ভারতকী প্রধানমন্ত্রী

খুরুমজরি!

শীংনবনা থল্লবা মালেমগী ফীভম অমদা জি-২০বু মপুং ফানা লুচিংখিবগীদমক রাস্ত্রপতি জোকো ৱিদোদোবু ঐহাক্না থমোয় শেংনা থাগৎপা ফোঙদোকচরি। অইং-অশাগী খলদা কাইথরকপা, কোবিদ লাইচৎ, য়ুক্রেনগী লান অমসুং মসিগা মরী লৈনবা মালেমগী সমস্যাশিং। পুম্নমক অসিনা পুনশিন্দুনা মালেমদা খুদোংচাদবা থোকহনখি। গ্লোবেল সপ্লাই চেন্দা অকাইবা থোকহনখি। মালেম শিনবা থুংবদা তঙাই ফদবা পোৎলমশিং ফংদবগী খুদোংচাদবা মায়োক্নরি। লৈবাক খুদিংমক্কী লায়রবা প্রজাশিংগী শীংনবা অসিনা হেন্না ফীভম শোক্লি। মখোয়গী ওইনদি নোংমগী পুন্সিদা হান্নদগী অৱাবা কয়া মায়োকন্দুনা লাকখি। মখোয়দা চৈথেং অনি অসি মায়োক্ননবা ফাইনান্সিএল কেপাসিতী লৈতে। চৈথেং অনিসিনা মরম ওইদুনা মখোয়দা মসিবু হেন্দল তৌনবা ফাইনান্সিএল কেপাসিতী লৈতে। য়ু.এন,গুম্বা মলতিলেতরেল ইন্সতিত্যুসনশিংনা মসিগী সম্যাশিং অসি কোকহনবা মাইপাকখিদে হায়বা অসি খঙনবা হোৎনবদা ঐখোয়না থিন্থবা তৌরোইদবনি। অমসুং মখোয়গা চুনবা রিফোর্মশিং পুরক্নবা হোৎনবদা ঐখোয়না মাইপাকখিদে। মরম অসিনা ঙসি মালেমনা জি-২০দা চাউনা থাজবা থম্মি, ঐখোয়গী গ্রুপ অসি মরু ওইবা হেন্না হেনগৎলক্লি।

এক্সিলেন্সীশিং,

ঐহাক্না তোইনা হায়জখ্রে মদুদি ঐখোয়না য়ুক্রেন্দা সিসফায়র অমসুং দিপ্লোমেসীগী লম্বেলদা অমুক হন্না হল্লক্নবা পাম্বৈ থিবা তাই। হৌখিবা চহিচাদা অনিশুবা মালেমগী লাঞ্জাওনা মালেমদা চৈথেং পীখি। মসিগী মতুংদা মতম অদুগী লুচিংবশিংনা শান্তিগী লম্বেলদা লাক্নবা অকনবা খোঙথাং অমা লৌখৎখি। হৌজিক ঐখোয়গী মতম ওইরে। পোস্ত-কোবিদ পেরিয়দকী অনৌবা মালেম অমা শেম্বগী অচৌবা থৌদাং ঐখোয়গী ইথক্তা তারি। হৌজিক্কী ওইনা খ্বাইদগী তঙাই ফবদবা অসি মালেমদা শান্তি, তংদু লৈতাবা অমসুং শাফবা ফীভম অমা পুরক্নবা অচেৎপা অমসুং অপুনবা ফিরেপ অমা উৎপা অদুনি। বুদ্ধ অমসুং গান্ধীগী শেংলবা লমদমদা জি-২০ মীফম মথং চহিদা পাঙথোকপা মতমদা ঐখোয় পুম্নমক্না মালেমদা শান্তিগী অকনবা পাউজেল অমা পীবা হায়বা অসিদা য়াগনি হায়না ঐহাক্না থাজৈ।

এক্সিলেন্সীশিং,

লাইচৎ মনুংদা ভারতনা মাগী প্রজা বিলিয়ন ১.৩গী ফুদ সেক্যুরিতী ফংহনখি। মসিগা ইরোইননা মথৌ তাবা লৈবাক কয়াদা চেং-হৱায় সপ্লাই তৌখি। হৌজাক হারগী অৱাৎপা লৈরিবা অসি ফুদ সেক্যুরিতীগী মীৎয়েংদা অচৌবা ক্রাইসিস অমসু ওইরিবনি। ঙসিগী হার ৱাৎপনা হয়েংগী চীঞ্জাক ৱাৎপগী খুদোংচাদবা থোকহনগনি মসিবু কোকহন্নবা সোল্যুসন মালেমদা লৈরোই। ঐখোয়না হার অমসুং চেং-হৱায় অনিমক স্তেবল অমসুং এস্যুর্দ ওইহন্নবা সপ্লাই চেন মেন্তেন তৌদুনা থম্নবা ম্যুচুএল এগ্রীমেন্ত অমা শেম্বা তাই। ভারত্তা সস্তেনেবল ফুদ সেক্যুরিতীগীদমক ঐখোয়না মহৌশাগী লৌউ-পথাপ থৌগৎলি অমসুং মিল্লেৎকুম্বা মচী ওইবা অমসুং য়েলহৌঙৈদগী লৈরক্লবা চেং-হৱায়শিং অমুক হন্না পোপ্যুলরাইজ তৌরি। মিল্লেৎনা মালেমগী ওইনা মচী ওইবা চীঞ্জাক চাবা ফংদবা অমসুং অরাম-খৌরাংবা কোকহনবা ঙমগনি। ঐখোয়না মথং চহিদা থৱায় য়াওনা ইন্তর্নেস্নেল ইয়র ওফ মিল্লেৎ পালন তৌগদবনি।

এক্সিলেন্সীশিং,

ভারতকী ইনর্জী-সেক্যুরিতী অসিসু গ্লোবেল গ্রোথকীদমক মরু ওই মরমদি মসিনা মালেমগী খ্বাইদগী খোঙজেল য়াংনা চাউখৎলক্লিবা ইকনোমী ওইরি। ঐখোয়না ইনর্জীগী সপ্লাইদা অথিংবা অমা হেক্তা থম্লোইদবনি অমসুং ইনর্জী মার্কেৎতা স্তেবিলিতী লৈহনগদবনি। ভারতনা ক্লীন ইনর্জী অমসুং এনভাইর্নমেন্তগীদমক খোঙফম চেৎনা লেপ্পি। ২০৩০ ফাওবদা ঐখোয়গী ইলেক্ত্রিসিতীগী তখাই অমদি রিন্যুএবল সোর্সশিংদগী জেনরেৎ তৌরগনি। ইনক্লুসিব ইনর্জী ত্রাঞ্জিসনগীদমক চাউখৎলক্লিবা লৈবাকশিংদা ফাইনান্স অমসুং তেক্নোলোজীগী সস্তেনেবল সপ্লাই মতম চানা অমসুং লায়না তৌবা তঙাই ফদে।

এক্সিলেন্সীশিং,

ভারতকী জি-২০ প্রসিদেন্সী মনুংদা ঐখোয়না সমস্যা পুম্নমক অসি কোক্নহন্নবা মালেমগী ওইনা অমত্তা ওইনা য়ান্নবা পুরক্নবা হোৎনগনি।

থাগৎচরি!

খঙহঞ্জবা – মসি প্রধান মন্ত্রীগী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখি।

***