ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭାରତୀୟ ନବୋନ୍ମେଷକାରୀ ଯୁବା ଶକ୍ତି ଆଦି ପ୍ରଯୁକ୍ତି ଓ ମେଧା ବୈଶ୍ୱିକୀକରଣ ସୁନିଶ୍ଚିତ କରୁଛନ୍ତି ବୋଲି ମନ୍ତବ୍ୟ ଦେଇ ‘ଭାରତର ପ୍ରଯୁକ୍ତି ସମାନତା ସଶକ୍ତୀକରଣର ଏକ ଶକ୍ତି” ବୋଲି କହିଛନ୍ତି। ପ୍ରଧାନମନ୍ତ୍ରୀ ଆଜି (୧୬–୧୧–୨ଠ୨୨) ଆଭାଷୀ ମାଧ୍ୟମରେ ବେଙ୍ଗାଲୁରୁ ଟେକ୍ ଶିଖର ସମ୍ମିଳନୀରେ ଉଦବୋଧନ ଦେବା ବେଳେ ଏହା ପ୍ରକାଶ କରିଛନ୍ତି ।

ପ୍ରଧାନମନ୍ତ୍ରୀ ବେଙ୍ଗାଲୁରୁକୁ ନେତୃତ୍ୱ ଓ ପ୍ରଯୁକ୍ତିର ଆଳୟ ତଥା ସାମଗ୍ରିକ ଏବଂ ନବୋନ୍ମେଷର ନଗରୀ ବୋଲି କହିଛନ୍ତି। ଅନେକ ବର୍ଷ ଧରି ବେଙ୍ଗାଲୁରୁ ଭାରତୀୟ ନବୋନ୍ମେଷ ସୂଚୀରେ ପ୍ରଥମ ସ୍ଥାନରେ ରହିଥିବା ସେ ପ୍ରକାଶ କରିଛନ୍ତି ।

ଭାରତୀୟ ପ୍ରଯୁକ୍ତି ଓ ନବୋନ୍ମେଷ ବିଶ୍ୱକୁ ଚମତକ୍ରୃତ କରୁଛି । ତେବେ ବର୍ତ୍ତମାନ ତୁଳନାରେ ଭାରତ ଆହୁରି ଘଟଣାବହୁଳ ହେବ । କାରଣ ଏହାର ମୂଳରେ ଭାରତର ନବୋନ୍ମେଷମୁଖୀ ଯୁବ ସମାଜ ଓ ବୈଷୟିକଜ୍ଞାନ ରହିଛି । ଭାରତୀୟ ଯୁବା ଶକ୍ତି ମେଧା ଓ ପ୍ରଯୁକ୍ତି ବୈଶ୍ୱିକୀକରଣ ସୁନିଶ୍ଚିତ କରି ସାରିଛନ୍ତି । “ଆମେ ଆମର ମେଧା ଶକ୍ତିକୁ ବୈଶ୍ୱିକ ଉନ୍ନତି ପାଇଁ ବିନିଯୋଗ କରୁଛୁ” ବୋଲି ପ୍ରଧାନମନ୍ତ୍ରୀ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଭାରତ ବୈଶ୍ୱିକ ନବୋନ୍ମେଷ ସୂଚୀରେ ୨ଠ୧୫ ମସିହାରେ ୮୧ତମ ସ୍ଥାନରେ ଥିବାବେଳେ ବର୍ତ୍ତମାନ ୪ଠତମ ସ୍ଥାନକୁ ଉନ୍ନୀତ ହୋଇଛି । ୨ଠ୨୧ ମସିହା ଠାରୁ ଭାରତରେ ଷ୍ଟାର୍ଟଅପ ଓ ୟୁନିକର୍ଣ୍ଣ ସଂଖ୍ୟା ଦ୍ୱିଗୁଣିତ ହୋଇଛି । ଭାରତରେ ବିଶ୍ୱର ତୃତୀୟ ବୃହତ୍ତମ ୮୧ଠଠଠ ସ୍ୱୀକୃତିପ୍ରାପ୍ତ ଷ୍ଟାର୍ଟଅପ ଅଛନ୍ତି । ଭାରତୀୟ ମେଧାଶକ୍ତି ପ୍ରତି ଶହ ଶହ ଆନ୍ତର୍ଜାତିକ କମ୍ପାନୀ ଆକୃଷ୍ଟ ହେବା ସହ ସେମାନଙ୍କ ଗବେଷଣା ଓ ପରିପାଟୀ କେନ୍ଦ୍ର ଭାରତରେ ପ୍ରତିଷ୍ଠା କରିବାକୁ ଆଗ୍ରହୀ ହୋଇଛନ୍ତି ।

ଭାରତୀୟ ଯୁବାଶକ୍ତିର ପ୍ରଯୁକ୍ତିବିଦ୍ୟା ପ୍ରତି କ୍ରମବର୍ଦ୍ଧିଷ୍ଣୁ ଆଗ୍ରହ ଉପରେ ବର୍ଣ୍ଣନା କରି ପ୍ରଧାନମନ୍ତ୍ରୀ ଦେଶରେ ମୋବାଇଲ ଓ ତଥ୍ୟ ବିପ୍ଳବ ହେଉଥିବା ବିଷୟ ପ୍ରକାଶ କରୁଛନ୍ତି । ଗତ ଆଠ ବର୍ଷ ମଧ୍ୟରେ ବ୍ରଡବ୍ୟାଣ୍ଡ ସଂଯୋଗ ୬ଠ ନିୟୁତକୁ ବୃଦ୍ଧି ପାଇଛି । ସ୍ମାର୍ଟ ଫୋନ ବ୍ୟବହାରିକ ସଂଖ୍ୟା ୧୫ଠ ନିୟୁତରୁ ୭୫ଠ ନିୟୁତକୁ ବୃଦ୍ଧି ପାଇଛି । ଗ୍ରାମାଞ୍ଚଳରେ ଇଣ୍ଟରନେଟ ଗତି ସହରାଞ୍ଚଳକୁ ଟପିଯାଇଛି । “ତଥ୍ୟର ମହାରାଜପଥରେ ଏକ ନୂତନ ଜନସଂଖ୍ୟାର ସଂଯୋଗ ଘଟୁଛି” ବୋଲି ଶ୍ରୀ ମୋଦୀ କହିଛନ୍ତି । ସେ ବିଶ୍ୱର ବୃହତ୍ତମ ସ୍ୱାସ୍ଥ୍ୟବୀମା ଯୋଜନା ଆୟୁଷ୍ମାନ ଭାରତ ଯାହା ୨ଠଠ ନିୟୁତ ପରିବାର ଅର୍ଥାତ ୬ଠଠ ନିୟୁତ ଲୋକଙ୍କୁ ସ୍ୱାସ୍ଥ୍ୟସେବା ଯୋଗାଉଥିବା ଉଦାହରଣ ଦେଇଥିଲେ । ସେ ବିଶ୍ୱର ବୃହତ୍ତମ କୋଭିଡ୍ ଟିକାକରଣ ଅଭିଯାନର ମଧ୍ୟ ଦୃଷ୍ଟାନ୍ତ ଦେଇ କେବଳ ଏହା ପ୍ରଯୁକ୍ତିବିଦ୍ୟା ଯୋଗୁ ହୋଇପାରିଛି ବୋଲି କହିଥିଲେ । ଶିକ୍ଷା କ୍ଷେତ୍ରରେ ଉଦାହରଣ ଦେଇ ଏହାର ମୁକ୍ତ ପାଠ୍ୟକ୍ରମ ଦଶ ଲକ୍ଷଙ୍କୁ ଅନଲାଇନ ଜରିଆରେ ସଫଳତା ସହ ପ୍ରମାଣପତ୍ର ପ୍ରଦାନ କରିଛନ୍ତି ।

ପ୍ରଧାନମନ୍ତ୍ରୀ ଆହୁରି କହିଥିଲେ ଯେ ଭାରତ ପ୍ରଯୁକ୍ତିକୁ ଦାରିଦ୍ର୍ୟ ବିରୁଦ୍ଧରେ ସଂଗ୍ରାମରେ ଏକ ଅସ୍ତ୍ର ଭାବେ ଉପଯୋଗ କରୁଛି । ସେ ସ୍ୱାମୀତ୍ୱ ଯୋଜନା ଓ ଜନଧନ ଆଧାର ମୋବାଇଲ (ଜିଏଏମ) ଭଳି ଗରୀବ ଅନୁକୂଳ ପଦକ୍ଷେପ ପାଇଁ ଡ୍ରୋନର ବ୍ୟବହାରର ଉଦାହରଣ ଦେଇଥିଲେ । ସ୍ୱାମୀତ୍ୱ ଯୋଜନା ଜମିଜମା ଦଲିଲପତ୍ରରେ ବିଶ୍ୱାସ ଯୋଗ୍ୟତା ସୃଷ୍ଟି କରି ଗରୀବ ଜନସାଧାରଣଙ୍କୁ ଋଣ ଦେବାରେ ସାହାଯ୍ୟ କଲେ । ଜେଏଏମ ପ୍ରତ୍ୟକ୍ଷ ପୁଞ୍ଜି ହସ୍ତାନ୍ତରକୁ ସୁନିଶ୍ଚିତ କରିବା ସହ ଅନେକ କଲ୍ୟାଣକାରୀ ଯୋଜନାର ମେରୁଦଣ୍ଡ ସଦୃଶ ଉଭା ହେଲା ବୋଲି ପ୍ରଧାନମନ୍ତ୍ରୀ କହିଥିଲେ । ପ୍ରଧାନମନ୍ତ୍ରୀ ମଧ୍ୟ ଜିଇଏମ ସରକାର ପରିଚାଳିତ ସଫଳ ଇ–ବାଣିଜ୍ୟ ମଞ୍ଚର ମଧ୍ୟ ଉଦାହରଣ ଦେଇଥିଲେ । “ପ୍ରଯୁକ୍ତିବିଦ୍ୟା ଅନେକ ଛୋଟ ଛୋଟ ବ୍ୟବସାୟୀଙ୍କୁ ବଡ଼ ଗ୍ରାହକ ଖୋଜିବାରେ ସହାୟକ ହୋଇଛି । ଏଥିସହ ଏହା ଦୁର୍ନୀତିର ସମ୍ଭାବନାକୁ ମଧ୍ୟ ହ୍ରାସ କରିପାରିଛି । ସେହିପରି ପ୍ରଯୁକ୍ତି ଯୋଗୁ ଅନଲାଇନ ଟେଣ୍ଡରକୁ ମଧ୍ୟ ସାହାଯ୍ୟ ମିଳିଛି। ଏହା ପ୍ରକଳ୍ପଗୁଡ଼ିକୁ ତ୍ୱରାନ୍ୱିତ କରିବା ସହ ସ୍ୱଚ୍ଛତାକୁ ପ୍ରୋତ୍ସାହନ ଦେଇଛି । ଏହା ଗତବର୍ଷ ଏକ ଟ୍ରିଲିଅନ ମୂଲ୍ୟର ଆହରଣରେ ସହାୟକ ହୋଇଛି ।”ଶ୍ରୀ ମୋଦୀ ଜିଇଏମ ଦ୍ୱାରା ହୋଇଥିବା ସଫଳତା ଉପରେ ଆଲୋକପାତ କରିଥିଲେ ।

ପ୍ରଧାନମନ୍ତ୍ରୀ ମଧ୍ୟ ଅପାରଗତା ଦୂର କରିବା ଉପରେ ଗୁରୁତ୍ୱ ଆରୋପ କରିଥିଲେ । ସେ କହିଥିଲେ ଯେ ‘ନବୋନ୍ମେଷ ଖୁବ ଗୁରୁତ୍ୱପୂର୍ଣ୍ଣ । କିନ୍ତୁ ଏହା ସମନ୍ୱିତ ହେଲେ ଏଥିରେ ବଳ ଆସିଯାଏ । ବୈଷୟିକ ଜ୍ଞାନ ଅପାରଗତାକୁ ଦୂର କରି ଶକ୍ତି ଉଦ୍ରେକ କରି ସେବା ସୁନିଶ୍ଚିତ କରିଥାଏ । ଯେତେବେଳେ ସମନ୍ୱିତ ବିକାଶ ଘଟେ ସେତେବେଳେ ସେଠାରେ ଅପାରଗତା ଦେଖିବାକୁ ମିଳେନା ।”ପିଏମ ଗତିଶକ୍ତି ଜାତୀୟ ମାଷ୍ଟର ପ୍ଲାନର ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ, ଆଗାମୀ ବର୍ଷରେ ଭାରତ ଭିତ୍ତିଭୂମି କ୍ଷେତ୍ରରେ ଶହେ ଟ୍ରିଲିଅନ ଟଙ୍କା ଖର୍ଚ୍ଚ କରିବ । ଗତିଶକ୍ତି ମଞ୍ଚ ପାଇଁ କେନ୍ଦ୍ର ସରକାର, ରାଜ୍ୟ ସରକାର, ଜିଲ୍ଲା ପ୍ରଶାସନ ଓ ବିଭିନ୍ନ ବିଭାଗ ସମନ୍ୱୟ ରକ୍ଷା କରିପାରିବେ । ପ୍ରକଳ୍ପ, ଜମି ବ୍ୟବହାର ଓ ପ୍ରତିଷ୍ଠାନ ସମ୍ପର୍କିତ ତଥ୍ୟ ଗୋଟିଏ ଜାଗାରୁ ମିଳିପାରିବ । ସେ ଦୃଷ୍ଟିରୁ ପ୍ରତ୍ୟେକ ଭାଗିଦାର ସମାନ ତଥ୍ୟ ପାଇପାରିବେ । ଏହା ସମନ୍ୱୟରେ ଉନ୍ନତି ଆଣିବା ସହ କୌଣସି ସମସ୍ୟା ଉପୁଜିବା ଆଗରୁ ତା’ର ସମାଧାନ କରିପାରିବେ । ଏହା ଅନୁମୋଦନ ଓ ପ୍ରତିବନ୍ଧକ ଦୂରୀକରଣକୁ ତ୍ୱରାନ୍ୱିତ କରିପାରିବ ।

ପ୍ରଧାନମନ୍ତ୍ରୀ କହିଥିଲେ ଯେ ଭାରତରେ ଆଉ ନାଲିଫିତା ବା ବିଳମ୍ବର ସ୍ଥାନ ନାହିଁ । ଏହା ନିବେଶକାରୀ ପାଇଁ ନାଲିର ଗାଲିଚା ବା ହାର୍ଦ୍ଦିକ ସ୍ୱାଗତର ପଥ ଭାବେ ପରିଚିତ ହୋଇଛି । “ଏଫଡିଆଇ ସଂସ୍କାର ହେଉ ବା ଡ୍ରୋନ ନିୟମର ମୁକ୍ତ ନୀତି ଦେଇ, ସେମି କଣ୍ଡକ୍ଟର ଯୋଜନା ବା ବ୍ୟାବସାୟିକ ସୁଗମତା ଭାରତରେ ଅନେକ ଚତ୍ତାକର୍ଷକ କ୍ଷେତ୍ର ଏକାଠି ହୋଇଛି” ବୋଲି ସେ କହିଥିଲେ । ଏକ ଆବେଦନ ସହ ସେ ତାଙ୍କ ଉଦବୋଧନରେ ପରିସମାପ୍ତି ଆଣିଥିଲେ । “ଆପଣମାନଙ୍କୁ ପୁଞ୍ଜି ନିବେଶ ଓ ଆମର ନବୋନ୍ମେଷ ଆଶ୍ଚର୍ଯ୍ୟଜନକ ଫଳ ଦେବ । ଆପଣମାନଙ୍କ ଆସ୍ଥା ଓ ଆମର ପ୍ରଯୁକ୍ତି ମେଧା ଏହ କରି ଦେଖାଇବ । ମୁଁ ଆପଣମାନଙ୍କୁ ଆମ ସହ କାର୍ଯ୍ୟ କରିବାକୁ ନିମନ୍ତ୍ରଣ କରୁଛି ଓ ଆମେ ସମସ୍ୟା ସମାଧାନ ଦିଗରେ ବିଶ୍ୱରେ ନେତୃତ୍ୱ ନେଇପାରିବା”।

SM/MB