ভারতকী প্রধানমন্ত্রী

ঐহাক্কী নুংশিরবা মরুপ, প্রধান মন্ত্রী স্কোত মোরিসন,

মরুপশিং,

খুরুমজরি!

ঐহাকপু সিদনী দাইলোগ হৌদোকপদা মরু ওইবা ৱারোল পীনবা হায়বীরকপা অসি ভারতকী মীয়ামগী ওইনা চাওথোকচনীংঙাই ওইরবা মীকুপ অমনি। মসি ঐহাক্না ইন্দো পেসিফিক রিজন অমসুং চাউখৎলক্লিবা দিজিতেল ৱর্ল্দদা ভারতনা লৌরিবা মরু ওইবা থৌদাং অসিবু শকখঙবীবনি হায়না লৌজৈ। মসি ঐহাক্না লৈবাক অনিগী মরক্তা লৈরিবা কম্প্রিহেন্সিব স্ত্রেতেজিক পার্তনরশিপ, রিজন অসিগী অমসুং মালেমগী অফবা ফোর্স অমা ওইরিবা অসিবু ইকাই খুম্নবা উৎপনি। ঐহাক্না অনৌবা, অরুবা অমসুং সাইবর তেক্নোলোজীশিংদা মীৎয়েং থমখিবগীদমক সিদনী দাইলোগপু ঐহাক্না থাগৎপা ফোঙদোকচরি।

মরুপশিং,

ঐখোয়না চহিচা অমদা অমুক্তা থোরকপা অহোংবা অদুগী তানফম অদুদা লৈরি। দিজিতেলগী ওইবা চহিচা অসিনা ঐখোয়গী অকোয়বদা লৈরিবা পুম্নমক হোংহল্লক্লি। মসিনা রাজনিতী, শেন্মীৎলোন অমসুং খুন্নাইগী নৌনা মশক তাক্লি। মসিনা সোভরেন্তী, গভর্নান্স, ইথিক্স, লো, রাইৎশিং অমসুং সেক্যুরিতীদা অনৌবা ৱাহংশিং হংলক্লি। মসিনা মালেমগী ওইনা অথোই-অহেন তান্নবা, শক্তি অমসুং লুচিংবা ওইবগী হীরমশিং নৌনা শেমদোক্লি। মসিনা চাউখৎপা অমসুং নুংঙাই-য়াইফবগী খুদোংচাবশিং পীরিবা অনৌবা চহিচা অমা পুরক্লি। অদুবু, মালেমনা সমুদ্র ইরোলনুংদগী সাইবর, সাইবরদগী শুন্দ্রং ফাওবদা তোঙান-তোঙানবা অকিবশিংগী ওইবা অনৌবা খুদোংথিবা অমসুং নুংঙাইনদবগী অনৌবা শক্লোনশিং মায়োক্নরি। তেক্নোলোজী অসিনা গ্লোবেল কম্পিতিসনগী অমসুং তুংলমচৎকী ইন্তর্নেস্নেল ওর্দর শেম্নবা মরু ওইবা খুৎলাই ওইরক্লি। তেক্নোলোজী অমসুং দেতানা অনৌবা খুৎলাই ওইরক্লি। দেমোক্রেসীগী খ্বাইদগী অথোইবা মপাঙ্গল অসি অথিংবা লৈতবা অসিনি। মসিগা ইরোইননা ঐখোয়না অথিংবা লৈতবা অসিবু মশাগী কান্নবা খরগীদমক লান্না শীজিন্নবা য়াহল্লোইদবনি।

মরুপশিং,

দেমোক্রেসী অমসুং দিজিতেল লীদর অমা ওইনা ভারতনা অপুনবগী চাউখৎ-থৌরাং অমসুং ঙাকশেলগীদমক পার্তনর ওইনা থবক পাইখৎমিন্ননবা শেম-শাদুনা লৈ। ভারতকী দিজিতেল রিভোল্যুসন অসি ঐখোয়গী দেমোক্রেসী, ঐখোয়গী দেমোগ্রাফী, অমসুং ঐখোয়গী শেন্মীৎলোনগী ইরোলনুংদা য়াওদুনা লাক্লি। মসি ঐখোয়গী নহারোলগী এন্তর্প্রাইস অমসুং ইন্নোভেসন অসিনা শক্তি পীখি। ঐখোয়না হৌখিবা মতমগী শীংনবশিংবু তুংলমচৎকী মাইকৈদা পুনবা খুদোংচাবা অমা ওন্থোক্লি। ভারত্তা মরু ওইবা ত্রাঞ্জিসন ৫ থোক্লি। অহানবা, ঐখোয়না মালেমগী খ্বাইদগী পাকচাউবা পব্লিক ইনফোর্মেসন ইনফ্রাস্ত্রকচর শেমগৎলি। ভারত মচা বিলিয়ন ১.৩ হেনবগী য়ুনিক দিজিতেল আইদেন্তিতী অমা লৈজরি। ঐখোয়না খুঙ্গং ১৬০০তা ব্রোন্দবেন্দ ফংহন্নবা থবক পাইখৎলি অমসুং মালেমগী খ্বাইদগী কান্নবা পেমেন্ত ইনফ্রাস্ত্রকচর, য়ু.পি.আই. লৈরি। ভারত মচা মিলিয়ন ৮০০ হেনবনা ইন্তর্নেত শীজিন্নরি; মিলিয়ন ৭৫০না স্মার্ত-ফোনশিং পাইরি। ঐখোয়না দেতা পর কেপিতাদা খ্বাইদগী চাউবা কঞ্জুমরশিংগী মনুংদা অমা ওইরি অমসুং মালেমী খ্বাইদগী হোংবা দেতাশিংগী মনুংদা অমা ওইরি। অনিশুবা, ঐখোয়না গভর্নান্স, ইনক্লুজন, এম্পাৱরমেন্ত, কন্নেক্তিবিতী অমসুং কান্নবশিং অমসুং য়াইফ-থৌরাং ফংহনবদা দিজিতেল তেক্নোলোজী শীজিন্নদুনা মীয়ামগী পুন্সিশিংদা অওনবা পুরক্লি।  মীপুম খুদিংমক্না ভারতকী ফাইনান্সিএল ইনক্লুজন, বেঙ্কিং অমসুং দিজিতে পেমেন্তগী রিভোল্যুসনগী মতাংদা তাবীরম্লগনি। হন্দক্তা ঐখোয়না তেক্নোলোজী শীজিন্নদুনা ভারতকী চাউখ্রবা লমদম অসিদা আরোগ্য সেতু অমসুং কোৱিন প্লেতফোর্মশিং শীজিন্নদুনা ভেক্সিন দোজ বিলিয়ন ১.১ হেন্না কাপ্পা ঙমখি। ঐখোয়গী মীশিং বিলিয়ন কয়া অসিগীদমক ঐখোয়না নেস্নেল দিজিতেল হেল্থ মিসন শেং চংদনা শারি অমসুং য়ুনিভর্সেল হেল্থকিয়র ফংহল্লি। ঐখোয়গী ৱন নেসন, ৱন কার্দ অসিনা লৈবাক অসিদা লৈরিবা শিন্মী মিলিয়ন কয়াদা মফম অমা হেক্তদা কান্নবশিং ফংহল্লগনি। অহুমশুবা, ভারত্তা মালেমগী ওইনা খ্বাইদগী চাউবা অমসুং খ্বাইদগী খোঙজেল য়াংবদা অহুমশুবা স্তার্তঅপ ইকো-সিস্তেম লৈ। চয়োল খুদিংগী অনৌবা য়ুনিকোর্নশিং পুথোক্লি। মখোয়না হকশেল অমসুং এজুকেসনদগী হৌরগা নেস্নেল সেক্যুরিতী ফাওবগী হীরম পুম্নমক্কী সোল্যুসনশিং পীরি।

মরিশুবা, ভারতকী ইন্দস্ত্রী অমসুং সর্ভিসেস সেক্তরশিংদা, লৌউ-শিংউ ফাওবদা চাউনা দিজিতেলগী অওনবা লাক্লি। ঐখোয়না ক্লীন ইনর্জী ত্রাঞ্জিসন, রিসোর্সশিং কন্নবা অমসুং বাইওদাইভর্সিতী ঙাকশেন্নবা দিজিতেল তেক্নোলোজীসু শীজিন্নরি। মঙাশুবা, তুংলমচৎকীদমক ভারতপু শেম-শাবদা অচৌবা থৌদাং অমা লৈ। ঐখোয়না ৫জি অমসুং ৬জি অসিগুম্বা তেলিকোম তেক্নোলোজীদা ইন্দিজিনস কেপাবিলিতীশিং হেনগৎহন্নবা ইনভেস্ত তৌরি। ভারত অসি আর্তিফিসিএল ইন্তেলিজেন্স অমসুং মেছিন লর্নিং মরু ওইনা হ্যুমেন –সেন্তর্দ অমসুং আর্তিফিসিএল ইন্তেলিকেন্স শীজিন্নবদা মাংজিল থারিবা লৈবাকশিংগী মনুংদা অমা ওইরি। ঐখোয়না ক্লাউদ প্লেতফোর্মশিং অমসুং ক্লাউদ কম্প্যুতিংদা মপাঙ্গল লৈবা কেপাবিলিতীশিং দিবেলপ তৌর।

মসি রেজিলেন্স অমসুং দিজিতেল সোভরেন্তীগী লম্বীনি। ঐখোয়না ক্বান্তম কম্প্যুতিংদা মালেমগী থাক্কী কেপাবিলিতীশিং শেমগৎলি। ভারতকী স্পেস প্রোগ্রাম অসি ঐখোয়গী শেন্মীৎলোন অমসুং সেক্যুরিতীগী য়াম্না মরু ওইবা শরুক অমনি। মসি প্রাইভেৎ সেক্তরদগী ইন্নোভেসন অমসুং ইনভেস্তমেন্ত তৌনবা থোং হাংদুনা থম্লি। ঐখোয়না হর্দৱেয়রদা মীৎয়েং থম্লি। ঐখোয়না সেমি-কন্দক্তরশিংগী মরু ওইবা মেন্যুফেকচর্র অমা ওইনবা ইন্সেন্তিব কয়াগী পেকেজ অমা শেম-শারি। ঐখোয়গী ইলেক্ত্রোনিক্স অমসুং তেলিকোমগী প্রদক্সন লিঙ্ক ইন্সেন্তিব স্কীমশিং অসিনা হান্নদগী হৌনা ভারত্তা বেজ শেমগৎনবা লোকেল অমসুং গ্লোবেল প্লেয়রশিংগী মীৎয়েং চিংশিল্লি।

মরুপশিং,

ঙসিগী তেক্নোলোজীগী খ্বাইদগী চাউবা পোত্থোক অদুদি দেতানি। ভারত্তা ঐখোয়না দেতা প্রোতেক্সন, প্রাইবেসী অমসুং সিক্যুরিতীগী অচৌবা ফ্রেমৱর্ক অমা শেমখ্রে। অদুগা মসিগা ইরোইননা ঐখোয়না দেতা অসি মীয়ামবু এম্পাৱর তৌনবা সোর্স অমা ওইনা শিজিন্নরি। ভারতনা ইন্দিবিদ্যুল রাইতশিংগী অকনবা গরেন্তীশিংগা লোইননা দেমোক্রেতিক ফ্রেমৱর্ক অমদা মসি পাংথোকলিবা অসি অতোপ্পগা লম্বা লৈতে।

মরুপশিং,

লৈবাক অমনা তেক্নোলোজী শিজিন্নবা হায়বসি মদুগী ভেল্যুশিং অমসুং ভিজনগা মরী লৈনৈ। ভারতকী দেমোক্রেতিক ত্রেদিসন অসি চহি য়াম্লে; মসিগী মতমগা চুন্নবা ইন্সতিত্যুসনশিং অসি মপাঙ্গল কল্লি। অমসুং, ঐখোয়না মতম চুপ্পদা মালেমবু ইমুং অমনি হায়না খন্দুনা লাকখি।  ভারতকী আই.তি. তেলেন্তনা গ্লোবল দিজিতেল ইকনোমী শেম্বদা মতেং পাংলি। মসিনা ৱাই২কেগী সমস্যা অদু লাকশিনবদা মতেং পাংলি। মসিনা ঐখোয়না নুংতিগী শিজিন্নরিবা তেক্নোলোজী অমসুং সর্ভিসশিংদা অওনবা পুরকপদা মতেং পাংলি। ঙসিদি মালেম পুম্বদাদা কোৱিন প্লেতফোর্ম ওপন সোর্স সোফৱেয়র অমা ওইনা লেম্না ফংহনখি। ভারতকী তেক্নোলোজী শীজিন্নবগী অমসুং মীয়ামগী য়াইফনবা পাইখৎপা পোলিসী, ইনক্লুসিব দিবেলপমেন্ত অমসুং সোসিএল এম্পাৱরমেন্ত অসিদা লৈরিবা থোইদোক হেন্দোকপা এক্সপরিয়েন্স অসিনা মালেমবু চাউখৎহনবদা চাউনা মতেং ওইগনি। ঐখোয়না লৈবাকশিং অমসুং মখোয়গী মীয়ামবু এম্পাৱর তৌনবা অমদি মখোয়দা চহিচা অসিগী খুদোংচাবশিং ফংহন্নবা মখোয়বু শেম্বী-শাবীনবা পুন্না থবক তৌমিন্নবা য়াগনি। মসি ঐখোয়গী দেমোক্রেতিক ওইবা আইদিএলশিং অমসুং ভেল্যুশিং উৎলিবা মালেমগী অসিগী তুংলমচৎ অমা শেম্বদসু মরুওই। মসি ঐখোয়গী নেস্নেল সিক্যুরিতী অমসুং প্রোসপরীতীগুম্না মরু ওই। 

মরুপশিং,

মরম অদুনা তুংলমচৎকী তেক্নোলোজীগী রিসর্চ অমসুং দিবেলপমেন্তদা পুন্না ইনভেস্ত তৌনবা; থাজবা য়াবা মেন্যুফেকচরিং বেজ অমসুং থাজবা য়াবা সপ্লাই চেনশিং দিবেলপ তৌনবা; সাইবর সেক্যুরিতীদা ইন্তেলিজেন্স অমসুং ওপরেস্নেল কোওপরেসন হেনগৎহন্নবা, ক্রিতিকেল ইনফোর্মেসন ইনফ্রাস্ত্রকচর ঙাকশেন্নবা; মীয়ামগী ৱাখল্লোন মেনিপ্যুলেত তৌবদগী ঙাকথোক্নবা; ঐখোয়গী দেমোক্রেতিক ভেল্যুশিংগা চান্নবা তেক্নিকেল অমসুং গভর্নান্স স্তেন্দর্দশিং অমসুং কাংলোনশিং দিবেলপ তৌনবা; অমসুং দেতা ঙাকশেল্লিবা অমসুং সেক্যুর ওইনা থম্লিবা দেতা গভর্নান্স অমসুং ক্রোস-বোর্দর ফ্লোগী স্তেন্দর্দশিং অমসুং কাংলোনশিং শেম্নবা” চুংশিন্নবা ফ্রেমৱার্ক অমা শেম্বা হায়বসি তঙাই ফদে। নেস্নেল রাইৎশিং শকখঙবা মথৌ তাই অমসুং, মসিগা ইরোইননা ললোন-ইতিক, ইনভেস্তমেন্ত থৌগৎকনি অমসুং মীয়ামগী অপুনবগী য়াইফনবা হোৎনগদবনি। ক্রিপ্তো-করেন্সী নত্ত্রগা বিতকোইন অসি খুদম ওইনা লৌরসি। দেমোক্রেতিক ওইবা লৈবাক পুম্নমক্না মসিদা পুন্না হোৎনমিন্নবা অমসুং মসি ঐখোয়গী নহারোলশিংবু লান্না লমজিংগদবা অরানবা লম্বীদা চৎখিদনবা হোৎনবা মরু ওই। 

মরুপশিং,

ঐখোয় অপাম্বা খনবগী হিস্তোরিক ওইরবা মীকুপ অদুদা লাক্লে। মতম অসিগী তেক্নোলোজীগী অঙকপা ফংলবা শক্তিশিং অসি কো-ওপরেসন নত্ত্রগা কনফ্লিক্ত, নফুদা নত্ত্রগা অপাম্বগী মতুং ইন্না, খুদুম চনশিনবা নত্ত্রগা চাউখৎলকপা, নমথবীবা নত্ত্রগা খুদোংচাববু ওইরে হীরমশিং অসি পুম্নমক শীজিন্নগনি।  ভারত, অস্ত্রেলিয়া অমসুং ইন্দো পেসিফিক রিজন্দা ঐখোয়গী পার্তনরশিং অমসুং মসিগী ৱাংমদসু ঐখোয়গী মতম অদু লাক্লে। অদুগা ঐখোয়না ঐখোয়গী থৌদাংশিং অদু পাংথোক্নবা শেম-শারে। সিদনী দাইলোগ অসিনা মতম অসিগী ঐখোয়গী পার্তনরশীপ অসি মরা চেৎহনবদা মতেং পাংনবা অমসুং ঐখোয়গী লৈবাকশিং অমসুং মালেম অসিগী তুংলমচৎ শেম্বগী থৌদাং পাংথোক্নবা অফবা প্লেৎফোর্ম অমা ওইরগনি।

থাগৎচরি।

***