ভারতকী প্রধানমন্ত্রী

হিস হোলিনেস, সৈয়দনা মুফদ্দলজী, মহারাস্ত্রগী মুখ্য মন্ত্রী একনাথ সিন্দেজী, উপমুখ্য মন্ত্রী দেবেন্দ্রজী, থৌরম অসিদা শরুক য়াবীরিবা অতোপ্পা ইকাই খুম্নরবা দিগনিতরী পুম্নমক!

নখোয়গী নরক্তা য়াওজবা ফংজবা অসি ঐগী ওইনা ইমুংদা লাকপা ওইনা ফাওই। অমসুং ঙসি নখোয়গী ভিদিও ঐহাক্না উখ্রে, মদু য়েংলবা মতুং ঐনা ৱাকৎ অমা তৌজনীংই মদু নখোয়না শেমদোকউ। মসিগী ইমুং অসিগা ঐহাক্কী মরী লৈনরক্লিবা অসি মীরোল ৪ শুরে, মীরোল ৪ অসিনা ঐগী য়ুমদা লোইনা লাকখি। মীওই খরা খক্তনা মসিগী খুদোংচাবা অসি ফংই মরম অসিনা ঐনা হায়জনীংলিবা অসি কনানা মুখ্য মন্ত্রী অমসুং কনানা প্রধান মন্ত্রীনো। ঐহাক নখোয়গী ইমুংগী মীওই অমনি অমসুং ঐহাক্না লাক্নবগী খুদোংচাবা ফংজবা খুদিংক ঐহাক্না ইমুংগী মীওই অমা ওইনা লাকই, মসিনা ঐগী নুংঙাইবা শরুক কয়া হেনগৎহনখি। দাৱুদি বোহরা ফুরুপনা মতম চুপ্পদা অহোংবা অমদু চাউখৎপগী চাংয়েংদা মশানা মশাবু মশক তাকচখি। ঙসি অলজামিয়া-তুস-সৈফিয়াহগুম্বা মরু ওইবা এজুকেসনগী সেন্তর অমা পাকথোক চাউথোকপা অসি মসিগী খুদমনি। ঐহাক্না মুম্বাই ব্রাঞ্চ হাংদোকপগীদমক ওর্গনাইজেসনগা লোয়নরিবা মীওই খুদিংমকপু ঐহাক্না থাগৎপা ফোঙদোকচরি। অমসুং মসি চহি ১৫০গী মঙলান মঙফাওনবনি, নখোয়না মসি থুংহনখি, ঐহাক্না থমোয় শেংনা নুংঙাইবা ফোঙদোকচরি।

মরুপশিং,

দাউদী বোহরা কম্ম্যুনিতীগা লোয়ননা ঐগী মরী অসি চহি কয়া শুরে, মসি খঙদবা মীওই লৈরমলোই। মালেমগী মফম অমা হেক্তদা ঐহাক্না চৎলবসু মসিগী মীনুংশিং অদুমক ফংই। অমসুং ঐহাক্না মতম চুপ্পদা ৱাফম অমা হায়জৈ। ঐহাক্না চৎপা মতমদা স্যেদনা সাহেব চহি ৯৯ শুরে মতম অদুদসু মহাক্না অঙাংশিংদা তাকপী তম্বীরমখি, মসিনা ঐঙোন্দা অদুমক ইথিল পীদুনা লৈখি, অনৌবা মীরোলশিংদা তাকপী-তম্বীনবা স্যেদনা সাহিবকী ফিরেপ অসি অঙকপনি। চহি ৯৯দা ফমদুনা অঙাংশিংদা তাকপীরি অমসুং ঐহাক্না খঙই মফম অদুদা অঙাং ৮০০-১০০০না তম্লি। মদুদা উখিবা মমি অদুনা ঐহাকপু ইথিল পীখি। গুজরাত্তা লৈরিঙৈদা ঐখোয়না তোয়না থেংনখি অমসুং পুন্না ক্রিএতিব ওইবা কয়া পুথোকমিন্নখি। অমসুং ঐহাক্না নীংশিংই মদুদি ঐখোয়না স্যেদনা সাহেবকী চহি চামা শুবগী কুমওন পাঙথোকখ্রে, সুরত্তা মীওই কয়া তিনখি, ঐহাকসু য়াওখি। মদুদি স্যেদ সাহিবনা ঐঙোন্দা হায়খি, নহাক্না হায়য়ু ঐনা করি থবক তৌগনি, ঐহাক্না খুমখি ঐনা কনা ওইদনা অদোমদা তাক্কদৌরিবনি, অদুবু মহাক্না য়াখিদে, অদুনা ঐহাক্না হায়, গুজরাত অসি মতম চুপ্পদা ঈশিংগী অৱাবা মায়োক্নৈ মসিগী মতাংদা করিগুম্বা খরা তৌবীয়ু। অমসুং ঙসি ঐহাক্না  ৱাফম অমা হায়জগে মদুদি বোহরা কম্ম্যুনিতীগী মীওইশিংনা চহি কয়াগী মতুং অসিদা ফাওবা ঈশিং য়োকশিন্নবা থবক থৱায় য়াওনা তৌরি। মসি ঐগী লাইবক ফবনি অমসুং মরম অসিনা মচি ওইবা চীঞ্জাক চাবদগী হৌরগা ঈশিং য়োকশিনবগী কেম্পেনদা খুন্নাই অমসুং সরকারনা অমনা অমগী শক্তি ওইবা করম্না য়াবগে, পুন্না ঐখোয়না পুম্নমক পাঙথোকপা ঙম্মি অমসুং মসিগীদমক ঐহাক্না চাউথোকচবা পোকই। অমসুং মরু ওইনা ঐহাক্না স্যেদনা মোহম্মদ বর্হানুদ্দিন সাহাবনা মহাক্কা লোয়ননা খন্ননবা খুদোংচাবা পীখি। ঐহাক্না গুজরাত্তগী দিল্লিদা চৎপা মতমদা মীনুংশি অদু অদুমক লেংদনা ফংখি, লেপ্পা লৈখিদে। হিস হোলিনেস দা. স্যেদনা মুফদ্দল সৈফুদ্দিন সাহেব অমসুং নখোয় পুম্নমক্না ইন্দোর প্রোগ্রামদা পীবীরকখিবা অদু মমল য়াম্না য়াম্মি।

মরুপশিং,

লৈবাক অসিদা খক্তা নত্তনা ঐহাক্না মপালদা চৎপদসু ঐগী বোহরা ইচিল-ইনাওশিংনা , ঐহাক্না অয়ুক পুং ২দা থুংলবসু ইমুং ২-৫না এয়রপোর্ত্তা ঐবু ওক্নবা লাকপী, অইংবা অসিদা করিগী লাক্লিনো হায়না মখোয়দা হায়খি। করিগীদমক ৱারীবনো নহাক লাকপগীদমক ঐখোয় লাকপনি হায়রকখি। মালেমগী মফম অমা হেক্তদা লৈরবসু, লৈবাক অমা হেক্তদা লৈরবি ভারতকীদমক খনবা অমসুং ভারতকীদমক নুংশিবা অদু থমোয়দা ময়েক শেংনা মমি তাই। নখোয়গী মসিগী ইথিল অমদি মীনুংশিং অসিদা ঐহাকপু হঞ্জিন-হঞ্জিন চীংশিল্লি।

মরুপশিং,

খোঙথাং খরা অমসুং মাইপাকপা খরগী নুংদা দিকেদ কয়াগী মঙলানশিং য়াওরিবনি। ঐহাক্না খঙই মদুদি অলজামিয়া-তুস-সৈফিয়াহ অসি মুম্বাইদা ব্রাঞ্চ ওইনা পাকথোক চাউথোকপা অসি হিস হোলিনেস স্যেদনা অবদুলকাদির নাইমুদ্দিন সাহেবনা দিকেদ কয়াগী মমাংদা মংজরম্বা মঙলান অমনি। মতম অদুদা লৈবাক অসি মীখা পোনবগী মতমদা লৈরমখি। এজুকেসনগী লমদা অসিগুম্বা অচৌবা মঙলান অমা হায়বা অসিমক অচৌবা ৱাফম অমনি। অদুবু অচুম্বা ৱাখল্লোনগা লোয়ননা শাগৎখিবা মঙলানশিং অসি মতম চুপ্পদা থুংহনবা ঙম্মি। ঙসি লৈয়াক অসিনা মাগী আজাদী কা অমৃত কালগী মাইকদা চংশিনবা হৌরি, এজুকেসনগী লমদা বোহরা কম্ম্যুনিতীনা শরুক তম্বা অসি হেন্না হেনগৎলক্লি। অমসুং ঐহাক্না নীংতম্বগী চহি ৭৫ অসি নীংশিংলুবদা ঐহাক্না ৱাফম অমা থমজগে অমসুং নখোয়না সুরত নত্ত্রগা মুম্বাই মফম অমা হেক্তদা চৎপা মতমদা দান্দীদা অমুক্তং লাকপীয়ু, মসি তর্নিং পোইন্ত অমনি। অদুবু ঐগী ওইনা অচৌবা ৱাফম অসি দান্দীগী সোল্ত সত্যগ্রহগী মমাংদা গান্ধীনা দান্দীদা নখোয়গী য়ুমদা লৈখি অমসুং ঐহাক্না মুখ্য মন্ত্রী ওইরকপা মতমদা ঐহাক্না স্যেদনা সাহিবতা থৌনিজখি। ঐহাক্না অপাম্বা অমা লৈ হায়খি।  মীকুপ অমত্তা মাংহনদনা সমুদ্র মপালদা অচৌবা বঙ্গলো অমা শাখি, ঐঙোন্দা বঙ্গলো অদু পীরকখি অমসুং ঙসি দান্দী য়াত্রাবু নীংশিংবা ওইনা ফজরবা মেমোরিএল অমা শাখি। স্যেদনা সাহেবকী নীংশিং মমি অসি দান্দী য়াত্রাগা লোয়ননা অমৃত ওইরগনি। ঙসি লৈবাক অসিদা অনৌবা নেস্নেল এজুকেসন পোলিসীগুম্বা রিফোর্মশিংগা লোয়ননা মফম অসিদা অরিবা অমদি হৌজিক্কী ভাইস চাঞ্চেল্লর কয়া ফম্লি, মখোয় পুম্নমক ঐগী মরুপ ঙাক্তনি। অমৃতকাল অসিদা ঐখোয়না ফিরেপশিং অসি মাংদা পুখৎলি। নুপী অমদি নুপীমচাশিংনা মোদর্ন এজুকেসনগী অনৌবা খুদোংচাবশিং ফংলি। মিসন অসিগা লোয়ননা অলজামিয়া-তুস-সৈফিয়াহনা মাংদা চংশিল্লি। নখোয়গী করিকুলম অসি মোদর্ন এজুকেসনগা লোয়ননা অপগ্রেদ তৌগনি। অমসুং নখোয়গী ৱাখল্লোন অসি মতম চুপ্পদা অপদেৎ ওইগনি। মরু ওইনা নুপীশিংদা এজুকেসন ফংহন্নবা ইন্সতিত্যুসন অসিনা শরুক তম্লিবা অসিনা খুন্নাইদা অওনবা পুরক্নবা অনৌবা শক্তি পীরগনি।

মরুপশিং,

এজুকেসনগী লমদা ভারতকী নালান্দা অমসুং তক্ষশিলাগুম্বা য়ুনিভর্সিতীশিংগী সেন্তর ওইরমখি। মালেম শিনবা থুংবদা লৈরিবা মীওইশিংনা মফম অসিদা লাক্তুনা মহৈ তমলমখি। করিগুম্বা ঐখোয়না ভারতকী মতিক-ময়াই অমুক হন্না পুরক্লবদি ঐখোয়না এজুকেসনগী মতিক-ময়াইসু অমুক হন্না পুরকপা তাই। মরম অসিনা ঙসো মোদর্ন এজুকেসন সিস্তেম অসি ভারতকী মওং-মতৌগী মতুং ইন্না শেম্লিবা অসি লৈবাক্কী মরু ওইবনি। মসিগীমদক ঐখোয়না থাক খুদিংমক্তা থবক তৌরি। হৌখিবা চহি ৮দা রেকোর্দ ওইবা মশিংদা য়ুনিভর্সিতীশিং হাংবা উখি। নহারোলগী লৈরিবা চৎনবী অমসুং লৈবাক্কী মথৌ তাবশিংদা লৈরিবা মেদিকেল এজুকেসনগুম্বা লমদা য়েংবদা ঐখোয়না মহার জিলাদা মেদিকেল কোলেজ অমা হাংলি। য়েংবীয়ু, ২০০৪দগী ২০১৪গী মরক্তা লৈবাক্কী মেদিকেল কোলেজ ১৪৫ হাংখি। অমরোমদা মেদিকেল কোলেজ ২৬০ হেন্না ২০১৪ অমসুং ২০২২গী মরক্তা হাংদোকখি। হৌখিবা চহি ৮ অসিদা য়ুনিভর্সিতী অমা অমসুং কোলেজ অনি চয়োল খুদিংগী লৈবাক অসিদা হাংখি অমসুং মসি নুংঙাইবা পোক্নীংঙাই ওইবা ৱাফম অমনি। মসিগী স্পীদ অমসুং স্কেল অসিনা ভারতনা নহা ওইরিবা মীরোলগী পুল অমা ওইরক্লি হায়বা উৎলি, মসিনা মালেমগী  তুংলমচৎতা অনৌবা মাইকৈ অমদা পুরগনি।  

মরুপশিং,

মহাত্মা গান্তীনা হায়রমখি – এজুকেসন অসি ঐখোয়গী অকোইবদা লৈরিবা ফীভম অসিগা চুনরবা খক্তদা মাগী কান্নবা ফংগনি। মরম অসিনা লৈবাক অসিনা এজুকেসন সিস্তেমদা অতোপ্পা মরু ওইবা অহোংবা অমা পুরকখি। মসিগী অহোংবা অসিনা এজুকেসন সিস্তেমদা লৈরিবা লোকেল লোলদা মরু ওইবা মীৎয়েং চংলি। হৌজিক ঐখোয়গী মরুপশিংনা গুজরাতকী শৈরেংগী খুত্থাংদা পুন্সিগী ভেল্যূশিংগী মরমদা খন্নবা উখ্রে, গুজরাতি ঙাংবা মীওই অমা ওইনা ঐহাক্না ৱাহৈশিং অদু নীংথিনা লৌশিনবা ঙম্মি, ইমা লোলগী শক্তি অদু ঐহাক্না ফাওখি।

মরুপশিং,

মীখা পোল্লিঙৈ মতমদা ব্রিতিশনা ইংলিশ অসি এজুকেসনগী স্তেন্দর্দ ওইনা থমলমখি। লাইবক থীবদি নীংখা তম্বা ফংলবা মতুংদসু ঐখোয়না ইনফেরিওরিতী কমপ্লেক্স অসিগা লোয়নদুনা লৈরি। মসিগী খ্বাইদগী চাউবা মাংজবা অসি ঐখোয়গী লায়রবা, দলিত, শোত্থরবা অমসুং অশোন্নবা শরুক্কী অঙাংশিংনা ফংলি। তেলেন্ত লৈরবসু ঐখোয়না লোলদা য়ুম্ফম ওইরগা কম্পিতিসন তৌরকপদা চংবা ঙমখিদে। অদুবু হৌজিক মেদিকেল অমসুং ইঞ্জিনীয়রিংগুম্বা স্তদীশিং অসি লোকেল লোলশিংদা তম্লি। মতৌ অসুম্না ভারতকী মথৌ তাবশিংগী মতুং ইন্না লৈবাক অসিদা অচৌবা কয়া পুরকখি। চহি খরা অসিদা ঐখোয়না পেতেন্ত ইকো-সিস্তেমদা থবক তৌখি অমসং পেসেন্ত ফাইল তৌবা লায়থোকহনখি। ঙসি আই.আই.তি., আই.আই.এস.সি. গুম্বা ইন্সতিত্যুতশিংদা মমাংদা অমুক্তা ওইখিদ্রিবা মওংদা পেতেন্তশিং মশিং য়াম্না ফাইল তৌরকখি। ঙসি তেক্নোলোকী অসি এজুকেসনগী লমদা পাকশন্না শীজিন্নরি। মরম অসিনা লর্নিং তুলশিং অসি স্কুলশিংদা শীজিন্নরি। হৌজিক নহারোলশিংনা বুকিং নোলেজকা লোয়ননা স্কিল, তেক্নোলোজী অমসুং ইন্নোভেসনশিংগীদমক শেম-শারি। মসিনা মরম ওইদুনা ঐখোয়গী নহারোলশিংনা তশেংবা মালেমগী সমস্যা মায়োক্ননবা শেম-শাদুনা লৈরি, মখোয়না সোল্যুসনশিং পুথোক্লি।

মরুপশিং,

লৈবাক অমা হেক্তদা মাগী এজুকেসন সিস্তেম অমসুং মাগী ইন্দস্ত্রিএল ইকোসিস্তেম অসি মপাঙ্গল কনবা মথৌ তাই। ইন্সতিত্যুত অমসুং ইন্দস্ত্রীনা অমদা অমনা মতেং পাংলি। অনি অসিনা নহারোলগী তুংলমচৎকী য়ুম্ফম থোল্লি। দাউদি বোহরা কম্ম্যুনিতীগী মীয়াম অসি য়াম্না এক্তিব ওই অমসুং বিজিনেসতা মাইপাকই। হৌখিবা চহি ৮-৯ অসিদা নখোয়না ‘ইজ ওফ দুইং বিজিনেস’কী মাইকৈদা পুৱারী ওইরবা রিফোর্মশিং পুরকপা, মাগী শাফু উবা ফংখ্রে। মসিগী মনুংদা লৈবাক অসিনা কমপ্লায়েন্স লিশিং ৪০ মুৎথৎখি, প্রোবিজন কয়া দিক্রিমিনেলাইজ তৌখি। মমাংদা ওন্তপ্রিনোরশিং অসি আইনগী অকিবা অদু উৎতুনা চৈথেং পীখি। মসিনা মখোয়গী বিজিনেসতা শোকহনখি। অদুবু ঙসি সরকার অসিনা জোব ক্রিএতরশিংগীদমক লেপ্পি অমসুং মখোয়না মপুং ফানা মতেং পীরি। হৌখিবা চহি খরা অসিদা অমুক্তা ওইখিদ্রিবা মওংদা থাজবগী এতমোস্ফিয়র অমা শেমখি। ঐখোয়না জন বিশ্বাদ বিল পুরক্তুনা সেন্ত্রেল এক্ত ৪২ রিফোর্ম তৌখি। বিজিনেস তৌরিবশিংদা থাজবা পোকহন্নবা ঐখোয়না বিবদ সে বিশ্বাস স্কিম পাইখৎখি। বজেৎ অসিদা খোঙথাং কয়া পাইখৎখি খুদম ওইনা তেক্স রেৎশিং রিফোর্ম তৌবা। মসিনা কর্মচারি অমসুং ওন্তপ্রিনোরশিংগী মখুৎতা শেল হেন্না লৈহল্লগনি। অহোংবশিং অসিনা নহারোলগীদমক খুদোংচাবা কয়া পীরগনি।

মরুপশিং,

লৈবাক অমা ওইনা ভারতকীদমক চাউখৎ-থৌরাং অসি মরু ওই অমসুং হেরিতেজসু মরু ওই। খুন্নাইগী শরুক, ফুরুপ অমসুং ৱাখল্লোন খুদিংমগী অখন্নবা মগুন লৈজৈ। মরম অসিনা ঙসি লৈবাক অসিনা ত্রেদিসন অমসুং মোদর্নিতীগী অপুনবগা লোয়ননা চাউখৎপগী লম্বীদা মাংদা চংশিল্লি। নাকল অমরোমদা লৈবাক অসিদা মোদর্ন ফিজিকেল ইনফ্রাস্ত্রকচর শেমগৎলি অদুগা নাকল অমদনা লৈবাক অসিনা সোসিএল ইনফ্রাস্ত্রকচরদা শেল থাদরি। ঙসি ঐখোয়না হরাও-কুহ্মৈগী অরিবা চৎনবীগা লোয়ননা হিংলি। অমসুং হরাও কুহ্মৈগী পোৎ লৈবদা মোদর্ন তেক্নোলোজীগী খুত্থাংদা পেমেন্তশিং তৌরি। নখোয়না উখ্রে, বজেৎ অইদা অনৌবা তেক্নিকশিংগী মতেংগা লোয়ননা অরিবা রেকোর্দশিং দিজিতাইজ তৌনবা লাউথোকখি। অমসুং ঐহাক্না খুৎনা ইবা কুরানদা য়েংলি। অদুনা ভারত সরকারনা অচৌবা থৌদাং অমা পাইখৎখি, ঐখোয়গী অসিগুম্বা পোৎলম পুম্নমক দিজিতাইজ তৌগনি। মসিনা হৌরক্লিবা মীরোলশিংদা কান্নবা পীরগনি। খুন্নাই, কাংলুপ খুদিংমক্না মাংদা থোক্তুনা খোঙথাং অসি শৌগৎনবা হায়জরি। অরিবা তেক্সকা মরী লৈনবা লৈরবদি মদু দিজিতাইজ তৌগদবনি। ঐনা মঙ্গোলিয়াদা চৎলু মফম অদুদা ভগৱান বুদ্ধগী মতমগী খুৎনা শাবা পোৎলম খরা লৈরমখি। হৌজিক মদু মফম অদুদা লৈরি, ঐহাক্না মদু পীরকউ দিজিতাইজ তৌগে হায়খি। চৎনবী খুদিংমক, লাইনিং খুদিংমক শক্তি অমনি। কেম্পেন অসিদা নহারোলশিংনা য়াওশিনগদবনি। দাউদি বোহরা কম্ম্যুনিতীনা মসিদা অচৌবা থৌদাং লৌরি। মতৌ অসুম্না অকোইববু ঙাকশেনবা, মিল্লেৎকী মরমদা পাউজেল শন্দোকপা, ওইরবদু ঙসি ভারতনা মালেম পুম্ববু অচৌবা কেম্পেনশিংদা লমজিংলি।  চহি অসিদা ভারতনা জি-২০গুম্বা গ্লোবেল ফোরম অমা প্রিসাইদ তৌরি। বোহরা কম্ম্যুনিতীগী মীয়াম্না, মপালদা লৈরিবশিংনা মসিগী হীরম অসিদা মালেমগী মাংদা শক্তি লৈনা ভারতকী ব্রান্দ এম্বেসেদরশিং ওইবা য়াগনি। ঐহাক্না থাজৈ নখোয়গী চপ মান্নবা থৌনা লিংজেলগা লোয়ননা নখোয়গী থৌদাংশিং পাঙথোক্কনি। দাউদি বোহরা কম্ম্যুনিতীনা চাউখৎপা ভারতকী পান্দম য়ৌনবা হোৎনবদা মরু ওইবা থৌদাং লৌরি, মখা তানা লৌখিগনি, থাজবা অসিগা লোয়ননা ঐহাক্না পুম্নমকপু য়াইফ মঙ্গোল পীজরি। থৌরম অসিদা শরুক য়ানবা নখোয়না খুদোংচাবা অমা পীবীখি। স্যেদনা সাহেবকী অখন্নবা মীনুংশিং য়াওরি। পার্লিয়ামেন্ত চত্থজরবসু মফম অসিদা লাকপা হায়বা অসি চপ মান্না মরু ওইখি। মরম অসিনা নখোয়গী থৌজালশিং লৌনবা ঙসি মফম অসিদা লাক্লি। ঐহাক্না থমোয় শেংনা পুম্নমকপু থাগৎচরি।

হন্না-হন্না থাগৎচরি!

***