ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি গুজরাতকী গান্ধীনগরদা লৈবা মহাত্মা মন্দিরদা গ্লোবেল আয়ুশ ইনভেস্তমেন্ত এন্দ ইনোবেসন সম্মিৎ হৌদোকখ্রে। মোরিসিয়সকী প্রধান মন্ত্রী শ্রী প্রবিন্দ কুমার জুগনোথ অমসুং ৱর্ল্দ হেল্থ ওর্গনাইজেসন (দবল্যু.ঐচ.ও.)গী দিরেক্তর-জেনরেল দা. এদ্রোস ঘেব্রেয়েসসসি থৌরম অসিদা শরুক য়াখি। থৌরম অসিদা শরুক য়াখিবা অতোপ্পা মীওইশিংগী মরক্তা কেন্দ্র মন্ত্রীশিং, দা. মন্সুখ মন্দাবিয়া, শ্রী সর্বানন্দ সোনোৱাল, শ্রী মুঞ্জাপরা মহেন্দ্রভাই অমসুং গুজরাতকী মুখ্য মন্ত্রী শ্রী ভুপেন্দ্র ভাই পরেল য়াওখি। নুমিৎ হুমনিগী ওইবা সম্মিৎ অসিদা প্লেনরী সেসন ৫, রাউন্তেবল ৮, ৱার্কশোপ ৬ অমসুং সিম্পোজিম ২ পাঙথোকপগা লোয়ননা মশক নাইরবা ৱাঙাংলোয় ৯০ অমসুং একজিবিতর ১০০না শরুক য়াগনি। সম্মিৎ অসিনা ইনভেস্তমেন্তগী লৈরিবা মতিক-ময়াই অদু পুথোক্কনি অমসুং ইনোবেসন, রিসর্চ এন্দ দিবেলপমেন্ত, স্তার্ত-অপ ইকোসিস্তেম অমসুং ৱেলনেস ইন্দস্ত্রীদা ইনোৎ অমা হাপ্লগনি। মসিনা ইন্দস্ত্রীগী লুচিংবশিং, একাদেমিসিয়নশিং অমসুং স্কোলরশিংবু অমত্তা ওইনা পুনশিনবদা মতেং পাংলগনি অমসুং তুংলমচৎতা চুংশিন্ননবা ফম্পাক অমা ওইরগনি।

দা. তেদ্রোস ঘেব্রেয়েসসনা মহাত্মা গান্ধীগী পোক্নফম রাজ্য অমসুং লৈবাক্তা লাকপা ফংজবা অসিদা নুংঙাইবা ফোঙদোকখি অমসুং মসি ‘মালেমগী ওইনা চাউথোকচবা পোক্নীংঙাইনি’ হায়খি। মহাক্না ভারতকী ফিলোসোফী ‘বসুতৈব কুতুম্বকম’ অসিনা ঙরাং জামনগরদা দবল্যু.ঐচ.ও. গ্লোবেল সেন্তর ফোর ত্রেদিস্নেল মেদিসিন (জি.সি.তি.এম.) উরেপ-উয়ুং তম্বগী ইথিল ওইখি হায়না ফোঙদোকখি। মহাক্না সেন্তর অসি লিংখৎখিবা অসি পুৱারী ওইরগনি অমসুং মসিনা গেম চেঞ্জর অমা ওইরগনি হায়খি। সেন্তর অসি ত্রেদিস্নেল মেদিসিনগী ইভিদেন্স, দেতা অমসুং সস্তেনেবিলিতী অমসুং শীজিন্নবা ওপ্তিমাইজেসন তৌনবগী এজেন্দা অসি শাহৌ পীনবা ইনোবেসনগী ইঞ্জিন অমা ওইনা দিজাইন তৌখি হায়না মহাক্না ফোঙদোকখি। দি.জি.না পব্লিক হেল্থকীদমক ইনোবেসনগী শক্তি শীজিন্নবা অসিগীদমক প্রধান মন্ত্রী অমসুং ভারত সরকারবু থাগৎপা ফোঙদোকখি। মহাক্না ভারতকী অনা লায়েংশঙশিংদা দেতা অমসুং ইন্তিগ্রেতেদ ইনফোর্মেসন শিয়রিং সিস্তেমশিং শীজিন্নবগীদমক থাগৎখি। মহাক্না ত্রেদিস্নেল মেদিসিন্দা রিসর্চ তৌনবগী দেতা খোমজিনগী ৱাখল্লোন অসি য়োকখৎপগীদমক আয়ুশ মন্ত্রালয়বু থাগৎখি। আয়ুশকী পোত্থোকশিংগী গ্লোবেল দিমান্দ অমসুং ইনভেস্তমেন্ত হেনগৎলকপা অসি পল্লদুনা দি.জি.না মালেম পুম্বনা ভারত্তা লাক্লি অমসুং ভারতনা মালেম শিনবা থুংনবা চৎলি হায়না ফোঙদোকখি। মহাক্না অপুনবগী হকশেলগী ইনোবেসন ইকোসিস্তেমদা অমসুং অখন্ননা ত্রেদিস্নেল মেদিসিনশিংদা মতম শাংনা চৎকদবা ইনভেস্তমেন্ত তৌনবা অকনবা ৱাফম থমখি; অকোইবদা অকাইবা পীরোইদবা মওংদা অমসুং ইক্বিতেবল ওইবা মওংদা ইন্নোবেতরশিং, ইন্দস্ত্রী অমসুং সরকারনা ত্রেদিস্নেল মেদিসিনশিং পুথোক্তুনা অমসুং হীদাক-লাংথক অসিনা মার্কেৎতা য়ৌবা মতমদা চৎনবী অসিবু পুথোকখিবা ফুরুপশিংগী অনীংবা অপাম্বা অদু ঙাক্তুনা, মখোয়গী লৌশিংগী লমগী মহৈ অদু য়েন্নবা য়াওনা মখোয়দসু কান্নবা ফংহনগদনি। দি.জি.না প্রধান মন্ত্রীবু থাগৎপা ফোঙদোক্লদুনা ৱারোল পীবা লোইশিনখি। “মসিগী মরু ওইবা থৌশিল অসি হৌদোকপগীদমক থাগৎপা ফোঙদোকচরি। সেন্তর অসি খক্তা নত্তা অদোম্না লমজিংদুনা মসিনা ত্রেদিস্নেল মেদিসিনশিং শীজিন্নবদা অচৌবা অহোংবা অমা পুরক্লগনি হায়না ঐহাক্না থাজৈ”, হায়না প্রধান মন্ত্রীদা দি.জি.না ফোঙদোকখি। মহাক্না মোরিসিয়সকী প্রধান মন্ত্রী প্রবিন্দ জুগনোথপু মহাক্না ত্রেদিস্নেল মেদিসিন য়োকখৎখিবগীদমক থাগৎপা ফোঙদোকখি। মহাক্না আজাদী কা অমৃত মহোৎসব অসিদা চান্ননা দবল্যু.ঐচ.ও.না চহি ৭৫ শুরকপা অসিদা নুংঙাইবা ফোঙদোকখি।

শ্রী প্রবিন্দ জুগনোথনা ভারত অমসুং গুজরাতনা ত্রেদিস্নেল মেদিসিনগী লমদা শরুক তমখিবগীদমক থাগৎখি। মহাক্কী লৈবাক্তা হকশেলগী লমদা ভারতনা পাঙখিবা মতেং অদুসু পনখি। ভারতকা ইপা-ইপু অমত্তা ওইবা অসিদা মোরিসিয়সকী প্রধান মন্ত্রীনা মহাক্কী লৈবাক্তা আয়ুর্বেদকী মরু ওইবা অদুসু ফোঙদোকখি। মহাক্না মোরিসিয়সতা আয়ুর্বেদিক হোস্পিতাল অমা লিংখৎখিবগী মতাংদা পাউদমখি অমসুং অহানবা লোকদাউন মনুংদা ভারতনা ত্রেদিস্নেল মেদিসিনশিং দান তৌরকপগীদমক থাগৎপা ফোঙদোকখি। “মসি ভারত সরকার অমসুং মরু ওইনা প্রধান মন্ত্রী, শ্রী নরেন্দ্র মোদীজীনা  ঐখোয়গীদমক লেপ্পীখিবগীদমক কৌবা লৈররোইদবা থৌওং অমনি”, হায়না শ্রী প্রবিন্দ জুগনোথনা ফোঙদোকখি।

থৌরম অসিদা ৱা ঙাংলদুনা প্রধান মন্ত্রীনা গ্লোবেল আয়ুশ ইনভেস্তমেন্ত এন্দ ইনোবেসন সম্মিৎকী ৱাখল্লোন অসি মঙোন্দা লাইচৎকী মতমগী মনুংদা লাকখি, মতম অসিদা আয়ুশনা মীয়ামগী ইম্ম্যুনিতী ফগৎহন্নবা মপাঙ্গল লৈরবা সপ্পোর্ত অমা পীখি অমসুং আয়ুশ প্রদক্তশিং অসি পাম্নবা অমসুং দিমান্দ চাউনা হেনগৎলকপা উবা ফংখি হায়না ফোঙদোকখি। লাইচৎ লাকশিন্নবা হোৎনবদা ভারতকী হোৎনখিবশিং অদু নীংশিংলদুনা প্রধান মন্ত্রীনা হায়খি ভেক্সিন পুথোক্লিবা, মোর্দন ফার্মা কম্পনীনা করিগুম্না মতম চানা মখোয়দা ইনভেস্তমেন্ত ফংবা তারবদি মখোয়না কয়াম চাউবা থবক তৌবা ঙম্বগে হায়বগী ৱাশক অদু ঙাকপা ঙমখি। “কনানা ঐখোয়না অসুক থুনা কোরোনাগী ভেক্সিন পুথোকপা ঙমগনি হায়না থাজবা থম্লমগনি?” হায়না মহাক্না হংখি।

আয়ুশ সেক্তরদা পাইখৎখিবা খোঙথাংশিং অসি শন্দোক্না হায়রদুনা প্রধান মহান্না হায়খি, “ঐখোয়না আয়ুশকী হীদাকশিং, সপ্লিমেন্তশিং অমসুং কোস্মেতিক্স পুথোকপদা অমুক্তা ওইখিদ্রিবা মওংদা শাহৌ ফাগৎলকপা উবা ফংলি। ২০১৪দা আয়ুশ সেক্তর অসি দোলর বিলিয়ন ৩দগী তানা লৈরমখি। ঙসিদি মসি দোলর বিলিয়ন ১৮দা হেনগৎলক্লে”। মহাক্না হায়খি ত্রেদিস্নেল মেদিসিনশিংগী লমদা স্তার্ত-অপ কলচর পুক্নীং থৌগৎনবা আয়ুশ মন্ত্রালয়না মরু ওইবা খোঙথাং কয়ামরুম পাইখৎখ্রে। নুমিৎ খরনিগী মমাংদা ওল ইন্দিয়া ইন্সতিত্যুত ওফ আয়ুর্বেদনা দিবেলপ তৌবা ইনক্যুবেসন সেন্তর অমা শঙ্গাখি হায়না শ্রী মোদীনা পাউদমখি। চৎলোবা চহিচা অসি য়ুনিকোর্নশিংগী চহিচা ওইরি হায়না ফোঙদোক্লদুনা প্রধান মন্ত্রীনা ২০২২গী চহি মক্তদা, হৌজিক ফাওবগী ওইনা ভারত্তা স্তার্ত-অপ ১৪না য়ুনিকোর্ন ক্লব য়াওবা ঙমখ্রে। “অথুবদা মতমদা ঐখোয়গী আয়ুশতগী য়ুনিকোর্মশিং শোইদনা থোরক্লগনি হায়না ঐহাক্না থাজৈ”, হায়না মহাক্না ফোঙদোকখি। হীদাক-লাংথক্কী পাম্বীশিং পুথোকপা অসিনা লৌমীশিংগী শেন্থোক অমসুং হিংনবগী লম্বীশিং অমসুং হীরম অসিদা থবক পীবগী চাং হেনগৎহন্নবা অফবা পাম্বৈ অমনি হায়রদুনা প্রধান মন্ত্রীনা হীদাক-লাংথক্কী পাম্বীশিং পুথোকপা শরুক তম্লিবা লৌমীশিংবু মার্কেৎকা লাইনা শম্ননবা খুদোংচাবা ফংহনবা হায়বা অসি য়াম্না মরু ওই হায়না ফোঙদোকখি। মসিগীদমক সরকারনা আয়ুশ ই-মার্কেৎ প্লেস মতমগা চুনবা ওইহন্নবা অমসুং পাকথোক-চাউথোক্নবসু হোৎনরি হায়খি। “ভারত অসি হর্বেল প্লান্তগী পুকৈনি, মসি অমরোমদা ঐখোয়গী ‘অশংবা সনা’নি” হায়না প্রধান মন্ত্রীনা ফোঙদোকখি।

প্রধান মন্ত্রীনা হৌখিবা চহিশিংদা আয়ুশকী প্রদক্তশিং মপালদা থাদোক্নবা হোৎনবদা অমুক্তা লৌখৎখিবা খোঙথাংশিং পাইখৎখিবা অদু পাউদমখি। অতোপ্পা লৈবাকশিংগা লোয়ননা আয়ুশকী দ্রগশিং অমত্তা ওইনা শকখঙনবা মীৎয়েং চংখি। মসিগীদমক হৌখিবা চহি খরা অসিদা তোঙান-তোঙানবা লৈবাকশিংগা লোয়ননা এম.ও.য়ু. ৫০ হেন্না খুৎয়েক পীনখ্রে। “ঐখোয়গী আয়ুশ এক্সপর্তশিংনা ব্যুরো ওফ ইন্সিয়ন স্তেন্দর্দসকা খুৎশম্নদুনা আই.এস.ও স্তেন্দর্দশিং দিবেলপ তৌরি। মসিনা লৈবাক ১৫০ হেনবদা আয়িশকী অচৌবা এক্সপোর্ত মার্কেৎ অমা হাংদোক্লগনি”, হায়না মহাক্না ফোঙদোকখি।

শ্রী মোদীনা এফ.এস.এস.এ.আই.না মমাংগী চয়োলদা মাগী রিগ্যুলেসনশিংদা ‘আয়ুশ আহার’ হায়না মীংথোনবা অনৌবা কেতগোরী অমসু হাপচিনখ্রে হায়না পাউদমখি। মসিনা হর্বেল ন্যুত্রিস্নেল সপ্লিমেন্তশিংগী প্রদ্যুসরশিংদা চাউনা খুদোংচাবা ফংহল্লগনি। মসিগা মান্নবা মওংদা, ভারতনা অখন্নবা আয়ুশকী মার্কা অমসু শেম্লগনি। মসিগী মার্কা অসি ভারত্তা শাজবা আয়ুশকী খ্বাইদগী ফবা ক্বালিতীদা নমগনি। মসিগী আয়ুশকী মার্কা অসিদা অনৌবা তেক্নোলোজীগী প্রোবিজনশিং য়াওগনি। “মসিনা মালেমদা লৈরিবা মীওইশিংদা ক্বালিতী লৈবা আয়ুশকী প্রদক্তশিংদা থাজবা পোকহল্লগনি” হাবনা প্রধান মন্ত্রীনা মখা তাখি।

প্রধান মন্ত্রীনা সরকারনা লৈবাক শিনবা থুংবদা আয়ুশকী প্রদক্তশিং প্রমোৎ তৌবা, রিসর্চ তৌবা অমসুং পুথোকপদা পুক্নীং থৌগৎনবা আয়ুশ পার্কশিংগী নেৎৱার্ক অমা দিবেলপ তৌরি হায়না লাউথোকখি। আয়ুশ পার্কশিং অসিনা ভারত্তা আয়ুশ মেন্যুফেকচরিংদা অনৌবা মাইকৈ অমা তাক্লগনি হায়না শ্রী মোদীনা হায়খি।

ত্রেদিস্নেল মেদিসিনগী মতিক-ময়াইগী মতাংদা মখা চত্থরদুনা প্রধা মন্ত্রীনা কেরালাগী তুরিজম চাউখৎহনবদা ত্রেদিস্নেল মেদিসিন্না লৌখিবা থৌদাং অদু পনখি। “মসিগী শক্তি অসি ভারত পুম্বদা, ভারতকী কাচিন-কোয়াদা লৈ। ‘হীল ইন ইন্দিয়া’ হায়বা অসিনা দিকেদ অসিগী খ্বাইদগী চাউবা ব্রান্দ ওইবা য়াগনি” হায়না মহাক্না ফোঙদোকখি। আয়ুর্বেদ, য়ুনানী, সিদ্ধা অসিনচিংবদা য়ুম্ফম ওইবা ৱেলনেস সেন্তরশিং অসি য়াম্না মমিং লৈহনবা য়াগনি হায়না মহাক্না ফোঙদোকখি। মসি মখা তানা চাউখৎহন্নবা, সরকারনা ভারত্তা লাকপা মীরৈবাকশিংগীদমক আয়ুশকী থেরাপীগী খুদোংচাবা লৌনবা অতোপ্পা থৌশিল অমসু পাইখৎলি হায়না প্রধান মন্ত্রীনা মখা তাখি। “অথুবদা ভারতনা অখন্নবা আয়ুশ বিজা কেতগোরী অমা হৌদোক্লগনি। মসিনা আয়ুশ থেরাপীগীদমক মীয়ামবু ভারত্তা লাকহনবদা মতেং ওইরগনি” হায়না প্রধান মন্ত্রীনা ফোঙদোকখি।

প্রধান মন্ত্রীনা হান্নগী কেনিয়াগী প্রধান মন্ত্রী রাইলা ওগিঙ্গাগী মচানুপী রোজমেরী ওদিঙ্গানা আয়ুশকী লায়েং চত্থরবা মতুংদা মমিৎ অমুকহন্না উবা ফংখিবা আয়ুর্বেদকী মাইপাকপা ৱারী অদু পাউদমখি।  রোজমেরী ওদিঙ্গানা তিল্লিবা মীয়ামগী মরমক্তা তিনখি অমসুং প্রধান মন্ত্রীনা মহাকপু মশক তাকখিবদা তিল্লিবা মীয়াম অদুনা মহাকপু তরাম্না ওকখি। মহাক্না মখা তারদুনা ২১শুবা চহিচাগী ভারতনা মালেমদা মহাক্কী এক্সপরিয়েন্সশিং অমসুং নোলেজ শিয়র তৌদুনা মাংলোমদা চংশিনবা পাম্মি হায়না ফোঙদোকখি। “ঐখোয়গী হেরিতেজ অসি মালেম পুম্বদা লৈরিবা মীওইবা খুনাইদা লেগেসী অমগুম্বনি” হায়না মহাক্না ফোঙদোকখি। আয়ুর্বেদনা চাউখৎলিবা অসিগী মরুমদা লৈরিবা মরম অমদি মসিগী ওপন সোর্স মোদেলনি হায়না প্রধান মন্ত্রীনা ফোঙদোকখি। আই.তি. সেক্তরদা লৈরিবা ওপন সোর্স মোদেল অদুগা চাংদম্নরদুনা আয়ুর্বেদ ত্রেদিসন অসি ৱাখল্লোন শিয়র তৌরদুনা মপাঙ্গল হেন্না কনখৎলক্লি হায়না প্রধান মন্ত্রীনা ফোঙদোকখি। মহাক্না ঐখোয়গী অহল লমনশিংদগী ইথিল লৌদুনা চপ মান্নবা ওপন-সোর্সকী থৌনা অদুগা লোয়ননা থবক পাইখৎপগী তঙাইফদবা অদুগী মতাংদা ফোঙদোকখি। লাক্কদৌরিবা চহি ২৫গী অমৃত কাল অসিদা ত্রেদিস্নেল মেদিসিনশিংগী গোল্দন পেরিয়দ অমা ওইরগনি হায়না মহাক্না আশা তৌই।  

প্রধান মন্ত্রীগী ৱারোল অদু মশাগী অমসুং য়াম্না পুক্নীং চিংশিননীংঙাই ওইরবা ৱারোল অমগা লোয়ননা লোইশিনখি। দা. তেদ্রোস ঘেব্রেয়েসসকী ভারতপু নুংশিজবা অমসুং  ভারতকী ভারতকী ওজাশিংদা মহাক্না ইকাই খুম্নবা অমসুং গুজরাতপু মহাক্না নুংশিজবা অদুগী মতাংদা পল্লদুনা শ্রী মোদীনা মঙোন্দা ‘তুলসি ভাই’ কৌবা গুজরাতি মমিং অমা থোনখি। মহাক্না তিল্লিবা মীয়াম অমসুং দবল্যু.ঐচ.ও.গী মশক নাইরবা দি.জি.দা ভারতকী চৎনবীদা তুলসিনা কল্লিবা অফবা অমসুং অৱাংবা থাক অদুগী মতাংদা শন্দোক্না তাকখি অমসুং মহাক অমসুং মোরিসিয়সকী প্রধান মন্ত্রী শ্রী. প্রবিন্দ কুমার জুগনোথপু থৌরম অসিদা শরুক য়াবীবগীদমক থাগৎপা ফোঙদোকখি।

Speaking at the Global AYUSH & Innovation Summit in Gandhinagar. https://t.co/RMhuRNRpBx

— Narendra Modi (@narendramodi) April 20, 2022

हमने देखा कि जो मॉर्डन फार्मा कंपनियां हैं, वैक्सीन मैन्यूफैक्चर्स हैं, उन्हें उचित समय पर निवेश मिलने पर उन्होंने कितना बड़ा कमाल करके दिखाया।

कौन कल्पना कर सकता था कि इतनी जल्दी हम कोरोना की वैक्सीन विकसित कर पाएंगे: PM @narendramodi

— PMO India (@PMOIndia) April 20, 2022

आयुष के क्षेत्र में Investment और Innovation की संभावनाएं असीमित हैं।

आयुष दवाओं, supplements और कॉस्मेटिक्स के उत्पादन में हम पहले ही अभूतपूर्व तेज़ी देख रहे हैं।

2014 में जहां आयुष सेक्टर 3 बिलियन डॉलर से भी कम का था।

आज ये बढ़कर 18 बिलियन डॉलर के भी पार हो गया है: PM

— PMO India (@PMOIndia) April 20, 2022

आयुष मंत्रालय ने ट्रेडिशनल मेडिसिन्स क्षेत्र में startup culture को प्रोत्साहन देने के लिए कई बड़े कदम उठाएं हैं।

कुछ दिन पहले ही All India Institute of Ayurveda के द्वारा विकसित एक incubation centre का उद्घाटन किया गया है: PM @narendramodi

— PMO India (@PMOIndia) April 20, 2022

भारत में तो ये यूनिकॉर्न्स का दौर है।

साल 2022 में ही अब तक भारत के 14 स्टार्ट-अप्स, यूनिकॉर्न क्लब में जुड चुके हैं।

मुझे पूरा विश्वास है कि बहुत ही जल्द आयुष के हमारे स्टार्ट अप्स से भी यूनिकॉर्न उभर कर सामने आएंगे: PM @narendramodi

— PMO India (@PMOIndia) April 20, 2022

बहुत जरूरी है कि मेडिसिनल प्लांट्स की पैदावार से जुड़े किसानों को आसानी से मार्केट से जुड़ने की सहूलियत मिले।

इसके लिए सरकार आयुष ई-मार्केट प्लेस के आधुनिकीकरण और उसके विस्तार पर भी काम कर रही है: PM @narendramodi

— PMO India (@PMOIndia) April 20, 2022

FSSAI ने भी पिछले ही हफ्ते अपने regulations में ‘आयुष आहार’ नाम की एक नयी category घोषित की है।

इससे हर्बल nutritional supplements के उत्पादकों को बहुत सुविधा मिलेगी: PM @narendramodi

— PMO India (@PMOIndia) April 20, 2022

भारत एक स्पेशल आयुष मार्क भी बनाने जा रहा है।

भारत में बने उच्चतम गुणवत्ता के आयुष प्रॉडक्ट्स पर ये मार्क लगाया जाएगा। ये आयुष मार्क आधुनिक टेक्नोलॉजी के प्रावधानों से युक्त होगा।

इससे विश्व भर के लोगों को क्वालिटी आयुष प्रॉडक्ट्स का भरोसा मिलेगा: PM @narendramodi

— PMO India (@PMOIndia) April 20, 2022

केरला के tourism को बढ़ाने में Traditional Medicine ने मदद की।

ये सामर्थ्य पूरे भारत में है, भारत के हर कोने में है।

‘Heal in India’ इस दशक का बहुत बड़ा brand बन सकता है।

आयुर्वेद, यूनानी, सिद्धा आदि विद्याओं पर आधारित wellness centres बहुत प्रचलित हो सकते हैं: PM

— PMO India (@PMOIndia) April 20, 2022

जो विदेशी नागरिक, भारत में आकर आयुष चिकित्सा का लाभ लेना चाहते हैं, उनके लिए सरकार एक और पहल कर रही है।

शीघ्र ही, भारत एक विशेष आयुष वीजा कैटेगरी शुरू करने जा रहा है।

इससे लोगों को आयुष चिकित्सा के लिए भारत आने-जाने में सहूलियत होगी: PM @narendramodi

— PMO India (@PMOIndia) April 20, 2022

*****