ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি থৌবুরেল ওইদুনা লৈবাক অসিদা কোবিদ-১৯গী লৈরিবা ফিভম, মরু ওইনা ওমিক্রোন ৱেবকী মতাংদা অমসুং ভেক্সিনেশন দ্রাইবকী স্তেতস য়েংশিন্নবা অৱাংবা থাক্কী মীফম অমা পাংথোকখ্রে।

মালেমগী লৈরিবা ফিভম অমসুং ভারতকী কোবিদ-১৯গী স্তেতসকী অকুপ্পা মরোলশিং অদু পীদুনা প্রেজেন্তেশন অমা পীখি। ভারতনা ভেক্সিনেশন কেমপেনগী মাইকৈদা লেপ্তনা হোৎনখিবশিং অমসুং হনদক্কী হেনগৎলকখিবা অদুগী মনুংদা হোসপিতেলাইজেশন হন্থহনবদা অমসুং শাথিবা হন্থবা অমসুং শিবগী চাং হন্থহনবদা মতেং পাংনবা ভেক্সিনগী ইফেক্তিব ওইবগী মতাংদা এনালিসিসকী মতাংদা পনখি। রিভ্যু অদুদা কেন্দ্র সরকারনা লুচিংদুনা প্রো-এক্তিব ওইনা অমসুং খুশম্নদুনা হোৎনখিবশিং অদুনা ইনফেক্সন অসি শন্দোরকপদগী থিংবদা মতেং পাংখি। ভারতকী পেন্দেমিক রেসপোন্স অসমুং ভেক্সিনেশনগীদমক্তা হোৎনখিবশিং অদুবু  মালেম শিনবা থুংনা দবল্যু.ঐচ.ও.,  য়ুনাইতেদ নেসন্স,, ইন্তর্নেস্নেল মোনিতরী ফন্দনা থাগৎখি অমসুং মসিগা লোইন-লোইননা হরবার্দ বিজনেস স্কুল অমসুং কমপেতিতিবনেসকী ইন্সতিত্যুতকী রিপোর্তশিংদসু থাগৎখি।

প্রধান মন্ত্রীনা ভেক্সিনেতরশিং, হেল্থকিয়র ৱার্করশিং অমসুং কেন্দ্র অমসুং রাজ্য সরকারশিংনা নিংহন্নবা লৈতনা হোৎনখিবগীদমক্তা থাগৎপা ফোংদোকখ্রে। প্রধান মন্ত্রীনা কোবিদকা মরী লৈনবা প্রোতোকোল ঙাক্না চৎপগী মরু ওইবা অদু পনখি অমসুং কম্যুনিতীগী মাইকৈদগী মখাতানা অদুমক মতেং পাংনবগীদমক্তা হায়খ্রে অমসুং কাপকদবা লৈবা মতমদা ইন্দিভিজুৱলশিংনা শরুক য়ানবা অমসুং কোবিদকা চুনবা লিচৎ-শাজৎশিং অদুবু ঙাক্না চৎনবা হায়খ্রে।

মীফম অদুদা হোম মিনিস্তর,  হকশেল অমসুং য়াইফ-য়ুম্বালগী মন্ত্রী, হকশেল অমসুং য়াইফ-য়ুম্বালগী রাজ্য মন্ত্রী, অমসুং নিতি অয়োগকী মেম্বর (হকশেল)গা লোইন-লোইননা অতোপ্পা সেনিয়র ওফিসিয়েলশিংনা শরুক য়াখি।

***