ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা ঙসি ইতলীগী রোমদা লৈবা ফুদ এন্দ এগ্রিকলচরেল ওর্গনাইজেসনগী হেদক্বাতর্সতা ইন্তর্নেস্নেল ইয়র ওফ মিল্লেৎসকী হৌদোকপগী থৌরমদা মহাক্কী পাউজেল পীখ্রে। লৌউ-শিংউ অমসুং লৌমীশিংগী য়াইফ থৌরাংগী কেন্দ্র মন্ত্রী, কুমারি সোভা কারন্দলাজেনা রোমদা পাঙথোকখিবা হৌদোকপগী থৌরমদা ভারতকী মহুৎ শিনখি অমসুং মীতিন অদুদা প্রধান মন্ত্রীগী পাউজেল অদু পাথোকখি। মালেম শিনবা থুংবদা লৈরিবা জাতি ৭০ হেনবদগী তেংবাং ফংদুনা ২০২৩ অসিবু ‘ইন্তর্নেস্নেল ইয়র ওফ মিল্লেৎস’ হায়না য়ুনাইতেদ নেসন্স জেনরেল এসেমব্লীনা লাউথোকখিবা অসি প্রধান মন্ত্রীগী মঙলান অমসুং থৌশিলনি। তুং কোইনা চৎকদবা লৌউ-শিংউদা মিল্লেৎকী মরু ওইবা থৌদাং অমসুং স্মার্ত অমসুং সুপরফুদ ওইনা পীরিবা মাগী কান্নবশিং অসিনা মালেম শিনবা থুংবদা এৱের্নেস পীবদা মতেং পাংগনি।
প্রধান মন্ত্রীনা ইন্তর্নেস্নেল ইয়র ওফ মিল্লেৎস ২০২৩ হৌদোকখিবগীদমক য়ুনাইতেদ নেসন্স অমসুং ফুদ এন্দ এগ্রিকলচর ওর্গনাইজেসনবু থাগৎপা ফোঙদোকখি অমসুং ইন্তর্নেস্নেল ইয়র ওফ মিল্লেৎস পালন তৌনবা হোৎনবদা মখোয়না তেংবাং পীখিবগীদমক মেম্বর ওইরিবা লৈবাকশিংদা তৌবীমল খঙবা উৎখি।
মিল্লেৎ অসি মীওইবনা খ্বাইদগী ঙন্না থাখিবা মহৈ-মরোংশিংগী মনুং চল্লি অমসুং মসিনা মচি ওইবা চীঞ্জাক্কী মরু ওইবা সোর্স অমা ওইদুনা লাকখি হায়না ফোঙদোক্লদুনা প্রধান মন্ত্রীনা মসি তুংলমচৎকীদমক চীঞ্জাক মখল অমা ওইহন্নবা অকনবা ৱাফম থমখি। ফুদ সেক্যুরিতীগী শীংনবশিংগী মতাংদা পল্লদুনা প্রধান মন্ত্রীনা চহিচাদা অমুক্তং থোকপা লাইচৎ অমসুং মালেমগী অকোইবদা ওইরক্লিবা ফীভম অসিগী মতাংদসু ফোঙদোকখি। মহাক্না ক্লাইমেৎ চেঞ্জনা চীঞ্জাক ফংবদা করম্না চৈথেং পীবগে হায়বগী মতাংদা ফোঙদোকখি।
মিল্লেৎকা মরী লৈনবা মালেমগী ইহৌ অমা লাকহনবা অসি ফুদ সেক্যুরিতীগী মাইকৈদা মরু ওইবা খোঙথাং অমনি হায়না ফোঙদোক্লদুনা প্রধান মন্ত্রীনা হায় মদুদি মিল্লেৎ অসি থাবদা অরায়বা ওই, ক্লাইমেৎ রিজিলিএন্ত ওই অমসুং দ্রৌত রিসিস্তেন্ত ওই। মহাক্না মখা তারদুনা হায় মদুদি মিল্লেৎ অসি মচি ওইবা চীঞ্জাক মখল শুনা য়াওবা অফবা চীঞ্জাকনি, মহৌশাগী ওইবা লৌউ পথাপকা চুন্নৈ অমসুং ঈশিং য়াম্না চংদে। প্রধান মন্ত্রীনা হায়, “মিল্লেৎ অসি কঞ্জুমর, কলতিভেতর অমসুং ক্লাইমেৎকীদমক য়াম্না ফৈ”।
লম অমদি চাক চাফম দাইনিংদা দাইভর্সিতীগী মথৌ তাবা অদুগী মতাংদা প্রধান মন্ত্রীনা হায় করিগুম্বা লৌউ-শিংউ অসি মোনোকলচর ওইরিবদি মসিনা ঐখোয়গী হকশেলদা অকাইবা পী অমসুং মিল্লেৎ অসি এগ্রিকলচরেল অমসুং দাইতরী দাইভর্সিতী হেনগৎহন্নবগী অফবা পাম্বৈ অমনি। মহাক্কী পাউজেল অদু লোইশিল্লকপদা প্রধান মন্ত্রীনা ‘মিল্লেৎকী মরমদা খঙনবা’ এৱের্নেস পীবগী মরু ওইবা অমদি মসিদা ইন্সতিত্যুসনশিং অমসুং তোঙান-তোঙানবা মীওইশিংনা লৌরিবা অচৌবা থৌদাংগী মতাংদা ফোঙদোকখি। মহাক্না মখা তারদুনা হায় অমরোমদা ইন্সতিত্যুস্নেল মেকানিজমশিংনা মিল্লেৎ পুথোকপদা থৌগৎকনি অমসুং মসি পোলিসীগী থৌশিলশিংগী থোংদা শেন্দোং লৈহনগনি, তোঙান-তোঙানবা মীওইশিংনা মিল্লেৎ অসি মখোয়গী চীঞ্জাক্কী শরুক অমা ওইহন্দুনা হেল্থ-কন্সিয়স অমসুং প্লানেৎ-ফ্রেন্দলী ওইহনবা ঙমগনি।
থৌরম অসিদা পীখিবা প্রধান মন্ত্রীগী পাউজেল মখাদা পীরি:
“ইন্তর্নেস্নেল ইয়র ওফ মিল্লেৎস ২০২৩ হৌদোকখিবগীদমক য়ুনাইতেদ নেসন্স অমসুং ফুদ এন্দ এগ্রিকলচর ওর্গনাইজেসনবু ঐহাক্না থাগৎপা ফোঙদোকচরি।
ঐখোয়না ইন্তর্নেস্নেল ইয়র ওফ মিল্লেৎ পাঙথোক্নবা পুখৎখিবা প্রপোজেলদা তেংবাং পীখিবা তোঙান-তোঙানবা মেম্বর ওইরিবা লৈবাকশিংদসু ঐহাক্না তৌবীমল খঙবা উৎচরি।
মিল্লেৎ অসি মীওইবনা ঙল্লিঙৈ মতমদা থারম্বা মহৈ-মরোং কয়াগী মরক্তা মতিক-ময়াই লৈরবা পুৱারী লৈজৈ। মসি হৌখিবা মতমদা চীঞ্জাক্কী মরু ওইবা সোর্স ওইরমখি। অদুবু পুংফম অসিদদি মসি তুংলমচৎকীদমক অফবা চীঞ্জাক্কী মখল অমা ওইহনবা তাই!
চহিচা অমদা অমুক্তং থোকপা লাইচৎকী মতুংদা ওইরকখিবা ফীভমনা ফুদ সেক্যুরিতী অসি গ্রহ অসিগীদমক সমস্যা অমা অদুমক ওই তাক্লি। ক্লাইমেৎ চেঞ্জনা চীঞ্জাক ফংবদা চৈথেংসু পীবা য়াই।
অসিগুম্বা তানফম অসিদা মিল্লেৎকা মরী লৈনবা মালেমগী ইহৌ অসি য়াম্না মরু ওইবা খোঙথাং অমনি মরমদি মসি থাবদা অরায়বা ওই, ক্লাইমেৎ রিজিলিএন্ত ওই অমদি দ্রৌত রিসিস্তেন্ত ওই।
মিল্লেৎ অসি কঞ্জুমর, কলতিভেতর অমসুং ক্লাইমেৎকীদমক য়াম্না ফৈ। মখোয় অসি কঞ্জুমরশিংগীদমক মচি ওইবা চীঞ্জাক্কী অফবা সোর্স অমনি। মখোয়না লৌউবশিংদা অমসুং অকোইবগী ফীভমদা কান্নবা পী মরমদি মসি ঈশিং য়াম্না চংদে অমসুং মহৌশাগী লৌউ পথাপকা চুন্নৈ।
লম অমসুং ঐখোয়গী চাক চাফম তেবলদা দাইভর্সিতী মথৌ তাই। করিগুম্বা লৌউ-শিংউ অসি মোনোকলচর ওইরবদি মসিনা ঐখোয়গী হকশেল অমসুং লৈহাওদা অকাইবা পী। মিল্লেৎ অসি এগ্রিকলচরেল অমসুং দাইতরী দাইভর্সিতী হেনগৎহন্নবা অফবা পাম্বৈ অমনি।
‘মিল্লেৎকী মরমদা খঙনবা’ এৱের্নেস পীবা অসি ইহৌ অসিগী মরু ওইবা শরুক অমনি। ইন্সতিত্যুসনশিং অমসুং তোঙান-তোঙানবা মীওইশিং অনিমক্না অচৌবা শাফু পীবা ঙমগনি।
অমরোমদা ইন্সতিত্যুস্নেল মেকানিজমশিংনা মিল্লেৎ পুথোকপদা থৌগৎকনি অমসুং মসি পোলিসীগী থৌশিলশিংগী থোংদা শেন্দোং লৈহনগনি, তোঙান-তোঙানবা মীওইশিংনা মিল্লেৎ অসি মখোয়গী চীঞ্জাক্কী শরুক অমা ওইহন্দুনা হেল্থ-কন্সিয়স অমসুং প্লানেৎ-ফ্রেন্দলী ওইহনবা ঙমগনি।
ঐহাক্না থাজৈ মদুদি ইন্তর্নেস্নেল ইয়র ওফ মিল্লেৎ ২০২৩না শাফবা, তুং কোইগদবা অমসুং মশা-মউ ফবা তুংলমচৎ অমগী মাইকৈদা অচৌবা ইহৌ অমা হৌরগনি।”
বেকগ্রাউন্দ
য়ুনাইতেদ নেসন্স জেনরেল এসেমব্লীনা ২০২৩ অসি ‘ইন্তর্নেস্নেল ইয়র ওফ মিল্লেৎস’ হায়না লাউথোকখি। মালেম শিনবা থুংবদা লৈরিবা লৈবাক ৭০ হেনবদগী তেংবাংগা লোয়ননা য়ুনাইতেদ নেসন্সগী ফিরেপ লৌবা ঙমহনখিবা অসি প্রধান মন্ত্রীগী মঙলান অমসুং থৌশিলনি। তুং কোইনা চৎকদবা লৌউ-শিংউদা মিল্লেৎকী মরু ওইবা থৌদাং অমসুং স্মার্ত অমসুং সুপরফুদ ওইনা পীরিবা মাগী কান্নবশিং অসিনা মালেম শিনবা থুংবদা এৱের্নেস পীবদা মতেং পাংগনি। ভারতনা এসিয়াদা পুথোকপা মিল্লেৎকী ৮০% হেনবা ওইগদবা তন লাখ ১৭০ হেন্না পুথোক্তুনা মালেমগী মিল্লেৎ হব ওইনবা হোৎনরি। মসিগী মহৈ-মরোং অসিগী খ্বাইদগী অঙনবা মতমগী খুদম চাংদম অসি ইন্দস সিভিলাইজেসন্দা উবা ফংখি অমসুং মসি চীঞ্জাক ওইনা দোমেস্তিকেতেদ তৌখিবা অহানবা পাম্বীশিংগী মনুংদা অমা ওইরমখি। মসি লৈবাক ১৩১রোমদা হৌই অমসুং এসিয়া অমদি এফ্রিকাদা লৈরিবা মীওই করোর ৬০ হেনবগী ত্রেদিস্নেল ফুদ ওইরি।
ভারত সরকারনা মালেম শিনবা থুংবদা ভারতকী মিল্লেৎ, রেসিপি অমসুং ভেল্যু-এদেদ প্রদক্ত অসি মীয়ামগী ইহৌ অমা ওইহন্নবগীদমক ২০২৩ অসি আই.ৱাই.ও.এম. হায়না পালন তৌনবা লাউথোকখি। ‘ইন্তর্নেস্নেল ইয়র ওফ মিল্লেৎ’ অসিনা গ্লোবেল প্রদক্সন হেনগৎহন্নবা, নীংথিনা প্রোসেসিং তৌনবা অমসুং শীজিন্ননবা, ক্রোপ রোতেসন হেন্না ফজনা শীজিন্নবা থৌগৎনবা অমসুং ফুদ বাস্কেৎকী মরু ওইবা মচাক অমা ওইনা মিল্লেৎপু প্রমোৎ তৌদুনা ফুদ সিস্তেমশিংগী খুত্থাংদা হেন্না নীংথিনা কন্নেক্তিবিতী লৈহন্নবগী তোপ-তোপ্পা খুদোংচাবা অমা পীরি।
এফ.এ.ও.না অতেনবা পাউজেল অমদা হায়খি মদুদি এফ.এ.ও.না য়ুম্বু ওইদুনা পাঙথোক্লিবা ইন্তর্নেস্নেল ইয়র ওফ মিল্লেৎস (আই.ৱাই.এম.) ২০২৩ অসিনা এফ.এ.ও.গী মেম্বরশিং অমসুং অতোপ্পা মরী লৈনবা স্তেকহোল্দরশিংগা থবক তৌমিন্নদুনা আই.ৱাই.এম. ২০২৩গীদমক এৱের্নেস পীনবা অমসুং ইহৌ লৈহন্নবা পান্দম থম্মি অমসুং তুং কোইগদবা লৌউ-শিংউ থৌগৎনবা অমসুং মিল্লেৎ চাবগী কান্নবশিং অদু থম্লি।
***
