ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেতনা নেস্নেল লোজিস্তিক্স পোলিসীগী অয়াবা পীখ্রে। পোলিসী অসিনা লোজিস্তিক্স সেক্তরগীদমক্তা হীরম কয়া পাক-শন্না মনুং চলহনবা, ক্রোস সেক্তোরেল, মলতি জুরিসদিকস্নেল অমসুং  অমসুং পাক চাউবা পোলিসী ফ্রেমৱর্ক অমা শেম্লি। পোলিসী অসিনা পি.এম. গতিশক্তী নেস্নেল মাস্তর প্লান্দসু তেংবাংলি। পি.এম. গতিশক্তী নেস্নেল মাস্তর প্লান্না ইন্তিগ্রেতেদ ওইবা ইনফ্রাস্ত্রকচর দিভেলপমেন্ত তৌবদা পান্দম চংলি অমসুং নেস্নেল লোজিস্তিক্স পোলিসীনা থবক-থৌরম কয়া মওং-মরিল নাইহনবা, রেগ্যুলেতরী ফ্রেমৱর্ক, স্কিল দিভেলপমেন্ত, হাইয়র এজুকেসন্দা লোজিস্তিক্স মেনস্ত্রীম তৌবা অমসুং চুনবা তেক্নোলোজী শিজিন্নবগী খুত্থাংদা লোজিস্তিক্স সর্ভিস অমসুং হ্যুমেন রিসোর্সশিংবু নীংথিনা শিজিন্নবগী ৱারোল ফোংদোক্লি।

হেন্না খোঙজেল য়াঙবা অমসুং ইনক্লুসিব ওইবা গ্রোথ লৌবা ঙম্নবগীদমক্তা তেক্নোলোজীনা তেংবাংবা, ইন্তিগ্রেতেদ ওইবা, শেল য়াম্না চঙদবা, রেজিলিএন্ত ওইবা অমসুং তুং কোইনা চৎকদবা লোজিস্তিক্স ইকোসীস্তেম অমা পোলিসী অসিনা লৈহন্নবা মিৎয়েং থম্লি।

পোলিসী অসিনা পান্দম কয়া থমদুনা পান্দমশিং অসি ফংনবা অকুপ্পা থৌরাং কয়া য়াৎলি। পান্দমশিং অদুদি মখাদা পীরিঃ

1. ইং ২০৩০ ফাওবদা মালেমগী বেঞ্চমার্ক্কা চাংদম্নবা ঙম্নবগীদমক্তা ভারত্তা লোজিস্তিক্সকী অচঙবা শেনফম হন্থহনবা।
2. লোজিস্তিক্স পরফোর্মেন্স ইন্দেক্স রেঙ্কিং ফগৎহন্দুনা ইং ২০৩০ ফাওবদা মকোক থোংবা লৈবাক ২৫গী মনুং চলহনবা, অমসুং
3. মথৌ নীংথিনা পাংথোকপা লোজিস্তিক্স ইকোসীস্তেম অমা শেম্নবগীদমক্তা ৱারেপ লৌবশিংবু দেতানা তেংবাংদুনা শৌগৎপগী মেকানিজম অমা শেম্বা।

নেস্নেল লোজিস্তিক্স পোলিসী অসি ভারত সরকারগী তোঙানবা মন্ত্রালয়/বিভাগ, ইন্দস্ত্রী স্তেকহোলদর অমসুং একাদমিয়াশিংগা কুপ্না খন্ন-নৈনবগী তোঙানবা রাউন্দ কয়া পাংথোক্লবা মতুংদা শেমখিবনি অমসুং মসিনা মালেমগী খ্বাইদগী অফবা থৌওং কয়াসু খঙদোক্তুনা খন্ন-নৈনবদা য়াওরি।

পোলিসী অসিবু থবক ওইনা পাংথোকপগী থৌওং য়েংশিন্নবা অমসুং স্তেকহোলদর কয়াগী হোৎনজমনশিং পুন্সিন্নবগীদমক্তা, পোলিসী অসিনা হৌজিক লৈরিবা ইন্সতিত্যুস্নেল ফ্রেমৱর্ক, হায়বদি, পি.এম. গতিশক্তী এন.এম.পি.গী মখাদা শেমখিবা ইম্পাৱর্দ গ্রুপ ওফ সেক্রেতরী (ই.জি.ও.এস.)গী কান্নবা লৌগনি। এন.পি.জি.গী তি.ও.আর.গী মনুং চন্দবা লোজিস্তিক্স সেক্তরগা মরী লৈনবা থবক-থৌরম, রেগ্যুলেতরী অমসুং দিজিতেল ইম্প্রুবমেন্তকা মরী লৈনবা পেরামীতর কয়া য়েংশিন্নবা লৈরিবা নেতৱর্ক প্লান্নিং গ্রুপ (এন.পি.জি.)কী পেত্তর্নগী মওংদা ‘সর্ভিস ইম্প্রুবমেন্ত গ্রুপ’ (এস.আই.জি.) অমা  ই.জি.ও.এস. অসিনা শেমগৎকনি।

মসিগী পোলিসী অসিনা লৈবাক্কী লোজিস্তিক্স কোস্ত হন্থহন্নবা লম্বী য়াৎকনি। লোজিস্তিক্স ভেল্যু চেন শিনবা থুংবগী ওইবা ওপ্তিমেল স্পাতিএল প্লান্নিং, স্তেন্দর্দ হেন্না ফগৎহনবা, দিজিতাইজেসন অমসুং ওতোমেসন তৌবা অমসুং হেন্না ফবা ত্রেক এন্দ ত্রেস মেকানিজমগা লোয়ননা ৱেয়রহাউস মতিক চানা শেমগৎ শাগৎপদা পোলিসী অসিনা অহেনবা মিৎয়েং চঙগনি।

তোঙানবা স্তেকহোলদরশিংগী মরক্তা নীংথিনা তেংবাংনবা অমসুং শিংনবা কয়াগী ৱারোইশিন অথুবা মতমদা পুরকপা, স্ত্রীমলাইন ওইরবা একজিম প্রোসেস, থবক পীবা য়াগদবা স্কিল লৈবা মেনপাৱর শেমগৎনবগীদমক্তা হ্যুমেন রিসোর্স দিভেলপমেন্ত তৌবগী থৌওং কয়া নীংথিনা পাংথোকপা ঙমহন্নবা মখা তাবা খোঙথাং কয়া অমসু পোলিসী অসিনা ৱাহৌদোক থম্লি।

পোলিসী অসিনা তোঙানবা থবক-থৌরম কয়া খুদক্তা থবক্তা ওন্থোক্নবা থৌরাং কয়া অমসু ময়েক শেংনা থম্লি। তসেংবদি, পোলিসী অসিগী কান্নবশিং অসি য়ারিবমখৈ পাক শন্না শোইদনা ফংহন্নবগীদমক্তা, য়ুনিফাইদ লোজিস্তিক্স ইন্তর্ফেস প্লেতফোর্ম (য়ুলিপ), ইজ ওফ লোজিস্তিক্স সর্ভিস প্লেতফোর্ম, ৱেয়রহাউজিং মতাংগী ই-হেন্দবুক, পি}এম. গতিশক্তী অমসুং আই-গোত প্লেতফোর্মগী লোজিস্তিক্সকী মতাংগী ত্রেনিং কোর্স য়াওনা পোলিসী অসিগী মখাদা লৈবা মরু ওইবা খোঙথাং কয়াসু নেস্নেল লোজিস্তিক্স পোলিসীগা লোয়ননা হৌদোকখ্রবনি। হায়রিবা থৌওংশিং অসিনা পোলিসী অসিবু খুদক্তা থবক ওইনা পাংথোক্নবা শেম শাদুনা লৈরে হায়বা ময়েক শেংনা তাক্লি।

মসিদা নত্তনা, রাজ্য অমসুং য়ু.তি. খুদিংসু মসিগী মনুং চলহনখ্রে। রাজ্য ১৪না নেস্নেল লোজিস্তিক্স পোলিসীগী মতুং ইন্না মখোয় মশাগী রাজ্যগী অইবা স্তেত লোজিস্তিক্স পোলিসী শেম্নখ্রে অমসুং রাজ্য ১৩গীনা হৌজিক দ্রাফ তৌবগী থাক্তা লৈরি। কেন্দ্র অমসুং রাজ্য থাক্কী পি.এম. গতিশক্তীগী মখাদা লৈবা ইন্সতিত্যুস্নেল ফ্রেমৱর্ক অসি হৌজিক মথৌ নীংথিনা তৌবা হৌরে অমসুং মসিনা পোলিসী অসিবু থবক্তা ওন্থোকপগী থৌওংসু য়েংশিনগদবনি। মসিনা স্তেকহোলদর খুদিংনা পোলিসী অসিবু খোঙজেল য়াঙনা অমসুং নীংথিনা ইন্দুনা চৎপা ঙমহনগনি।

পোলিসী অসিনা মাইক্রো, স্মোল অমসুং মেদিয়ম ইন্তর্প্রাইস, অমসুং লৌউ-শিংউ অমদি মরী লৈনবা সেক্তর, ফাস্ত মুবিং কস্তমর গুদ অমসুং ইলেক্ত্রোনিক্সকুম্বা অতোপ্পা সেক্তরশিংগী মরক্তা চাংয়েংনবগী থৌওংশিংবুসু হেনগৎহনবদা তেংবাংগনি। প্রেদিক্তেবিলিতী, ত্রান্সপরেন্সী অমসুং রিলাইএবিলিতী হেনবগা লোয়ননা, সপ্লাই চেন্দা ৱেস্তেজ থোকপা অমসুং অচৌবা ইনভেন্তরীগী তঙাই ফদবা লৈবগী মতৌবুসু মসিনা হন্থহনগনি।

লৈবাক্কী শেন্মিৎলোন হেন্না খোঙজেল য়াঙনা চাউখৎহনবদা তেংবাংবগী মথক্তা গ্লোবেল ভেল্যু চেনবু হেন্না চাউনা ইন্তিগ্রেত তৌবা অমসুং গ্লোবেল ত্রেদতা হেন্না চাউবা শরুক ফংবা হায়বসিসু পোলিসী অসিগী অতোপ্পা পান্দম অমনি।

মসিনা গ্লোবেল বেঞ্চমার্ক ফংনবা লোজিস্তিক্স কোস্ত হন্থহনগনি অমসুং লৈবাক্কী লোজিস্তিক্স পরফোর্মেন্স ইন্দেক্স রেঙ্কিংগা লোয়ননা মালেমদা লৈরিবা থাকপুসু ফগৎহনগনি হায়বগী থাজবা থম্লি। পোলিসী অসিনা ভারতকী লোজিস্তিক্স সেক্তরদা অচৌবা অহোংবা পুরক্নবা, লোজিস্তিক্স ইফিসিএন্সী হেন্না ফগৎহন্নবা, লোজিস্তিক্স কোস্ত হন্থহন্নবা অমসুং গ্লোবেল পরফোর্মেন্স হেন্না ফগৎহন্নবা ময়েক শেংবা খোঙথাং কয়া পল্লি।

*****