ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি অহমেদবাদকী নরেন্দ্র মোদী স্তেদিয়মদা ৩৬শুবা নেস্নেল গেম্স হৌদোকখ্রে। প্রধান মন্ত্রীনা থৌরম অসিগী মনুংদা প্রধান মন্ত্রীনা দেসরদা লৈবা মালেমগী থাক্তা লৈবা ‘স্বর্নিম গুজরাত স্পোর্ত য়ুনিভর্সিতী’সু শঙ্গাখি। নেস্নেল গেম্সতা শরুক য়ারিবা লৈবাক্কী তোঙানবা মফমদগী লাকপা শান্নরোইশিংগী মফমদা ৱা ঙাঙখি।

ঙসি তিনখিবা মীয়ামদা প্রধান মন্ত্রীনা ৱা ঙাঙবদা নেস্নেল গেম্স হৌদোকপগী থৌরমদা ফাওনরিবা নুংঙাইবগী মতৌশিং অসি ৱাহৈনা ফোংদোকপা ঙম্বগী চাংনি হায়খি। মসিগুম্বা চাউরবা থৌরমগী মতাংদা করি খনবগে হায়বসিদি ৱাহৈনা ফোংদোকপদা মতিক চারোই হায়না মহাক্না ফোংদোকখি। শান্নরোই ৭০০০ হেনবা, শরুক য়ারিবা মীওই ১৫০০০ হেনবা , কোলেজ, য়ুনিভর্সিতী অমসুং স্কুল ৩৫০০০ হেনবগা অমসুং মহৈরোই লাখ ৫০ হেনবগা নেস্নেল গেম্সকা হকথেংননা থেংনরিবা অসি মমাংদা অমুক্তা থোকখিদ্রি অমসুং য়াম্না নীংথিবা মতৌ ওইরি হায়না মহাক্না হায়খি। “মালেমগী খ্বাইদগী চাউবা স্তেদিয়ম, মালেমগী নহা ওইরিবা লৈবা অমসুং লৈবাক্কী শান্ন-খোৎনবগী খ্বাইদগী চাউবা থৌরম অমা! থৌরম অসিনা অসুক য়াম্না নীংথিবা অমসুং তোপ-তোপ্পা ওইরিবসিদা, মসিগী ইনর্জী অসিদি মহৌশা মান্নদবা তোঙানবা অমা ওইফম থোকপনি”, হায়না প্রধান মন্ত্রীনা ফোংদোকখি। মহাক্না স্তেদিয়ম অসিদা তিল্লিবা য়াম্লবা মীয়ামগা ‘জুরেগা ইন্দিয়া-জীতেগা ইন্দিয়া’গী নেস্নেল গেম্স এন্থেমগী মরু ওইবা ৱাহৈশিং অমত্তা ওইনা হায়মিন্নখি। শান্নরোইশিংগী মায়থোংদা তারিবা থাজবগী মমিনা ভারতকী শান্নখোৎনবগী সনাগী য়ুগ তাক্লি হায়না মহাক্না হায়খি। অসিগুম্বা চাউরবা থৌরমবু তেল্লবা মতমদা শীন-লাঙবা ঙম্বগী গুজরাতকী মীয়ামগী তৌবা ঙম্বগী মতিকপু মহাক্না থাগৎপা ফোংদোকখি।

ঙরাং অহমেদবাদতা পাংথোকপা ফজরবা দ্রোন শোগী মতাংদা পল্লদুনা, প্রধান মন্ত্রীনা মীয়াম খুদিংনা থৌওং অসিদা পুক্নিং লুপখি অমসুং মসিগুম্বা থৌওং অমা উবদা চাউথোকচবা ফাওনখি। “দ্রোনগুম্বা তেক্নোলোজীবু অসুক য়াম্না নীংথিনা শিজিন্নবগী মতৌনা গুজরাত অমসুং ভারতপু অনৌবা থাক্তা পুরগনি”, হায়না প্রধান মন্ত্রীনা মখা তাখি। নেস্নেল গেম্স ২০২২গী ওফিসিএল মাস্কোত, সবজ, এসিয়াগী নোংশাগী মতাংদা পল্লদুনা, প্রধান মন্ত্রীনা ভারতকী নহাশিংনা শান্নবুংদা খোঙদাবা মতমদা চেল্লিবা অকীবা পোক্তবগী ইথিলগী ৱাখল্লোন তাক্লি হায়খি। ভারতনা মালেমগী থাক্তা চাউখৎলকপগী খুদম অমসু মসিনা ওইরি হায়না মহাক্না মখা তাখি।

স্তেদিয়ম অসিগী তোঙানবা মতৌগী মতাংদা হায়রদুনা, প্রধান মন্ত্রীনা অতোপ্পা কমপ্লেক্সশিংনা অখন্নবা মশান্না খরগী ফেসিলিতী খক্তদা অকক্নবা মতমদা, সর্দার পতেল স্পোর্ত কমপ্লেক্সনা ফুতবোল, হোক্কী, বাস্কেতবোল, কবদ্দী, বোক্সিং অমসুং লোন তেন্নিসকুম্বা মশান্না কয়াগী ফেসিলিতী লৈরি হায়খি। “মসিনা, মওং অমদা, লৈবাক্কী অপুনবা মোদেল অমা ওইরি। ইনফ্রাস্ত্রকচরগী স্তেন্দর্দনা ফবা মতমদা, শান্নরোইশিংগী থাজবসু চাং য়াম্না হেল্লি”, হায়না প্রধান মন্ত্রীনা মখা তাখি। নেস্নেল গেম্সতা শরুক য়ারিবা শান্নরোইশিংনা রাজ্যসিদা পাংথোক্লিবা নবরাত্রী কুহ্মৈগী নুংঙাইবসু লৌসি হায়রদুনা, প্রধান মন্ত্রীনা থৌরম অসিনা ইমা দুর্গা লাৎপা অমসুং গর্বাগী নুংঙাইরবা থৌরমগা লোয়ননা চৎমিন্নসি হায়খি। “মসিগীসু মশাগী ওইবা তোঙানবা শক্তাক লৈজরি”, হায়না শ্রী মোদীনা মখা তাখি।

লৈবাক্কী ওইবা পুন্সিদা শান্ন-খোৎনবনা কল্লিবা মরু ওইবা ফমগী মতাংদা প্রধান মন্ত্রীনা ৱাফম থমখি। “শান্নরোইশিংগী মায় পাকপা অমসুং শান্নবুংদা উৎপা মখোয়গী মপাঙ্গল লৈবা পরফোর্মেন্সনসু অতোপ্পা হীরমদা লৈবাক্কী মায় পাকপগী লম্বী য়াৎলি। স্পোর্তকী সোফ পাৱরনা লৈবাক্কী শক্তাকপু চাং কয়া মপাঙ্গল কলহল্লি”, অমসুং “ঐহাক্না শান্ন-খোৎনবগা মরী লৈনবা ঐহাক্কী মরুপশিংদা মায় পাকপা হায়বসি থবক পাংথোকপা হৌবদগী হৌই হায়রিবনি। মসিনা হায়বদি, অদোম্না করিগুম্বা অমা হৌবা মতমদা, অদোমগী মায় পাকপসু হৌই হায়বনি। অদোম্না, করিগুম্বা, মখা তানা চৎপগী ইথিল মাঙদ্রবদি, মায় পাকপনসু অদোম্বু তান্নগনি”, হায়না মহাক্না মখা তাখি।

প্রধান মন্ত্রীনা শান্ন-খোৎনবগী হীরমদা মায় পাকপা ফংলিবশিংগী মতাংদা অখন্ননা পল্লদুনা, চহি ৮গী মমাঙদা, ভারতকী শান্নরোইশিংনা মালেমগী ওইবা থৌরম ১০০দগী তানা শরুক য়ারম্মি। হৌজিক্তি, মসিগী মশিংনা হেনগত্তুনা ৩০০ য়ৌরে হায়খি। “ভারতকী শান্নরোইশিংনা চহি ৮গী মমাঙদা, মশান্না ২০-২৫ খক্তমক শান্নরম্মি। হৌজিক্তি, ভারতকী শান্নরোইশিংনা মশান্না চাউরাকপা ৪০ শান্নরে। ভারতকী মেদল মশিং অমসুং মমিং চৎপগী মতৌসু নোংমগী হেনগৎলক্লি”, হায়না প্রধান মন্ত্রীনা মখা তাখি।

কোরোনাগী লুরবা মতমগী মরক্তা ভারতকী শান্ন-খোৎনবগী মোরেল হন্থহন্দনবা হোৎনখি হায়না প্রধান মন্ত্রীনা হায়খি। “ঐখোয়না শান্ন-খোৎনবগী ইথিলগা লোয়ননা স্পোর্তকীদমক্তা হোৎনখি। তি.ও.পি.এস.কুম্বা স্কিমগী খুত্থাংদা মিসন মোদতা চহি কয়া চঙনা হোৎনখি। ঙসিদি, মমিং লৈরবা শান্নরোইশিংগী মায় পাকপদগী হৌরগা তুংগী মায় পাক্কদবা শান্নরোই শেমগৎপা ফাওবদা, তি.ও.পি.এস.না অচৌবা থৌদাং লৌরি”। ভারতনা হন্দক্কী তোকিয়ো ওলিম্পিক্সতা মশক থোকপা পরফোর্মেন্স উৎখি। মান্নবা মতৌ ওইনা, বেদমিন্তন তীম্না থোমাস কপ লৌখিবনসু অনৌবা নুংঙাইবা অমা পুরকখি। মহাক্না তোঙানবা ইন্তর্নেস্নেল ইভেন্তশিংদা পেরা এথলীতশিংনা মায় পাকপা কয়া পুরকখিবসু থাগৎখি। মসিগুম্বা অনৌবা ইহৌ অসিদা নুপী শান্নরোইশিংনা মান্নবা অমসুং মপাঙ্গল লৈবা মতৌগা লোয়ননা শরুক য়ারিবা অসিবুসু থাগৎখি।

মসিগুম্বা মায় পাকপা অসি মমাংগী মতমদসু ওইথোক্লম্বনি, অদুবু ভারতকী স্পোর্ত অসিদা তঙাই ফদবা প্রোফেস্নেলিজম লৈবগী মহুত্তা শেঞ্জা থুমজা অমসুং মশাগী মীওই খক্তদা খুদোংচাবা পীবগী মতৌনা অয়েৎপা কয়া পীদুনা লাকখি হায়না প্রধান মন্ত্রীনা হায়খি। “ঐখোয়না মসি চুম্থোকখি অমসুং নহাশিংদা মখোয়গী মঙলান ফংবা ঙমগনি হায়বগী থাজবা পীখি”, হায়না মহাক্না হায়খি। পোলিসী শেম্বা খক্কী থৌওংখক্তদা থাজবা থমদবা অনৌবা ভারতনা লৈবাক্কী নহাশিংগী অপাম্বগা লোয়ননা তুংলমচত্তা চঙশিল্লি। ফিত ইন্দিয়া অমসুং খেলো ইন্দিয়াগুম্বা হোৎনবগী থৌওংনা মীয়ামগী ইহৌ ওইরে হায়না প্রধান মন্ত্রীনা হায়খি। প্রধান মন্ত্রীনা “লৈবাক্কী স্পোর্ত বজেৎনা হৌখিবা চহি ৮দা চাউরাক্না ৭০%গী চাং হেনগৎখি” হায়খি। মসিনা শান্নরোইশিংগী মফমদা অহেনবা রিসোর্স কয়া ফংহল্লি অমসুং মখোয়গী অনৌবা খুদোংচাবা কয়া শেম্বদসু তেংবাংলি। লৈবাক মনুংদা স্পোর্ত য়ুনিভর্সিতী কয়া লিংখৎলে অমসুং এদভান্স ওইবা স্পোর্ত ইনফ্রাস্ত্রকচর কয়াসু লৈবাক্কী কাচিন কোয়া খুদিংদা লৈহল্লে হায়না মহাক্না হায়খি। শান্নবদগী পোত্থারবা শান্নরোইশিংগী পুন্সিবুসু হেন্না নুংঙাইহন্নবা থবক কয়াসু পায়খৎলি হায়না শ্রী মোদীনা মখা তাখি। অনৌবা জেনেরেসন্না এক্সপেরিএন্স লৈরবা পোত্থাখ্রবা শান্নরোইশিংগী মফমদগী অহেনবা কান্নবা ফংবগী মাইকৈদসু থবক কয়া পায়খৎলি।

ভারতকী সিভিলাইজেসন অমসুং কলচরগী মতাংদা হায়রদুনা, প্রধান মন্ত্রীনা স্পোর্তনা চহি লিশিং কয়াদগী ভারতকী লিগেসী অমসুং চাউখৎপগী খোঙচৎকী শরুক অমা ওইদুনা লাক্লি হায়খি। “নীংতম্বগী অমৃত কালগী মতমসিদা, লৈবাক অসিনা মশাগী হেরিতেজপু চাউথোকচবগা লোয়ননা হান্নগুম্না হঞ্জিলহল্লক্লি”। লৈবাক্কী থৱাই য়াওবগী মতৌনা মশান্না অমখক্তদা অকক্নবা থমদ্রে, ‘কালারিপায়ত্তু’ অমসুং ‘য়োগআসন’ গুম্বা অতোপ্পা মশান্না কয়াসু মমিং চৎপা হেনগৎলক্লি হায়না প্রধান মন্ত্রীনা মখা তানা ফোংদোকখি। “মসিগুম্বা মশান্নশিংবু নেস্নেল গেম্সতা মনুং চল্লিবা অসিদা ঐহাক্না নুংঙাইবা ফাওই”, হায়না মহাক্না মখা তাখি। মশান্নশিং অসিবু মফমসিদা মহুৎ শিল্লিবা শান্নরোইশিংগী মফমদা প্রধান মন্ত্রীনা অসুম্না হায়খি, “ঐহাক্না অদোমগী মফমদা অখন্ননা ৱাফম অমা থম্নীংই। নাকল অমদা, অদোম্না চহি লিশিং কয়াগী চৎনবী তুংলমচত্তা পুরি, অতোপ্পা নাকল অমদনা, অদোম্না শান্ন-খোৎনবগী তুংগী মালেম্বুসু লুচিংলি। লাক্কদৌরিবা চহিশিংদা, মশান্নশিং অসি মালেম্না শকখঙলগনি, মদুগী মতমদা, অদোমগী মিংবু হীরম অসিদা লিজেন্দ হায়না খঙনগনি”।

প্রধান মন্ত্রীনা মহাক্কী ৱারোল লোইশিল্লকপদা, শান্নরোইশিংগী মফমদা হকথেংননা ৱাফম থমদুনা মন্ত্রা অমা তাকখি। মহাক্না হায়খি, “করিগুম্বা অদোম্না কম্পিতিসন অসিদা মায় পাকপা পাম্লবা, অদোম্না কম্মিতমেন্ত অমসুং কন্তিনুইতীগা লোয়ননা হিংবা তমগদবনি”। শান্ন-খোৎনবগী ইথিলগী মতাংদা ৱা ঙাঙবদা, প্রধান মন্ত্রীনা মায়থীবা অমসুং মায় পাকপা হায়বা অসিনা অরোইবা মহৈনি খল্লোইদবনি হায়খি। শান্ন-খোৎনবগী ইথিলনা পুন্সিগী শরুক অমা ওইরকপা মতমদা, নহা ওইরিবা ভারতকুম্বা লৈবাক্কী মঙলান মঙফাওনবা ঙমগনি হায়না শ্রী মোদীনা মখা তাখি। “অদোম্না নিংশিংগদবদি, লেং ওৎপা মতমদা, চাউখৎ থৌরাং লৈগনি”, শ্রী মোদীনা হায়খি। “অদোম্না শান্নবুংগী মপান্দসু হায়রিবা থৌওং অসি লেপ্তনা পাংথোক্কদবনি। মসিগী খোঙজেল অসিনা অদোমগী পুন্সিগী মিসন ওইহনগদবনি। নেস্নেল গেম্সতা অদোম্না মায় পাকপনা মসিগী নুংঙাইবা ফোংদোকপা অমসুং তুংগীদমক্তা অনৌবা থাজবা অমা লৈহনগনি হায়বগী ঐহাক্না থাজবা থম্মি”, হায়না প্রধান মন্ত্রীনা মশাগী ৱারোল লোইশিনখি।

গুজরাতকী মুখ্য মন্ত্রী, শ্রী ভুপেন্দ্র পতেল, রাজ্যপাল, শ্রী অচার্য়া দেবব্রত, য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী অনুরাগ সিংহ থাকুর, এম.পি., শ্রী সি.আর. পাতিল, গুজরাতকী গৃহ মন্ত্রী, শ্রী হর্শ সাংঘবী, অমসুং এহমেদাবাদকী মেয়র, শ্রী কিরিত পর্মারনা থৌরমসিদা শরুক য়াখি।

বেকগ্রাউন্দ

হন্দক্কী অসিনা গুজরাত্তা খ্বাইদগী অহানবা ওইনা পাংথোকপা নেস্নেল গেম্স ওইগনি। গেম্স অসি সেপ্তেম্বর ২৯দগী ওক্তোবর ১২, ২০২২ ফাওবা পাংথোক্কনি। লৈবাক শিনবা থুংবগী শান্নরোই, কোচ অমসুং ওফিসিএল চাউরাকপা ১৫,০০০না মশান্না ৩৬তা শরুক য়াদুনা, হন্দক্কী নেস্নেল গেম্স অসিনা খ্বাইদগী চাউবা অমা ওইগদৌরি। শান্নবগী থৌরমশিং অসি অহমেদবাদ, গান্ধীনগর, সুরত, বদোদরা, রাজকোত অমসুং ভবনাগরগী শহর ৬তা পাংথোক্কনি। মতম অমগী মুখ্য মন্ত্রী অমসুং হৌজিক্কী প্রধান মন্ত্রী, শ্রী নরেন্দ্র মোদীগী লুচিং মখাদা গুজরাতনা মালেমগী থাক্তা লৈবা অচৌবা স্পোর্ত ইনফ্রাস্ত্রকচর শেমগৎ-শাগৎপগী খোঙচৎ অমা চৎপা হৌখি অমসুং মসিনা রাজ্য অসিনা তেল্লবা মতমগী মনুংদা গেম্স অসিগীদমক্তা শেম-শাবদা য়াম্না তেংবাংখি।

Sports is a great unifier. Inaugurating the National Games being held in Gujarat. https://t.co/q9shNsjA3A

— Narendra Modi (@narendramodi) September 29, 2022

विश्व का सबसे बड़ा स्टेडियम,

विश्व का इतना युवा देश,

और देश का सबसे बड़ा खेल उत्सव!

जब आयोजन इतना अद्भुत और अद्वितीय हो, तो उसकी ऊर्जा ऐसी ही असाधारण होगी: PM @narendramodi begins his speech as he declares open the National Games

— PMO India (@PMOIndia) September 29, 2022

कल अहमदाबाद में जिस तरह का शानदार, भव्य ड्रोन शो हुआ, वो देखकर तो हर कोई अचंभित है, गर्व से भरा हुआ है।

टेक्नोलॉजी का ऐसा सधा हुआ इस्तेमाल, ड्रोन की तरह ही गुजरात को, भारत को नई ऊंचाई पर ले जाएगा: PM @narendramodi https://t.co/U8FmoPybti

— PMO India (@PMOIndia) September 29, 2022

सरदार पटेल स्पोर्ट्स कॉम्प्लेक्स में फुटबाल, हॉकी, बास्केटबॉल, कबड्डी, बॉक्सिंग और लॉन टेनिस जैसे अनेकों खेलों की सुविधा एक साथ उपलब्ध है।

ये एक तरह से पूरे देश के लिए एक मॉडल है: PM @narendramodi

— PMO India (@PMOIndia) September 29, 2022

इस समय नवरात्रि का पावन अवसर भी चल रहा है।

गुजरात में माँ दुर्गा की उपासना से लेकर गरबा तक, यहाँ की अपनी अलग ही पहचान है।

जो खिलाड़ी दूसरे राज्यों से आए हैं, उनसे मैं कहूंगा कि खेल के साथ ही यहां नवरात्रि आयोजन का भी आनंद जरूर लीजिये: PM @narendramodi

— PMO India (@PMOIndia) September 29, 2022

खेल के मैदान में खिलाड़ियों की जीत, उनका दमदार प्रदर्शन, अन्य क्षेत्रों में देश की जीत का भी रास्ता बनाता है।

स्पोर्ट्स की सॉफ्ट पावर, देश की पहचान को, देश की छवि को कई गुना ज्यादा बेहतर बना देती है: PM @narendramodi

— PMO India (@PMOIndia) September 29, 2022

मैं स्पोर्ट्स के साथियों को अक्सर कहता हूँ- Success starts with action!

यानी, आपने जिस क्षण शुरुआत कर दी, उसी क्षण सफलता की शुरुआत भी हो गई: PM @narendramodi

— PMO India (@PMOIndia) September 29, 2022

8 साल पहले तक भारत के खिलाड़ी, सौ से भी कम इंटरनेशनल इवेंट्स में हिस्सा लेते थे।

अब भारत के खिलाड़ी 300 से भी ज्यादा इंटरनेशनल इवेंट्स में शामिल होते हैं: PM @narendramodi

— PMO India (@PMOIndia) September 29, 2022

8 साल पहले भारत के खिलाड़ी 20-25 खेलों को खेलने ही जाते थे।

अब भारत के खिलाड़ी करीब 40 अलग-अलग खेलों में हिस्सा लेने जाते हैं: PM @narendramodi

— PMO India (@PMOIndia) September 29, 2022

हमने स्पोर्ट्स स्पिरिट के साथ स्पोर्ट्स के लिए काम किया।

TOPS जैसी योजनाओं के जरिए वर्षों तक मिशन मोड में तैयारी की।

आज बड़े-बड़े खिलाड़ियों की सफलता से लेकर नए खिलाड़ियों के भविष्य निर्माण तक, TOPS एक बड़ी भूमिका निभा रहा है: PM @narendramodi

— PMO India (@PMOIndia) September 29, 2022

आज फिट इंडिया और खेलो इंडिया जैसे प्रयास एक जन-आंदोलन बन गए हैं।

इसीलिए, आज खिलाड़ियों को ज्यादा से ज्यादा संसाधन भी दिए जा रहे हैं और ज्यादा से ज्यादा अवसर भी मिल रहे हैं।

पिछले 8 वर्षों में देश का खेल बजट करीब 70 प्रतिशत बढ़ा है: PM @narendramodi

— PMO India (@PMOIndia) September 29, 2022

अब देश के प्रयास और उत्साह केवल एक खेल तक सीमित नहीं है, बल्कि ‘कलारीपयट्टू’ और योगासन जैसे भारतीय खेलों को भी महत्व मिल रहा है।

मुझे खुशी है कि इन खेलों को नेशनल गेम्स जैसे बड़े आयोजनों में शामिल किया गया है: PM @narendramodi

— PMO India (@PMOIndia) September 29, 2022

सभी खिलाड़ियों को मैं एक मंत्र और देना चाहता हूं…

अगर आपको competition जीतना है, तो आपको commitment और continuity को जीना सीखना होगा।

खेलों में हार-जीत को कभी भी हमें आखिरी नहीं मानना चाहिए।

ये स्पोर्ट्स स्पिरिट आपके जीवन का हिस्सा होना चाहिए: PM @narendramodi

— PMO India (@PMOIndia) September 29, 2022

*****