ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি লোক কল্যান মার্গতা ইং কুমজা ২০২০ অমসুং ২০২১গী নারী শক্তি পুরস্কার এৱার্দীশিংগা লোয়ননা ইন্তরেক্তিব সেসন অমা পাঙথোকখ্রে। ৱারী-ৱাতায় শাবা অসিনা প্রধান মন্ত্রীনা নুপীদা শক্তি পীনবা লেপ্পা লৈতনা পাইখৎলিবা খোঙথাংশিং অসিগী খুদম অমা ওইখি।

প্রধান মন্ত্রীনা এৱার্দীশিংবু মখোয়না তৌখিবা শীংথানীংঙাই ওইবা থবক্কীদমক থাগৎপা ফোঙদোকখি, মহাক্না মখা তারদুনা মখোয়না খুন্নাই অমদি লৈবাক অসিগীদমক শরুক তম্লি হায়খ্রে। মহাক্না মখোয়গী থবক-থৌরমদা সর্ভিসকী ৱাখল্লোন অমা য়াওই, মখোয়গী থবক্তা ইন্নোভেসনসু ময়েক শেংনা উবা ফংই হায়না ফোঙদোকখি। মহাক্না মখা তারদুনা ঙসি নুপীশিংনা য়ৌবা ঙমদবা সেক্তর অমত্তা লৈতে অমসুং মখোয়না লৈবাক অসিবু চাউথোকচবা পোকহল্লি হায়খ্রে।

প্রধান মন্ত্রীনা সরকার অসিনা নুপীশিংগী মতিক-ময়াই পুথোক্নবা মাইকৈদা থবক পাইখৎলি, অমসুং পোলিসীশিং শেমদুনা অসিগুম্বা মতিক-ময়াই অসি মশক খঙদোক্লি হায়খ্রে। মহাক্না ফেমিলি লেবেলদা ৱারেপ লৌবদা নুপীশিংবু মদুগী শরুক অমা ওইহনবা ঙম্বা হায়বা অসি মরু ওই, মসিনা মখোয়গী ইকনোমিক এম্পাৱরমেন্ত তৌবা ঙমগনি হায়খ্রে।

প্রধান মন্ত্রীনা আজাদী কা অমৃত মহোৎসব পালন তৌরিঙৈদা সরকারনা ‘সবকা প্রয়াস’তা মীৎয়েং থম্বগী মতাংদা ফোঙদোকখি। মহাক্না ভোকেল ফোর লোকেল অসিগুম্বা সরকারগী খোঙথাংশিংনা মাইপাকপা অসি নুপীনা শরুক তম্বগী মখা পোল্লি হায়নসু ফোঙদোকখি।

এৱার্দীশিংনা লৈবাক অসিগী মকোক থোংবা লুচিংবশিংনা তাবগদবা অদুগুম্লবা ফম্পাক অমা মখোয়দা পীবীবগীদমক পি.এম.বু থাগৎপা ফোঙদোকখি। মখোয়না প্রধান মন্ত্রীগা উনবগী খুদোংচাবা অমা ফংবা অমসুং মখোয়না মহাক্কা ৱারী শাবআ ফংজবা অসি মখোয়গী ওইনা মঙফাওনবনি হায়না মখা তাখি। মখোয়গী থবক-থৌরমশিংদা চাউনা মতেং ওইখিবা সরকারগী থৌরাংশিংসু থাগৎখি। মখোয়না হৌজিক ফাওবদা চংশিল্লক্লিবা খোঙচৎ অমদি মখোয়না তৌখিবা থবক্কী মতাংদা কুপ্না থমখি। মখোয়না থবক তৌরিবা লম অসিগা মরী লৈননা ইনপুৎ অমদি সজেসন কয়ামরুমসু পীখি।

*************