ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ফোন্দা রসিয়ন ফেদরেসনগী প্রসিদেন্ত হিজ এক্সিলেন্সী ব্লাদিমীর পুতিনগা ৱারী শাখ্রে। লুচিংবা অনিনা য়ুক্রেন্দা ওইরক্লিবা ফীভমগী মতাংদা খন্নখ্রে। প্রসিদেন্ত পুতিন্না প্রধান মন্ত্রীদা য়ুক্রেন অমসুং রসিয়ন তীমশিংগী মরক্তা চত্থরিবা শংদাইনবা পুরক্নবা ফীভমগী মতাংদা ব্রিফিং তৌখ্রে। প্রধান মন্ত্রী মোদীনা রসিয়া অমসুং য়ুক্রেনগী মরক্তা চত্থরিবা শংদাইনবা পুরক্নবা ৱারী শারিবা অসি তরাম্না ওকখি অমসুং উংখৎনরিবা অসি লোইশিনবা ঙম্নবা লম্বীদা লাক্কনি হায়না থাজবা থমখি। মহাক্না হৌজিক শান্তি পুরক্নবা হোৎনরিবশিং অসিদা প্রসিদেন্ত পুতিন অমসুং প্রসিদেন্ত জেলেন্সকীগী মরক্তা হকথেংননা ৱারী শাবনা চাউনা কান্নবা পুরক্কনি হায়না ৱাখল্লোন ফোঙদোকখি।

মন্ত্রী মোদীনা সুমীদা হৌজিক লৈহৌরিবা ভারতকী মহৈরোয়শিং অসিগী সেফতী অমসুং সেক্যুরিতীগীদমক মহাক্না নুংনাংবা ফোঙদোকখি। প্রসিদেন্ত পুতিন্না প্রধান মন্ত্রীদা ভারতকী মহৈরোয়শিং য়াওনা মীচমশিং ইভাক্যুএসন তৌবদা খুদোংচাহন্নবগীদমক হ্যুমেনিতরিয়ন কোরিদোরশিংগা মরী লৈনবা হৌজিক পাইখৎলিবা খোঙথাংশিংগী মতাংদা ব্রিফিং তৌখি।

***