ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি অহমদাবাদতা প্রমুখ স্বামি মহারাজ শতাবদি মহোৎসবকী হৌদোকপগী থৌরমদা ৱা ঙাংখ্রে। বি.এ.পি.এস. স্বামিনারায়ন সনস্থাগী গ্লোবেল হেদক্বাতরস ওইরিবা বি.এ.পি.এস. স্বামিনারায়ন মন্দির, শাহীবাগনা পাঙথোকপা ‘প্রমুখ স্বামি মহারাজ শতাবদি মহোৎসব’তা চহি অমা চুপ্না মালেম শিনবা থুংনা পালন তৌরিবা অদু লোইশিনখ্রে অমসুং নুমিৎ খুদিংগী থৌরমশিং, থিমেতিক একজিবিসনশিং অমসুং লৌশিং পোকহনগদবা পেবিলিয়নশিং য়াওদুনা অহমদাবাদতা দিসেম্বর ১৫, ২০২২দগী জনুৱারী ১৫, ২০২৩ ফাওবা পাঙথোক্কনি।

থৌরম অদুদা ৱা ঙাংলদুনা প্রধান মন্ত্রীনা প্রমুখ স্বামি মহারাজপু থাগৎলদুনা মহাক্কী ৱারোল পীবা হৌখি অমসুং মরু ওইবা থৌরম অসিদা পুম্নমকপু তরাম্না ওকখি। মহাক্না ফিরেপশিংগী অথোইবা গুন অমসুং মতিক ময়াই অমদি হেরিতেজকীদমক চাউথোকচবা ফাওরিবা অদুগী মতাংদা ফোঙদোকখি। মহাক্না হায়খি মদুদি মফম অসিদা লৈরিবা ভারতকী তোঙান-তোঙানবা মচুশিং উবা ফংগনি।

প্রধান মন্ত্রীনা মসিগী অচৌবা কনভেন্সন অসি পাঙথোক্নবা ৱাখল্লোন পুথোকখিবা মখোয়গী শক্তি অদুবু মরু ওইনা লৌনবা মখোয়না লৌখৎখিবা খোঙথাংশিংগীদমক লম্বোইবা খুদিংমকপু থাগৎখি। মহাক্না হায়খি মদুদি অচৌবা থৌরম অসিনা মালেমগী মীৎয়েং চীংশিনবা খক্তা নত্তনা মসিনা হৌরক্কদবা মীরোলশিংবু ইথিল অমদি কান্নবা পীগনি। মহাক্না মখা তারদুনা হায়, “মওং অসিদা অমসুং পাকচাউনা পাঙথোকপা থৌরম অসিগী ৱাখল্লোনগীদমক লম্বোইবশিংবু ঐহাক্না থাগৎপা ফোঙদোকচনীংই”। পুজ্য প্রমুখ স্বামি মহারাজ অসি মঙোন্দা মপাগুম্বা মীশক অমা ওইনা লৌই হায়রদুনা প্রধান মন্ত্রীনা হায় হৌজিক পাঙথোক্লিবা থৌরম অসিদা মহাকপু ইকাই খুম্নবা মীয়াম্না লাক্নরগনি। মহাক্না হায় য়ু.এন.না শতাবদিগী থৌরম অসি পালন তৌবনা ভারতকী ধর্মগী চৎনবী অমসুং ৱাখল্লোনগী মুৎনাইদ্রবা অমসুং মালেমগী ওইনা মরু ওইবা অদু উৎলি। স্বামি মহারাজ য়াওনা ‘বসুধৈব কুতুম্বকম’গী ৱাখল্লোন অদু হেন্না চাউখৎহন্নবা হোৎনখিবা ভারতকী অথোইবা লম্বোইশিংনা তাকপীরম্বা অদুগী মতাংদা পল্লদুনা প্রধান মন্ত্রীনা হায় বেদতগী হৌরগা বিবেকানন্দগী খোঙচৎ অসি শতাবদিকী থৌরম অসিদা ঙসি উবা ফংলগনি। মহাক্না হায়, “মফম অসিদা ভারতকী ফজরবা অথোইবা চৎনবীশিং কনাগুম্বনা উবা ফংগনি”। প্রধান মন্ত্রীনা মখা তারদুনা হায় মদুদি ঐখোয়গী অথোইবা চৎনবীশিং অসি নাৎ, জাৎ-বিজাৎ, চৎনলোনচৎ অমসুং ৱাখল্লোন অসি চাউখৎহন্নবা তৌবা খক্তা নত্তনা ভারতকী লম্বোইবশিংনা মালেম পুম্ববু ‘বসুধৈব কুতুম্বকম’গী ৱাখল্লোন্না থৌনা হাপতুনা অমত্তা ওইনা পুনশিনখি।

প্রধান মন্ত্রীনা স্বামিজীগা মহাক্কা লোয়ননা লৈনখিবা মরী অদুবু নীংশিংলদুনা মহাক্না হায়, “ঐহাক্না অঙাং ওইরিঙৈ মতমদগী হৌনা ঐচ.ঐচ. প্রমুখ স্বামি মহারাজকীগী ৱাখল্লোনশিং অদুনা ইথিল পীখি। ঐহাক্কী পুন্সিদা করিগুম্বা মতমদা ঐহাক্না মহাক্কা উন্নগনি হায়না ঐহাক্না কৈদৌনুংদা খল্লুবা তৌরুদে। ১৯৮১গী মতমদা ওইরমগনি ঐহাক্না সতসং অমদা মহাক্কা উন্নখি। মহাক্না শেবাগী মতাংদা ৱা ঙাংখি। ৱাহৈ খুদিংমক ঐহাক্কী ঐহাক্কী থমোয়দা মমি তাখি। কনাগুম্বা অমগী পুন্সিগী অথোইবা পান্দম অসি শেবা ওইগদবনি হায়বা মহাক্কী পাউজেল অসি য়াম্না ময়েক শেংই। মহাক্না প্রধান মন্ত্রীনা মখা তারদুনা হায়, থৌজাল ফংলিবা মীশক্কী মতিক-ময়াইগীদমক মহাক্কী পাউজেল শন্দোকখিবা স্বামিজীগী মগুন; মহাক্কী মতৌ অসি অদুক্কী মতিক চাউই হায়না ফোঙদোকখি। প্রধান মন্ত্রীনা মখা তারদুনা হায়, মীপুম খুদিংমক্না মহাকপু ধর্মগী মীশক অমা ওইনা খঙনৈ অদুবু মহাক অসি মালেমগী মীৎয়েংদা সোসিএল রিফোর্মর অমা ওইরমখি। প্রধান মন্ত্রীনা মতমগা চুন্নবা খুদোংচাবশিংগী লৌশিংগী মতাংদা ফাওবা ইহুল অমসুং মীওই অমনা মহাক্কী সমস্যাশিং য়েংশিনবা ঙম্বগী মপাঙ্গলগীদমক লৈরিবা মহাক্কী মহৌশানা পাউ খঙবগী মতাংদা ফোঙদোকখি। প্রধান মন্ত্রীনা হায় মহাক্না মরু ওইনা খুন্নাইগী য়াইফনবা হোৎনবদা মীৎয়েং চংখি।  প্রধান মন্ত্রীনা হায়, “ঐচ.ঐচ. প্রমুখ স্বামি মহারাজজী অসি রিফোর্মিস্ত অমা ওইরমখি। মহাক অসি অখন্নৈ মরমদি মহাক্না মীপুম খুদিংমক্তা অফবা উখি অমসুং মখোয়গী মপাঙ্গলশিংদা মীৎয়েং চংনবা মখোয়দা পুক্নিং থৌগৎখি। মহাক্কা থেংনখিবা মীওই খুদিংমকপু মহাক্না মতেং পাংখি। মহাক্না মোরবীদা থোকখিবা মচ্ছু দামগী খুদোংথিবা থৌদোক্তা মহাক্না হোৎনখিবা অদু ঐহাক্না কাউবা ঙমলোই”। প্রধান মন্ত্রীনা মহাক্না পুজ্য স্বামিজীগা উন্নবা মতমদা মহাক্কী পুন্সিগী মরু ওইবা থৌদোকশিং অদু নীংশিংখি।

প্রধান মন্ত্রীনা ২০০২দা রাজকোৎতগী প্রধান মন্ত্রীনা মিরেপ ওইখিবা হৌখ্রবা মতম অদুবু নীংশিংলদুনা হায় মীখলগী কেম্পেন মনুংদা লম্বোইবদগী কোলোম অমা ফংখি মখোয়না প্রমুখ স্বামি মহারাজজীনা কোলোম অসি শীজিন্নদুনা নোমিনেসন পেপরশিংদা খুৎয়েক পীনবা ঐঙোন্দা হায়বিরমখি। মহাক্না হায়, “মফম অদুদগী কাশী মীখলশিং ফাওবা মসিগী থৌওং অসি মখা চত্থরকখি”। মপা অমসুং মচানুপাগী মরক্তা লৈনরিবা মরী অদুগা চাংদম্নরদুনা প্রধান মন্ত্রীনা মহাক্না কচ্ছতা ভোল্যুন্তীয়র অমা ওইনা থবক তৌরিঙৈ মতমদা মহাক্কীদমক প্রমুখ স্বামি মহারাজনা চান্না থক্নবা শিল্লাংখিবা অদু নীংশিংখি। হৌখিবা চহি ৪০দা মহাক্না চহি খুদিং শুকশোই শোইদমা পুজ্য স্বামিকীদগী কুর্তা পজমাগী ফী ফংখি হায়না মহাক্না ফোঙদোকখি। পুক্নিং নুংশিরবা প্রধান মন্ত্রীনা হায়খি মদুদি মসি ঈশ্বরগী ওইবা মরীনি, মপা-মচাগী মরীনি। মহাক্না হায়খি মদুদি লৈবাক অসিগী শেবা তৌবগী মহাক্কী খোঙথাং খুদিংমক্তা পুজ্য স্বামিজিনা শোইনা য়েংলগনি।

প্রমুখ স্বামি মহারাজকা লোয়ননা লৈনরিবা মহাক্কী মরীগী মতাংদা পল্লদুনা প্রধান মন্ত্রীনা স্বামি মহারাজজী অসি ১৯৯১দা দা. এম.এম. জোশিগী লুচিং মখাদা তমথিরবা এক্তা য়াত্রা মনুংদা জম্মু য়ৌখ্রবা মতুংদা মঙোন্দা ফোন তৌরকখিবা অহানবা মীশকনি হায়না ফোঙদোকখি। মহাক্না হায়, “ঐহাক্না জম্মুদা য়ৌরবা মতুংদা লাল চৌক্তা জাতিগী ফিরাল চীংখৎলবা মতুংদা ঐহাক তেক্তা কাইদনা লৈরিব্রা হায়না প্রমুখ স্বামি মহারাজকীদগী অহানবা কোল লাকখি”। প্রধান মন্ত্রীনা অক্ষরধাম মন্দিরদা থোকখিবা তেরোরিস্ত এতেক্তকী অৱাবা মতম অদুসু নীংশিংখি অমসুং অসিগুম্বা চরাংনবা মতমদা তংদু লৈতানা লৈনবগী মতাংদা প্রমুখ স্বামি মহারাজকা মহাক্না ৱারী শাখিবা অদু নীংশিংখি। মসিগী ফীভম অসি পুজ্য স্বামিজীগী নুংদা লৈরিবা ঈশ্বরগী শক্তি অদুনা মরম ওইদুনা খক্তা ওইথোকপা ঙমখিবনি।

য়মুনা তুরেল মপালদা অক্ষরধাম শান্নবা প্রমুখ স্বামি মহারাজকী অপাম্বা অদুগী মতাংদা ফোঙদোক্লদুনা প্রধান মন্ত্রীনা হায় প্রমুখ স্বামিগী মতম অদুদা মখা থাবা ওইখিবা মহন্ত স্বামি মহারাজকী মঙলানগী হায়খি। মীয়াম্না মহন্ত স্বামি মহারাজপু গুরু ওইনা উজরবসু প্রধান মন্ত্রীনা মহাক্না প্রমুখ স্বামি মহারাজজীগী মখা থাবা ওইনা মহাক্না কত্থোকখিবা অদু খঙখি।  মহাক্কী মঙলান অমসুং কত্থোকপা অদুনা মরম ওইদুনা অক্ষরধাম মন্দির অসি য়মুনাগী তোর্বান্দা শাখি। প্রধান মন্ত্রীনা মখা তারদুনা হায়, “চহি খুদিংগী অক্ষরধাম মন্দিরদা লাকপা মীওই করোর কয়ানা মাগী মতিক ময়াই অসিগী খুত্থাংদা ভারতকী নাৎ অমসুং চৎনবীশিং খঙনবা হোৎনৈ”। “মালেমগী মফম অমা হেক্তদা চৎলু নখোয়না প্রমুখ স্বামি মহারাজজীগী মঙলানগী ফল উবা ফংগনি। মহাক্না ঐখোয়গী মন্দিরশিংবু মতমগা চুনবা ওইহন্নবা হোৎনখি অমসং মখোয়না ঐখোয়গী চৎনবীশিং তাকখি। মহাককুম্বা অথোইবা মীশকশিং অমদি রামাকৃষ্ণ মিসন্না সন্ত পরমপরাবু নৌনা শক্তাকখি। পুজ্য স্বামিজীনা ধর্ম চাউখৎহনবগী মথক্তা শেবা তৌবগী চৎনবী শেম্বদা অচৌবা থৌদাং অমা লৌখি”। প্রধান মন্ত্রীনা মখা তারদুনা হায়খি স্বামিজীনা তাইবংপালগী অপাম-মীহৌবা থাদোকপগী মথক্তা লম্বোইবা অমনা মতিক-ময়াই লৈগদবনি অমসুং লৌশিং লৈবা ওইগদবনি। স্বামিজীনা হোলিস্তিক স্পিরিচুএল ত্রেনিংগীদমক ইন্সতিত্যুস্নেল মেকানিজম অমা লিংখৎপগী মতাংদা প্রধান মন্ত্রীনা হায় মদুদি মসিনা তুংদা লাক্কদবা মীরোল কয়াগীদমক জাতি অসিদা কান্নবা পীরগনি। প্রধান মন্ত্রীনা হায়, “মহাক্না কৈদৌনুংদা ‘দেব ভক্তি’ অমসুং ‘দেশ ভক্তি’গী মরক্তা খেন্নবা থমখিদে। মহাক্কী ওইনদি ‘দেব ভক্তি’গীদমক হিংলিবশিং অমসুং ‘দেশ ভক্তি’গীদমক হিংলিবশিং অসি ‘সতসঙ্গিশিংনি’। প্রধান মন্ত্রীনা হায় “ঐখোয়গী লম্বোইবশিংনা অখুপ্পা কাংলুপকী মীৎয়েং ৱাংমদা চৎতুনা থবক তৌখি অমসুং বসুধৈব কুতুম্বকমগী ৱাখল্লোন মপাঙ্গল কনখৎহন্নবা অমসুং মালেমবু পুনশিন্নবা থবক তৌখি”।

মহাক্কী ৱারোল পীবা লোইশিল্লদুনা প্রধান মন্ত্রীনা হায় মহাক্কী কনসাইন্সকী খোঙচৎকী মতাংদা ফোঙদোকখি অমসুং মহাক্না হায়খি মদুদি মহাক্না মতম চুপ্পদা অসিগুম্বা অথোইবা অমসুং চাউখৎপা চৎনবীশিং অসিগা মরী লৈনদুনা লাকখি। প্রধান মন্ত্রীনা লোইশিনবদা হায়খি, “ঙসিগুম্বা লমন শিংনীংবা অমসুং লমন খুমনীংবন্না থল্লবা মালেম অসিদা অফবা এনভাইর্নমেন্ত অমা শেম্লিবা প্রমুখ স্বামি মহারাজ অমসুং মহন্ত স্বামি মহারাজগুম্বা লম্বোইবশিংনা কোইশিন্দুনা লৈবা অসি ঐহাক্কী লাইবক ফবনি। মসি চোকথরবা মীশক অমনা অচৌবা খোঙনাং পাম্বীগী উরুমদা পোত্থদুনা ফম্বগা মান্নৈ। ‘রাজসি’ নত্ত্রগা ‘তামসিক’ নত্তে কনাগুম্বা অমনা ‘সাতবিক’ ওইনা লৈদুনা মাংদা চংশিনবা তাই”।

গুজরাতকী মুখ্য মন্ত্রী, শ্রী ভুপেন্দ্র পতেল, গুজরাতকী রাজ্যপাল, শ্রী অচার্য়া দেবব্রত, হিস হোলিনেস মহন্ত স্বামি মহারাজ অমসুং পুজ্য ইশ্বরচরন স্বামিনা থৌরম অসিদা শরুক য়াখি।

বেকগ্রাউন্দ

হিজ হোলিনেস প্রমুখ স্বামি মহারাজ অসি ভারত অমসুং মালেমগী মশিং থীঙমদ্রবা মীয়ামগী পুন্সীদা মতেং পাংখিবা লুচিংবা অমসুং গুরু অমনি। মহাক অসি অচৌবা স্পিরিচ্যুলগী ওইবা লুচিংবা অমা ওইনা মীপুম খুদিংমক্না ইকাই খুম্নবা অমসুং পাম্নবা মীওই অমনি। বি.এ.পি.এস. স্বামিনারায়ন সনস্থাগী লুচিংবা অমা ওইনা মীওই লাখ কয়াদা খুদোংচাবা পীদুনা মশিং থিঙমদ্রবা নাৎ, সমাজ অমসুং লাইনিং লাইশোলগী ওইবা থৌশিল কয়ামরুম মহাক্না হৌদোকলমখি।

ঐচ.ঐচ. প্রমুখ স্বামি মহারাজগী মপোক কুমওন অসিদা মালেম শিনবা থুংবদগী মীয়াম্না মহাক্কী পুন্সি অমসুং মহাক্না তৌবীরম্বা থবকশিং অদু নিংশিংলি। মালেম পুম্বগী ওইনা পাংথোক্লিবা থৌরম অসি বি.এ.পি.এস. স্বামিনারায়ন মন্দির, বি.এ.পি.এস. স্বামিনরায়ন সনস্থাগী মালেম পুম্বগী হেদক্বাতর্স ওইরিবা শাহিবাগনা শিনগদৌরিবা ‘প্রমুখ স্বামি মহারাজ শতাবদি মহোৎসব’তা লোইশিল্লগনি। মসি নুংতিগী ওইবা থৌরমশিং, থিমেতিক একজিবিসনশিং, অমসুং মীয়ামবু পুক্নিং থৌগৎপা থৌরমশিং পাংথোক্তুনা দিসেম্বর ১৫, ২০২২ দগী জনুৱারী, ১৫ ২০২৩ ফাওবা থা অমা চুপ্না পাংথোকপা থৌরম অমা ওইরগনি।

বি.এ.পি.এস. স্বামিনারায়ন সনস্থা অসি ১৯০৭দা শাস্ত্রিজি মহারাজনা লিংখৎখি। বেদশিং তম্বীবদা য়ুম্ফম ওইবা অমসুং প্রেতিকেল ওইবা লাইনিং লাইশোলগী ওইবা চৎনবীশিংনা য়ুম্ফম থোনদুনা বি.এ.পি.এস.না ঙসি ফাওবদা লাইনিং লাইশোনগী, লমচৎ শাজৎকী অমসুং সমাজগী শিংনবশিং কোকহন্নবা মতম পুম্বদা হোৎনরি। বি.এ.পি.এস. না থাজবা, লিংজেল মান্নবা, কত্থোকপগী মগুনশিং অদু ঙাক্নবা পান্দম থম্মি অমসুং মীপুম খুদিংমক্কী লাইনিং লাইশোনগী ওইবা, নাৎকী, হকচাংগী অমসুং ৱাখলগী ওইবা মতেংশিং পীরি। মসিনা মালেম পুম্বা য়ৌহন্নবা হোৎনবগা লোয়ননা হ্যুমেনেতরিয়নগী ওইবা থবক থৌরমশিং পাংথোক্লি।

Pujya Pramukh Swami Maharaj touched countless lives all over the world with his impeccable service, humility and wisdom. @BAPS https://t.co/rZgqMnOURR

— Narendra Modi (@narendramodi) December 14, 2022

In this programme, I can see every aspect of India’s vibrancy and diversity. I want to appreciate the saints and seers for thinking of a programme of this nature and at such a scale. People from all over the world are coming to pay homage to HH Pramukh Swami Maharaj Ji: PM Modi pic.twitter.com/fVeJCfTxad

— PMO India (@PMOIndia) December 14, 2022

I have been drawn to the ideals of HH Pramukh Swami Maharaj Ji from my childhood. I never thought that sometime in my life, I would get to meet him. It was perhaps back in 1981 that I met him during a Satsang. He only spoke of Seva: PM @narendramodi pic.twitter.com/Ey7r6cLNdv

— PMO India (@PMOIndia) December 14, 2022

HH Pramukh Swami Maharaj Ji was a reformist. He was special because he saw good in every person and encouraged them to focus on these strengths. He helped every individual who came in contact with him. I can never forget his efforts during the Machchhu dam disaster in Morbi: PM pic.twitter.com/Q8J64kSfPF

— PMO India (@PMOIndia) December 14, 2022

In 2002 during the election campaign when I was a candidate from Rajkot I got a pen from two saints saying that Pramukh Swami Maharaj Ji has requested you sign your papers using this pen. From there till Kashi, this practice has continued: PM @narendramodi pic.twitter.com/LfgjNDlYrJ

— PMO India (@PMOIndia) December 14, 2022

During the Ekta Yatra under Dr. MM Joshi’s leadership we faced a hostile situation on the way to Jammu. The moment I reached Jammu the first call I got was from Pramukh Swami Maharaj Ji, who asked about my wellbeing: PM @narendramodi

— PMO India (@PMOIndia) December 14, 2022

हमारे संतों ने पूरे विश्व को जोड़ने- वसुधैव कुटुंबकम के शाश्वत भाव को सशक्त किया। pic.twitter.com/cnzhsta9oQ

— PMO India (@PMOIndia) December 14, 2022

*****