ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি উত্তরাখন্দগী মানাদা লুপা করোর ৩৪০০ হেনবা রোদ অমসুং রোপৱে প্রোজেক্তশিংগী উরেপ-উয়ুং তমখ্রে। অয়ুক অঙনবদা প্রধান মন্ত্রীনা কেদারনাথতা চৎখি অমসুং শ্রী কেদারনাথ মন্দিরদা দর্শন অমসুং পুজা পাঙথোকখি। মহাক্না আদী গুরু শঙ্করাচার্য় সমাধি স্থালদসু চৎখি অমসুং মন্দাকিনী আস্থা পথ অমসুং সরস্বতী আস্থা পথতা শেমগৎ শাগৎপগী পাইখৎলিবা থবক য়েংশিনখি। প্রধান মন্ত্রীনা বদ্রীনাথতা চৎখি অমসুং শ্রী বদ্রীনাথ মন্দিরদা দর্শন অমসুং পুজা পাঙথোকখি। মহাক্না মসিগী মতুংদা অলকনন্দা রিভরফ্রন্তকী শেমগৎ শাগৎপগী পাইখৎলিবা থবক য়েংশিনখি।

থৌরম অদুদা ৱা ঙাংলদুনা প্রধান মন্ত্রীনা লাইফমশিংদা দর্শন অমসুং পুজা পাঙথোক্লবা মতুংদা মহাক্না নুংঙাইবা ফাওবা অদু ফোঙদোকখি। মহাক্না হায়, “ঐহাক্কী পুন্সি থৌজাল ফংজরে, ঐহাক্কী ৱাখল নুংঙাইরে অমসুং মীকুপশিং অসি কাউঙমদনা লৈহৌরগনি”। মমাংদা চৎখিবা খোঙচৎতা দিকেদ অসি উত্তরাখন্দগী ওইগনি হায়না মহাক্না হায়খিবা ৱাহৈশিং অদুবু নীংশিংলদুনা প্রধান মন্ত্রীনা হায়খি মদুদি মহাক্না বাবা কেদার অমসুং বদ্রী বিশালনা ৱাহৈশিং অদু থৌজাল ফংগনি হায়না মহাক্না চেৎনা থাজবা লৈ। মহাক্না হায়, “ঙসি ঐহাক্না অনৌবা প্রোজেক্তশিং অসিগা লোয়ননা চপ মান্নবা ফিরেপকা লোয়ননা নৌহৌনা নীংশিংনবা ময়ামগী মরক্তা য়াওবা লাকচরি”।

মানা খুঙ্গং অসি ভারতকী ঙমখৈদা লৈবা অরোইবা খুঙ্গং অমা ওইনা খঙনরিবা ৱাফম অসি পল্লদুনা প্রধান মন্ত্রীনা হায়খি, “ঐহাক্কীদমক্তদি ঙমখৈদা লৈবা খুঙ্গং খুদিংমক অসি লৈবাক অসিগী অহানবা খুঙ্গংনি অমসুং ঙমখৈদা লৈরিবা মীয়ামশিং অসিনা লৈবাক অসিগী খ্বাইদগী মপাঙ্গল কনবা গার্দনি”। লমদম অসিগা মহাক্কা মতম শাংনা লৈনরকখিবা মরী অমসুং মফম অসিবু লেপ্পা লৈতনা মরু ওইনা লৌদুনা লাকখিবা অদুবু নীংশিংখি। মহাক্না মখোয়গী মতেং অমসুং থাজবা অদুগী মতাংদা ফোঙদোকখি। মহাক্না মানাগী মীয়ামবু মখোয়না লেপ্পা লৈতনা পীবীখিবা মীনুংশি অমসুং মতেংগীদমক থাগৎপা ফোঙদোকখি।

প্রধান মন্ত্রীনা ২১শুবা চহিচাগী চাউখৎপা ভারতকী মরু ওইবা য়ুম্বী অনিগী মরমদা ফোঙদোকখি। মহাক্না হায়, “অহানবনা ঐখোয়গী হেরিতেজকীদমক চাউথোকচবা পোকপা অমসুং অনিশুবনা চাউখৎনবগীদমক অঙাম্বা খোঙথাং পুম্নমক লৌখৎপা অসিনি। ঙসি উত্তরাখন্দনা য়ুম্বী অনিমক মপাঙ্গল কনখৎহল্লি”। নাকল অমরোমদা কেদারনাথ অমসুধং বদ্রী বিশালদা দর্শনশিং তৌবনা মহাক্না থৌজাল ফংবগুম্না ফাওখি হায়না মহাক্না পাউদমখি অদুগা মহাক্না চাউখৎ থৌরাংগী প্রোজেক্তশিংসু য়েংশিনখিবা অসিদা মহাক্না হায়, “মীওই করোর ১৩০ অসি ঐহাক্কী ওইনদি ঈশ্বরগী শক্লোন অমসু ওইরি”।

রোপৱে অনি কেদারনাথতগী গৌরীকুন্দ অমসুং হেমকুন্দ রোপৱে অসিগী মতাংদা পল্লদুনা প্রধান মন্ত্রীনা মসিগী ইথিল অমসুং থবক্কী খোঙজেল য়াংশিল্লিবা অসি বাবা কেদারনাথ, বদ্রী বিশাল অমসুং সিখ গুরুশিংগী থৌজালশিংননি হায়না ফোঙদোকখি। প্রধান মন্ত্রীনা হায়খি মালেম পুম্বদা লৈরিবা ভক্তাশিংনা মসিগী অমুক্তা পাইখৎখিদ্রিবা থৌশিল অসিগীদমক নুংঙাইবা পোক্লগনি।

প্রধান মন্ত্রীনা প্রোজেক্তশিং অসিদা য়াওখিবা শ্রমজীবীশিং অমসুং অতোপ্পা পর্সনেলশিংনা খুদোংথিবা নংদনবা থৌনিখি অমসুং থবক শুবদা অৱাবা ফীভম অসিদা মখোয়না কত্থোকপগা লোয়ননা হোৎনরিবা অসিবু শকখঙখি। প্রধান মন্ত্রীনা হায়খি, “মখোয়না ঈশ্বরগী থবক তৌরিবনি, মখোয়বু নখোয়না য়েংশিনবীয়ু, মখোয়বু শেল পীদুনা নেকপা শিন্মী ওইনা লৌগনু মখোয়না ঈশ্বরগা পাঙ্খক ওইরবা প্রোজেক্ত অসিদা শরুক তম্লি”। কেদারনাথতা লৈরিবা শ্রমজীবীশিংগা ৱারী-ৱাতাই শাখিবা অদু পল্লদুনা প্রধান মন্ত্রীনা হায়খি মদুদি শিন্মীশিং অমসুং ইঞ্জিনীয়রশিংনা মখোয়গী মথৌ অদু বাবা কেদার থৌনিজবগা চাংদম্নরিবা অসি য়াম্না ফবা এক্সপরিয়েন্স অমা ওইখি।

 মহাক্না লাল কিলাগী লানবন্দগী জাতিদা মীখা পোনবগী ৱাখল্লোন অদুদগী মনীং তম্নবা হোৎনরসি হায়না অপীল তৌখিবা অদু নীংশিংলদুনা প্রধান মন্ত্রীনা নীংতম্বা ফংবগী চহি ৭৫গী মতুংদা অপীল অসি তৌবগী তঙাই ফদবা অদুগী মতাংদা শন্দোক্না হায়খি অমসুং মীখা পোনবগী ৱাখল্লোন অসিনা জাতি অসিবু য়োৎলিং থাংদুনা থমবনা লৈবাক অসিদা লৈরিবা মীওই খরনা লৈবাক অসিদা চাউখৎ থৌরাংগী থবক পাইখৎপা অসি ক্রাইম অমা ওইনা লৌখি। প্রধান মন্ত্রীনা হায়, “লৈবাক অসিগী চাউখৎ খোঙচৎতা খুমাং চাউশিল্লিবা অসি মীখা পোনবগী বীম স্কেল অমদা ওল্লি”। মহাক্না মখা তারদুনা হায়খি মতম কয়াদগ লৈবাক অসিগী লাইফমলেনশিং অসি হন্থবা মীৎয়েংনা য়েংদুনা লাকখি। মহাক্না হায়, “মালেম শিনবা থুংবদগী মীয়াম্না থাগৎনরকপা লেপখিদে”। মমাংদা তৌখিবশিং অদুবু নীংশিংলদুনা প্রধান মন্ত্রীনা হায়খি সোমনাথ মন্দির অমসুং রাম মন্দির শারিঙৈ মনুংদা করি থোকখিবগে মীপুম খুদিংমক্না নীংশিংলি।

শ্রী মোদীনা হায়, “লাইফমলেনশিং অসি ফীভম শোক্না লৈরমখিবা অদুনা মীখা পোনবগী ৱাখল্লোন চেল্লি হায়বা ময়েক শেংনা তাকখি”। মহাক্না মখা তারদুনা হায় মদুদি লাইফমলেনশিং অসি তম্না চৎলিবা লম্বীশিং ফাওবা য়াম্না ফীভম চাদনা লৈরমখি। মহাক্না মখা তারদুনা হায়খি, “ভারতকী স্পিরিচুএল সেন্তরশিং অসি দিকেদ কয়া নাথৈদুনা থমখি”। “অমসুং মসি মমাংগী সরকারশিংনা পুকচেল পীকপনা থোকহনবনি”। মহাক্না হায় মীওইশিং অসিনা ভারত মচা করোর কয়াগীদমক স্পিরিচুএল সেন্তরশিং অসি কয়া য়াম্না মরু ওইবগে কাউথোকখি। মখোয়গী খোঙথাংশিংনা ঐখোয়গী স্পিরিচুএল সেন্তরশিং অসিগী কয়া য়াম্না মরু ওইবাগে তাকখিদে অমদি মদুনা স্পিরিচুএল সেন্তরশিং অসিদা মীয়াম্না থম্লিবা থাজবা অসিদা মরিক অমত্তা হন্থবা তৌখিদে হায়না প্রধান মন্ত্রীনা অকনবা ৱাফম থমখি। ঙসি কাশী, উজ্জৈন, অয়োধ্যা অমসুং অতোপ্পা স্পিরিচুএল সেন্তরশিংনা মখোয়গী মাংলুরবা মীংচৎ অমসুং লেগেসী অমুক হঞ্জিনহনবা ঙম্লি। কেদারনাথ, বদ্রীনাথ অমসুং হেমকুন্দ সাহিবনা থাজবা অসি লেংদনা থম্বগা লোয়ননা সর্ভিসশিং অসিবু তেক্নোলোজীগা শম্নহল্লি। মহাক্না হায়, “অয়োধ্যাগী রাম মন্দিরদগী গুজরাতকী পাবাগরদা লৈবা মা কালিকা মন্দিরদগী দেবী বুন্ধ্যচল কোরিদোর ফাবা ভারতনা মাগী নাৎ অমসুং চৎনবী চাউখৎহন্নবা হোৎনরি হায়না লাউথোক্লি”। মহাক্না মখা তারদুনা হায়খি মদুদি তীর্থ চৎপা মীওইশিংনা ধর্মগী ওইবা মফমশিং অসি লায়না য়ৌবা ঙম্লগনি অমসুং পীরিবা সর্ভিসশিং অসিনা অহল ওইরবশিংনা চৎথোক চৎশিন তৌবদা খুদোংচাহল্লগনি।

প্রধান মন্ত্রীনা ধর্মগী ওইবা মফমশিং অসি হান্নগুম্না শেমগৎপগী হীরম হায়বদি চীংগী মফমশিংদা লৈরিবা মীয়ামদা ইজ ওফ লিবিং ফংহনাব অমসুং মফমশিং অসিগী নহারোলশিংদা থবক্কী খুদোংচাবশিং পীবগী মতাংদা ফোঙদোকখি। শ্রী মোদীনা হায়, “রেল, রোদ অমসুং রোপৱেশিংনা মখোয়গা লোয়ননা থবক পুদুনা লাকই অমসুং পুন্সিবু লায়থোকহল্লি অমদি শক্তি হাপ্পি। ফেসিলিতীশিং অসিনা তুরিজম শাহৌ পীরি অমসুং চীংগী মফমশিংদা চৎথোক চৎশিন তৌবদা লায়থোকহল্লি। মনুং হঞ্জিনবা মফমশিংদা লোজিস্তিক্স হেনগৎহন্নবা দ্রোনশিং শীজিন্নরি”।

লমদম অসিগী সেল্ফ-হেল্প গ্রুপশিংগী লোকেল প্রদক্তশিং অমসুং খোঙথাংশিংবু থাগৎলদুনা প্রধান মন্ত্রীনা লৈবাক অসিগী মীয়ামদা অপীল অমা তৌখি। মহাক্না লৈবাক অসিগী মফম অমা হেক্তদা লম কোইবা চৎলিবা মীওইশিংনা মখোয়গী ত্রেবেল বজেৎতগী চাদা ৫ কাইথোক্তুনা লোকেল প্রদক্তশিং লৈনবা হায়খি। প্রধান মন্ত্রীনা হায়, মসিনা লোকেল প্রদক্তশিংদা চাউনা শাহৌ পীগনি অমসুং নখোয়না চাউনা অপেনবা পোকহনগনি”।

প্রধান মন্ত্রীনা চীংগী মফমশিংগী মীওইশিংগী মপাঙ্গল কনবা মতৌ অসি মখোয়গী মায়োক্তা শীজিন্নখি। মখোয়গী হোৎনবা কনবা মতৌ অমসুং মপাঙ্গল অসিবু মখোয়দা খুদোংচাবা অমত্তা পীদ্রসু য়ানবা মরম অমা ওইনা শীজিন্নখি খুদোংচাবশিং অমসুং কান্নবশিং পীবদা মখোয়না ইকোন কোন্না য়ৌখি। মসি হোংদোকপা মথৌ তাই হায়না প্রধান মন্ত্রীনা ফোঙদোকখি। মহাক্না হায় “মমাংদা মফমশিং অসি লৈবাক্কী ঙমখৈশিংদা লৈ হায়না নাথৈখি ঐখোয়না মখোয়বু চাউখৎ থৌরাংগী অহৌবা পনখৈ ওইনা লৌদুনা থবক পাইখৎপা হৌখি। ঐখোয়না চীংশিংগী মফম অসিদা মীয়ামগী ইনর্জী কয়া লেম্না মাংহনবগী শীংনবশিং অসি কোকহন্নবা পাম্বৈ থীবা হৌখি”। মহাক্না খুঙ্গং পুম্নমক ইলেক্ত্রিফিকেসন তৌবা, হর ঘর জল, পঞ্চায়ৎশিংবু ওপ্তিকেল ফাইবরনা শেম্নহনবা, খুঙ্গং খুদিংমক্তা হেল্থ এন্দ ৱেলনেস সেন্তরশিং থম্বা, তীকা থাবদা চীংগী মফমশিংদা মরু ওইবা মীৎয়েং চংবা, লাইচৎ মনুংদা লায়রবশিংদা লেম্না রাসন ফংহনবা অসিগুম্বা ইজ ওফ লিবিং হেনগৎহল্লিবা অমসুং মীয়ামদা ইকাই খুম্নবা পীবগী খোঙথাংশিং অসি পনখি। প্রধান মন্ত্রীনা হায়খি ফেসিলিতীশিং অসিনা নহারোলশিংদা অনৌবা খুদোংচাবশিং পীরি অমসুং তুরিজমদা শাহৌ পীরি। মহাক্না হায়, “দবল ইঞ্জিন সরকারনা হোমস্তেশিংদা পীরিবা খুদোংচাবশিং অসি ফগৎহন্নবগীদমক নহারোলশিংগী স্কিল দিবেলপমেন্তগীদমক লেপ্পা লৈতনা শেলগী মতেং পীরিবা অসিদা ঐহাক্না নুংঙাইবা পোকই। এন.সি.সি.গা লোয়ননা ঙমখৈগী মফমশিংগী নহারোলগা শম্নহন্নবা কেম্পেন অসিনা মখোয়গীদমক অফবা তুংলমচৎ অমা শেম-শাবীরি”।

প্রধান মন্ত্রীনা হায়, “মোদর্ন কন্নেক্তিবিতী অসি নেস্নেল দিফেন্সকী গরেন্তী অমনি”। সরকার অসিনা হৌখিবা চহি ৮দা মাইকৈ অসিদা খোঙথাং অমগী মথংদা অমা পাইখৎলি হায়না মহাক্না ফোঙদোকখি। চহি খরা অসিদা হৌদোকখিবা মরু ওইবা কন্নেক্তিবিতী স্কিম অনিগী মতাংদা পল্লদুনা প্রধান মন্ত্রীনা ভারতমালা অমসুং সাগরমালাবু খুদম ওইনা পীখি। মহাক্না হায় ভারতমালাগী মখাদা লৈবাক্কী ঙমখৈগী মফমশিং অসি খ্বাইদগী ফবা অমসুং খ্বাইদগী পাকপা হায়ৱেশিংগা লোয়ননা শম্নহল্লি অমসুং সাগরমালাগা লোয়ননা ভারতকী সমুদ্র তোর্বানশিংগী কন্নেক্তিবিতী মপাঙ্গল কনখৎহল্লি। প্রধান মন্ত্রীনা সরকার অসিনা হৌখিবা চহি ৮ অসিদা জম্মু অমসুং কাশ্মিরদগী অরুনাচল প্রদেশ ফাওবদা বোর্দর কন্নেক্তিবিতী পাকথোক চাউথোকপগী থবক অমুক্তা ওইখিদ্রিবা মওংদা পাইখৎখি। প্রধান মন্ত্রীনা হায়খি, “২০১৪দগী হৌদুনা বোর্দর রোদস ওর্গনাইজেসন্না অনৌবা লম্বী কিমি ৭,০০০ অমসুং থোং চামা হেন্না শাখ্রে। মরু ওইবা তন্নেল কয়া শাবা লোইশিনখি”।

প্রধান মন্ত্রী চীংগী রাজ্যশিংগী কন্নেক্তিবিতী ফগৎহল্লিবা পর্বতমালা য়োজনাগী মতাংদা পনখি। মহাক্না হায় উত্তরাখন্দ অমসুং হিমাচলদা স্কিম অসিগী মখাদা রোপৱেশিংগী অচৌবা নেৎৱার্ক অমা শারি। প্রধান মন্ত্রীনা ঙমখৈগী মফমশিং অসি শুপ্নগী মিলিতরী এস্তব্লিশমেন্তশিং খক্তা লৈগদবনি হায়বা ৱাখল্লোন্দা অহোংবা পুরকপা মথৌ তারে হায়না ফোঙদোকখি। মহাক্না হায়, “ঐখোয়না মফমশিং অসিদা চাউখৎ-থৌরাংবু নুংঙাইবা ফোঙদোক্লিবা মখল শুরবা পুন্সি অমা লৈহন্নবা খোঙথাংশিং পাইখৎলি”। প্রধান মন্ত্রীনা হায়খি মদুদি মানাদগী মানা পাস ফাওবা শাগদৌরিবা লম্বী অসিনা লমদম অসিদা চাউনা কান্নবা পীরগনি। মহাক্না হায়, জোশীমথতগী মলারী রোদ পাকথোকপগা লোয়ননা মসিনা মীচম প্রজা লোয়ননা লান্মীশিংনা ঙমখৈ য়াম্না লায়না য়ৌবা ঙম্লগনি।

ৱারোল পীবা লোইশিনবদা প্রধান মন্ত্রীনা উত্তরাখন্দদা হোৎনবা কনবা অমসুং কত্থোকপনা মতম চুপ্পদা রাজ্য অসিগী আশা অমসুং অনীংবশিং থুংহনবা ঙমগনি হায়না থাজবা পীখি। প্রধান মন্ত্রীনা ৱারোল পীবা লোইশিনবদা হায়খি, “ঐহাক্না থাজবা অসি থুংহন্নবা ঐহাক্না মফম অসিদা বাবা কেদার অমসুং বদ্রী বিশালগী থৌজালশিং নীজবা লাক্লি”।

থৌরম অদুদা উত্তরাখন্দগী মুখ্য মন্ত্রী, শ্রী পুশকর সিংহ ধামি, উত্তরাখন্দগী রাজ্যপাল, রিতায়র্দ জেনরেল গুর্মিৎ সিংহ, মেম্বর ওফ পার্লিয়ামেন্ত, শ্রী তিরাথ সিংহ রাৱত, উত্তরাখন্দ সরকারগী মন্ত্রী, শ্রী ধন সিংহ রাৱত অমসুং বি.জে.পি. স্তেৎ প্রসিদেন্ত, শ্রী মহেন্দ্র ভত্তনা শরুক য়াখি।

বেকগ্রাউন্দ

কেদারনাথকী রোপৱে অসি কিলোমিতর ৯.৭লোম শাংই অমদি গৌরিকুন্দবু কেদারনাথকা শম্নহন্দুনা চৎপদা চঙবা মতম পুং ৬-৭তগী শুপ্নতগী মিনিৎ ৩০রোমদা হন্থহনগনি‍। হেমকুন্দ রোপৱেনা গোবিন্দঘাৎকা হেমকুন্দ সাহিবকা শম্নহনগনি‍। মসি কিলোমিতর ১২.৪রোম শাংগনি অমদি চৎপদা চঙবা মতম নোংমদগী শুপ্নতগী মিনিৎ ৪৫রোমদা হন্থহনগনি‍। রোপৱে অসিনা ভেলী ওফ ফ্লৱার্স নেস্নেল পার্ক্কী চঙফম ওইরিবা ঘাঙ্গারিয়াগসু শম্নহনগনি‍।

লুপা করোর ২৪৩০রোম চঙনা শেমগৎকদবা রোপৱেশিং অসি সেফ, সিক্যুর অমদি স্তেবল ওইবা ত্রান্সপোর্তকী খুদোংচাবা পীগদবা অকোয়বগী ফীভমদা কায়হল্লোইদবা চত্থোক চৎশিনগী পাম্বৈ অমনি‍। হায়রিবা অচৌবা ইনফ্রাস্ত্রকচর শেমগৎলিবা অসিনা রিলিজিয়স তুরিজমদা ইনোৎ অমা হাপ্তুনা লমদমসিদা শেন্মিৎলোন চাওখৎপদা মতেং ওইগনি অমদি থবক পীনবগী খুদোংচাবা কয়াসু শেম্লক্কনি‍।

মহাক্কী খোঙচৎ মনুংদা লুপা করোর ১০০০রোমগী ওইগদবা লম্বী পাকথোকপগী প্রোজেক্তশিংগী উরেপ উয়ুংসু তম্লমগনি‍। মানাদগী মানা পাস (এন.ঐজ. ০৭) অমসুং জোশীমথতগী মলারী (এন.ঐচ. ১০৭বি) হায়রিবা লম্বী পাকথোকপগী প্রোজেক্ত অনিসিনা ঐখোয়গী ঙমখৈগী মফমদা লাস্ত মাইল ওল ৱেদর রোদ কন্নেক্তিভিতী ফংহন্নবগী খোঙথাঙ অমা ওইরগনি‍। কন্নেক্তিবিতী ফগৎহনবতা নত্তনা, প্রোজেক্তশিং অসিনা স্ত্রেতেজিক ওইবা মীৎয়েংদগীসু কান্নবা ওইরক্কনি‍।

কেদারনাথ অমসুং বদ্রীনাথ অসি খ্বাইদগী মরুওইবা হিন্দু লাইশঙশিংগী মনুং চল্লি‍। মফম অসি শেংলবা সিখকী লাই খুরুম্ফম – হেমকুন্দ সাহিবকীদমকসু খঙনৈ‍। পাইখৎলিবা কন্নেক্তিতিতী প্রোজেক্তশিং অসিনা লাইনিংগা মরী লৈনবা মফমশিংদা চত্থোক চৎশিন তৌবা লায়হন্নবা অমদি তঙাই ফদনা চঙদবা য়াদ্রবা মচাক মথুমশিংগী ফীভম ফগৎহন্নবগী প্রধান মন্ত্রীগী খোঙফম উৎলি‍।

From Vyara, various projects are being launched, which will further Gujarat’s growth trajectory. https://t.co/bPtEkZtE6P

— Narendra Modi (@narendramodi) October 20, 2022

PM @narendramodi begins his speech at a programme in Badrinath. pic.twitter.com/S62ckFYewx

— PMO India (@PMOIndia) October 21, 2022

For me every village on the border is the first village in the country, says PM @narendramodi pic.twitter.com/GwsI7fQQfM

— PMO India (@PMOIndia) October 21, 2022

Two major pillars for developed India of the 21st century. pic.twitter.com/iFhOtXprYz

— PMO India (@PMOIndia) October 21, 2022

We have to completely free ourselves from the colonial mindset. pic.twitter.com/qaQ6uEOoGl

— PMO India (@PMOIndia) October 21, 2022

आस्था के ये केंद्र सिर्फ एक ढांचा नहीं बल्कि हमारे लिए प्राणवायु हैं। pic.twitter.com/wsJjsh0aRJ

— PMO India (@PMOIndia) October 21, 2022

Enhancing ‘Ease of Living’ for the people in hilly states. pic.twitter.com/L0ZHHGXK6L

— PMO India (@PMOIndia) October 21, 2022

We began working with utmost priority in the areas which were ignored earlier. pic.twitter.com/ci5w2DNljL

— PMO India (@PMOIndia) October 21, 2022

Our focus is on improving multi-modal connectivity in the hilly states. pic.twitter.com/9hjG7AG1AI

— PMO India (@PMOIndia) October 21, 2022

आधुनिक कनेक्टिविटी राष्ट्ररक्षा की भी गांरटी होती है। pic.twitter.com/h69bxCI0En

— PMO India (@PMOIndia) October 21, 2022

মরী লৈনবা

পি.এম.না উত্তরাখন্দগী শ্রী কেদারনাথ ধামদা দর্শন অমদি পুজা পাঙথোকখ্রে

পি.এম.না উত্তরাখন্দগী বদ্রীনাথ ধামদা দর্শন অমদি পুজা পাঙথোকখ্রে

পি.আই.বি. আর্কাইবশিংদগী

পি.এম.না কেদারনাথতা তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তম্বা অমসুং কত্থোকপদা থমখিবা ৱারোল থাগৎখিবা: নবেম্বর ০৫, ২০২১

পি.এম.না উত্তরাখন্দগী কেদারনাথতা কেদারনাথ রিকনস্ত্রক্সন প্রোজেক্তশিং উরেপ-উয়ুং তম্বদা থমখিবা ৱারোল থাগৎখিবা: ওক্তোম্বর ২০, ২০১৭

*****