ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা থৌবুরেল ওইদুনা ফমখিবা কেন্দ্রগী মন্ত্রী মন্দলনা ঙসি ইলিজিবল নন-গেজেতেদ রেলৱে এমপ্লোইয়ী পুম্নমক্কী (আর.পি.এফ./আর.পি.এস.এফ. পর্সোনেল য়াওদনা) ওইনা শেনবা চহী ২০২০-২১গী ওইনা নুমিৎ ৭৮গী খুৎশুমলগা মান্নবা প্রদক্তিবিতী লিঙ্ক বোনস (পি.এল.বি.) অয়াবা পীখ্রে৷

রেলৱে এমপ্লোইয়ীশিংদা পীগদৌরিবা নুমিৎ ৭৮নিগী খুৎশুমলগা মান্নবা পি.এল.বি.গী শেনফম অদু চাওরাক্না লুপা কোতি ১৯৮৪.৭৩ ওইগনি৷ ইলিজিবল নন-গেজেতেদ রেলৱে এমপ্লোইয়ীশিংদা ফংহনগদৌরিবা পি.এল.বি.গী খুৎশুমন অদু থা অমদা লুপা ৭০০০নি৷ ইলিজিবল রেলৱে এমপ্লোইয়ী অমদা খ্বাইদগী য়াম্না পীবা য়ারিবা শেনফম অসি নুমিৎ ৭৮নিগী ওইনা লুপা ১৭,৯৫১নি৷

ৱারেপ অসিদগী নন-গেজেতেদ রেলৱে এমপ্লোইয়ী লাখ ১১.৫৬রোম কান্নবা ফংলবা য়াই৷ ইলিজিবল রেলৱে এমপ্লোইয়ীশিংদা পি.এল.বি. পীবগী মওং অসি চহি খুদিংগী ওইনা দুশেরা/পুজা শুতিশিংগী মাওইননা ফংহল্লি৷ মন্ত্রী-মন্দলনা লৌখিবা ৱারেপ অসি হন্দক চহিগী ওইনসু শুতিশিং লৈত্রিঙৈগী মমাংদা পাংথোক্কনি৷

নুমিৎ ৭৮নিগী খুৎশুমল ওইনা পীরিবা পি.এল.বি. শেনফম অসি শেনবা চহি ২০১০-১১দগী ২০১৯-২০ ফাওবা পীখ্রে৷ ২০২০-২১ চহিগী ওইনসু, নুমিৎ ৭৮নিগী খুৎশুমলগা মান্নবা পি.এল.বি. শেনফম অসি রেলৱেজকী পর্ফোমেন্স ফগৎনবা হোৎনরিবা এমপ্লোইয়ীশিংবু পু্ক্নিং থৌগৎনবা মতম চানা পীরগনি৷

রেলৱেদা পীরিবা প্রদক্সন লিঙ্ক বোনস অসিদা লৈবাক পুম্বদা লৈরিবা নন-গেজেতেদ রেলৱে এমপ্লোইয়ী পুম্নমক (আর.পি.এফ./আর.পি.এস.এফ. পর্সোনেল য়াওদনা ) মনুং চল্লগনি৷

পি.এল.বি. হোৎপগী মেথর্দ:

a) ১৯৯৮-৯৯দগী ২০১৩-১৪ চহিশিংগী ওইনা (কেপিতেল ৱেতেজ অমদি স্তাফ স্ত্রেঙ্গ য়েংলগা অহোংবা খরা শেমদোক-শেমজিন তৌখিবা চহি ২০০২-০৩দগী ২০০৪-০৫ নত্তনা) ২৩.৯.২০০০দা ফমখিবা মন্ত্রী-মন্দলগী মীফমদা এপ্রুব তৌখিবা ফোর্মুলা অদুগী মতুং ইন্না পি.এল.বি. অসি পীখ্রে৷ মসিগী ফোর্মুলা অসি ইনপুত : আউতপুত্তা বেজ তৌখি, ইনপুতপুনা কেপিতেল ৱেতেজনা শেমদোকখিবা নন-গেজেতেদ স্তাফ স্ত্রেঙ্গ(আর.পি.এফ./আর.পি.এস.এফ. পর্সোনেল য়াওদনা ) যেংলগা হোৎখি অমসুং আউতপুতপুনা ইক্বেতেদ নেত তন কিলোমিতরশিং য়েংলগা হোৎখি৷

b) শেনবা চহি ২০১২-১৩গী ওইনদি, শেল-থুম মন্ত্রালয়গী অপাম্বশিং অমদি তরুকশুবা সি.পি.সি.গী রিকম্মেন্দেসনশিং অসি য়েংলগা পি.এল.বি.গী ফোর্মুলা অসি অমুক হন্না খন্নগনি হায়বা কন্দিসন অসিগা লোইননা অখন্নবা কেস অমা ওইনা নুমিৎ ৭৮নিগী পি.এল.বি. এপ্রুব তৌখি৷ লোইন-লোইননা অনৌবা ফোর্মুলা অমা শেম্নবা রেলৱে মন্ত্রালয়না কম্মিতী অমা শেমখি৷

c) ২০২০ চহিগী ফোর্মুলা অমদি ওপরেসন রেসিও(ও.আর.)দা বেজ তৌবা অনৌবা ফোর্মুলা অসিগী ৱেতেজ অসি ৫০ : ৫০গী রেসিওদা লৈরবা য়াই হায়না কম্মিতী অসিনা ফোংদোকখি৷ মসিগী ফোর্মুলা অসিনা ফিজিকেল পেরামিতরশিং অমদি ফাইনান্সিএল পেরামিতরশিংগী তর্মশিংদা য়েংলগা প্রদক্তিবিতী চাং চপ মান্ননা উৎলগনি৷ কম্মিতী অসিনা রিকম্মেন্দ তৌখিবা ফোর্মুলা অসি ২০১৪-১৫দগী ২০১৯-২০ ফাওবগী ওইনা পি.এল.বি. হোৎপদা শিজিন্নখ্রে৷

বেকগ্রাউন্দ:

পি.এল.বি.গী কন্সেপ্ত অসি ১৯৭৯-৮০ চহিদা হৌদোক্তুনা রেলৱেজনা ভারত সরকারগী অহানবা দিপার্তমেন্তেল অন্দরতেকিং ওইখি৷ মতম অদুদা মরু ওইনা খন্নখিবা অদুদি শেল-থুমগী পর্ফোমেন্সতা ইনফ্রাস্ত্রকচর সপোর্ত অমা ওইনা রেলৱেজকী য়াম্না মরু ওইবা থৌদাং অদু ওইখি৷ রেলৱে চলাইবগী ফিভম পুম্নমক য়েংলগা, ‘দি পেমেন্ত ওফ বোনস এক্ত-১৯৬৫’কা য়াম্না মান্নবা বোনস কন্সেপ্তকী মহুৎতা পি.এল.বি.গী কন্সেপ্ত অসি শিজিন্নবা হৌবা পামখি৷ পেমেন্ত ওফ বোনস এক্ত অসি রেলৱেজতা এপ্লাই তৌদবা তারবসু এক্ত অসিদা য়াওরিবা পাক চাওরবা প্রিন্সিপলশিং অসি “ৱেজ/পে সিলিং”,  ‘সেলরী’/’ৱেজ’ লেপ্পদা ইনখি৷ রেলৱেজকী পি.এল.বি. স্কিম অসি ১৯৭৯-৮০ চহিদগী চৎনবা হৌখি অমদি মসি রিকোগনাইজ তৌরবা ফেদেরেসনশিং মমিং ওইনা হায়রবদা ওল ইন্দিয়া রেলৱে মেন্স ফেদেরেসন অমদি নেস্নেল ফেদেরেসন ওফ ইন্দিয়ন রেলৱে মেনগা তাথোক-তাশিন তৌরবা মতুং অমদি মন্ত্রী-মন্দলনা অয়াবা পীরকপদগী লাকখিবনি৷ স্কিম অসিদা চহি অহুম খুদিংগী রিভ্যু অমা চত্থনবা মীৎয়েং থম্লি৷

******