ভারতকী প্রধানমন্ত্রী

ইকায় খুম্ননীংঙাই ওইরবা প্রধান মন্ত্রী লাপিদ,

ইকায় খুম্ননীংঙাই ওইরবা শৈখ মুহম্মদ বিন জায়েদ অল নহয়ান,

ইকায় খুম্ননীংঙাই ওইরবা রাস্ত্রপতি বাইদেন,

অহানবমক্তদা, ঐহাক্না প্রধান মন্ত্রী লাপিদপু প্রধান মন্ত্রীগী থৌ পুবা হৌবগীদমক্তা থাগৎপগা লোয়ননা য়াইফ পাউজেল পীজরি।

ঙসিগী সম্মিত অসিবু হোস্ত তৌবগীদমক্তা ঐহাক্না মহাকপু থম্মোই শেংনা থাগৎচরি।

ঙসিগী সম্মিত অসি স্ত্রেতজিক পার্ত্নরশিংগী তসেংবা মীফম অমনি।

ঐখোয় পুম্নমক লুনা তিন্নবা মরুপসু ওই, লোয়ন-লোয়ননা ঐখোয় পুম্নমক্কী মিৎয়েং অমসুং ৱাখল্লোন্সু মান্নৈ।

ইকায় খুম্ননীংঙাই ওইরবশিং,

ঙসিগী অহানবা “আই-২-য়ু-২” সম্মিৎ অসিমক্তগী কান্নবা পুরক্কদবা থৌরমগী কয়াগী পরিং য়াৎপা হৌখ্রে।

ঐখোয়না সেক্তর কয়াগী জোইন্ত প্রোজেক্ত মশক খঙদোক্লে, মখোয়শিংবু হেন্না চাউখৎহন্নবা রোদমেপসু শেম্লে।

“আই-২-য়ু-২” ফ্রেমৱর্ক্কী মখাদা ঐখোয়না ঈশিং, ইনর্জী, ত্রান্সপোর্তেসন, স্পেস, হকশেল অমসুং ফুদ সেক্যুরিতীগী মরু ওইবা সেক্তর ৬তা জোইন্ত ইনভেস্তমেন্ত পাংথোক্নবা য়ারকপা পুরক্লে।

“আই-২-য়ু-২”গী মিৎয়েং অমসুং থবক্কী পরিংনা প্রোগ্রেসিব অমসুং প্রেক্তিকেল ওই হায়বা ময়েক শেংলবনি।

ঐখোয়গী লৈবাকশিংগী মশাগী মপাঙ্গল – কেপিতেল, এক্সপর্তাইস অমসুং মার্কেত – অসিবু শিজিন্নদুনা ঐখোয়গী থবক্কী পরিংবু খোঙজেল হেন্না য়াঙহনবা য়াগনি অমসুং মালেমগী শেন্মিৎলোন্দা মশক থোক্না তেংবাংবা ঙমগনি।

মালেমগী তংদু লৈতাদবগী ফিভম হেনগৎলক্লিবা অসিগী মরক্তা ঐখোয়গী কোর্পোরেতিব ফ্রেমৱর্ক্না থবক ওইনা তসেংনা তেংবাংনবগী অফবা মোদেল অমসু ওইরিবনি।

ঐখোয়না “আই-২-য়ু-২”গী মতেংদগী ঈশিং, ইনর্জী, ত্রান্সপোর্তেসন, স্পেস, হকশেল অমসুং ফুদ সেক্যুরিতীগী লমদা মালেমগী থাক্তা মশক থোক্না তেংবাংবা ঙমগনি হায়বগী ঐহাক্না অচেৎপা থাজবা থম্লি।

থাগৎচরি!

***