ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা ১০৮শুবা সাইন্স ইন্দিয়ন কংগ্রেস (আই.এস.সি.)দা ৱা ঙাংখ্রে। চহি অসিগী আই.এস.সি.গী ফোকেল থিম অসি “সাইন্স এন্দ তেক্নোলোজী ফোর সস্তেনেবল দিবেলপমেন্ত ৱিথ ৱুমেন এম্পাৱরমেন্ত” হায়বা অসিনা ওইরি মসিদা সস্তেনেবল দিবেলপমেন্ত, নুপীদা শক্তি পীবা অমসুং মসি ফংনবা হোৎনবদা সাইন্স অমসুং তেক্নোলোজীনা লৌরিবা থৌদাংগী সমস্যাশিংদা খন্ন-নৈনবা উবা ফংগনি।

থৌরম অদুদা ৱা ঙাংলদুনা প্রধান মন্ত্রীনা মথংগী চহি ২৫ অসিদা ভারতকী চাউখৎ খোঙচৎকী ৱারীদা ভারতকী সাইন্তিফিক মপাঙ্গল কনখৎহনবগী থৌদাংগী মতাংদা থমখি। মহাক্না হায়, “অপাম্বগা লোয়ননা সাইন্সতা নেস্নেল সর্ভিসকী ৱাখল্লোন পোক্লবা মতমদা অমুক্তা উখিদ্রিবা ফলশিং ফংগনি। ভারতকী সাইন্তিফিক কম্ম্যুনিতীনা ঐখোয়গী লৈবাক্কীদমক মতম চুপ্পদা ফংফম থোকপা মফম অদু কনবা ঙমগনি হায়না ঐহাক্না থাজৈ”।

ওজর্বেসননা সাইন্সকী হৌরকফম ওই অমসুং অসিগুম্বা ওবজর্বেসন অসিগী মতেংনা বিজ্ঞানিকশিংনা পেত্তর্নশিংগী তুং ইনবা ঙম্মি অমসুং ফংফম থোকপা ফলশিং ফংবা ঙম্মি হায়রদুনা প্রধান মন্ত্রীনা দেতা খোমজিনবা অমসুং ফলশিং এনালাইসিস তৌবগী মরু ওইবা অদু থমখি। মহাক্না ২১শুবা চহিচাগী ভারত্তা দেতা অমসুং তেক্নোলোজী মরাং কাইনা লৈ হায়খি অমসুং মসিনা ভারতকী সাইন্সপু অনৌবা পনখৈ তম্না পুখৎপগী মতিক-ময়াই চেল্লি হায়না ফোঙদোকখি। দেতা এনালাইসিসকী লম অসি খোঙজেল য়াংনা খুমাং চাউশিল্লি মসিনা ই-পাউ অদুবু লৌশিংদা অমসুং এনালাইসিসনা থবক ওইনা ওন্থোকপা য়াবা লৌশিংদা ওন্থোকপদা মতেং পাংই হায়না মহাক্না ফোঙদোকখি। প্রধান মন্ত্রীনা হায় “ত্রেদিস্নেল নোলেজ নত্ত্রগা মোদর্ন তেক্নোলোজী ওইরবসু মখোয় অনিমক্না সাইন্তিফিক দিস্কোভরীদা মতেং ওইগনি”। মহাক্না হায়খি রিসর্চনা লমজিংবা চাউখৎ-থৌরাংগী তোঙান-তোঙানবা তেক্নিকশিং শীজিন্নদুনা সাইন্তিফিক প্রোসেস মপাঙ্গল কলহন্নবা মথৌ তাই।

সাইন্তিফিক এপ্রোচকা ভারতকী লৈনরিবা মরীগী ফলগী মতাংদা ৱা ঙাংলদুনা প্রধান মন্ত্রীনা হায় লৈবাক ১৩০গী মনুংদা ঐখোয়না ২০১৫দা গ্লোবেল ইন্নোভেতিব ইন্দেক্সতা মশিং ৮১দা লৈরম্বদগী ২০২২দা ৪০শুবদা হাইগৎলকপা ঙমখি। ভারতনা পি.ঐচদি.শিং অমসুং স্তার্ত-অপ ইকোসিস্তেমগী মশিংদা য়েংবদা মালেমগী মকোক থোংবা লৈবাক অহুমগী মনুংদা চনবা ঙম্লি।

সস্তেনেবল দিবেলপমেন্তগা নুপীদা শক্তি পীবা হায়বা অসি পুনশিল্লিবা চহি অসিগী সাইন্স কংগ্রেসকী থিমদা নুংঙাইবা পোক্লদুনা প্রধান মন্ত্রীনা লম অনি অমগা অমগা মরী লৈনৈ হায়না ফোঙদোকখি। অদুম ওইনমক মহাক্না হায়, “ঐখোয়গী ৱাখল্লোন অসি সাইন্সকী খুত্থাংদা নুপীশিংবু শক্তি পীবা খক্তা নত্তনা নুপীশিংনা শরুক তমদুনা সাইন্সপু শক্তি পীবনি”।

ভারতনা জি-২০গী য়ুম্বু ওইনবগী খুদোংচাবা ফংজখি হায়না ফোঙদোক্লদুনা প্রধান মন্ত্রীনা নু্পীশিংনা লমজিংবা চাউখৎ-থৌরাং অসি খ্বাইদগী মরু ওইবা হীরমশিংগী মনুংদা অমা ওইখি। মহাক্না হায় মদুদি হৌখিবা চহি ৮ অসিদা ভারতনা ঙসিগী মালেম শিনবা থুংবদা খন্ন-নৈনরিবা গভর্নান্সতগী খুন্নাই অমসুং শেন্মীৎলোন ফাওবদা থোইদোক হেন্দোকপা অসিগুম্বা কয়া মাইপাকপা ঙমখি।  প্রধান মন্ত্রীনা মুদ্রা য়োজনানা ভারত্তা নুপীশিংদা শক্তি পীবদা খুৎলাই অমা ওইরি হায়রদুনা অপীকপা ইন্দস্ত্রীশিং অমসুং বিজিনেসশিংদা শরুক য়াবা নত্ত্রগা স্তার্ত-অপকী লমদা লুচিংবা ওইবা ওইরবসু নুপীশিংনা মালেমদা মখোয়গী শক্তি অদু উৎলি হায়না ফোঙদোকখি। মহাক্না হায় এক্সত্রাম্যুরেল রিসর্চ অমসুং চাউখৎ খোঙচৎতা নুপীশিংনা শরুক য়াবা অসি হৌখিবা চহি নিপাল অসিদা শরুক অনি হেনগৎলকখি। শ্রী মোদীনা হায়খি, “নুপীশিংনা শরুক য়াবা হেনগৎলকপা অসিনা লৈবাক অসিদা খুন্নাই লোয়ননা সাইন্স অসি খুমাং চাউশিল্লি তাক্লি”।

লৌশিংবু থবক ওইনা অমসুং কান্নগদবা প্রদক্তশিংদা ওন্থোকপগী বিজ্ঞানিকশিংগী শীংনবগী মতাংদা পল্লদুনা প্রধান মন্ত্রীনা হায়খি, “সাইন্সকী খোঙথাংশিংনা লেবতগী থৌরক্তুনা মপালদা য়ৌরকপা মতমদা, অমসুং মখোয়গী কান্নবা অদুনা গ্লোবেলদগী গ্রাসরুত য়ৌরবা মতমদা, মখোয়গী মতিক-ময়াইনা জর্নেলশিংদগী জমীন্দা য়ৌরকপা মতমদা অমসুং রিসর্চতগী ফংবা অহোংবা অদু তশেংবা পুন্সিদা ময়েক শেংবা উবা ফংলবা মতমদা খক্তা অচৌবা মাইপাকপশিংদা ওন্থোকপা ঙমগনি”। মহাক্না হায় সাইন্সকী মাইপাকপশিংনা এক্সপরিমেন্ত অমসুং মীয়ামগী এক্সপরিয়েন্সশিংগী মরক্তা লৈরিবা অরাপ্পা অদু মেনশিনবা ঙম্মি, মসিনা মরু ওইবা পাউজেল অমা পীরি অমসুং হৌরক্লিবা মীরোলদা সাইন্সনা লৌরিবা থৌদাংগী মতাংদা ইথিল পীরি। অসিগুম্বা নহারোলশিংদা মতেং পাংনবা প্রধান মন্ত্রীনা ইন্সতিত্যুস্নেল ফ্রেমৱার্ক অমগী মথৌ তাবা অদু ফোঙদোকখি। মহাক্না অসিগুম্বা অফবা ইন্সতিত্যুস্নেল ফ্রেমৱার্ক অমা দিবেলপ তৌনবা থবক পাইখৎনবা তিল্লিবা মীয়ামদা হায়খি। সাইন্তিফিক তেম্পর লৈবা অঙাংশিং মশক খঙদোক্নবা তেলেন্ত হন্ত অমসুং হেকাথোনশিংগী খুদমশিং পীখি। প্রধান মন্ত্রীনা শান্ন-খোৎনবগী লমদা ভারতনা মাইপাক্লিবশিংগী মতাংদা হায়খি অমসুং মাইপাক্লিবা অসি মপাঙ্গল কনবা ইন্সতিত্যুস্নেল মেকানিজম অমসুং গুরু-শিশ্যা পরমপরা লৈবগনি হায়খি। প্রধান মন্ত্রীনা মসিগী চৎনবী অসিনা সাইন্সকী লমদা মাইপাক্নবগী মন্ত্র ওইবা য়াগনি হায়না ৱাখল্লোন ফোঙদোকখি।

লৈবাক অসিদা সাইন্স চাউখৎনবা লম্বীশিং য়াৎকদবা ৱাফমশিং পুথোক্লদুনা প্রধান মন্ত্রীনা হায়খি ভারতকী মথৌ তাবশিং থুংহনবা হায়বা অসিনা অপুনবা সাইন্তিফিক কম্ম্যুনিতীগীদমক ইথিল পুম্নমক্কী হৌরকফম ওইগদবনি। মালেমদা লৈরিবা মীওইবগী মীশিংগী চাদা ১৭-১৮দি ভারত্তা লৈরি অমসুং অসিগুম্বা সাইন্তিফিক দিবেলপমেন্তশিংনা অপুনবা মীওইবা খুন্নাইদা ফংহনদগনি হায়রদুনা প্রধান মন্ত্রীনা হায়, “ভারত্তা লৈরিবা সাইন্স অসি ভারতপু মরোমদোম লেপচবা ঙম্বা ওইহনগদবনি”। মহাক্না অপুনবা মীওইবা খুন্নাইগী মরু ওইবা হীরমশিংদা থবক পাইখৎপা তঙাই ফদে হায়খি। লৈবাক্কী হেনগৎলক্লিবা ইনর্জীগী মথৌ তাবা অদু থুংহন্নবা ভারতনা নেস্নেল হাইদ্রোজেন মিসন অমদা থবক পাইখৎলি হায়না প্রধান মন্ত্রীনা ফোঙদোকখি অমসুং মসিবু মাইপাকহন্নবা ভারত্তা ইলেক্ত্রোলাইজরশিংগুম্বা মরু ওইবা খুৎলাই শাবা মথৌ তাই হায়খি।

প্রধান মন্ত্রীনা থোরক্লিবা লাইনাশিং লাকশিন্নবা লম্বীশিং পুথোকপদা সাইন্তিফিক কম্ম্যুনিতীনা লৌরিবা থৌদাং অমসুং অনৌবা ভেক্সিনশিং পুথোক্নবা রিসর্চ থৌগৎপা মথৌ তাবগী মতাংদা ফোঙদোকখি। মহাক্না মতম চানা লাইনাশিং খঙদোক্নবা ইন্তিগ্রেতেদ দিজিজ সর্ভিলেন্স তৌবগী মতাংদসু ফোঙদোকখি। মসিগীদমক মহাক্না মন্ত্রালয় পুম্নমক্না পুন্না থবক তৌমিন্নবগী মথৌ তাবা অদু থমখি। মতৌ অসুম্না লাইফ হায়বদি লাইফস্তাইল ফোর এনভাইর্নমেন্ত মুফমেন্ত অসিনা বিজ্ঞানিকশিংদা চাউনা মতেং পাংবা ঙম্লবা য়াই।

প্রধান মন্ত্রীনা হায়খি মদুদি ভারতনা হায়জবদগী য়ুনাইতেদ নেসন্সনা ২০২৩বু ইন্তর্নেস্নেল ইয়র ওফ মিল্লেৎস হায়না লাউথোকখিবা অসি প্রজা খুদিংমক্কীদমক চাউথোকচনীংঙাই ওইবা ৱাফম অমনি। মহাক্না হায়খি মদুদি ভারতকী মিল্লেৎশিং অমসুং মাগী শীজিন্নফমশিং অসি হেনগৎহন্নবা থবক পাইখৎলি অমরোমদনা বাইওতেক্নোলোজীগী মতেং লৌদুনা লৌরোক মতুংদা থোকপা অমাংবশিং হন্থহন্নবা সাইন্তিফিক কম্ম্যুনিতীনা অফবা খোঙথাংশিং লৌখৎপা য়াগনি।

প্রধান মন্ত্রীনা ম্যুনিসিপাল সোলিদ ৱেস্ত, ইলেক্ত্রোনিক ৱেস্ত, বাইও-মেদিকেল ৱেস্ত অমসুং এগ্রিকলচরেল ৱেস্তগুম্বা ৱেস্ত মেনেজমেন্তদা সাইন্সকী থৌদাং অসি হেনগৎলক্লি অমসুং সরকারনা সর্ক্যুলর ইকনোমী শাহৌ পীরি হায়খি।

প্রধান মন্ত্রীনা ভারতকী চাউখৎলক্লিবা স্পেস সেক্তদা লো-কোস্ত সেতলাইৎ লোঞ্চ ভেহিকলশিংগী থৌদাং অদু শকখঙখি অমসুং মালেম্না ঐখোয়গী সর্ভিসশিং অসি লৌনবা মাং থাদুনা থোরক্লগনি হায়খি। প্রধান মন্ত্রীনা আর এন্দ দি লেবশিং অমসুং একাদেমিক ইন্সতিত্যুসনশিংগা মরী লৈনবা প্রাইবেৎ কম্পনীশিং অমসুং স্তার্তঅপশিংগী খুদোংচাবশিং অদু থমখি। মহাক্না ক্বাতম কম্প্যুতিংগী মতাংদা অমসুং ভারতনা ক্বান্তম ফ্রন্তিয়র ওইনা মালেমদা মাগী মফম করম্না কনবগে হায়বগী মতাংদা ফোঙদোকখি। প্রধান মন্ত্রীনা নহা ওইরিবা রিসর্চরশিং অমসুং বিজ্ঞানিকশিংনা ক্বান্তমগী লমদা এক্সপর্তিস হেনগৎহন্নবা অমসুং লুচিংবা ওইনবা ফোঙদোক্লদুনা হায়, “ভারতনা ক্বান্তম কম্প্যুতরশিং, কেমিস্ত্রী, কম্ম্যুনিকেসন, সেন্সর্স, ক্রপ্তোগ্রাফী অমসুং অনৌবা মেতরিএলশিংগী মাইকৈদা খুমাং য়াংনা চংশিল্লি”।

শ্রী মোদীনা মফম অমত্তা থবক পাইখৎত্রিবা ফ্যুচরিস্তিক আইদিয়া অমসুং লমশিংদা মীৎয়েং থম্বা মথৌ তাই হায়খি। মহাক্না এ.আই., এ.আর. অমসুং ভি.আর.বু মরু ওইনা লৌনবা হায়খি। মহাক্না সাইন্তিফিক কম্ম্যুনিতীদা সেমিকন্দক্তর চিপশিংদা ইন্নোভেসনশিং তৌনবা হায়খি অমসুং মখোয়দা হৌজিক্তগী ফ্যুচর রেদী ওইবা সেমিকন্দক্তর শানবা হায়খি। মহাক্না হায় “করিগুম্বা লৈবাক অসিনা লমশিং অসিদা থৌরাং পাইখৎলবদি ইন্দস্ত্রী ৪.০দা ঐখোয়না মাং থাবা ঙমগদবা ফীভম অমদা য়ৌবা ঙমগনি”।

ৱারোল পীবা লোইশিনবদা প্রধান মন্ত্রীনা তুংলমচৎকীদমক ময়েক শেংবা রোদমেপ অমা ইন্দিয়ন সাইন্স কংগ্রেসকী সেসন অসিগী মনুংদা তোঙান-তোঙানবা কনস্ত্রক্তিব পোইন্তশিংদা শেমগনি হায়না থাজবা ফোঙদোকখি। শ্রী মোদীনা লোইশিনবদা হায়, “অমৃত কাল অসিদা ঐখোয়না ভারতবু মোদর্ন সাইন্সকী খ্বাইদগী এদভান্স ওইবা তেক্নোলোজী ওইহন্নবা হোৎনগদবনি”।

বেকগ্রাউন্দ

চহি অসিগী ইন্দিয়ান সাইন্স কংগ্রেসগী থিমদি “সাইন্স এন্দ তেক্নোলোজী ফোর সস্তেনেবল দিবেলপমেন্ত ৱিথ ৱুমেন এম্পাৱরমেন্ত” হায়বনি। মীফম অদুদা অকোয়বগী ফিবম শোকহন্দনা চাউখৎ-থৌরাংগী থবকশিং পায়খৎপা, নু্পীশিংদা শক্তি পীবা অমসুং মসি ফংনবা হোৎনবদা সাইন্স অমসুং তেক্নোলোজিগী থৌদাং হায়বা হিরমশিং অসিদা খন্নগনি। মীফম অদুদা শরুক য়াগদবশিংনা তাকপী-তম্বীগী থবকশিং, থিজিনবা অমসুং ইন্দস্ত্রিদা নুপীশিং মশিং হেন্না শরুক য়ানবা লম্বীশিং তাক্নবা খন্নগনি অমসুং মসিগা লোয়ন্না সাইন্স-তেক্নোলোজি, ইঞ্জিনিয়ারিং অমসুং মেথেমেতিক্স তম্বা, থিজিনবা অমসুং শেন-থুম তানবগী থবকশিং নুপীশিংদা চপ মান্নবা খুদোংচাবশিং পীনবা লম্বীশিংসু খন্নগনি। সাইন্স অমসুং তেক্নোলোজিগী লমদা নুপীশিংনা লৌরিবা থৌদাংগী মতাংদা অখন্নবা থৌরম অমসু পাংথোক্কনি অমসুং মসিদা শক্নাইরবী নুপী সাইন্তিসশিংনা ৱা ঙাংগনি।

ইন্দিয়ান সাইন্স কংগ্রেস অসিগা ইরোইন্না অতোপ্পা থৌরম কয়া পাংথোক্কনি। অঙাংশিং সাইন্স পামজবা হেনগৎহন্নবা অঙাংশিংগী সাইন্স কংগ্রেস পাংথোক্কনি। বাইও-ইকোনোমি ফগৎনবা অমসুং লৌউ-শিংউগী থবকশিংদা নহারোলশিং চিংশিন্নবা মফম অমা পীনবা লৌমীশিংগী সাইন্স কংগ্রেস পাংথোক্কনি। অরিবা মমাঙঙৈগী লৌশিং অমসুং থবকশিং সাইন্তিফিক ওইনা উৎনবা মফম অমা পীনবা অমসুং ত্রাইবেল নুপীশিং শক্তি পীনবা মীৎয়েংদা ত্রাইবেল সাইন্স কংগ্রেসসু পাংথোক্কনি।

কংগ্রেস অসিগী অহানবা মীফম ১৯১৪দা পাংথোকখি। ১০৮শুবা ইন্দিয়ান সাইন্স কংগ্রেস রাসত্রসান্ত তুকাদোজি মহারাজ নাগপুর য়ুনিভর্সিতিদা পাংথোক্কনি অমসুং চহি অসিদা য়ুনিভর্সিতি অসি চহি ১০০শুবগী থৌরমসু পাংথোক্লি।

Addressing 108th Indian Science Congress on the theme “Science and Technology for Sustainable Development with Women Empowerment.” https://t.co/pK1jZAhp6C

— Narendra Modi (@narendramodi) January 3, 2023

अगले 25 वर्षों में भारत जिस ऊंचाई पर होगा, उसमें भारत की वैज्ञानिक शक्ति की बड़ी भूमिका है। pic.twitter.com/9GQ3CUoIt4

— PMO India (@PMOIndia) January 3, 2023

Data और Technology में भारत की साइंस को नई बुलंदियों पर पहुंचाने की ताकत है। pic.twitter.com/S6pdJ5fniC

— PMO India (@PMOIndia) January 3, 2023

साइंस के क्षेत्र में भारत तेजी से वर्ल्ड के Top Countries में शामिल हो रहा है। pic.twitter.com/FuPrUeUYf8

— PMO India (@PMOIndia) January 3, 2023

Science for the betterment of society. pic.twitter.com/6KyFQxszNj

— PMO India (@PMOIndia) January 3, 2023

भारत की आवश्यकता की पूर्ति के लिए, भारत में साइंस का विकास, हमारे वैज्ञानिक समुदाय की मूल प्रेरणा होनी चाहिए। pic.twitter.com/y2B45ZEa4b

— PMO India (@PMOIndia) January 3, 2023

*****