ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী বজেৎকী মফমদা এম.এম.আর., আই.এম.আর., য়ু.৫.এম.আর. অমসুং তি.এফ.আর.গী চাংদা খোঙজেল য়াঙনা হন্থরকপগী ফিভম য়াওনা শেনবা চহি ২০২০-২১দা এন.ঐচ.এম.গী থবক খুমাং চাউশিনবগী ৱাফম তমখ্রে। তি.বি., মেলেরিয়া, কালা-অজার, দেঙ্গী, ত্যুবর্ক্যুলোসিস, লেপ্রোসী, ভাইরেল হেপাতাইতিসনচিংবা লাইনাগী প্রোগ্রাম কয়াগী মতাংদা থবক খুমাং চাউশিনবগী ৱাফমসু পাউদমখি।

চাদিং তৌখিবাঃ লুপা করোর ২৭,৯৮৯.০০ (কেন্দ্রগী শরুক)

বেনিফিশরী মশিং:

এন.ঐচ.এম. অসি মীপুম খুদিংগী, হায়বদি, মীশিং অপুনবগী কান্নবা পুরক্নবা চলায়বনি; খুন্নাইগী অৱাবা য়াম্না তাবা মীওইশিংদা অখন্নবা মিৎয়েং চঙবগা লোয়ননা পব্লিক হেল্থ কেয়র সর্ভিসতা লাকপা মীপুম খুদিংদা সর্ভিসশিং ফংহনবনি।

অখন্নবা হীরমশিংগী অকুপ্পা মরোল:

কোবিদ-১৯বু খুদক্তা মাইয়োক্নবা, ঙল্লিঙৈদা ঙাকথোকপা, নারে খঙদোকপা অমসুং শেন্নবগী হীরমদা হেল্থ সীস্তেমগী শেম-শাবগী মতৌশিংবু খোঙজেল য়াঙহন্নবা ইমর্জেন্সী রেস্পোন্স অমসুং হেল্থ সীস্তেম প্রিপেয়র্দনেস পেকেজ (ই.সি.আর.পি.) ফেজ-১গী ইমপ্লিমেন্তিং এজেন্সী ওইনা এন.ঐচ.এম.না লৌখিবা থৌদাংবু কেবিনেৎনা শকখঙখি। ই.সি.আর.পি.-১ অসি কেন্দ্রনা ১০০% শৌগত্তুনা পাংথোকপা থৌওংনি অমসুং মসিগীদমক্তা ৩১/৩/২০২১ ফাওবদা রাজ্য/য়ু.তি}শিংদা লুপা করোর ৮১৪৭ কাইথখিবনি।

পেকেজ অসিগী থবকশিংবু হকশেলগী পথাপশিং মপাঙ্গল হেন্না লৈহন্নবগীদমক্তা লৈজরিবা রিসোর্সশিংবু তেংবাংদুনা নেস্নেল হেল্থ মিসন ফ্রেমৱর্ক শিজিন্নদুনা থবক্তা ওন্থোকখি। পেকেজ অসিগী পান্দমদি কোবিদ-১৯ শন্দোকপা তপথহনবনি অমসুং মসিদগী ঙাকথোক্নবা অমসুং তুংগীদমক্তা হেন্না শেম-শাদুনা লৈবা ঙমহন্নবগীদমক্তা লৈবাক অমসুং রাজ্যগী হকশেল পথাপশিংদা তেংবাংদুনা মপাঙ্গল লৈহনবনি।

থবক্তা ওন্থোকপগী থৌরাং অমসুং পান্দমশিং:

থবক্তা ওন্থোকপগী থৌরাং:

এন.ঐচ.এম.গী মখাদা হকশেল অমসুং য়াইফ য়ুম্বাল মন্ত্রালয়গী থবক পাংথোকপগী থৌরাংশিং অসিদি রাজ্য/য়ুনিয়ন তেরিতোরিশিংবু লৈবাক্কী অপুনবা মীশিংদা, অখন্নবা ওইনা খুন্নাইগী অৱাবা য়াম্না তাগনবা মীওইশিংদা দিস্ত্রিক্ত হোস্পিতাল (দি.ঐচ.) ফাওবগী থাক্তা লায়না ফংবা, শেল চঙদবা, থাজবা য়াবা অমসুং মথৌ নীংথিনা পাংথোকপা হেল্থকেয়র সর্ভিস পীবা ঙমহন্নবগীদমক্তা শেল অমসুং তেক্নিকেল ওইবা তেংবাং পীবনি। হেন্না ফগৎলবা হেল্থ ইনফ্রাস্ত্রকচর, হ্যুমেন রিসোর্স হেনগৎহনবা অমসুং খুঙ্গংগী মফমশিংদা সর্ভিস পীবগী মতৌদা ফগৎহনবগী খুত্থাংদা রুরেল হেল্থকেয়র সর্ভসিতা লৈরিবা অহোনবা মেনবগী পান্দম থম্বগা লোয়ননা তঙাই ফদবগী মখা পোন্না তেংবাংবা, ইন্ত্রা অমসুং ইন্তর সেক্তোরেল কনভর্জেন্স অমসুং রিসোর্সশিং নীংথিনা শিজিন্নহন্নবগীদমক্তা প্রোগ্রামশিংবু জিলাগী থাক্তা দিসেন্ত্রেলাইজ তৌবগী পান্দমসু থম্লি।

ইং ২০২৫ ফাওবগী এন.ঐচ.এম.গী মখাদা থম্বা পান্দম:

• এম.এম.আর.বু ১১৩দগী ৯০দা পুথরকপা
• আই.এম.আর.বু ৩২দগী ২৩দা পুথরকপা
• য়ু.৫.এম.আর.বু ৩৬তগী ২৩দা পুথরকপা
• তি.এফ.আর.বু ২.১দা লেঙদনা লৈহনবা
• জিলা খুদিংদা লেপ্রোসী থেংনবগী চাংবু মীশিংগী <১/১০০০০দা অমসুং নাবগী ইন্সিদেন্সপু জিরোদা পুথরকপা
• চহিদা মেলেরিয়া নাবগী চাংবু <১/১০০০দা পুথরকপা
• অশোকপা অমসুং অনৌবা লাইনাশিং; লৌনগনবা অমসুং লৌনগন্দবা লাইনাগী মোর্তেলিতী অমসুং মোর্বিদিতী ঙাকথোক্তুনা হন্থহনবা
• হেল্থ কেয়রগী অপুনবা চাদিং তৌবদা ইমুংশিংনা মশাগী শেল পুথোকপা হন্থহনবা
• লৈবাক অসিদা ইং ২০২৫ ফাওবগী মনুংদা তি.বি. মুত্থৎপা।

থবক পীবা ঙম্বগী মতিক য়াওনা মরু ওইবা কান্নবশিং:

• ইং ২০২০-২১দা এন.ঐচ.এম.গী থবক পাংথোকপদগী জি.দি.এম.ও., স্পিসিএলিস্ত, এ.এন.এম., স্তাফ নর্স, আয়ুশ দাক্তর, পেরামেদিক্স, আয়ুশ পেরামেদিক্স, প্রোগ্রাম মেনেজমেন্ত স্তাফ অমসুং পব্লিক হেল্থ মেনেজর কয়া কন্ত্রেক্তা থবক লৌবা য়াওনা অহেনবা হ্যুমেন রিসোর্স লাখ ২.৭১ লৌখি।
• ইং ২০২০-২১দা এন.ঐচ.এম.গী থবক পাংথোকপদগী পব্লিক হেল্থ সীস্তেম মপাঙ্গল লৈহনখি অমসুং মসিনা মরম ওইরগা ইন্দিয়া কোবিদ-১৯ ইমর্জেন্সী রেস্পোন্স অমসুং হেল্থ সীস্তেম প্রিপেয়র্দনেস পেকেজ (ই.সি.আর.পি.) হৌদোকপগী খুত্থাংদা কোবিদ-১৯ নীংথিনা শেন্নবা ঙমখি।
• ভারত্তা য়ু.৫.এম.আর.না ইং ২০১৩দা লৈরম্বা ৪৯দগী ইং ২০১৮দা ৩৬তা হন্থরকখি অমসুং ইং ২০১৩-১৮গী মনুংদা চহিদা হন্থবগী চাদা ওইবা চাংনা ইং ১৯৯০-২০১২দা উরম্বা ৩.৯%দগী ৬.০%দা হেনগৎহনখি। এস.আর.এস. ২০২০গী মতুং ইন্না, য়ু.৫.এম.আর.না মখা তানা ৩২দা হন্থখি।
• ভারতকী মেতর্নেল মোর্তেলিতী রেসিও (এম.এম.আর.)না ইং ১৯৯০দা ওইরম্বা ৫৫৬ লাইব বর্থ লাখ ১গী পোইন্ততগী ইং ২০১৬-১৮দা ৪৪৩ হন্থরক্তুনা ১১৩ ওইখি। ইং ১৯৯০দগী এম.এম.আর.দা ৮০% হন্থরকখি অমসুং মসিনা মালেমগী ওইবা ৪৫%গী চাংদা হন্থখিবা অদুদগী হেন্না তাখি। হৌখিবা চহি মঙাদা, মেতর্নেল মোর্তেলিতী রেসিও (এম.এম.আর.)না ইং ২০১১-১৩ (এস.আর.এস.)দা ওইরম্বা ১৬৭তগী ইং ২০১৬-১৮ (এস.আর.এস.)দা ১১৩দা হন্থরকখি। এস.আর.এস. ২০১৭-১৯গী মতুং ইন্না, এম.এম.আর.না মখা তানা ১০৩দা হন্থরকখি।
• আই.এম.আর.না ইং ১৯৯০দা ওইরম্বা ৮০দগী ইং ২০১৮দা ৩২দা হন্থরকখি। মমাংগী চহি ৫গী আই.এম.আর.গী পর্সেন্তেজ কম্পাউন্দ রেত ওফ দিক্লাইন, হায়বদি ইং ২০১৩দগী ২০১৮ ফাওবগী, অসিনা ইং ১৯৯০-২০১২দা উখিবা ২.৯%গী চাংদগী ৪.৪%তা হেনগৎখি। এস.আর.এস. ২০২০গী মতুং ইন্না, আই.এম.আর.না ২৮দা মখা তানা হন্থখি।
• সেম্পল রেজিস্ত্রেসন তেস্ত (এস.আর.এস.)কী মতুং ইন্না, ভারতকী তি.এফ.আর.না ইং ২০১৩গী ২.৩দগী ইং ২০১৮দা ২.২দা হন্থখি। নেস্নেল ফেমিলী হেল্থ সর্ভে-৪ (এন.এফ.ঐচ.এস.-৪, ২০১৫-১৬)সু ২.২গী তি.এফ.আর. লৈখি। ইং ২০১৩দগী ২০১৮ ফাওবগী মনুংদা লৈখিবা পর্সেন্তেজ এনুএল কম্পাউন্দ রেত ওফ দিক্লাইন্না ০.৮৯% ওইখি। হৌজিক, রাজ্য/য়ু.তি. ৩৬কী মনুংদগী ২৮না অপাম্বা রিপ্লেসমেন্ত লেভেল ওফ ফর্তিলিতী (২.১) ফংবা ঙম্লে। এস.আর.এস. ২০২০গী মতুং ইন্না, এস.আর.এস. অসি মখা তানা ২.০দা তাথখ্রে।
• ইং ২০২০দা মেলেরিয়া নাবা অমসুং মসিদগী শিবগী চাংনা মথংশিৎনা ৪৬.২৮% অমসুং ১৮.১৮% হন্থখি।
• মীশিং ১,০০,০০০কী মনুংদা তি.বি. নাবগী চাংনা ইং ২০১২গী ২৩৪দগী ইং ২০১৯দা ১৯৩দা হন্থরকখি। মীশিং ১,০০,০০০কী মনুংদা তি.বি.না মরম ওইবা মোর্তেলিতীনা ভারতকী ওইনা ইং ২০১২গী ৪২দগী ইং ২০১৯দা ৩৩দা হন্থরকখি।
• কালা-অজার (কে.এ.) ইন্দেমিক ব্লোক্কী পর্সেন্তেজনা মীশিং ১০০০০দা ওইবা <১ কে.এ. কেসকী ইলিমিনেসন পান্দম ফংখি অমসুং মশিং অসিনা ইং ২০১৪দা ওইরম্বা ৭৪.২%দগী ইং ২০২০-২১দা ৯৭.৫% ওইখি।
• কেস ফর্তিলিতী রেত (সি.এফ.আর.)কী নেস্নেল তার্গেত ওইরিবা ১%দা লেঙহন্দবগী পান্দম ফংখি। ইং ২০২০দা দেঙ্গীগী কেস ফর্তিলিতী রেত অসি ইং ২০১৯দা লৈরম্বা ০.০১%দা লেঙদনা থমখি।

স্কিম অসিগী অকুপ্পা মরোল অমসুং মায় পাকপশিং:

এন.ঐচ.এম.না ইং ২০২০-২১গী মনুংদা মায় পাকখিবশিং মখাদা পীরিঃ

• অয়ুশমান ভারত-হেল্থ অমসুং ৱেলনেস সেন্তর ১,০৫,১৪৭গী অয়াবা মার্চ ৩১, ২০২১ ফাওবদা পীখি। রাজ্য/য়ু.তি.শিংনা অয়ুশমান ভারত-হেল্থ অমসুং ৱেলনেস সেন্তর পোর্তেলগী মতুং ইন্না, মার্চ ৩১, ২০২২ ফাওবগী অপুনবা পান্দমদগী হেন্দোক্তুনা হেল্থ অমসুং ৱেলনেস সেন্তর ১,১৭,৪৪০ মথৌ তৌহনখি।
• অপুনবা আশা ৫,৩৪,৭৭১, মলতি পর্পজ ৱর্কর (এম.দবল্যু.এফ.)/ওকজিলরী নর্স মিদৱাইফ (এ.এন.এম.), স্তাফ নর্স ২৬,০৩৩ অমসুং প্রাইমারী হেল্থ সেন্তর (পি.ঐচ.সি.) মেদিকেল ওফিসরশিং মার্চ ৩১, ২০২১ ফাওবদা নন-কম্ম্যুনিকেবল দিজিজ (এন.সি.দি.)গীদমক্তা ত্রেনিং তৌখি।
• ইন্তেন্সিফাইদ মিসন ইন্দ্রধনুশ ৩.০ অসি ফেব্রুৱারী ২০২১দগী মার্চ ২০২১ ফাওবা পাংথোকখি, অপুনবা জিলা ২৫০বু রাজ্য/য়ু.তি. ২৯ শিনবা থুংবদা শকখঙখি।
• রাজ্য/য়ু.তি. খুদিংদা রোতাভাইরস দোজ করোর চাউরাকপা ৬.৫৮ কাপথোকখি।
• ন্যুমোকোক্কেল কঞ্জ্যুগেতেদ ভেক্সিন (পি.সি.ভি.) চাউরাকপা দোজ লাখ ২০৪.০৬ বিহার, হিমাচল প্রদেশ, মধ্য প্রদেশ, রাজস্থান, উত্তর প্রদেশ অমসুং হরিয়ানাদা কাপথোকখি।
• এদল্ত করোর ৩.৫দা এদল্ত জাপানীজ এন্সেফেলাইতিস ভেক্সিন কাপথোকখি। (অসম, উত্তর প্রদেশ অমসুং নোংচুপ বেঙ্গোলগী ইন্দেমিক জিলা ৩৫দা)
• লকশ্যা: লেবর রুম ২০২ অমসুং মেতর্নিতী ওপরেসন থিএতর ১৪১ অসি স্তেত লকশ্যা সর্তিফাইদ অইরে অমসুং লেবর রুম ৬৪ অমসুং মেতর্নিতী ওপরেসন থিএতর ৪৭না নেস্নেল লকশ্যা সর্তিফাইদ ওইরে।
• লৈবাক্কী কোল্দ চেন সীস্তেম মপাঙ্গল হাপ্নবগীদমক্তা, কোল্দ চেন ইক্বিপমেন্ত, হায়বদি আই.এল.আর. (অচৌবা)-১০৪১, আই.এল.আর. (অপীকপা)- ৫১৮৫, কোল্দ বোক্স (অচৌবা)-২৬৭৪, কোল্দ বোক্স (অপীকপা)-৩৭০০, ভেক্সিন কেরিয়র-৬৬,৫৮৪ অমসুং আইস পেক-৩১,০০৩ রাজ্য/য়ু.তি.শিংদা পীখ্রে।
• আশা অপুনবা ১৩,০৬৬ ইং ২০২০-২১গী মনুংদা খনখি অমসুং মখোয়গী লৈবাক্কী অপুনবা মশিংনা মার্চ ৩১, ২০২১ ফাওবদা লাখ ১০.৬৯ ওইখি।
• নেস্নেল এম্ব্যুলেন্স সর্ভিস (এন.এ.এস.): মার্চ ২০২১ ফাওবদা, রাজ্য/য়ু.তি. ৩৫দা মীয়াম্না ১০৮ নত্ত্রগা ১০২ দাইল তৌদুনা অম্ব্যুলেন্স কৌবগী খুদোংচাবা লৈহনখি। ইং ২০২০-২১দা এম্ব্যুলেন্স সর্ভিস অহেনবা ৭৩৫সু হাপচিনখি।
• ইং ২০২০-২১দা মোবাইল মেদিকেল য়ুনিত (এম.এম.য়ু.) অহেনবা ৩০ হাপচিনখি।
• ২৪X৭ সর্ভিস অমসুং ফর্স্ত রিফরেল ফেসিলিতী: ইং ২০২০-২১দা ফেসিলিতী ১১৪০বু এফ.আর.য়ু. ওপরেস্নেলাইজেসন ওইনা হাপচিনখি।
• কায়াকল্প: পব্লিক হেল্থ ফেসিলিতী ১০,৭১৭না স্কিম অসিগী মখাদা ইং ২০২০-২১দা কায়াকল্প মনা ফংখি।
• মেলেরিয়া: ইং ২০২০দা রিপোর্ত তৌরকখিবা অপুনবা কেস অমসুং অসিবগী মশিংনা মথংশিৎনা ১,৮১,৮৩১ অমসুং ৬৩ ওইখি অমসুং হায়রিবা মশিং অসি ইং ২০১৪দা মথংশিৎনা ১১,০২,২০৫ অমসুং ৫৬১ ওইখি। মসিনা মেলেরিয়া কেস অমসুং মসিদগী শিবগী চাংনা ইং ২০১৪গা চাংদম্নবদা মথন্সঘিতনা ৮৩.৫০% অমসুং ৮৮.৭৭% হন্থখি হায়বা তাক্লি।

• কালা-অজার: .) ইন্দেমিক ব্লোক্কী পর্সেন্তেজনা মীশিং ১০০০০দা ওইবা <১ কে.এ. কেসকী ইলিমিনেসন পান্দম ফংখি অমসুং মশিং অসিনা ইং ২০১৪দা ওইরম্বা ৭৪.২%দগী ইং ২০২০-২১দা ৯৭.৫% ওইখি।

• লীম্ফেতিক ফিলারিএসিস: ইং ২০২০-২১দা এল.এফ. এন্দেমিক জিলা ২৭২, জিলা ৯৮না ত্রান্সমিসন এসেসমেন্ত সর্ভে (তি.এ.এস.-১) ১ মায় পাকখি অমসুং এম.দি.এ. থিংখি অমসুং হায়রিবা জিলাশিং অসি পোস্ত এম.দি.এ. সর্ভেলিএন্সকী মখাদা লৈরি।
• কেস ফর্তিলিতী রেত (সি.এফ.আর.)কী নেস্নেল তার্গেত ওইরিবা ১%দা লেঙহন্দবগী পান্দম ফংখি। ইং ২০২০দা দেঙ্গীগী কেস ফর্তিলিতী রেত অসি ইং ২০১৯দা লৈরম্বা ০.০১%দা লেঙদনা থমখি।
• নেস্নেল ত্যুবর্ক্যুলোসিস ইলিমিনেসন প্রোগ্রাম (এন.তি.ই.পি.): লৈবাক শিনবা থুংবদা অপুনবা কার্ত্রিজ বেজ ন্যুক্লিক এসিদ এমপ্লিফিকেসন তেস্ত (সি.বি.এন.এ.এ.তি.) মছিন ১২৮৫ অমসুং ত্রুনেত মছিন ২২০৬ মথৌ তৌবা হৌহনখি। ইং ২০২০দা মোলিক্যুলর তেস্ত লাখ ২৯.৮৫ পাংথোকখি। মসিনা ইং ২০১৭কী লাখ ৭.৪৮গা চাংদম্নবদা শরুক ৪ হেনগৎপনি। অতেনবা এম.দি.আর.-তি.বি. রেজিম অমসুং বেদাকুইলিন/দেলামেনিদ (অনৌবা হিদাক)তা য়ুম্ফম ওইবা রেজিমেন রাজ্য/য়ু.তি. খুদিংদা শিজিন্নবা হৌখি। ইং ২০২০দা এম.দি.আর./আর.আর.-তি.বি. অনাবা ৩০,৬০৫বু অতেনবা এম.দি.আর.-তি.বি. রেজিমদা লাইয়েংবা হৌখি, দি.আর.-তি.বি. অনাবা ১০,৪৮৯বুনা  রেজিমেন (বেদাকুইলিন-১০১৪০, দেলামেনিদ-৩৪৯) য়াওবা অনৌবা হিদাক শিজিন্নদুনা লৈবাক শিনবা থুংবদা লাইয়েংখি।
• প্রধান মন্ত্রী নেস্নেল দাইলাইসিস প্রোগ্রাম (পি.এম.এন.দি.পি.) অসি এন.ঐচ.এম.গী মখাদা পি.পি.পি. মোদতা দিস্ত্রিক্ত হোস্পিতাল খুদিংদা দাইলাইসিসকী ফেসিলিতী লৈহন্নবা ইং ২০১৬তা হৌদোকখি। শেনবা চহি ২০২০-২১দা পি.এম.এন.দি.পি.বু মছিন ৫৭৮১ শিজিন্নদুনা দাইলাইসিস সেন্তর ৯১০দা রাজ্য/য়ু.তি. ৩৫গী জিলা ৫০৫দা হৌদোকখি। ইং ২০২০-২১দা, অপুনবা অনাবা লাখ ৩.৫৯না দাইলাইসিস সর্ভিস ফংনখি অমসুং হীমো-দাইলাইসিস সেসন  লাখ ৩৫.৮২ পাংথোকখি।

বেকগ্রাউন্দঃ

নেস্নেল রুরেল হেল্থ মিসন অসি ইং ২০০৫দা হৌদোকখিবনি অমসুং মসিগী পান্দম্না লৈবাক্কী অপুনবা মীশিংদা, অখন্নবা ওইনা খুন্নাইগী অৱাবা য়াম্না তাগনবা মীওইশিংদা দিস্ত্রিক্ত হোস্পিতাল (দি.ঐচ.) ফাওবগী থাক্তা লায়না ফংবা, শেল চঙদবা, থাজবা য়াবা অমসুং মথৌ নীংথিনা পাংথোকপা হেল্থকেয়র সর্ভিস পীবা ঙমহন্নবগীদমক্তা শেল অমসুং তেক্নিকেল ওইবা তেংবাং পীবনি। ইং ২০১২দা নেস্নেল অর্বান হেল্থ মিসন (এন.য়ু.ঐচ.এম.) হৌদোকখি অমসুং সব মিসন অনি – এন.আর.ঐচ.এম. অমসুং এন.য়ু.ঐচ.এম. লৈদুনা নেস্নেল হেল্থ মিসন (এন.ঐচ.এম.) হায়না মিং ওনখি।

মসিবু এপ্রিল ১, ২০১৭তগী মার্চ ৩১, ২০২০ ফাওবা মখা চত্থবগী অয়াবা অসি মার্চ ২১, ২০১৮দা পাংথোকপা মীফমদা কেবিনেতনা অয়াবা পীখি।

ফাইনান্স মন্ত্রালয়গী এক্সপেন্দিচর বিভাগনা মখোয়গী মেমোরেন্দম নম্বর ৪২(০২/পি.এফ.-২.২০১৪), জনুৱারী ১০, ২০২০গী তাংদা নেস্নেল হেল্থ মিসনবু মার্চ ৩১, ২০২১ ফাওবা নত্ত্রগা ১৫শুবা ফাইনান্স কম্মিসনগী রিকম্মেন্দেসন চৎনবা ফাওবা, অনিদগী হানবা মতম ফাওবা মখা চত্থবগী ৱারোল থোকখি।

ফাইনান্স মন্ত্রালয়গী এক্সপেন্দিচর বিভাগনা মখোয়গী ও.এম. নম্বর ০১(০১)/পি.এফ.সি.-১/২০২২, ফেব্রুৱারী ১, ২০২২দা থোকপা ৱারোলদা ১/৪/২০২১দগী ৩১/৩/২০২৬ ফাওবা নত্ত্রগা মখা তাবা রিভিয়ুগী মখা পোন্না, এক্সপেন্দিচর ফাইনান্স কম্মিতীগী পাউতাক অমসুং ফাইনেন্সিএল সিলিংগী মনুংদা লৈদুনা মখা চত্থবগী অয়াবা পীখি।

এন.ঐচ.এম. ফ্রেমৱর্কপু কেবিনেতনা অয়াবা পীরিবা অসিনা শেল-থুমগী কাঙলোন, হৌজিক চত্থরিবা স্কিমশিংদা ওন্থোকপা অমসুং অনৌবা স্কিম্বু চহিগী ওইনা কেবিনেতকী মফমদা ই-পাউ পীবগা লোয়ননা এন.(আর.).ঐচ.এম.গা মরী লৈনবা প্রোগ্রেস রিপোর্ত পীগদবনি হায়বগী মখা পোন্না হায়রিবা শক্তিশিং শিজিন্নবগী অয়াবা পীগনি হায়না তাক্লি।

****