ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ২শুবা ইন্দিয়া-নোর্দিক সম্মিৎকী মনুংদা কোপেনহেগন্দা আইসলেন্দগী প্রধান মন্ত্রী ঐচ.ই. মিস কত্রিন য়াকোবসদোত্তরগা বাইলেতরেল মীফম অমা পাঙথোকখ্রে।

প্রধান মন্ত্রী অনিনা এপ্রিল ২০১৮দা স্তোকহোমদা অহানবা ইন্দিয়া-নোর্দিক সম্মিৎ মনুংদা মখোয়গী অহানবা মীফম অদু নীংশিংখি। মখোয়না লৈবাক অনিমক্না চহি অসিদা দিপ্লোমেতিক্কী ওইবা মরীশিং থমখিবগী চহি ৫০ শুরকপগী পালন তৌরি হায়নসু ফোঙদোকখি।

লুচিংবা অনিনা মরু ওইনা জিওথর্মেল ইনর্জী, ব্লু ইকনোমী, আর্ক্তিক, রিন্যুএবল ইনর্জী, ফিশরিজ, ফুদ প্রোসেসিং, দিজিতেল য়ুনিভর্সিতীশিং য়াওনা এজুকেসন, অমসুং কলচরগী সেক্তরশিং অসিদা ইকনোমিক কোওপরেসন পীনবা মপাঙ্গল কনখৎহন্নবগী লম্বীশিং খন্নখি। মরু ওইনা জিওথর্মেল ইনর্জী অসি আইসলেন্দনা অখন্ননা এক্সপর্তিস লৈবা হীরম অমনি অমসুং নাকল অনিমক্না সেক্তর অসিদা লৈবাক অনিগী মরক্তা য়ুনিভর্সিতীশিংদা চুংশিন্ননবা অকনবা ৱাফম থমখি।

প্রধান মন্ত্রীনা প্রধান মন্ত্রী য়াকোবসদোত্তরনা জেন্দর ইক্বেলিতী প্রমোৎ তৌনবা লনাইগী ওইবা খোঙথাংশিং লৌখৎলিবা অসিবু থাগৎখি অমসুং হীরম অসিদা ভারতনা লৌখৎলিবশিংগী মতাংদা মঙোন্দা তেল্লপনা পাউদমখি।

ইন্দিয়া – ই.এফ.ই.এ. ত্রেদ নেগোসিএসনশিং খোঙজেল য়াংশিনহন্নবা খন্ন-নৈনবশিংসু পাঙথোকখি।

রিজনেল অমসুং গ্লোবেল দিবেলপমেন্তশিংদা খন্ন-নৈনবসু পাঙথোকখি।

****