ಪಿಎಂಇಂಡಿಯಾ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟ ಸಭೆ, ನವದೆಹಲಿಯ ಭಾರತೀಯ ಕೃಷಿ ಸಂಶೋಧನಾ ಸಂಸ್ಥೆ (ಐ.ಎ.ಆರ್.ಐ.)ಯಿಂದ ಎರಡು ಎಕರೆ ಜಮೀನನ್ನು ಭಾರತೀಯ ಪಶುವೈದ್ಯ ಮಂಡಳಿ(ವಿ.ಸಿ.ಐ.)ಗೆ ಪ್ರತಿ ಚದರ ಮೀಟರ್ ಗೆ ಪ್ರತಿ ವರ್ಷಕ್ಕೆ 1 ರೂಪಾಯಿಯಂತೆ 99 ವರ್ಷಗಳ ಅವಧಿಗೆ ಒಟ್ಟು 8,01,278/-ರೂಪಾಯಿಗಳಿಗೆ ಗುತ್ತಿಗೆ ಆಧಾರದ ಮೇಲೆ ಹಸ್ತಾಂತರಿಸುವ ಪ್ರಸ್ತಾಪಕ್ಕೆ ತನ್ನ ಅನುಮೋದನೆ ನೀಡಿದೆ.

ಪ್ರಾಣಿ ವಿಜ್ಞಾನಗಳ ಸಂಶೋಧನಾ ಕ್ಷೇತ್ರದಲ್ಲಿನ ಇತ್ತೀಚಿನ ಮಾಹಿತಿಯ ಮೇಲೆ ಅಲ್ಪಾವಧಿಯ ಕೋರ್ಸ್ ನಡೆಸಲು ಕರ್ತವ್ಯದಲ್ಲಿರುವವರ ಕೌಶಲವನ್ನು ಮೇಲ್ದರ್ಜೆಗೇರಿಸುವ ಸಂಬಂಧದ ತನ್ನ ಚಟುವಟಿಕೆಗಳನ್ನು ವಿ.ಸಿ.ಐ. ವಿಸ್ತರಿಸಲಿದೆ. ಈ ಸೌಲಭ್ಯಗಳನ್ನು ನೆಲೆಗೊಳಿಸಿದ ತರುವಾಯ ವಿ.ಸಿ.ಐ., ಹೆಚ್ಚುವರಿ ಚಟುವಟಿಕೆ ಆರಂಭಿಸಲಿದೆ ಮತ್ತು ಅದರ ಫಲವನ್ನು ದೇಶದ ಗ್ರಾಮೀಣ ಜನತೆಗೆ ತಲುಪಿಸಲಿದ್ದು, ಇದು ದೇಶದಲ್ಲಿ ಉದ್ಯೋಗ ಸೃಷ್ಟಿ ಮತ್ತು ಆರ್ಥಿಕ ಪ್ರಗತಿಗೆ ಇಂಬು ನೀಡಲಿದೆ.

AKT/VBA/SH