பிரதமரின் தேசிய நிவாரண நிதி

1948 ஜனவரியில் அப்போதைய பிரதமர் பண்டித ஜவஹர்லால் நேருவின் வேண்டுகோளுக்கு இணங்க, பாகிஸ்தானில் இருந்து இடம்பெயர்ந்தவர்களுக்கு உதவுவதற்காக பொதுமக்களின் பங்களிப்புடன் பிரதமரின் தேசிய நிவாரண நிதி (பி.எம்.என்.ஆர்.எஃப் [ 340KB ] ) நிறுவப்பட்டது. வெள்ளம், புயல், நிலநடுக்கம் போன்ற இயற்கை சீற்றங்களில் உயிரிழந்தவர்களின் குடும்பங்களுக்கும், பெரும் விபத்துக்கள் மற்றும் கலவரங்களால் பாதிக்கப்பட்டவர்களுக்கும் உடனடி நிவாரணம் வழங்க பிரதமரின் தேசிய நிவாரண நிதியின் ஆதாரங்கள் தற்போது முதன்மையாக பயன்படுத்தப்படுகின்றன. இருதய அறுவை சிகிச்சை, சிறுநீரக மாற்று அறுவை சிகிச்சை, புற்றுநோய் சிகிச்சை, அமிலத் தாக்குதல்போன்ற மருத்துவ சிகிச்சைகளுக்கான செலவினத்தை ஓரளவு ஈடுசெய்ய பிரதமரின் தேசிய நிவாரண நிதியிலிருந்து நிதியுதவி வழங்கப்படுகிறது. இந்த நிதி முற்றிலும் பொதுமக்களின் பங்களிப்புகளைக் கொண்டுள்ளது,அத்துடன்இந்தநிதிஒதுக்கீடும்இதற்குசெய்யப்படுவதில்லை. இந்த நிதியின் தொகுப்பு பல்வேறு வடிவங்களில் பட்டியலிடப்பட்ட வணிக வங்கிகள், பிற முகமைகளில் முதலீடு செய்யப்படுகிறது. பிரதமரின் ஒப்புதலுடன் பட்டுவாடா செய்யப்படுகிறது. பிரதமரின்தேசியநிவாரணநிதி, நாடாளுமன்றத்தால் நிறுவப்படவில்லை. இந்த நிதி வருமான வரிச் சட்டத்தின் கீழ் ஒரு அறக்கட்டளையாக அங்கீகரிக்கப்பட்டுள்ளது, மேலும் இது தேசிய காரணங்களுக்காக பிரதமர் அல்லது பல பிரதிநிதிகளால் நிர்வகிக்கப்படுகிறது. பிரதமர் அலுவலகத்திலிருந்துஇதன்நிர்வாகம் செயல்படுகிறது. வருமான வரிச் சட்டம், 1961-ன் கீழ் பிரிவு 10,139 ஆகிவற்றின்கீழ் விலக்கு அளிக்கப்படுகிறது. வருமான வரிச் சட்டம், 1961-ன் பிரிவு 80 (ஜி)-ன் கீழ் பிரதமரின்தேசியநிவாரணநிதி பங்களிப்புகள் 100% வரிவிலக்குஉடையவை. பிரதமருக்கு கௌரவ அடிப்படையில் அதிகாரிகள் / பணியாளர்கள் உதவுகிறார்கள்.

பிரதமரின்தேசியநிவாரணநிதியின் நிரந்தர கணக்கு எண் XXXXXX637Q
பிரதமரின்தேசியநிவாரணநிதி தனிநபர்கள் மற்றும் நிறுவனங்களின் தன்னார்வ நன்கொடைகளை மட்டுமே ஏற்றுக்கொள்கிறது.
அரசின் வரவு செலவுத் திட்ட ஆதாரங்களிலிருந்தோ அல்லது பொதுத்துறை நிறுவனங்களின் இருப்புநிலைக் குறிப்புகளிலிருந்தோ வரும் பங்களிப்புகள் ஏற்றுக்கொள்ளப்படுவதில்லை. நிபந்தனைக்குட்பட்ட பங்களிப்புகள், நன்கொடையாளர் ஒரு குறிப்பிட்ட நோக்கத்திற்காக தொகை என்று குறிப்பாக குறிப்பிடும்போது, அவை நிதியத்தில் ஏற்றுக்கொள்ளப்படாது.

நன்கொடையாளர் நேரடியாக பிரதமரின்தேசியநிவாரணநிதியை, வங்கிகளில் வைப்புசெய்தால், 80 (ஜி) வருமான வரி ரசீதுகளை விரைவாக வழங்குவதற்காக முழுமையான பரிவர்த்தனை விவரங்களை அவர்களின் முகவரியுடன் இந்த அலுவலகத்திற்கு pmnrf[at]gov[dot]in என்ற மின்னஞ்சல் மூலம் வழங்குமாறு அறிவுறுத்தப்படுகிறார்கள்.

பணம்/காசோலை/கேட்பு வரைவோலை மூலம் நன்கொடை செலுத்துவதற்கான படிவத்தைப் பதிவிறக்கவும் [ 25KB ] .

ஆன்லைன் நன்கொடை செய்ய இங்கே கிளிக் செய்யவும்.

கடந்த பத்து ஆண்டுகளுக்கான வருமானம் மற்றும் செலவின அறிக்கை கீழே கொடுக்கப்பட்டுள்ளது:-

ஆண்டு	மொத்தவருமானம் (புதியபங்களிப்பு, வட்டிவருவாய், திருப்பிச்செலுத்துதல் (ரூ.கோடியில்)	மொத்தசெலவீனம் (கலவரங்களுக்கானநிவாரணம், வெள்ளம், வறட்சி, நிலநடுக்கம், புயல், சுனாமி, மருத்துவம்(ரூ.கோடியில்)	இருப்பு(ரூ.கோடியில்)
2013-14 (A) (View Receipt and Payment Accounts) [ 546KB ]	577.19	293.62	2011.37
2014-15 (A) (View Receipt and Payment Accounts) [ 331KB ]	870.93	372.29	2510.02
2015-16 (A) (View Receipt and Payment Accounts) [ 557KB ]	751.74	624.74	2637.03
2016-17 (A) (View Receipt and Payment Accounts) [ 521KB ]	491.42	204.49	2923.96
2017-18 (A) (View Receipt and Payment Accounts) [ 522KB ]	486.65	180.85	3229.76
2018-19 (A) (View Receipt and Payment Accounts) [ 20KB ]	783.18	212.50	3800.44
2019-20 (A) (View Receipt and Payment Accounts) [ 65KB ]	814.63	222.70	4392.97
2020-21 (A) (View Receipt and Payment Accounts) [ 729KB ]	657.07	122.70	4927.34
2021-22 (A) (View Receipt and Payment Accounts) [ 940KB ]	805.38	175.89	5556.83
2022-23 (A) (View Receipt and Payment Accounts) [ 196KB ]	641.58	241.91	5956.50