ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ‘উদয়মী ভারত’ প্রোগ্রামদা শরুক য়াখ্রে অমসুং ‘রাইজিং অমসুং এক্সেলরেতিং এম.এস.এম.ই. পরফোর্মেন্স’ (আর.এ.এম.পি.) স্কিম, ‘কেপাসিতী বিলদিং ওফ ফর্স্ত-তাইম এম.এস.এম.ই. এক্সপোর্তর’ (সি.বি.এফ.তি.ই.) স্কিম অমসুং এম.এস.এম.ই. সেক্তরবু হেন্না চাউখৎহন্নবা ‘প্রধান মন্ত্রীগী ইমপ্লোয়মেন্ত জেনেরেসন প্রোগ্রাম’ (পি.এম.ই.জি.পি.)গী অনৌবা খুদোংচাবগুম্বা মরু ওইবা খোঙথাং কয়াসু হৌদোকখ্রে। মহাক্না পি.এম.ই.জি.পি.গী বেনিফিশরীশিংগীদমক্তা ইং ২০২২-২৩গী তেংবাংশিংসু দিজিতেলগী খুত্থাংদা পীথোকখ্রে; এম.এস.এম.ই. আইদিয়া হেক্কাথোন, ২০২২গী মহৈ লাউথোকখ্রে; নেস্নেল এম.এস.এম.ই. এৱার্দ, ২০২২ য়েন্থোকখ্রে; অমসুং সেল্ফ রিলাইএন্ত ইন্দিয়া (এস.আর.আই.) ফন্দগী এম.এস.এম.ই. ৭৫দা দিজিতেল ইক্বিতী সর্তিফিকেত পীথোকখ্রে। কেন্দ্র মন্ত্রী, শ্রী নরায়ন রানে অমসুং শ্রী ভানু প্রতাপ সিংহ ভর্মা, লৈবাক শিনবা থুংবগী এম.এস.এম.ই.গী স্তেকহোলদর, অমসুং তোঙানবা লৈবাকশিংগী দিপ্লোমেতশিংনা ঙসিগী থৌরমদা শরুক য়াখি।

প্রধান মন্ত্রীনা তিল্লিবা মীয়ামদা ৱা ঙাঙবদা এম.এস.এম.ই.না হোৎনরিবশিংনা আত্মানির্ভরগী মরু ওইবা শাফু ওইগনি হায়না ফোংদোকখি। ২১শুবা চহি-চাগী ভারতনা ফংদৌরিবা অৱাংবা থাক্কী মায় পাকপা খুদিংমক এম.এস.এম.ই. সেক্তরনা মায় পাকপগী মখা পোনগনি হায়না মহাক্না হায়খি। ভারতকী এক্সপোর্ত হেনগৎনবগীদমক্তা অমসুং ভারতকী পোত্থোকশিংনা অনৌবা কৈথেলদা য়ৌনবগীদমক্তা এম.এস.এম.ই. সেক্তরনা মপাঙ্গল কনবা হায়বসি য়াম্না মরু ওইবনি হায়বা ৱাফমদা মহাক্না মিৎয়েং চঙখি। “অদোমগী তৌবা ঙম্বগী মতিক অমসুং সেক্তর অসিগী মশিং থীঙমদনা ওইথোকপা য়াবশিংবু খঙলদুনা ঐখোয়না ৱারেপ কয়া লৌরি অমসুং অনৌবা পোলিসী কয়া শেম্লি”, হায়না মহাক্না মখা তাখি। ঙসি হৌদোকখ্রিবা খোঙথাং অমসুং সরকারনা পায়খৎলিবা অতোপ্পা থবক-থৌরমশিং অসিগা এম.এস.এম.ই.গী ক্বালিতী অমসুং মখোয়বু পুক্নিং থৌগৎপগা মরী লৈনৈ হায়না মহাক্না ফোংদোকখি।

ঐখোয়না পন্নরিবা এম.এস.এম.ই. হায়বসিগী তেক্নিকেল ওইবা অশাংবা মওংদি মাইক্রো স্মোল অমসুং মিদিয়ম ইন্তর্প্রাইস হায়বনি হায়না প্রধান মন্ত্রীনা হায়খি। অদুবু, মসিনা ভারতকী চাউখৎপগী খোঙচৎকী অচৌবা য়ুম্ফম অমা ওইরি। ভারতকী শেন্মিৎলোন্দা এম.এস.এম.ই.গী চাউরাকপা শরুক অহুম থোকপগী শরুক অমা ওই। এম.এস.এম.ই. সেক্তরবু মপাঙ্গল লৈহনবা হায়বসি অপুনবা খুন্নাইবু মপাঙ্গল লৈহনবনি, মসিনা চাউখৎপনা মীওই খুদিংদা কান্নবা ফংহল্লি। মরম অদুনা, সেক্তর অসিদা সরকারনা খ্বাইদগী অহেনবা মিৎয়েং চঙলিবনি হায়না মহাক্না হায়খি।

এম.এস.এম.ই. সেক্তরবু মপাঙ্গল হাপ্নবগীদমক্তা মমাংগী চহি নিপান্দা ঐখোয়গী সরকারনা মসিগী বজেৎপু ৬৫০% চাংদা হেনগৎহনখ্রে হায়না প্রধান মন্ত্রীনা পাউদমখি। “এম.এস.এম.ই. হায়বসি ঐখোয়গী ওইনদি মেক্সিমম সপ্পোর্ত তু স্মোল মাইক্রো অমসুং মিদিয়ম ইন্তর্প্রাইস হায়বনি”, হায়না প্রধান মন্ত্রীনা মিৎয়েং চঙখি।

লৈবাক্কী মীওই করোর ১১ হেনবগা সেক্তর অসিগা মরী লৈনৈ হায়না তম্লদুনা, প্রধান মন্ত্রীনা এম.এস.এম.ই.না থবক পীবগী মতাংদা য়াম্না মরু ওইবা ফম কল্লি হায়খি। লাইচৎ মনুংদা, সরকারনা অপীকপা ইন্তর্প্রাইস খুদিংবু কনবগা লোয়ননা মপাঙ্গল হাপ্নবা ৱারেপ লৌখি। কেন্দ্র সরকারনা ইমর্জেন্সী ক্রেদিত লাইনগী মখাদা এম.এস.এম.ই.শিংগীদমক্তা লুপা করোর লাখ ৩.৫গী শেনফম শোইদনা খাক্তুনা থমখি হায়না মহাক্না হায়খি। রিপোর্ত অমগী মখা পোনবা ৱাফম অমনা মসিনা থবক করোর ১.৫ কনবা ঙমখি হায়না প্রধান মন্ত্রীনা পাউদমখি। ভারতকী নীংতম্বগী ‘অমৃত কাল অসিদা লৌখিবা ৱারেপ খুদিংমক মঙফাওনহন্নবগীদমক্তা এম.এস.এম.ই.না অচৌবা পাম্বৈ অমা ওইরি হায়না মহাক্না হায়খি।

মমাংগী সরকারনা সেক্তর অসিগী মরু ওইবশিং খঙলমদে অমসুং অপীকপা ইন্তর্প্রাইসশিংবু পীক্না অদুমক লৈহনবা পোলিসী শেমদুনা সেক্তর অসিবু চাউখৎপদগী থীংদুনা থম্লম্মি হায়না প্রধান মন্ত্রীনা নীংশিংখি। হীরম অসিদা মরী লৈনবা মিৎয়েং চঙনবগীদমক্তা, এম.এস.এম.ই.গী ৱাহন্থোক হোংদোকখি। করিগুম্বা ইন্দস্ত্রী অমনা চাউখৎপা পাম্লবা, পাকথোক-চাউথোকপা পাম্লবা, মসিদা সরকারনা হান্নদগী শৌগৎলিবগী মথক্তা পোলিসী কয়াদা তঙাই ফদবা রিফোর্ম কয়াসু পুরক্লি হায়না প্রধান মন্ত্রীনা হায়খি। জি.ই.এম. প্লেতফোর্ম অসিদা সরকারদা গুদ অমসুং সর্ভিস কয়া পীনবা মপাঙ্গল লৈবা প্লেতফোর্ম অমা এম.এস.এম.ই.গী লৈ হায়না প্রধান মন্ত্রীনা অখন্ননা পাউদমখি। মহাক্না এম.এস.এম.ই. খুদিংনা জি.ই.এম. পোর্তেলদা মিং চন্নবা হায়খি। মান্নবা থৌওং ওইনা, লুপা করোর ২০০দগী তাবা প্রোজেক্তশিংগী গ্লোবেল তেন্দরদা অথিংবা থম্বনা এম.এস.এম.ই.দা তেংবাংগনি।

এম.এস.এম.ই.শিংনা মখোয়গী এক্সপোর্ত হেনগৎহন্নবগীদমক্তা সরকারনা খোঙথাং কয়া পায়খৎলি হায়না প্রধান মন্ত্রীনা হায়খি। মীরমদা লৈবা ভারতকী মিসনশিংদা হীরম অসিগী মতাংদা থবক পাংথোক্নবা খঙহনখ্রে। মীরমদা লৈরিবা ভারতকী মিসনশিংবু ত্রেদ, তেক্নোলোজী অমসুং তুরিজম হায়রিবা পেরামীতর অহুমগী মখা পোন্না য়েংশিল্লি হায়না প্রধান মন্ত্রীনা মখা তাখি।

প্রধান মন্ত্রী রোজগার স্রিজন কার্য়ক্রম্বু ইং ২০০৮-২০১২গী মতমদা মশাগী পান্দম ফংবা ঙমদবদগী প্রোগ্রাম অসিবু ইং ২০১৪দা নৌনা শেমদোকখি হায়না প্রধান মন্ত্রীনা পাউদমখি। ইং ২০১৪দগী হৌদুনা, প্রোগ্রাম অসিগী মখাদা থবক লাখ ৪০ হেন্না লৈহনখি। মতমসিগী মনুংদা, হায়রিবা ইন্তর্প্রাইসশিং অসিদা লুপা করোর ১৪,০০০গী মার্জিন মনী সবসিদী পীখি। স্কিম অসিগী মনুং চনবা পোত্থোকশিংগী মমলগী অকক্নবশিংসু হেনগৎখি হায়না মহাক্না মখা তানা পনখি।

ইনক্লুসিব দিভেলপমেন্তকী মতাংদা ৱা ঙাঙবদা। প্রধান মন্ত্রীনা ত্রান্স-জেন্দর ইন্তর্প্রাইসশিংদা মখোয়গী পান্দম ফংবা ঙম্নবা পাংবা য়াবা মতেং খুদিং পাংখি হায়না ফোংদোকখি।

খাদী অমসুং খুঙ্গংগী ইন্দস্ত্রীশিংগী তর্নওভরনা অহানবা ওইনা হৌজিক লুপা করোর লাখ ১ হেনখ্রে হায়না প্রধান মন্ত্রীনা হায়খি। “ঐখোয়গী খুঙ্গংগী অপীক-অপীকপা ইন্দস্ত্রী অমসুং ঐখোয়গী ইচে-ইচলশিংনা কন্না হোৎনবদগী মসি ওইথোক্লিবনি। মমাংগী চহি ৮দা খাদী য়োনবগী চাংদা শরুক ৪ হেনখি”।

খুন্নাইগী মপাঙ্গল শোনবা মীওইশিংনা ওন্তোপ্রিনর অমা ওইনবা হোৎনবদা গেরেন্তী য়াওদনা লোন লৌনবা হোৎনবদা অচৌবা অয়েৎপা কয়া থেংনরম্মি হায়না প্রধান মন্ত্রীনা হায়খি। ইং ২০১৪গী মতুংদা, সবকা সাথ, সবকা বিকাস, সবকা বিশ্বাস অমসুং সবকা প্রয়াসকী খুত্থাংদা ওন্তোপ্রিনরশিপকী স্কোপ হেন্না পাকথোক-চাউথোকহন্নবা ৱারেপ লৌখি। মুদ্রা য়োজনানা ভারত মচা খুদিংবু ওন্তোপ্রিনর লায়না ওইহনবদা অচৌবা থৌদাং য়াগনি হায়না মহাক্না হায়খি। গেরেন্তী য়াওদনা বেঙ্ক লোন পীবগী মসিগুম্বা স্কিম্না লৈবাক অসিদা নুপী, দলিত, শোত্থরবা, ত্রাইবেল ওন্তোপ্রিনরগী মশিং য়াম্লবা কাঙলুপ অমা শেম্লি। স্কিম অসিগী মখাদা হৌজিক ফাওবদা চাউরাকপা লুপা করোর লাখ ১৯গী শেনফম্বু লোন ওইনা পীথোকখ্রে। লোন লৌবশিংগী মরক্তা, পুন্সিগী অহানবা ওইনা ইন্তর্প্রাইস হৌদোক্তুনা হৌজিক্না অনৌবা ওন্তোপ্রিনর ওইরবা চাউরাক্না মীওই করোর ৭ য়াওরি হায়না মহাক্না মখা তাখি। অদুগা উদয়ম পোর্তেলদা রেজিস্তর তৌরক্লিবা অপুনবা মীওইগী মরক্তগী ১৮% হেনবদি নুপী ওন্তোপ্রিনর ঙাক্তনি হায়না মহাক্না অখন্ননা পাউদমখি। “ওন্তোপ্রিনরশিপ্তা ইনক্লুসিবনেস লৈবা অমসুং ইকোনোমিক ইনক্লুজন হায়বসি সোসিএল জস্তিসকী তসেংবা ৱাহন্থোক অমনি”, মহাক্না হায়খি।

“সরকারনা অদোমগী তঙাই ফদবশিং পীবা ঙমগদবা পোলিসী শেম্নবা শেম-শাদুনা লৈরি, ৱারেপ লৌনবা শেম-শাদুনা লৈরি অমসুং অদোমগী খুৎ পায়দুনা থৱাই য়াওনা চৎমিন্ননবা শেম-শাদুনা লৈরি হায়না ঐহাক্না ঙসি প্রোগ্রাম অসিগী খুত্থাংদা এম.এস.এম.ই. সেক্তরগা মরী লৈনবা ঐখোয়গী ইচিল-ইনাওশিংদা থাজবা পীজরি। ওন্তোপ্রিনর ওইবা ভারত মচা খুদিংগী মায় পাকপা খুদিংনা ঐখোয়বু আত্মানির্ভর ভারতকী মাইকৈদা পুগনি। ঐহাক্না অদোম অমসুং অদোমগী তৌবা ঙম্বগী মতিক্তা থাজৈ”, হায়রদুনা প্রধান মন্ত্রীনা মহাক্কী ৱারোল লোইশিনখি।

প্রোগ্রামগী বেকগ্রাউন্দ:

সরকারনা অহানবা নুমিত্তগী হৌদুনা এম.এস.এম.ই.গী মপাঙ্গল হাপ্নবা খোঙফম চেৎনা অমসুং লেপ্তনা হোৎনদুনা লাক্লি হায়বসি ‘উদয়মী প্রোগ্রাম’ অসিদা মমি তারি। মুদ্রা য়োজনা, ইমর্জেন্সী ক্রেদিত লাইন গেরেন্তী স্কিম। স্কিম ওফ ফন্দ ফোর রিজেনেরেসন ওফ ত্রেদিস্নেল ইন্দস্ত্রীজ (এস.এফ.য়ু.আর.তি.আই.)নচিংবা স্কিম কয়া এম.এস.এম.ই. সেক্তরশিংদা তঙাই ফদবা অমসুং মতম চাবা মতেং পীনবা খোঙথাং কয়া সরকারনা মতম-মতমগী হৌদোকখ্রে অমসুং পুম্নমক অসিনা লৈবাক শিনবা থুংবগী মীওই ক্রোর কয়াদা কান্নবা ফংবদা তেংবাংখি।

চাউরাকপা লুপা করোর ৬০০ কায়থোকপা ‘রাইজিং অমসুং এক্সেলরেতিং এম.এস.এম.ই. পর্ফোরমেন্স’ (আর.এ.এম.পি.) স্কিম্না হৌজিক লৈরিবা এম.এস.এম.ই. স্কিমগী কান্নবা পীবগী থৌওং হেনগৎহনবগা লোয়ননা স্কিমশিংগী থবক পায়খৎপগী থৌওং পাকথোক-চাউথোকহনবা অমসুং রাজ্যশিংদা এম.এস.এম.ই. মশিং হেনগৎহনবগী পান্দম থম্লি। এম.এস.এম.ই.শিংবু কম্পিতিতিব ওইবা অমসুং মরোমদোম লেপচবা ঙম্বগী চাং হেনগৎহন্নবা ক্বালিতী স্তেন্দর্দ শেম্বা, প্রেক্তিস অমসুং প্রোসেস হেন্না ফগৎহনবা, মার্কেত এক্সেস হেনগৎহনবা, তেক্নোলোজীগী খুৎলায় অমসুং ইন্দস্ত্রী ৪.০ শিজিন্নদুনা ইন্নোভেসন, ৱাখল্লোন পুথোকপবু পুক্নিং থৌগৎপা, অনৌবা ব্যুজিনেস অমসুং ওন্তোপ্রিনর্শিপ ইনক্যুবেত তৌবগী থৌওংশিং হেন্না খুমাং চাউশিলহন্দুনা মসিনা আত্মানির্ভর ভারত অভিয়ান্দা হেন্না তেংবাংবা ঙমগনি।

‘কেপাসিতী বিলদিং ওফ ফর্স্ত-তাইম এম.এস.এম.ই. এক্সপোর্তর’ (সি.বি.এফ.তি.ই.) স্কিম্না এম.এস.এম.ই.শিংদা মালেমগী কৈথেলগীদমক্তা ইন্তর্নেস্নেল স্তেন্দর্দ লৈবা পোত্থোক অমসুং সর্ভিস ফংহনবা ঙম্নবা পুক্নিং থৌগৎপগী পান্দম থম্লি। মসিনা মালেমগী ভেল্যু চেন্দা ভারতকী এম.এস.এম.ই.শিংনা শরুক য়াবগী চাং হেনগৎহনগনি অমসুং মখোয়গী এক্সপোর্ত তৌবগী মতিকপু থবক্তা পাংথোকপদসু তেংবাংগনি।

 ‘প্রধান মন্ত্রীগী ইমপ্লোয়মেন্ত জেনেরেসন প্রোগ্রাম’ (পি.এম.ই.জি.পি.)গী অনৌবা খুদোংচাবশিংদা মেন্যুফেকচরিং সেক্তরগী প্রোজেক্তশিংগী খ্বাইদগী য়াম্বা অচঙবা শেনফম্বু লুপা লাখ ৫০দা (লুপা লাখ ২৫দগী) অমসুং সর্ভিস সেক্তরগীনা লুপা লাখ ২০দা (লুপা লাখ ১০দগী) হেনগৎপা অমসুং অৱাংবা সবসিদী ফংনবগীদমক্তা স্পিসিএল কেতেগোরী এপ্লিকান্তশিংগী মনুংদা এস্পিরেস্নেল দিস্ত্রিক্ত অমসুং ত্রান্সজেন্দর এপ্লিকান্তশিং মনুং চলহনবগী থৌওং য়াওরি।  মসিদা নত্তনা, বেঙ্কিং, তেক্নিকেল অসুং মার্কেতিং এক্সপর্তশিংগী তেংবাংগী খুত্থাংদা এপ্লিকান্ত/ওন্তোপ্রিনরশিংদা হেন্দহোলদিং সপ্পোর্ত পীবসু য়াওরি।

এম.এস.এম.ই. আইদিয়া হেক্কাথোন, ২০২২না মীওই কয়াগী ক্রিএতিবিতীগী মতিক ফোংদোকহনবদা তেংবাংবা অমসুং পুক্নিং থৌগৎপা, এম.এস.এম.ই.শিংগী মরক্তা খ্বাইদগী নৌবা তেক্নোলোজী অমসুং ইন্নোভেসন শিজিন্নবা খুমাং চাউশিলহনবগী পান্দম থম্লি। মখোয়গুম্বা খনগৎলবা ইনক্যুবেতীশিংদা অয়াবা পীরবা মখোয়গী আইদিয়া অমমমগী লুপা লাখ ১৫ ফাওবগী ফন্দিংগী তেংবাং পীগনি।

নেস্নেল এম.এস.এম.ই. এৱার্দ ২০২২ অসিদি ভারতকী দাইনামিক ওইবা এম.এস.এম.ই. সেক্তরবু চাউখৎহনবা অমসুং শাহৌ লৌহনবদা মশক থোকপা থৌদাং পাংথোক্তুনা তেংবাংখিবা এম.এস.এম.ই., রাজ্য/য়ু.তি., এস্পিরেস্নেল দিস্ত্রিক্ত অমসুং বেঙ্কশিংবু শকখঙবগী থৌওংনি।

भारत का एक्सपोर्ट लगातार बढ़े, भारत के प्रॉडक्ट्स नए बाजारों में पहुंचें इसके लिए देश के MSME सेक्टर का सशक्त होना बहुत जरूरी है।

हमारी सरकार, आपके इसी सामर्थ्य, इस सेक्टर की असीम संभावनाओं को ध्यान में रखते हुए निर्णय ले रही है, नई नीतियां बना रही है: PM @narendramodi

— PMO India (@PMOIndia) June 30, 2022

जब हम MSME कहते हैं तो तकनीकि भाषा में इसका विस्तार होता है Micro Small और Medium Enterprises.

लेकिन ये सूक्ष्म, लघु और मध्यम उद्यम, भारत की विकास यात्रा का बहुत बड़ा आधार हैं।

भारत की अर्थव्यवस्था में लगभग एक तिहाई हिस्सेदारी MSME सेक्टर की है: PM @narendramodi

— PMO India (@PMOIndia) June 30, 2022

MSME सेक्टर को मजबूती देने के लिए पिछले आठ साल में हमारी सरकार ने बजट में 650 प्रतिशत से ज्यादा की बढोतरी की है।

यानि हमारे लिए MSME का मतलब है- Maximum Support to Micro Small and Medium Enterprises: PM @narendramodi

— PMO India (@PMOIndia) June 30, 2022

जब 100 साल का सबसे बडा संकट आया तो, हमने अपने छोटे उद्यमों को बचाने के साथ ही उन्हें नई ताकत देने का भी फैसला किया।

केंद्र सरकार ने इमरजेंसी क्रेडिट लाइन गारंटी स्कीम के तहत साढ़े 3 लाख करोड़ रुपए की मदद MSMEs के लिए सुनिश्चित की: PM @narendramodi

— PMO India (@PMOIndia) June 30, 2022

अगर कोई उद्योग आगे बढ़ना चाहता है, विस्तार करना चाहता है, तो सरकार न केवल उसे सहयोग दे रही है, बल्कि नीतियों में जरूरी बदलाव भी कर रही है: PM @narendramodi

— PMO India (@PMOIndia) June 30, 2022

अब पहली बार खादी और ग्रामोद्योग का टर्नओवर 1 लाख करोड़ रुपए के पार पहुंचा है।

ये इसलिए संभव हुआ है क्योंकि गांवों में हमारे छोटे-छोटे उद्यमियों ने, हमारी बहनों ने बहुत परिश्रम किया है।

बीते 8 वर्षों में खादी की बिक्री 4 गुणा बढ़ी है: PM @narendramodi

— PMO India (@PMOIndia) June 30, 2022

उद्यमशीलता को हर भारतीय के लिए सहज बनाने में मुद्रा योजना की बहुत बड़ी भूमिका है।

बिना गांरटी के बैंक लोन की इस योजना ने महिला उद्यमियों, दलित, पिछड़े, आदिवासी उद्यमियों का एक बहुत बड़ा वर्ग देश में तैयार किया है: PM @narendramodi

— PMO India (@PMOIndia) June 30, 2022

***