪਹੁੰਚਾਉਣ ਦੇ ਲਈ ਕੀਤਾ ਹੈ। ਇਹ ਕੇਵਲ ਕੁਝ ਚੋਣਵੇਂ ਲੋਕਾਂ ਨੂੰ ਹੀ ਲਾਭ ਦੇਣ ਤੱਕ ਸੀਮਿਤ ਨਹੀਂ ਹੈ, ਅਤੇ ਮੇਰਾ ਮੰਨਣਾ ਹੈ ਕਿ ਇਹ ਦੁਨੀਆ ਦੇ ਜ਼ਿਆਦਾਤਰ ਦੂਸਰੇ ਦੇਸ਼ਾਂ ਤੋਂ ਬਹੁਤ ਅਲੱਗ ਹੈ। ਇਸ ਲਈ, ਮੈਨੂੰ ਲਗਦਾ ਹੈ ਕਿ ਭਾਰਤ ਦੀ ਸਫ਼ਲਤਾ ਅਨੋਖੀ ਹੈ ਅਤੇ ਬਾਕੀ ਦੇਸ਼ ਇਸ ਤੋਂ ਸਿੱਖ ਸਕਦੇ ਹਨ।"

ਸਵਪਨਿਲ ਕੁਸਾਲੇ, ਨਿਸ਼ਾਨੇਬਾਜ਼ ਅਤੇ ਓਲੰਪਿਕ ਮੈਡਲ ਜੇਤੂ

( Aug 29, 2024 )

“ਜਦੋਂ ਮੈਂ ਮੈਡਲ ਜਿੱਤਿਆ, ਤਾਂ ਪ੍ਰਧਾਨ ਮੰਤਰੀ ਮੋਦੀ ਨੇ ਮੈਨੂੰ ਫੋਨ ਕੀਤਾ, ਅਤੇ ਉਨ੍ਹਾਂ ਦੇ ਪਹਿਲੇ ਸ਼ਬਦ ਮਰਾਠੀ ਵਿੱਚ ਸਨ, ਜੋ ਮੇਰੀ ਮਾਤਭਾਸ਼ਾ ਹੈ। ਇਸ ਨਾਲ ਖਿਡਾਰੀ ਦਾ ਆਤਮਵਿਸ਼ਵਾਸ ਬਹੁਤ ਵਧ ਜਾਂਦਾ ਹੈ। ਅਜਿਹਾ ਲਗਦਾ ਹੈ ਕਿ ਸਾਡਾ ਪੂਰਾ ਦੇਸ਼ ਸਾਡਾ ਸਮਰਥਨ ਕਰਦਾ ਹੈ।” “ਓਲੰਪਿਕਸ ਦੇ ਲਈ ਰਵਾਨਾ ਹੋਣ ਤੋਂ ਪਹਿਲਾਂ, ਜਦੋਂ ਅਸੀਂ ਪ੍ਰਧਾਨ ਮੰਤਰੀ ਨੂੰ ਉਨ੍ਹਾਂ ਦੇ ਘਰ ਮਿਲੇ, ਤਾਂ ਮੈਂ ਆਖਰੀ ਕਤਾਰਾਂ ਵਿੱਚੋਂ ਇੱਕ ਵਿੱਚ ਬੈਠਾ ਸਾਂ। ਮੈਨੂੰ ਨਹੀਂ ਪਤਾ ਸੀ ਲੇਕਿਨ ਤਦ ਵੀ ਉਨ੍ਹਾਂ ਨੇ ਮੈਨੂੰ ਦੇਖਿਆ ਸੀ। ਅਤੇ ਜਦੋਂ ਪੈਰਿਸ ਵਿੱਚ ਮੇਰੇ ਮੈਡਲ ਤੋਂ ਬਾਅਦ ਫੋਨ 'ਤੇ ਗੱਲ ਕੀਤੀ, ਤਾਂ ਉਨ੍ਹਾਂ ਨੂੰ ਯਾਦ ਆਇਆ ਕਿ ਮੈਂ ਆਖਰੀ ਕਤਾਰ ਵਿੱਚ ਬੈਠਾ ਸੀ। ਉਨ੍ਹਾਂ ਦੀ ਅਵਲੋਕਨ ਸਮਰੱਥਾ ਇਤਨੀ ਤੀਬਰ ਹੈ।”

ਅਨੁਸ਼ ਅਗਰਵਾਲ, ਘੋੜਸਵਾਰ

( Aug 29, 2024 )

“ਐਥਲੀਟਾਂ ਨੂੰ ਪੈਰਿਸ ਓਲੰਪਿਕਸ ਤੋਂ ਮਹੀਨਿਆਂ ਪਹਿਲਾਂ ਪ੍ਰਧਾਨ ਮੰਤਰੀ ਮੋਦੀ ਤੋਂ ਪੱਤਰ ਮਿਲੇ, ਜਿਸ ਵਿੱਚ ਸਾਨੂੰ ਕਿਸੇ ਵੀ ਤਰ੍ਹਾਂ ਦੀ ਜ਼ਰੂਰਤ ਦੇ ਲਈ ਅੱਗੇ ਆਉਣ ਵਾਸਤੇ ਪ੍ਰੋਤਸਾਹਿਤ ਕੀਤਾ ਗਿਆ, ਜਿਸ ਨਾਲ ਸਾਡਾ ਮਨੋਬਲ ਵਧਿਆ।” “ਐਥਲੀਟਾਂ ਦੇ ਦਰਮਿਆਨ ਦੇ ਪਾੜੇ ਨੂੰ ਪੂਰਾ ਕਰਨ ਦੇ ਲਈ ਪ੍ਰਧਾਨ ਮੰਤਰੀ ਦੇ ਪਾਸ ਇੱਕ ਵਿਲੱਖਣ ਤਰੀਕਾ ਸੀ। ਪ੍ਰਧਾਨ ਮੰਤਰੀ ਨੇ ਇਸ ਤਰ੍ਹਾਂ ਦੇ ਸਵਾਲ ਪੁੱਛੇ, 'ਤੁਹਾਡੇ ਵਿੱਚੋਂ ਸਭ ਤੋਂ ਯੁਵਾ ਕੌਣ ਹੈ? ਤੁਹਾਡੇ ਵਿੱਚੋਂ ਕਿਤਨੇ ਪਹਿਲੀ ਵਾਰ ਓਲੰਪੀਅਨ ਬਣੇ ਹਨ? ਇੱਥੇ ਕਿਸ ਨੂੰ 2 ਜਾਂ 3 ਓਲੰਪਿਕਸ ਦਾ ਅਨੁਭਵ ਹੈ?' ਉਹ ਚਾਹੁੰਦੇ ਸਨ ਕਿ ਅਨੁਭਵੀ ਐਥਲੀਟ ਜੂਨੀਅਰ ਖਿਡਾਰੀਆਂ ਦੇ ਨਾਲ ਆਪਣਾ ਅਨੁਭਵ ਸਾਂਝਾ ਕਰਨ। ਕਮਰਾ ਇੱਕ ਨਵੇਂ ਉਤਸ਼ਾਹ ਨਾਲ ਭਰ ਗਿਆ।”

ਲਕਸ਼ਯ ਸੇਨ, ਬੈਡਮਿੰਟਨ ਖਿਡਾਰੀ

( Aug 28, 2024 )

“ਮੈਨੂੰ ਪ੍ਰਧਾਨ ਮੰਤਰੀ ਮੋਦੀ ਨਾਲ ਗੱਲ ਕਰਨਾ ਬਹੁਤ ਪਸੰਦ ਹੈ। ਮੈਂ ਇਹ ਦੱਸਣਾ ਚਾਹੁੰਦਾ ਹਾਂ ਕਿ ਜਦੋਂ ਮੈਂ ਪੈਰਿਸ ਤੋਂ ਵਾਪਸ ਆਇਆ, ਤਾਂ ਮੈਂ ਪ੍ਰਧਾਨ ਮੰਤਰੀ ਮੋਦੀ ਨੂੰ ਉਹ ਬੈਡਮਿੰਟਨ ਰੈਕੇਟ ਦਿੱਤਾ ਜਿਸ ਨਾਲ ਮੈਂ ਖੇਡਿਆ ਕਰਦਾ ਸੀ। ਰੈਕੇਟ ਲੈਣ ਦੇ ਬਾਅਦ ਉਨ੍ਹਾਂ ਨੇ ਸਭ ਤੋਂ ਪਹਿਲਾਂ ਮੇਰਾ ਸਿਗਨੇਚਰ ਬੈਕਹੈਂਡ ਨੋ-ਲੁੱਕ ਸ਼ੌਟ ਖੇਡਣਾ ਸ਼ੁਰੂ ਕੀਤਾ। ਅਤੇ ਉਨ੍ਹਾਂ ਨੇ ਮੈਨੂੰ ਪੁੱਛਿਆ ਕਿ ਕੀ ਮੈਂ ਇਸ ਤਰ੍ਹਾਂ ਸ਼ੌਟ ਖੇਡਦਾ ਹਾਂ ਜਾਂ ਨਹੀਂ। ਮੈਂ ਉਨ੍ਹਾਂ ਦੇ ਇਸ ਤਰ੍ਹਾਂ ਖੇਡਣ ਦੇ ਤਰੀਕੇ ਤੋਂ ਹੈਰਾਨ ਰਹਿ ਗਿਆ। ਇਹ ਬਹੁਤ ਚੰਗਾ ਲਗਦਾ ਹੈ ਕਿ ਤੁਹਾਨੂੰ ਪ੍ਰਧਾਨ ਮੰਤਰੀ ਦਾ ਸਮਰਥਨ ਪ੍ਰਾਪਤ ਹੈ।”

ਡੈਨਿਸ ਫਰਾਂਸਿਸ, ਸੰਯੁਕਤ ਰਾਸ਼ਟਰ ਮਹਾ ਸਭਾ ਦੇ 78ਵੇਂ ਸੈਸ਼ਨ ਦੇ ਪ੍ਰੈਜ਼ੀਡੈਂਟ

( Aug 01, 2024 )

ਭਾਰਤ ਪਿਛਲੇ ਪੰਜ ਜਾਂ ਛੇ ਵਰ੍ਹਿਆਂ ਵਿੱਚ ਸਿਰਫ਼ ਸਮਾਰਟਫੋਨ ਦੇ ਇਸਤੇਮਾਲ ਨਾਲ 800 ਮਿਲੀਅਨ ਲੋਕਾਂ ਨੂੰ ਗ਼ਰੀਬੀ ਤੋਂ ਬਾਹਰ ਕੱਢਣ ਦੇ ਸਮਰੱਥ ਰਿਹਾ ਹੈ। ਭਾਰਤ ਦੇ ਗ੍ਰਾਮੀਣ ਕਿਸਾਨ, ਜਿਨ੍ਹਾਂ ਦਾ ਕਦੇ ਬੈਂਕਿੰਗ ਸਿਸਟਮ ਨਾਲ ਕੋਈ ਵਾਸਤਾ ਨਹੀਂ ਸੀ, ਹੁਣ ਆਪਣੇ ਸਾਰੇ ਕਾਰੋਬਾਰ ਆਪਣੇ ਸਮਾਰਟਫੋਨ 'ਤੇ ਕਰ ਪਾ ਰਹੇ ਹਨ। ਉਹ ਆਪਣੇ ਬਿਲਾਂ ਦਾ ਭੁਗਤਾਨ ਕਰਦੇ ਹਨ ਅਤੇ ਆਰਡਰਸ ਦੇ ਲਈ ਪੇਮੈਂਟਸ ਹਾਸਲ ਕਰਦੇ ਹਨ... 800 ਮਿਲੀਅਨ ਲੋਕ ਗ਼ਰੀਬੀ ਤੋਂ ਬਾਹਰ ਨਿਕਲ ਆਏ ਹਨ ਕਿਉਂਕਿ ਭਾਰਤ ਵਿੱਚ ਇੰਟਰਨੈੱਟ ਦੀ ਪਹੁੰਚ ਕਾਫੀ ਜ਼ਿਆਦਾ ਹੈ ਅਤੇ ਲਗਭਗ ਹਰ ਕਿਸੇ ਦੇ ਪਾਸ ਸੈੱਲਫੋਨ ਹੈ।

ਵੀਅਤਨਾਮ ਦੇ ਪ੍ਰਧਾਨ ਮੰਤਰੀ, ਫਾਮ ਮਿਨ੍ਹ ਚਿਨ੍ਹ

( Aug 01, 2024 )

ਅਸੀਂ 18ਵੀਂ ਲੋਕ ਸਭਾ ਚੋਣਾਂ ਵਿੱਚ ਇਤਿਹਾਸਿਕ ਜਿੱਤ ਦੇ ਲਈ ਪ੍ਰਧਾਨ ਮੰਤਰੀ ਮੋਦੀ, ਭਾਜਪਾ ਅਤੇ ਐੱਨਡੀਏ ਨੂੰ ਹਾਰਦਿਕ ਵਧਾਈ ਦਿੰਦੇ ਹਾਂ। ਸਾਡਾ ਮੰਨਣਾ ਹੈ ਕਿ ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਵਿੱਚ ਲਗਾਤਾਰ ਤੀਸਰੇ ਕਾਰਜਕਾਲ ਵਿੱਚ ਭਾਰਤੀ ਲੋਕਾਂ ਨੂੰ ਵਧੇਰੇ ਲਾਭ ਮਿਲੇਗਾ, ਭਵਿੱਖ ਵਿੱਚ ਹੋਰ ਵੀ ਸਫ਼ਲਤਾਵਾਂ ਮਿਲਣਗੀਆਂ ਅਤੇ ‘ਵਿਕਸਿਤ ਭਾਰਤ 2047’ ਦਾ ਲਕਸ਼ ਹਾਸਲ ਹੋਵੇਗਾ।

ਜੌਂਗ-ਹੀ ਹਾਨ, ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਅਤੇ ਵਾਇਸ-ਚੇਅਰਮੈਨ, ਸੈਮਸੰਗ ਇਲੈਕਟ੍ਰੌਨਿਕਸ

( Jul 30, 2024 )

ਭਾਰਤ ਆਲਮੀ ਪੱਧਰ 'ਤੇ ਸਭ ਤੋਂ ਤੇਜ਼ੀ ਨਾਲ ਵਧਣ ਵਾਲਾ ਬਜ਼ਾਰ ਹੈ ਅਤੇ ਸੈਮਸੰਗ ਦੇ ਲਈ ਬਹੁਤ ਬੜਾ ਅਵਸਰ ਪ੍ਰਦਾਨ ਕਰਦਾ ਹੈ। ਅਸੀਂ ਭਾਰਤ ਵਿੱਚ ਨਿਵੇਸ਼ ਕਰਨ ਵਾਲੀਆਂ ਸ਼ੁਰੂਆਤੀ ਕੰਪਨੀਆਂ ਵਿੱਚੋਂ ਇੱਕ ਸਾਂ ਅਤੇ ਮੈਨੂੰ ਖੁਸ਼ੀ ਹੈ ਕਿ ਨੌਇਡਾ ਦੀ ਫੈਕਟਰੀ ਸਾਡੀਆਂ ਸਭ ਤੋਂ ਬੜੀਆਂ ਫੈਸਿਲਿਟੀਜ਼ ਵਿੱਚੋਂ ਇੱਕ ਬਣ ਕੇ ਉੱਭਰੀ ਹੈ, ਜੋ ਨਾ ਕੇਵਲ ਭਾਰਤ ਦੇ ਲਈ, ਬਲਕਿ ਦੁਨੀਆ ਦੇ ਲਈ ਮੈਨੂਫੈਕਚਰਿੰਗ ਕਰ ਰਹੀ ਹੈ।

ਰਣਬੀਰ ਕਪੂਰ, ਅਭਿਨੇਤਾ

( Jul 27, 2024 )

ਅਸੀਂ ਸਾਰੇ ਅਭਿਨੇਤਾ ਅਤੇ ਡਾਇਰੈਕਟਰ 4-5 ਸਾਲ ਪਹਿਲਾਂ ਪ੍ਰਧਾਨ ਮੰਤਰੀ ਮੋਦੀ ਨੂੰ ਮਿਲਣ ਗਏ ਸਾਂ। ਤੁਸੀਂ ਉਨ੍ਹਾਂ ਨੂੰ ਟੈਲੀਵਿਜ਼ਨ 'ਤੇ ਦੇਖਦੇ ਹੋ, ਤੁਸੀਂ ਦੇਖਦੇ ਹੋ ਕਿ ਉਹ ਕਿਵੇਂ ਗੱਲ ਕਰਦੇ ਹਨ - ਉਹ ਇੱਕ ਬਿਹਤਰੀਨ ਬੁਲਾਰੇ ਹਨ। ਮੈਨੂੰ ਉਹ ਪਲ ਯਾਦ ਹੈ ਜਦੋਂ ਅਸੀਂ ਬੈਠੇ ਸੀ ਅਤੇ ਉਹ ਅੰਦਰ ਆਏ। ਉਨ੍ਹਾਂ ਵਿੱਚ ਇੱਕ ਚੁੰਬਕੀ ਆਕਰਸ਼ਣ ਹੈ... ਪ੍ਰਧਾਨ ਮੰਤਰੀ ਮੋਦੀ ਨੇ ਹਰੇਕ ਨਾਲ ਵਿਅਕਤੀਗਤ ਗੱਲਾਂ ਕੀਤੀਆਂ। ਮੇਰੇ ਪਿਤਾ ਜੀ ਉਸ ਸਮੇਂ ਇਲਾਜ ਦੇ ਲਈ ਜਾ ਰਹੇ ਸਨ, ਇਸ ਲਈ ਉਨ੍ਹਾਂ ਨੇ ਮੈਨੂੰ ਪੁੱਛਿਆ ਕਿ ਇਲਾਜ ਅਤੇ ਬਾਕੀ ਸਭ ਕੁਝ ਕਿਵੇਂ ਚਲ ਰਿਹਾ ਹੈ? ਉਨ੍ਹਾਂ ਨੇ ਆਲੀਆ, ਵਿੱਕੀ ਕੌਸ਼ਲ ਅਤੇ ਕਰਨ ਜੌਹਰ ਨਾਲ ਅਲੱਗ-ਅਲੱਗ ਵਿਸ਼ਿਆਂ 'ਤੇ ਗੱਲਬਾਤ ਕੀਤੀ। ਸਭ ਕੁਝ ਬੇਹੱਦ ਨਿਜੀ ਸੀ। ਇਸ ਤਰ੍ਹਾਂ ਦਾ ਪ੍ਰਯਾਸ, ਤੁਸੀਂ ਮਹਾਨ ਪੁਰਖਾਂ ਵਿੱਚ ਦੇਖਦੇ ਹੋ।

ਕੁਮਾਰ ਮੰਗਲਮ ਬਿਰਲਾ, ਚੇਅਰਮੈਨ, ਆਦਿੱਤਿਆ ਬਿਰਲਾ ਗਰੁੱਪ

( Jul 24, 2024 )

ਬਜਟ 2024 ਨਿਰੰਤਰਤਾ ਅਤੇ ਸਥਿਰਤਾ ਦਾ ਇੱਕ ਸਸ਼ਕਤ ਬਿਆਨ ਹੈ। ਇਹ ਸਰਕਾਰ ਦੇ ਵਿੱਤੀ ਅਨੁਸ਼ਾਸਨ ਦੇ ਪ੍ਰਤੀ ਦ੍ਰਿੜ੍ਹ ਸੰਕਲਪ, ਸੁਧਾਰਾਂ ਦੇ ਪ੍ਰਤੀ ਉਸ ਦੀ ਇੱਛਾ ਅਤੇ ਸਾਰੇ ਵਰਗਾਂ ਦੇ ਲਈ ਨਿਰੰਤਰ ਵਿਕਾਸ ਸੁਨਿਸ਼ਚਿਤ ਕਰਨ ਦੀ ਉਸ ਦੀ ਸਮਾਨਤਾ ਦੀ ਭਾਵਨਾ ਨੂੰ ਦਰਸਾਉਂਦਾ ਹੈ। ਇਸ ਵਿੱਚ ਨੌਂ ਪ੍ਰਮੁੱਖ ਪ੍ਰਾਥਮਿਕਤਾਵਾਂ ਨੂੰ ਰੇਖਾਂਕਿਤ ਕੀਤਾ ਗਿਆ ਹੈ ਜੋ 2047 ਤੱਕ ਭਾਰਤ ਨੂੰ ਇੱਕ ਵਿਕਸਿਤ ਰਾਸ਼ਟਰ ਬਣਾਉਣ ਦੀ ਨੀਂਹ ਰੱਖਣਗੀਆਂ।