ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা জর্মনীগী স্লোস এলমাউদা জি-৭ সমিতকা ইরোইননা ২০২২গী জুন ২৭তা, ফেদরেল রিপব্লিক ওফ জর্মনীগী চান্সেলর, ঐচ.ই. শ্রী ওলাফ স্কোল্জগা উনখ্রে।

হন্দক্কী চহি অসিদা লুচিংবা অনি অসিগী মরক্তা মসিনা অনিশুবা ওইবা উনবনি; মমাংদা প্রধান মন্ত্রীনা ভারত-জর্মনী ইন্তর-গোবর্নমেন্তেল কন্সল্তেশন্সগীদমক্তা ২০২২গী মে ২দা বর্লিনদা চৎপা মতমদা উনখি। প্রধান মন্ত্রীনা জি.৭ সমিতকী চেবাউ পীরকপগীদমক্তা চেন্সেলর স্কোল্জবু থাগৎপা ফোংদোকখি।

মমাংগী থাদা মখোয়না খন্ন-নৈনখিবশিং অদুবু মখা চত্থরদুনা, লুচিংবা অনি অসিনা মখোয়গী গ্রীন অমসুং সস্তেনেবল দেবেলপমেন্ত পার্তনরশিপ অদুবু মাংলোমদা পুখৎপগী তঙাইফদবা  অদুগী মতাংদা মরু ওইবা থমখি। খন্ন-নৈনবা অদুদা ক্লাইমেত এক্সন, ক্লাইমেত ফাইনান্সিংগি প্রোবিজনশিং অমসুং তেক্নোলোজী ত্রান্সফরগুম্বা ইশুশিং মনুং চনখি। লুচিংবা অনি অসিনা ত্রেদ, ইনভেস্তমেন্ত অমসুং মী মশেলগী মরক্তা লৈরিবা মরী অদুবু মখাতানা হেন্না কনশিহন্নবগী মতাংদসু য়ানখি।
ইন্তর্নেস্নেল বোদিশিংগী মরক্তা কোওর্দিনেশন হেন্না লৈহনবা, মরু ওইনা লাক্কদৌরিবা জি.-২০ প্রেসিদেন্সী অসিগী মতাংদা খন্নখি। লুচিংবা অনি অসিনা রিজনেল অমসুং গ্লোবল দেবেলপমেন্তশিংগি মতাংদসু তাধোক-তাশিন তৌমিন্নখি।

***