ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা নেচরেল ফার্মিং কনক্লেবতা ৱা ঙাংখ্রে। গুজরাতকী সুরত্তা পাঙথোকখিবা কনক্লেব অদুদা সুরত্তা মহৌশাগী লৌউ-পথাপ পাইখৎখিবদা মাই পাকখ্রবা লৌমী অমসুং অতোপ্পা স্তেকহোল্দর পুম্নমক্না শরুক য়াবা উবা ফংখি। কনক্লেব অদুদা গুজরাতকী রাজ্যপাল অমসুং মুখ্য মন্ত্রীনা শরুক য়াখি।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসিগী প্রোগ্রাম অসিনা করম্না গুজরাতনা অমৃত কালগী পান্দমশিং ফংনবা লৈবাক্কী ফিরেপতা লমজিংবগে তাক্লি। প্রধান মন্ত্রীনা হায়খি, “সুরতনা পঞ্চায়ত খুদিংদা লৌমী ৭৫তা মহৌশাগী লৌউ-পথাপ শীজিন্নহনবগী মাইপাকপনা লৈবাক পুম্বগী খুদম অমা ওইরগনি”। মহাক্না সর্পঞ্চশিংনা লৌরিবা থৌদাংগী মতাংদা ৱাফমশিং থমখি অমসুং লৌউ-শিংউ তৌবদা মহৌশাগী ওইবা পাম্বৈ শীজিন্নবগী মাইকৈদা মাংদা চংশিন্নবগীদমক থাগৎপা ফোঙদোকখি।

প্রধান মন্ত্রীনা হায়, “নীংতম্বগী চহি ৭৫ শুরকপগা মরী লৈননা লৈবাক্না তুংনা লাক্কদবা মতমশিংদা অচৌবা অহোংবশিং পুরক্নবগী য়ুম্ফম থোনগদবা পান্দম কয়াদা থবক পাইখৎপা হৌখি। লৈবাক্কী চাউখৎপগী অমসুং খোঙজেল অসিগী হৌরকফম ‘সবকা প্রয়াস’কী ৱাখল্লোন অসিনা ওইরি, মসিনা ঐখোয়গী চাউখৎপগী খোঙচৎ অসিবু লমজিংলি”। মরম অসিনা গ্রাম পঞ্চায়তশিংনা লায়রবা অমসুং শোত্থরবশিংগী য়াইফ-থৌরাংগী প্রোজেক্তশিংদা মরু ওইবা থৌদাং লৌরি।

মহাক্না হায়খি মদুদি লোকেল বোদীশিংনা পঞ্চায়ত খুদিংমক্তগী লৌমী ৭৫ খনখৎতুনা মখোয়দা ত্রেনিং অমসুং অতোপ্পা রিসোর্সশিং ফংহন্দুনা হেন্দ-হোল্দিং তৌবদা অচৌবা থৌদাং অমা লৌখি। মসিনা পঞ্চায়ত ৫৫০দা লৈবা লৌমী লিশিং ৪০ হেনবনা মহৌশাগী লৌউ পথাপতা পাইখৎপগী ফীভম অমা ওইহল্লকপা ঙমখি। মসি অফবা অহৌবা অমনি অমসুং য়াম্না পুক্নিং থৌগৎনীংঙাই ওই। মহৌশাগী লৌউ-পথাপকী সুরত মোদেল অসিনা লৈবাক পুম্বগী মোদেল অমা ওইরগনি, হায়না মহাক্না হায়খি।

প্রধান মন্ত্রীনা হায়খি জন ভাগীদারিগী শক্তিগা লোয়ননা অচৌবা প্রোজেক্তশিং পাইখৎপা মতমদা লৈবাক অসিমক্কী মীয়াম্না মখোয়বু মাইপাকপা ঙমহল্লি। শ্রী মোদীনা মীয়াম্না মরু ওইবা থৌদাং লৌরিবা জল জীবন মিসনগী প্রোজেক্তপু খুদম ওইনা পীখি। মসিগা মান্ননা “দিজিতেল ইন্দিয়া মিসন্না অখন্ননা মাইপাকপা অসি খুঙ্গংদা অহোংবা পুরকপা অসি অরায়বা নত্তে হায়না ফোঙদোকখিবা মীওইশিংদা পীবা লৈবাক অসিগী পাউখুমনি। খুঙ্গংশিংনা অওনবা পুরকপা খক নত্তনা অহোংবা পুরকপদা মাংজিল থাবা য়াই হায়বা ঐখোয়গী খুঙ্গংশিংনা উৎখি”। প্রধান মন্ত্রীনা মহৌশাগী লৌউ পথাপ পাউখৎপদা জন অন্দোলন খোঙজং য়াওরকপনা তুংদা অচৌবা মাইপাকপা পুরকপা ঙমগনি হায়না থাজবা ফোঙদোকখি। খোঙজং অসিদা ঙন্না য়াওহৌবা লৌমীশিংনা চাউনা কান্নবা ফংগনি, হায়না মহাক্না ফোঙদোকখি।

প্রধান মন্ত্রীনা হায়খি মদুদি, “ঐখোয়গী পুন্সি, ঐখোয়গী হকশেল, ঐখোয়গী খুন্নাইগী হৌরকফম অসি ঐখোয়গী লৌউ-শিংউগী পথাপ অসিনা ওইরি। ভারত অসি মহৌশা অমসুং চৎনবীগী মতুং ইন্না লৌউ-শিংউদা য়ুম্ফম ওইবা লৈবাক অমা ওইদুনা লাকখি। মরম অসিনা ঐখোয়গী লৌমীশিংনা খুমাং চাউশিল্লকপা, ঐখোয়গী লৌউ-শিংউনা খুমাং চাউশিল্লকপা অমসুং চাউখৎলকপগা লোয়ননা ঐখোয়গী লৈবাকসু খুমাং চাউশিল্লক্কনি”। মহাক্না লৌমীশিংদা মহৌশাগী লৌউ পথাপ অসি ঐখোয়গী পৃথিবী ইমা চাউখৎহন্নবা লোয়ননা ইকাই খুম্ননবা অমসুং শেবা তৌনবা পাম্বৈ অমনি। মহাক্না হায়খি, “নখোয়না মহৌশাগী লৌউ-পথাপ পাইখৎপা মতমদা, অদোম্না পৃথিবী ইমাগী শেবা তৌই, লৈহৌগী ক্বালিতী, মাগী পোত্থোক ঙাকশেল্লি। নখোয়না মহৌশাগী লৌউ-পথাপ পাইখৎপা মতমদা নখোয়না মহৌশা অমসুং অকোইবগী ফীভমগী শেবা তৌই। নখোয়না মহৌশাগী লৌউ-পথাপ পাইখৎপা মতমদা নখোয়না গৌমাতা শেবা তৌবগী খুদোংচাবসু ফংলি”।

প্রধান মন্ত্রীনা মালেম পুম্বনা সস্তেনেবল লাইফস্তাইলগী মতাংদা ঙাংনরি হায়খি। মহাক্না হায়, “চহিচা কয়াদগী লম অসিদা ভারতনা মালেমবু লমজিংদুনা লাকখি, মরম অসিনা হৌজিক ঐখোয়না মহৌশাগী লৌউ-পথাপকী লম্বেলদা মাংদা চংশিনবগী অমসুং থোরক্লিবা মালেমগী ওইবা খুদোংচাবশিং অসি মপুং ফানা লৌনবগী মতম ওইরে”। শ্রী মোদীনা ত্রেদিস্নেল ফার্মিংগী রিসোর্সশিং অমসুং ত্রেনিং পীরিবা ‘পরম্পরাগত কৃশি বিকাস য়োজনা’ অসিগুম্বা স্কিমশিংগী মওংদা মহৌশাগী লৌউ-শিংউগী পথাপ চাউখৎহন্নবা সরকারনা পাইখৎলিবা থৌশিলশিংগী মরমদসু ফোঙদোকখি। লৌমী লাখ কয়াদা কান্নবা পীনবা স্কিম অসিগী মখাদা লৈবাক শিনবা থুংবদা ক্লস্তর লিশিং ৩০ শেমখি। ‘পরম্পরাগত কৃশি বিকাস য়োজনা’গী মখঅদা হেক্ত লাখ ১০ কোনশিনগনি। প্রধান মন্ত্রীনা হায়খি, মহৌশাগী লৌউ পথাপ অসি তোখাইবা কেম্পেন অমা ওইনা গঙ্গা তুরেল তোর্বান্দা নেচরেল ফার্মিং কোরিদোর শেমগৎনবা পাইখৎখি নমামি গঙ্গা প্রোজেক্তকা মরী লৈনৈ।

প্রধান মন্ত্রীনা মহৌশাগী লৌউ-পথাপকী পোত্থোক্কী সর্তিফিকেসনগীদমক ক্বালিতী এস্যুরেন্স সিস্তেমগীদমক্তসু খঙহনখি। মহাক্না হায়, সর্তিফাইদ প্রদক্তশিংবু লৌমীশিংনা মপালদা থাদোকপা মতমদা মমল কানা য়োনবা য়াই।

ভারতকী শাস্ত্রশিং অমসুং নাৎতা লোৎতুনা লৈরিবা মহৌশাগী লৌউ পথাপকী লৌশিং অদুবু নীংশিংলদুনা প্রধান মন্ত্রীনা ইন্সতিত্যুসনশিং, এন.জি.ও.শিং অমসুং এক্সপর্তশিংনা অরিবা মতমগী লৌশিংদা অমসুং মতমগা চুনবা দিমান্দশিং অসিগী মতুং ইন্না লৌমীশিংগা করম্না পাউ ফাওদোক্নগনি হায়বা অসিগী মতাংদা রিসর্চ তৌনবা হায়খি। লৌমী ৭৫না পঞ্চায়ত খুদিংদা মহৌশাগী লৌউ পথাপ পাইখৎপা হৌরকপা অসি অথুবদা অথুবদা শরুক কয়া হেনগৎলক্লগনি মরমদি কেমিকেল-ফ্রী নেচরেল প্রদক্তশিংগী দিমান্দ হেনগৎলকপা য়ানা লৈ হায়না মহাক্না থাজবা ফোঙদোকখি। 

প্রধান মন্ত্রীনা আজাদী কা অমৃত মহোৎসবকী শরুক অমা ওইনা মার্চ ২০২২দা গুজরাত পঞ্চায়ত মহাসম্মেল্লন্দা ৱা ঙাংখিবদা খুঙ্গং খুদিংগী য়ামদ্রবদা লৌমী ৭৫না মহৌশাগী লৌউ পথাপ পাইখৎনবা হায়খিবনি। প্রধান মন্ত্রীগী অসিগুম্বা মঙলান্না লমজিংদুনা, সুরত জিলানা লমদমসিগী লৌমীশিংদা নেচরেল ফার্মিং পাইখৎহনবদা তেংবাংবা ঙম্নবগীদমক্তা জিলা অসিগী মনুং চন্না লৈবা লৌমী কাঙলুপ, মীয়াম্না খনগৎলবা মীহুৎ, তলাথী, এগ্রিকলচর প্রোদ্যুস মার্কেতিং কম্মিতী (এ.পি.এম.সি.), কো-ওপরেতিব বেঙ্কনচিংবা তোঙানবা স্তেকহোলদর অমসুং ইস্তিত্যুসনশিংবু মরী লৈনবা ৱাফম খঙহনবগা লোয়ননা পুক্নিং থৌগৎপগী অচৌবা অমসুং নীংথিনা থৌরাং য়াৎলবা খোঙথাং পাইখৎখি। মসিগী মহৈ ওইনা, গ্রাম পঞ্চায়ত খুদিংগী য়ামদ্রবদা লৌমী ৭৫ মশক খঙদোকখি অমসুং মহৌশাগী লৌউ পথাপ পাইখৎনবগীদমক্তা পুক্নিং থৌগত্তুনা ত্রেনিং পীখি। লৌমীশিংবু তোঙানবা ক্লস্তর ৯০দা ত্রেনিং পীখি অমসুং অপুনবা থৌওং অসিনা জিলা অসিগী অপুনবা লৌমী ৪১,০০০দা ত্রেনিং পীবা ঙমখি।

Addressing the Natural Farming Conclave. https://t.co/p2TaB5o2QV

— Narendra Modi (@narendramodi) July 10, 2022

आज़ादी के 75 साल के निमित्त, देश ने ऐसे अनेक लक्ष्यों पर काम करना शुरू किया है, जो आने वाले समय में बड़े बदलावों का आधार बनेंगे।

अमृतकाल में देश की गति-प्रगति का आधार सबका प्रयास की वो भावना है, जो हमारी इस विकास यात्रा का नेतृत्व कर रही है: PM @narendramodi

— PMO India (@PMOIndia) July 10, 2022

डिजिटल इंडिया मिशन की असाधारण सफलता भी उन लोगों को देश का जवाब है जो कहते थे गाँव में बदलाव लाना आसान नहीं है।

हमारे गांवों ने दिखा दिया है कि गाँव न केवल बदलाव ला सकते हैं, बल्कि बदलाव का नेतृत्व भी कर सकते हैं: PM @narendramodi

— PMO India (@PMOIndia) July 10, 2022

हमारा जीवन, हमारा स्वास्थ्य, हमारा समाज सबके आधार में हमारी कृषि व्यवस्था ही है।

भारत तो स्वभाव और संस्कृति से कृषि आधारित देश ही रहा है।

इसलिए, जैसे-जैसे हमारा किसान आगे बढ़ेगा, जैसे-जैसे हमारी कृषि उन्नत और समृद्ध होगी, वैसे-वैसे हमारा देश आगे बढ़ेगा: PM @narendramodi

— PMO India (@PMOIndia) July 10, 2022

जब आप प्राकृतिक खेती करते हैं तो आप धरती माता की सेवा करते हैं, मिट्टी की क्वालिटी, उसकी उत्पादकता की रक्षा करते हैं।

जब आप प्राकृतिक खेती करते हैं तो आप प्रकृति और पर्यावरण की सेवा करते हैं।

जब आप प्राकृतिक खेती से जुड़ते हैं तो आपको गौमाता की सेवा का सौभाग्य भी मिलता है: PM

— PMO India (@PMOIndia) July 10, 2022

***********