ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা দীপাৱলীগী মাংওইননা ওক্তোবর ২৩দা য়ু.পি.গী অয়োধ্যাদা চৎকনি। নুমিদাং ৱাইরম পুং ৫ তাবা মতমদা প্রধান মন্ত্রী ভগৱান শ্রী রামললা বিরাজমানগী দর্শন অমসুং পুজা পাঙথোক্কনি, মতুংদা মহাক্না শ্রী রাম জন্মভুমি তীর্থ ক্ষেত্রগী মফম য়েংশিনগনি। নুমিদাং ৱাইরম পুং ৫:৪৫রোম তারকপদা মহাক্না পুম্নমকপু মশক তাক্লিবা ভগৱান শ্রী রামগী রাজ্যাভিশেক পাঙথোক্কনি। নুমিদাং ৱাইরম পুং ৬:৩০রোম তারকপদা প্রধান মন্ত্রী সরয়ু তুরেলগী ন্যু ঘাত্তা আর্তী তৌবা মীৎয়েং তাগনি। মসিগী মতুংদা প্রধান মন্ত্রীনা অচৌবা দীপোৎসবকী পালন থৌরম হৌদোক্কনি।

চহি অসিদা দীপোৎসবকী তরুকশুবা ইদিসন পাঙথোক্কনি অমসুং প্রধান মন্ত্রীনা হকথেংননা য়াওদুনা পাঙথোকপা অহানবা ওইরগনি। থৌরম অসিদা দিয়া লাখ ১৫ হেন্না থানগনি। এনিমেতেদ তেব্লো মঙা অমসুং রামলীলা তেব্লো তরা-মাথোই অমসুং তোঙান-তোঙানবা রাজ্যশিংগী তোঙান-তোঙানবা জগোই মখলশিং দীপোৎসব অসিদা উৎকনি। প্রধান মন্ত্রীনা অচৌবা ম্যুজিকেল লেজর শোগা লোয়ননা সরয়ু তুরেল তোর্বান্দা রাম কী পৌরীদা ৩-দি হোলোগ্রাফিক প্রোজেক্সন মেপিং শো মীৎয়েং তাগনি।

***********