ପିଏମଇଣ୍ଡିଆ

ପ୍ରଧାନମନ୍ତ୍ରୀ ପାଭଗଡ ପାହାଡରେ ଶ୍ରୀ କାଳୀକା ମାତାଙ୍କ ପୁନଃ ବିକାଶିତ ମନ୍ଦିରର ଉଦଘାଟନ କରିଛନ୍ତି । ଏହା ଏହି ଅଞ୍ଚଳର ଏକ ପୁରାତନ ମନ୍ଦିର ଏବଂ ବହୁ ସଂଖ୍ୟାରେ ତୀର୍ଥଯାତ୍ରୀଙ୍କୁ ଆକର୍ଷିତ କରିଥାଏ । ମନ୍ଦିରର ପୁନଃ ବିକାଶ ୨ ଟି ପର୍ଯ୍ୟାୟରେ କରାଯାଇଛି । ପୁନଃ ବିକାଶର ପ୍ରଥମ ପର୍ଯ୍ୟାୟର ଉଦଘାଟନ ପ୍ରଧାନମନ୍ତ୍ରୀ ଚଳିତ ବର୍ଷ ଏପ୍ରିଲରେ କରିଥିଲେ । ଆଜିର କାର୍ଯ୍ୟକ୍ରମରେ ଉଦଘାଟିତ ହୋଇଥିବା ଦ୍ୱିତୀୟ ପର୍ଯ୍ୟାୟର ପୁନଃ ବିକାଶର ଭିତ୍ତିପ୍ରସ୍ତର ୨୦୧୭ ରେ ପ୍ରଧାନମନ୍ତ୍ରୀଙ୍କ ଦ୍ୱାରା ସ୍ଥାପିତ ହୋଇଥିଲା । ଏଥି ମଧ୍ୟରେ ମନ୍ଦିର ‘ପରିସର’ ତିନି ସ୍ତରରେ ସମ୍ପ୍ରସାରଣ, ଷ୍ଟ୍ରିଟ୍ ଲାଇଟ୍‌, ସିସିଟିଭି ବ୍ୟବସ୍ଥା ଭଳି ସୁବିଧା ସ୍ଥାପନ ଅନ୍ତର୍ଭୁକ୍ତ । 

ମନ୍ଦିରରେ ରହିବାର ସୌଭାଗ୍ୟ ପାଇଁ ପ୍ରଧାନମନ୍ତ୍ରୀ କୃତଜ୍ଞତା ଜଣାଇଛନ୍ତି । ୫ ଶତାବ୍ଦୀ ପରେ ଏବଂ ସ୍ୱାଧୀନତାର ୭୫ ବର୍ଷ ପରେ ମଧ୍ୟ ଏହି ମୁହୂର୍ତ୍ତରେ ମନ୍ଦିର ଉପରେ ‘ଧ୍ୱଜା’ ସ୍ଥାପନର ମହତ୍ୱ ଉପରେ ସେ ଆଲୋକପାତ କରିଥିଲେ । ସେ କହିଛନ୍ତି ଆଜି ଶତାବ୍ଦୀ ପରେ ପାଭଗଡ ମନ୍ଦିରର ଶୀର୍ଷରେ ପୁଣି ଥରେ ପତାକା ସ୍ଥାପନ କରାଯାଇଛି । ଏହି ‘ଶିଖର ଧ୍ୱଜା’ ପତାକା କେବଳ ଆମର ବିଶ୍ୱାସ ଏବଂ ଆଧ୍ୟାତ୍ମିକତାର ପ୍ରତୀକ ନୁହେଁ ବରଂ ଏହି ପତାକା ମଧ୍ୟ ସତ୍ୟର ପ୍ରତୀକ ଅଟେ ଯେ ଶତାବ୍ଦୀ ବଦଳିଯାଏ, ଯୁଗ ବଦଳିଯାଏ, କିନ୍ତୁ ବିଶ୍ୱାସ ଚିରନ୍ତନ ରହିଥାଏ । ସେ କହିଛନ୍ତି ଯେ ଆଗାମୀ ‘ଗୁପ୍ତ ନବରାତ୍ରୀ’ର ଠିକ୍ ପୂର୍ବରୁ ଏହି ପୁନଃ ବିକାଶ ଦର୍ଶାଉଛି ଯେ ଶକ୍ତି କେବେ ବି ଅଦୃଶ୍ୟ ହୁଏ ନାହିଁ କିମ୍ବା କମ୍‍ ହୁଏ ନାହିଁ ।

ଅଯୋଧ୍ୟାରେ ରାମ ମନ୍ଦିର, କାଶୀ ବିଶ୍ୱନାଥ ଧାମ ଏବଂ କେଦାର ଧାମ ବିଷୟରେ ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ ଆଜି ଭାରତର ଆଧ୍ୟାତ୍ମିକ ଏବଂ ସାଂସ୍କୃତିକ ଗୌରବ ପୁନଃ ସ୍ଥାପିତ ହେଉଛି । ଆଜି ନୂତନ ଭାରତ ଏହାର ଆଧୁନିକ ଆକାଂକ୍ଷା ସହିତ ପ୍ରାଚୀନ ପରିଚୟକୁ ଗର୍ବର ସହିତ ବଢାଉଛି । ବିଶ୍ୱାସର କେନ୍ଦ୍ର ସହିତ ଆମର ପ୍ରଗତିର ନୂତନ ସମ୍ଭାବନା ସୃଷ୍ଟି ହେଉଛି ଏବଂ ପାଭଗଡରେ ଥିବା ଏହି ମହାନ ମନ୍ଦିର ସେହି ଯାତ୍ରାର ଏକ ଅଂଶ ବୋଲି ସେ କହିଛନ୍ତି । ସେ କହିଛନ୍ତି ଯେ ଏହି ମନ୍ଦିର ମଧ୍ୟ ସବକା ସାଥ୍‌, ସବକା ବିକାଶ, ସବକା ବିଶ୍ୱାସ ଏବଂ ସବକା ପ୍ରୟାସକୁ ଚିହ୍ନିତ କରିଥାଏ ।

ମା’ କାଳୀଙ୍କ ଆର୍ଶୀବାଦ ପାଇବା ପରେ ସ୍ୱାମୀ ବିବେକାନନ୍ଦ କିପରି ଜନସେବାରେ ନିଜକୁ ଉତ୍ସର୍ଗ କରିଥିଲେ ତାହା ପ୍ରଧାନମନ୍ତ୍ରୀ ମନେ ପକାଇଛନ୍ତି । ସେ କହିଛନ୍ତି ଯେ ଆଜି ସେ ଦେବୀଙ୍କୁ ଲୋକମାନଙ୍କ ସେବା କରିବା ପାଇଁ ଶକ୍ତି ଦେବାକୁ କହିଥିଲେ । ଶ୍ରୀ ମୋଦୀ ପ୍ରାର୍ଥନା କରିଛନ୍ତି ମା’, ମୋତେ ଆଶୀର୍ବାଦ କରନ୍ତୁ ଯାହା ଦ୍ୱାରା ମୁଁ ଦେଶକୁ ଅଧିକ ଶକ୍ତି, ତ୍ୟାଗ ଏବଂ ଉତ୍ସର୍ଗୀକୃତ ଭାବରେ ସେବା କରିଚାଲିବି । ମୋର ଯାହା କିଛି ଶକ୍ତି ଅଛି, ମୋ ଜୀବନରେ ଯାହା କିଛି ଗୁଣ ଅଛି, ମୁଁ ଦେଶର ମା’ ଓ ଭଉଣୀମାନଙ୍କ କଲ୍ୟାଣ ପାଇଁ ଏହାକୁ ଉତ୍ସର୍ଗ କରିବା ଉଚିତ । 

ଆଜାଦି କା ଅମୃତ ମହୋତ୍ସବ ପ୍ରସଙ୍ଗରେ ପ୍ରଧାନମନ୍ତ୍ରୀ କହିଛନ୍ତି ଯେ ସ୍ୱାଧୀନତା ସଂଗ୍ରାମରେ ତଥା ଦେଶର ବିକାଶ ଯାତ୍ରାରେ ଗୁଜରାଟର ବଡ ଅବଦାନ ରହିଛି । ଭାରତର ଗର୍ବ ଏବଂ ଗୌରବ ସହିତ ଗାର୍ଭି ଗୁଜୁରାଟର ସମକକ୍ଷ ବୋଲି ସେ କହିଛନ୍ତି । ସେ କହିଥିଲେ ଯେ ସୋମନାଥ ମନ୍ଦିରର ଗୌରବମୟ ପରମ୍ପରାରେ; ପଞ୍ଚମହଲ ଏବଂ ପାଭଗଡ ଆମର ଐତିହ୍ୟର ଗର୍ବ ପାଇଁ କାର୍ଯ୍ୟ ଜାରି ରଖିଛନ୍ତି । ସେ କହିଛନ୍ତି ଯେ ଆଜି ମା’ କାଳୀ ତାଙ୍କ ଭକ୍ତମାନଙ୍କୁ ସର୍ବଶ୍ରେଷ୍ଠ ଉପହାର ଦେଇ ଆଶୀର୍ବାଦ ଦେଇଛନ୍ତି ଏବଂ ପୁନଃ ବିକାଶ କାର୍ଯ୍ୟ ଶେଷ କରି ଧ୍ୱଜାକୁ ସ୍ଥାପନ କରିଛନ୍ତି । ପୁନରୁଦ୍ଧାରରେ ମନ୍ଦିରର ପ୍ରାଚୀନ ମହତ୍ୱକୁ ସ୍ପର୍ଶ କରାଯାଇ ନଥିଲା ବୋଲି ସେ କହିଛନ୍ତି । ପ୍ରଧାନମନ୍ତ୍ରୀ ମନ୍ଦିରରେ ପ୍ରବେଶର ସହଜତା ଉପରେ ମଧ୍ୟ ଉଲ୍ଲେଖ କରିଛନ୍ତି । ଏହା ପୂର୍ବରୁ ପାଭଗଡ ଯାତ୍ରା ଏତେ କଷ୍ଟସାଧ୍ୟ ଥିଲା ଯେ ଲୋକମାନେ କହୁଥିଲେ ଯେ ଜୀବନରେ ଅତି କମରେ ଥରେ ମାତାଙ୍କର ଦର୍ଶନ ହେବା ଉଚିତ୍‍ । ଆଜି ଏଠାରେ ବୃଦ୍ଧି ପାଉଥିବା ସୁବିଧା କଷ୍ଟସାଧ୍ୟ ଦର୍ଶନକୁ ସହଜ କରାଇଛି ବୋଲି ସେ କହିଛନ୍ତି । ସେ ଭକ୍ତମାନଙ୍କୁ ଅନୁଶାସନ ବଜାୟ ରଖିବାକୁ କହିଥିଲେ । ପାଭଗଡରେ ଆଧ୍ୟାତ୍ମିକତା ଅଛି, ଇତିହାସ, ପ୍ରକୃତି, କଳା ଏବଂ ସଂସ୍କୃତି ମଧ୍ୟ ଅଛି । ଏଠାରେ ଗୋଟିଏ ପାଶ୍ୱର୍ରେ ମା’ ମହାକାଳୀଙ୍କର ଶକ୍ତିପୀଠ, ଏବଂ ଅନ୍ୟ ପଟେ ଐତିହ୍ୟ ଜୈନ ମନ୍ଦିର ମଧ୍ୟ ଅଛି । ଅର୍ଥାତ ପାଭଗଡ ଭାରତର ଐତିହାସିକ ବିବିଧତା ସହିତ ସର୍ବଭାରତୀୟ ସମନ୍ୱୟର କେନ୍ଦ୍ର ହୋଇପାରିଛି ବୋଲି ପ୍ରଧାନମନ୍ତ୍ରୀ କହିଛନ୍ତି । ମାତାଙ୍କ ବିଭିନ୍ନ ମନ୍ଦିର ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ ଗୁଜୁରାଟରେ ମାତାଙ୍କ ଆଶୀର୍ବାଦର ସୁରକ୍ଷା ବଳୟ ରହିଛି ।

ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ବିଶ୍ୱାସ ସ୍ଥାନଗୁଡ଼ିକର ବିକାଶ ସହିତ ପର୍ଯ୍ୟଟନ, ରୋଜଗାର ଏବଂ ଅଞ୍ଚଳର କଳା ଓ ଶିଳ୍ପ ବିଷୟରେ ସଚେତନତା ବୃଦ୍ଧି ପାଇବା ସହିତ ନୂତନ ସୁଯୋଗ ସୃଷ୍ଟି ହୁଏ । ପଞ୍ଚମହଲ କିମ୍ବଦନ୍ତୀ ସଂଗୀତକାର ବାଇଜୁ ବାୱାରାର ଭୂମି ବୋଲି ମନେ ପକାଇ ପ୍ରଧାନମନ୍ତ୍ରୀ କହିଛନ୍ତି ଯେ ଯେଉଁଠାରେ ଐତିହ୍ୟ ଏବଂ ସଂସ୍କୃତିକୁ ବଳ ମିଳିଥାଏ ସେଠାରେ କଳା ଏବଂ ପ୍ରତିଭା ମଧ୍ୟ ବଢିଥାଏ । ପ୍ରଧାନମନ୍ତ୍ରୀ ମନେ ପକାଇଲେ ଯେ ଏହି ଚମ୍ପାନର୍‌ରେ ‘ଜ୍ୟୋତିରଗ୍ରାମ’ ଯୋଜନା ୨୦୦୬ ରେ ଆରମ୍ଭ କରାଯାଇଥିଲା ।

May Kalika Mata’s blessings be upon all of us. Addressing a programme at Pavagadh Hill. https://t.co/poLpvqwmy2

— Narendra Modi (@narendramodi) June 18, 2022

HS