ভারতকী প্রধানমন্ত্রী

জনুৱারি ৬ অমসুং ৭, ২০২৩দা নিউ দিল্লিদা প্রধান মন্ত্রী শ্রী নরেন্দ্র মোদীনা লুচিংদুনা চীফ সেক্রেতরিশিংগী অনিশুবা মীফম পাংথোক্কনি।মসি কেন্দ্র অমসুং রাজ্য সরকারশিংগী মরক্তা লৈনবা মরী ফগৎহন্নবা মরুওইবা খোঙথাং অমনি। অসিগুম্বা চীফ সেক্রেতরিশিংগী অহানবা মীফম জুন ২০২২দা ধরামসালাদা পাংথোকখ্রে।

চহি অসিগী চীফ সেক্রেতরিশিংগী  মীফম নিউ দিল্লিদা জনুৱারি ৬ অমসুং ৭তা পাংথোক্কনি। মীফম অদুদা রাজ্যশিংগা থবক তৌমিন্নদুনা শেন-থুমগী ফিবম ফগৎহন্নবা খন্নগনি। কেন্দ্র সরকারগী মীহুৎশিং, চীফ সেক্রেতরিশিং, রাজ্যশিং অমসুং য়ু.তিশিংগী মীহুৎশিং য়াওনা পুন্না মীওই ২০০ হেন্না শরুক য়াগনি। চাউখৎপা, থবক ফংহনবা অমসুং অপুনবা ওইনা মীওইবা খুন্নাই চাউখৎনবা পান্দমদা ভিকসিত ভারত অমা ফংনবা অপুনবা থবক অমগী থৌরাং তৌনবা মীফম অদুদা খন্নগনি।

হৌখিবা থা ৩দা নোদেল মিনিস্ত্রিশিং, নিতি অয়োগ, রাজ্যশিং অমসুং য়ু.তিশিংগী মীফম ১৫০ হেন্না পাংথোক্তুনা মীফমগী এজেন্দাশিং লেপখিবনি। মীফম অদুদা এম.এস.এম.ই, ইনফ্রাস্ত্রকচর, শেন থাদবা, কমপ্লাইয়েন্সশিং মশিং হন্থহনবা, নুপীশিংদা শক্তি পীবা, হকশেল অমসুং মচি ওইবা চীঞ্জাক, স্কিল হেনগৎহনবা য়াওনা হিরম ৬তা খন্ন-নৈনবা পাংথোক্কনি।

অখন্নবা সেসন অহুম পাংথোক্কনি হায়বদি ভিকসিত ভারত: মনুং-হুঞ্জিনা মফমশিং য়ৌহনবা, জি.এস.তি অমসুং মালেমগী শিংনবশিং অমসুং ভারতকী পাউখুম হায়বা হিরমশিং অসিদা পাংথোক্কনি।

মীফম অদুদা হিরম মরি হায়বদি, ভোকেল ফোর লোকেল, মালেমগী মিল্লেতশিংগী চহি, জি-২০: রাজ্যশিংগী থৌদাং অমসুং অনৌবা তেক্নোলোজিশিংদা মীৎয়েং থমদুনা খন্নগনি।

রাজ্য অমনা অমদগী তম্বা য়ানবা থিম অমমমদা রাজ্যশিং অমসুং য়ু.তিশিংগী খ্বাইদগী ফবা থবকশিং মীফম মনুংদা উৎকনি।

প্রধান মন্ত্রীগী পাউতাক মতুংইন্না থিমশিং অসিদা হায়বদি, চাউখৎনবগী ফুলক্রম ওইনা জিলাশিং, সর্কুলার ইকোনোমি, মোদেল য়ু.তিশিং হায়বা অসিদা মমাঙদা ভর্চুএল কনফরেন্স অহুম পাংথোকখ্রে। মীফম অসিদা রাজ্যশিং অমসুং য়ু.তিশিংগা মমাঙদা পাংথোকখিবা ভর্চুএল কনফরেন্স অহুমগী ফলশিং উৎকনি

****