ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা মহাকাল লোক প্রোজেক্তকী ফেজ ১ লৈবাক মীয়ামদা কত্থোক্লবা অমদি মধ্য প্রদেশকী উজ্জৈন্দা লৈবা মহাকাল লাইশঙ মনুংদা পুজা অমসুং আর্তি পাঙথোক্লবা মতুংদা মীয়ামগী মীফম অমদা ৱা ঙাঙখি‍। প্রধান মন্ত্রীবু মহাক্না য়ৌরকপদা তরাম্না ওকখি‍। তুংদা শক্নাইরবা শৈশকপা শ্রী কৈলাস খেরনা শ্রী মহাকালগী লাইশোল ঈশৈ শকখি অমদি মৈঙাল, খোঞ্জেল অমসুং মনগী সো অমা উৎখি‍।

প্রধান মন্ত্রীনা প্রভু মহাকালবু থাগৎলদুনা মহাক্কী ৱারোল হৌখি অমদি “জয় মহাকাল! উজ্জৈনগী ইনর্জী, পুক্নিং মথুম মরাং হৌবা, অবন্তিকাগী মঙাল মশেক, অঙকপনা থল্লিবা, নীংথিরবা শক্তম! মহাকালগী অথোইবা মতৌ! ‘মহাকাল লোক্তা’ তাইবংপানসিগী ৱাংমগী ওইবা ইথিল অমা পোকহল্লি‍। শঙ্করগী মনাক্তা লৈবা মতমদা ইচম চম্বা অমত্তা লৈতে‍। পুম্নমক লাইগী মশক অমদি তোপ তোপ্পা ওই‍। মসি কাউঙম্লোইদবা অমদি থাজবগী ৱাংমদা লৈবা ইথিল অমসু ওইরি,” হায়না হায়খি‍। কনাগুম্বা অমনা মহাকালগী থৌজাল ফংলবদি, মতমগী খোঙলৈসু লেপখিগনি, মতমগী ঙমখৈসু মুৎখিগনি, অমদি করিসু লৈরমদবা ফীভমদগী লোইনাইদবগী মায়কৈদা চৎপা খোঙচৎ হৌখিগনি হায়না প্রধান মন্ত্রীনা হায়খি‍।

উজ্জৈন অসি খেনচংলোনগী মতুং ইন্না ভারতকী ময়ায় চবুক ওইবতা নত্তনা ভারতকী থৱায়গী তুংনফমসু ওইরি হায়না প্রধান মন্ত্রীনা হায়খি‍। উজ্জৈন অসি অশেংবা পুরি তরেৎগী মরক্তা অমনি হায়না শিংথানরিবা মফম্নি অমদি প্রভু কৃষ্ণ মশামক মহৈ মশিং তম্নবগীদমক লাক্লম্বা মফম্নি‍। উজ্জৈন্না নিংথৌ বিক্রমাদিত্যগী মতিক মঙাল অমসুং ভারতকী গোল্দন এজ হৌরকপগী মতমসু উদুনা লাক্লবনি‍। উজ্জৈন্দা পুৱারী কয়া তাশিন্দুনা লৈরি হায়না প্রধান মন্ত্রীনা ফোঙদোকখি‍। “উজ্জৈনগী পোৎলম খুদিংমক স্পিরিচুএলিতীনা য়োম্লি, অমদি মখোয়না কাচিন কোয়া শিনবা থুংনা নুংগী ওইবা ইনর্জী ফুদোক্লি‍। উজ্জৈন্না চহি লিশিং কয়া ভারতকী লন-থুম অমদি নুংঙাই য়াইফবা, ৱাখল লৌশিং অমদি ইকায়খুম্নবা, সিভিলাইজেসন অমদি লিতরেচর লমজিংদুনা লাক্লি,” হায়না প্রধান মন্ত্রীনা মখা তাখি‍।

“চাওখৎপা মতোল লোম্নবগীদমক, লৈবাকসিনা মাগী নাৎকী অৱাংবা থাক য়ৌদুনা মশাগী মশক্কা লোয়ননা চাউথোক্না লেপ্পা মথৌ তাই,” হায়বা ৱাফম প্রধান মন্ত্রীনা থমখি‍। কল্চরেল কন্ফিদেন্সকী মরুওইবা ৱাফমশিং মখা তানা থম্লদুনা, “লৈবাক অমগী নাৎকী মতিক মঙাল অসি মালেমগী ফম্পাক্তা মাগী ফিরাল হাইনা হুম্না পায়রবা মতমদা পাক চাউবা ওইগদৌরিবনি‍। চাওখৎপা মতোল লোম্নবা, লৈবাকসিনা মাগী নাৎকী অৱাংবা থাক য়ৌদুনা মশাগী মশক্কা লোয়ননা চাউথোক্না লেপ্পা মথৌ তাই‍। মরম অসিননি অজাদী কা অমৃৎ কাল অসিদা, ভারতনা ‘মীনায় নাইথাংগী ৱাখল্লোন্দগী নীংতম্বা’ অমদি ‘ঐখোয়গী নাৎকী লনগীদমক চাউথোকচবা’ অসিনচিংবা পঞ্চ প্রানগী ৱাফম থম্লিবা,” হায়না প্রধান মন্ত্রীনা হায়খি‍। পান্দম অসিগীদমক, অয়োধ্যাদা অচৌবা রাম মন্দীর শেমগৎপগী থবক খোঙজেল য়াঙনা পায়খৎলি‍। “কাসীদা লৈরিবা বিস্বানথ ধাম্না ভারতকী নাৎকী কোনুং অসিগী মতিং হাপ্লি‍। সোমনাথতা শেমগৎ শাগৎপগী থবকশিং অনৌবা রেকোর্দ থম্লি‍। উত্তরাখন্দা বাবা কেদরগী থৌজালগা লোয়ননা, চাওখৎপগী অনৌবা পন্দুপু অমা কেদরনাথ-বদ্রিনাৎ লাইফমগী মফমশিংদা ইরি‍। নীংতম্লবা মতুংদা অহানবা ওইনা ঐখোয়গী ধাম মরিমক চারধাম প্রোজেক্তকী মখাদা নোংজু-নুংশা খায়দবা লম্বীনা শমজিন্নরে‍,” হায়না প্রধান মন্ত্রীন হায়খি‍। “ঐখোয়গী স্পিরিচুএল কন্সিয়সনেসকী অসিগুম্ব চাউথোকচনিংঙাই ওইরবা মফমশিং লৈবাক শিনবা থুংনা স্বদেশ দর্শন অমসুং প্রসাদ য়োজনাগী মখাদা হান্নগী ফীভমদা তানবা শেমজিন শাজিনবগী থবকশিং পায়খৎলি‍। পরিং অসিদা চাউরবা ‘মহাকাল লোক’ অসিনা হৌখিবা মতমগী নীংথিবা মতিক্কা লোয়ননা তুংলমচৎপু তরাম্না ওক্নবগীদমক শেম শাদুনা লৈরে,” হায়না প্রধান মন্ত্রীনা মখা তাখি‍।

প্রধান মন্ত্রীনা জ্যোতিরলিঙ্গকী মরুওইবগী মরমদা লৈরিবা মহাক্কী ৱাখল্লোন মরীক চুম্না থমখি‍। “ঐখোয়গী জ্যোতিরলিঙ্গশিং শেমগৎপনা ভারতকী স্পিরিচুএলগী মৈঙাল, ভারতকী ৱাখল লৌশিং অমসুং ৱাখল্লোন শেমগৎপনি হায়না ঐনা থাজৈ‍। ভারতকী কল্চরেল ফিলোসোফী অমুক হন্না মতোল লোম্লক্লি অমদি মালেমবু লমজিংনবা শেম শারি,” হায়না মহাক্না হায়খি‍। প্রভু মহাকাল অসিখক্তনি মমায় মখা ওনবা জ্যোতিরলিঙ্গ ওইরিবসি অমদি মখোয়শিং অসি সিভগী মালেম পুম্বদা মমিং চৎলিবা ভস্ম আর্তিগী মওংশিংনি হায়না প্রধান মন্ত্রীনা মচা খায়বা ৱাফমশিং ফোঙদোকখি‍। “লাই থাজবা মীপুম খুদিংমক্না ভস্ম আর্তিবু মপুন্সিদা উবা শোয়দনা পাম্নৈ‍। হায়রিবা চৎনবী অসিদা ঐনসু ভারতকী মরুওইবা অমদি মচু মমেন ফজবা মচৎ উবা ফংই,” হায়না শ্রী মোদীনা মখা তাখি‍।

প্রভু সিভগী মরমদা ঙাঙলদুনা “সোয়ম ভুতিম ভিভুসনহ”, হায়বদি উৎ তৈরিবা মহাক্তু মতম পুম্নমক্তা ‘স্বরধিম্পাহ’সু ওইরিবনি হায়না প্রধান মন্ত্রীনা হায়খি‍। মহাক নুংগী ওইবা মশকসুনি অদুগা মাঙহন তাকহনবসু ঙমদে‍। মরম অসিনা মহাকাল লৈবা মফমদা, মতমগী ঙমখৈ অমত্তা লৈতে‍। “মহাকালগী খুয়াখাদদি হু ফাওবা নীকই‍। মহাকাল লৈরবদি অরোইবদগী অমুক নৌনা হিঙ্গৎলকই,” হায়না মহাক্না মখা তাখি‍।

মখা তানা লৈবাকসিগী পুন্সিদা স্পিরিচুএলগী শক্লোনগী মতাঙদা পল্লদুনা, “ভারতনা চহি লিশিং কয়া শিবা নাইদনা লৈরক্লিবসি ঐখোয়গী মীহৌরোলগী স্পিরিচুএলদা থাজবা অসিননি‍। ঐখোয়না থাজরিবা অসিনা লেঙদনা লৈরিবমখৈ, ভারতকী ৱাখল তাবগী মতৌসু লেঙদনা লৈখিগনি, অমদি ভারতকী থৱায়সু অচঙবা থৱায় ওইনা লৈখিগনি,” হায়না শ্রী মোদীনা হায়খি‍।

পুৱারী নীংশিংলদুনা, উজ্জৈনগী মতিকপু মাঙহন তাকহন্নবা হোৎনরম্বা ইলতুতমিসকুম্বা লান্দারকপশিংগী মরমদা প্রধান মন্ত্রীনা ৱাফম কয়া থমখি‍। ভারতপু মমাঙদা মাঙহন তাকহন্নবা হোৎনরম্বশিংসু শ্রী মোদীনা নীংশিংখি‍। ঐখোয়গী মুনি রিসিশিংগী হায়নরম্বা “মহাকাল সিভগী মশাইগোন্দা লৈরিঙৈদা অশিবনা ঐখোয়দা করি তৌরক্কদৌরিবনো?” হায়বা ৱাফম শ্রী মোদীনা পনখি‍। “ভারত নৌনা অমুক হিঙ্গৎহনখিবনি, অসিগুম্লবা লাইনিংগী শেংলবা মফমসিগী মতিক্না অমুক হন্না হৌগৎলকখিবনি‍। ঙসিদি অমুক্কা হন্না, অজাদী কা অমৃৎ মহোৎসব অসিদা, অমর অবন্তিকানা ভারতকী নাৎকী শিনাইদবা মচৎপু অমুক হন্না লৌশিল্লে,” হায়না মহাক্না মখা তাখি‍।

লাইনিং হায়বসি ভারতকীদমক্তা করি ওইবগে হায়বগী মতাঙদা পল্লদুনা, মসি ঐখোয়গী থৌদাংশিংগী অপুনবা খোঙফম অদুনি হায়না প্রধান মন্ত্রীনা ফোঙদোকখি‍। “ঐখোয়গী ফিরেপকী পান্দমদি মালেমদা নুংঙাই য়াইফবা পুরকপদুনি, অমদি মীওইবা খুন্নাইগী থৌগল তৌবনি‍। ঐখোয়না প্রভু সিভবু খুরুম্লি অমদি মওং কয়াদা মালেম পুম্বগী য়াইফনবগীদমক থবক তৌরিবা বিস্পতিদা কোক নোল্লি‍। মসিনা মতম পুম্নমক্তা ভারতকী লাইফম, লাইশঙ, মোনাস্তরীশিং অমসুং লাইনিংগী মফমশিংগী স্পিরিৎ ওইদুনা লাক্লি,” হায়না মহাক্না মখা তাখি‍। “মফমসিদগী মালেমগী ফনবগীদমক, য়াইফনবগীদমক পুক্নিং কয়া য়াম্না থৌগৎপা য়াবগে?” হায়না শ্রী মোদীনা ফোঙদোকখি‍।

স্পিরিচুএলিতী অমসুং মহৈ মশিংগী মরমদা পল্লদুনা, প্রধান মন্ত্রীনা কাসীগী স্পিরিচুএল সেন্তরশিং অসি লাইনিংগা লোয়ননা ৱাখল লৌশিং, ৱাঙুলোন অমসুং কলাগী কোনুং ওইদুনা লাক্লি, অমদি উজ্জৈনগুম্বা মফমশিংনা খেনচংলোনগা মরী লৈনবা লমদা থিজিন হুমজিনবগী মফম ওইদুনা লাকখি হায়না ফোঙদোকখি‍। ঙসিগী অনৌবা ভারতনা ধর্মগা লোয়ননা সাইন্স অমসুং রিছর্চকী চৎনবীবু হিঙ্গৎহনবগা লোয়ননা অরিবা ভেল্যুশিংগা পুন্না মাঙদা চঙশিল্লি হায়বা ৱাফম প্রধান মন্ত্রীনা মখা তানা থমখি‍। “ঙসি খেনচংলোনগী লমদা ঐখোয়না মালেমগী অচৌবা পৱারশিংগা থোং মান্ননা লেপ্লি‍।” চন্দ্রয়ান অমসুং গগনয়ান্নচিংবা ভারতকী স্পেস মিসনগী মরমদা পল্লদুনা, ঙসিদি ভারতনা অতোপ্পা লৈবাকশিংগী সেত্তলাইতশিং স্পেস্তা থাগৎলি হায়না প্রধান মন্ত্রীনা ফোঙদোকখি‍। “ভারতনা অতিয়াদা চোংখৎনবগীদমক শেম শারে,” হায়না শ্রী মোদীনা মখা তাখি‍। “ঙাকশেলগী লমদা, ভারতনা মপুং ফাবা শাফুগা লোয়ননা মরোমদোম লেপচবগী মায়কৈদা চঙশিল্লি‍। শন্ন-খোৎনবদগী হৌরগা স্তার্তঅপশিংদা ভারতকী নহাশিংনা মখোয়গী হৈশিংবা মালেমগী ফম্পাক্তা উৎলি‍।”

“ইন্নোভেসন লৈবা মফমদা রিনোভেসন লৈগনি,” হায়নর প্রধান মন্ত্রীনা হায়খি‍। মীনায় নাইথাংগী মতমদা অমাঙ অতা থোকখিবশিংগী মরমদা পল্লদুনা, “ভারতনা মাগী চাউথোকচনিংঙাই ওইরবা, ইকায় খুম্নবগী মশক ওইরবা ইপা ইপুনা থম্বিরম্বা লনশিং নৌনা শেমজিন্দুনা মাগী মতিক অমুক হন্না হঞ্জিন্নবা হোৎনরি,” হায়না প্রধান মন্ত্রীনা হায়খি‍। লৈবাক পুম্বনা লোয়ননা মীওইবা খুন্নাইনা মসিগী কান্নবা ফংগনি হায়না মহাক্না মখা তাখি‍। মহাক্কী ৱারোল লোইশিল্লকপদা, “মহাকালগী থৌজালগা লোয়ননা, ভারতকী মতিক মঙালনা মালেমদা চাওখৎপগী অনৌবা খুদোংচাবশিং শেমগৎলক্কনি, অমদি ভারতকী লাইগী ওইবা মশক মওংনা ইং-তপ্পা মালেম অমগী লম্বী য়াৎকনি,” হায়না প্রধান মন্ত্রীনা ফোঙদোকখি‍।

ঙসি ঙল্লিঙৈদা, প্রধান মন্ত্রীনা উজ্জৈন্দা লৈবা শ্রী মহাকাল লোকতা মহাকাল লোক প্রোজেক্তকী ১বা তাঙ্কক লৈবাক মীয়ামদা কত্থোকখি‍। মধ্য প্রদেশগী গভর্নর, শ্রী মঙ্গুভাই পতেল, ছত্তিসগরগী গভর্নর, শ্রী অনুসুইয়া উইকে, ঝার্খন্দগী গভর্নর, শ্রী রামেস বেন্স, মধ্য প্রদেশকী মু্খ্য মন্ত্রী, শ্রী সিবরাজ সিংহ চৌহান, কেন্দ্র মন্ত্রী নরেন্দ্র সিংহ তোমার, দোক্তর বিরেন্দ্র কুমার, শ্রী জ্যোতিরঅদিত্য সিন্দিয়া অমসুং শ্রী জি. কিসন রেদ্দী, কেন্দ্রগী রাজ্য মন্ত্রী শ্রী ফগ্গন সিংহ কুলাস্তে অমসুং শ্রী প্রহলাদ পতেলগা লোয়ননা মীওই কয়া থৌরমদুদা শরুক য়াখি‍।

A memorable day as Shri Mahakal Lok is being inaugurated. This will add to Ujjain’s vibrancy. https://t.co/KpHLKAILeP

— Narendra Modi (@narendramodi) October 11, 2022

शंकर के सानिध्य में साधारण कुछ भी नहीं है।

सब कुछ अलौकिक है, असाधारण है।

अविस्मरणीय है, अविश्वसनीय है। pic.twitter.com/Ojs9pRCDsq

— PMO India (@PMOIndia) October 11, 2022

Ujjain has been central to India’s spiritual ethos. pic.twitter.com/mUAS1u7hvq

— PMO India (@PMOIndia) October 11, 2022

सफलता के शिखर तक पहुँचने के लिए ये जरूरी है कि राष्ट्र अपने सांस्कृतिक उत्कर्ष को छुए, अपनी पहचान के साथ गौरव से सर उठाकर खड़ा हो। pic.twitter.com/jOTMf7JcA1

— PMO India (@PMOIndia) October 11, 2022

Development of the Jyotirlingas is the development of India’s spiritual vibrancy. pic.twitter.com/ivRsJRfv9G

— PMO India (@PMOIndia) October 11, 2022

जहां महाकाल हैं, वहाँ कालखण्डों की सीमाएं नहीं हैं। pic.twitter.com/JgaxyI7kE2

— PMO India (@PMOIndia) October 11, 2022

जब तक हमारी आस्था के ये केंद्र जागृत हैं, भारत की चेतना जागृत है, भारत की आत्मा जागृत है। pic.twitter.com/YfunXDcNbJ

— PMO India (@PMOIndia) October 11, 2022

Ujjain has been one of top centres of research related to astronomy. pic.twitter.com/nYXpp4WLVO

— PMO India (@PMOIndia) October 11, 2022

Where there is innovation, there is also renovation. pic.twitter.com/nre4vH4Zzb

— PMO India (@PMOIndia) October 11, 2022

महाकाल के आशीर्वाद से भारत की भव्यता पूरे विश्व के विकास के लिए नई संभावनाओं को जन्म देगी। pic.twitter.com/8Q7djFXl3h

— PMO India (@PMOIndia) October 11, 2022

*****