ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা মে ২৪, ২০২২দা তোকিওদা য়ুনাইতেদ স্তেৎস ওফ অমেরিকাগী প্রসিদেন্ত, ঐচ.ই. শ্রী জোসেফ আর. বাইদেনগা লোয়ননা অফবা অমসুং কান্নরবা মীফম অমা পাঙথোকখ্রে। মীফম অসিনা বাইলেতরেল পার্তনরশিপ চেৎশিনহনগদবা অমসুং খোঙজেল য়াংখৎহনগদবা কান্নরবা ফলশিং পুরকপা ঙমখি।

সেপ্তেম্বর ২০২১দা ৱাশিংতন সি.সি.দা ইন-পর্সন ওইনা উনখিবা অমসুং জি.২০ অমসুং সি.ও.পি.২৬কী সম্মিৎশিংদা ৱারী শাখ্রবা মতুংদা মীফম অসিনা লুচিংবা অনিগী মরক্তা চাং নাইনা চত্থবা অৱাংবা থাক্কী দাইলোগ অসিগী মখা চত্থরকপা ওইরি। হন্দক্তা মখোয়না এপ্রিল ১১ ২০২২দা ভর্চুএল ওইনা ৱারী শাখি।

ইন্দিয়া-য়ু.এস. কম্প্রিহেন্সিব স্ত্রেতেজিক গ্লোবেল পার্তনরশিপ অসি দেমোক্রেতিক ভেল্যুশিং, রুল ওফ লো অমসুং ইন্তর্নেস্নেল ওর্দরদা য়ুম্ফম ওইবা কাংলোন অমা ঙাক্নবা চৎনবা অমত্তা ওইবা ফিরেপ অমদা য়ুম্ফম ওইরি। লুচিংবশিংনা বাইলেতরেল এজেন্দাদা সেক্তর শিনবা থুংনা খুমাং চাউশিল্লকপা অসিদা নুংঙাইবা ফোঙদোকখি।

লুচিংবা অনিনা হেল্থকিয়র, রিন্যুএবল ইনর্জী, এস.এম.ই.শিং, ইনফ্রাস্ত্রকচর অসিগুম্বা শিয়র প্রাইওরিতী ওইরিবা সেক্তরশিংদা ভারত্তা ইনভেস্তমেন্তগী তেংবাং মখা তানা পীবা ঙমনবা য়ু.এস. দিবেলপমেন্ত ফাইনান্স কোর্পোরেসন চৎনহন্নবা ইনভেস্তমেন্ত ইনসেন্তিব এগ্রীমেন্ত খুৎয়েক পীনখিববু তরাম্না ওকখি।

আউতকম-ওরিয়েন্তেদ কোওপরেসন পীনবদা মতেং পাংনবা ইন্দিয়া-য়ু.এস. ইনিসিএতিব ওন ক্রিতিকেল এন্দ ইমর্জিং তেক্নোলোজীজ (আই.সি.ই.তি.) অমা নাকল অনিমক্না লোঞ্চ তৌখি। ভারতকী নেস্নেল সেক্যুরিতী কাউন্সিল সেক্রেতরিয়েৎ অমসুং য়ু.এস. নেস্নেল সেক্যুরিতী কাউন্সিলনা পুন্না লুচিংদুনা আই.সি.ই.তি. অসিনা এ.আই., ক্বান্তম কম্প্যুতিং, ৫জি/৬জি, বাইওতেক, স্পেস অমসুং সেমিকন্দক্তর অসিগুম্বা লমশীংদা লৈবাক অনিগী সরকার, একাদেমিয়া অমসুং ইন্দস্ত্রীশিংগী মরক্তা হেন্না চেৎপা মরীশিং লৈহল্লগনি।

ইন্দিয়া-য়ু.এস. বাইলেতরেল এজেন্দাগী ওইনা দিফেন্স অমসুং সেক্যুরিতী কোওপরেসন অসি মরু ওইবা য়ুম্বী অমনি হায়না ফোঙদোক্লদুনা নাকল অনিমক্না মখোয়না কোল্লাবোরেসন অসি করম্না মপাঙ্গল কনখৎহনগনি হায়না খন্নখি। হীরম অসিদা প্রধান মন্ত্রীনা য়ু.এস. ইন্দস্ত্রীদা মেক ইন ইন্দিয়া অমসুং আত্মনির্ভর ভারত নত্ত্রগা মীপাল তাংদবা ভারতকী প্রোগ্রামশিংগী মখাদা ভারত্তা মেন্যুফেকচর তৌবদা পার্তনর ওইনবা হায়খি, মসিনা লৈবাক অনিমক্তা কান্নবা ফংহনগনি।

হেল্থ সেক্তরদা চুংশিন্নবা হেনগৎলক্লিবা অসি মাংদা পুখৎপা ওইনা ভারত অমসুং য়ু.এস.এ.না ভেক্সিন অমসুং মরী লৈনবা তেক্নোলোজীশিং চাউখৎহল্লিবা জোইন্ত বাইওমেদিকেল রিসর্চ অসি ২০২৭ ফাওবা মখা চত্থনবা হৌজিক লৈরিবা ভেক্সিন এক্সন প্রোগ্রাম (ভি.এ.পি.) শাংদোকখ্রে।

লৈবাক অনিগী মরক্তা প্রজাশিংগী মরী চেৎশিনহন্নবা প্রধান মন্ত্রীনা নাকল অনিমক্তা কান্নবা পীগদবা হায়র এজুকেসনগী কোল্লাবোরেসনশিং মপাঙ্গল কনখৎহন্নবা হায়খ্রে।

লুচিংবশিংনা সাউথ এসিয়া য়াওনা ইন্দো-পেসিফিক রিজনদা লৈরিবা নাকল অনিমক্কী ওইবা রিজনেল ইস্যুশিংদা ৱাখল্লোনশিং ফোঙদোক্নখি, ফ্রী, ওপন অমসুং ইনক্লুসিব ইন্দো-পেসিফিক রিজন অমগী মান্নবা বিজন অদু নৌহৌনা ফোঙদোকখি।

প্রধান মন্ত্রীনা ইন্দো-পেসিফিক ফ্রেমৱার্ক ফোর প্রোস্পেরিতী (আই.পি.ই.এফ.) লোঞ্চ তৌখিবা অসি তরাম্না ওকখি অমসুং মরী লৈনবা লৈবাকশিংগী ওইরিবা ফীভমশিং য়েংলগা ভারতনা ফ্লেক্সিবল ওইবা অমসুং ইনক্লুসিব ওইবা আই.পি.ই.এফ. অমা শেম্নবা পার্তনর ওইরিবা লৈবাক পুম্নমক্কা খুৎশম্নদুনা থবক তৌনবা শেম শাদুনা লৈ হায়খি।

লুচিংবশিংনা মখোয়গী কান্নরবা দাইলোগ অসি মখা চত্থনবা অমসুং ইন্দিয়া-য়ু.এস. পার্তনরশিপ অসি হেন্না ৱাংবা থাক অমদা পুখৎনবা মখোয়গী অমত্তা ওইবা বিজন অদু মখা চত্থবদা য়ান্নখি।

***